150 ამბავი ალექსანდრე ორბელიანზე

by Rostom Chkheidze

საქართველოს ეროვნულ-განმათავისუფლებელი ბრძოლის ორსაუკუნოვან ისტორიაში უმნიშვნელოვანეს ფიგურად გვევლინება ალექსანდრე ორბელიანი. მისი სახელი 1832 წლის შეთქმულებას უკავშირდება. სწორედ ის იყო შეთქმულების ერთ-ერთი სულისჩამდგმელი, ისევე, როგორც თავის ეპოქაში თავისუფლებისთვის ბრძოლის სულისკვეთების გამღვივებელი და სიკვდილამდე ამ იდეის ერთგული.

150 ამბავში ცოცხლდება მე-19 საუკუნის დრამატული ისტორია – პერსონაჟებით, იმედითა და უიმედობით, ღალატითა და თავგანწირვით. ცოცხლდება ტრაგიკული გმირის სახე, რომელიც ფატალური ცხოვრებით, დაუცხრომელი ბრძოლის ჟინით და ღირსებით ძალიან ჰგავს თავისივე ქვეყანას. ეს ქვეყანა დღემდე იბრძვის რუსული იმპერიის წინააღმდეგ და ამ ხანგრძლივ ბრძოლაში გამოჩენილ გმირთა დავიწყება დამარცხებასაც ნიშნავს.

344 pages

Published January 1, 2021

Reviews

[Natia Morbedadze · Rating 4 out of 5]

1832 წლის აჯანყებისა და იასე ფალავანდიშვილის მიერ მისი გაცემის ამბავი ყველამ ვიცით, თუმცა ამ წიგნში უამრავ საინტერესო და მნიშვნელოვან დეტალს ვიგებთ რუსეთის მიერ საქართველოს პირველი ოკუპაციის, აჯანყების მზადებისა და მისი ჩაშლის (აქ ერთი დეტალია საგულისხმო - განსხვავება მეფის რუსეთისა და საბჭოთა რუსეთის დასჯის მეთოდებს შორის) შემდგომი პერიოდის შესახებ. უფრო ახლოს ვიცნობთ ალექსანდრე ორბელიანს (და კიდევ სხვა სამშობლოსთვის თავდადებულ თუ რუსეთის მონობას დათანხმებულ ქართველებს), რომელსაც, სამწუხაროდ, სათანადო ყურადღებას არ ვაქცევთ. არადა, დღეს სადღა არიან ასეთი ადამიანები... იმედია მალე მესამედაც შვასრულებთ მის ანდერძს და უკვე საქართველოს საბოლოო გათავისუფლების ამბავს მივიტანთ მის საფლავთან...