حواديت تسويقية-ج1

by Mostafa Nawarg

بحاضر في جامعات كتير لطلبة ماجستير ودكتوراه ادارة الأعمال؛ ودايما يقولولي: كنا بنكره التسويق!! والله معاهم حق: أسلوب جاف .. تعريفات نظرية مملة .. أمثلة من الدول الغربية لمنتجات ما سمعناش عنها. كل الناس محتاجة تفهم تسويق .. سواء طالب أو صاحب شركة .. وتعرف دوره في تاريخ الأمم؛ واندلاع الحروب؛ بل وخدمة الأوطان بس مش كلهم عندهم نَفَس يحضروا 120 ساعة بنشرح فيهم التسويق فكان الحل: اننا نقدم وجبات تسويقية سهلة الهضم والفهم، على صورة حواديت ينفع يتعلمها حتى الأطفال، كل حدوتة بتناقش مبدأ حديث وهام جدا من مبادىء التسويق، نتعلم منها ازاي نطبق المبدأ ده على شغلنا وف شركاتنا. كل جزء من "حواديت تسويقية" هيشرح 13 عنصر رئيسي في إدارة وتخطيط التسويق .. وكل عنصر هنشرحه بحدوتة

Genres: Audiobook

61 pages, Kindle Edition

Published April 19, 2021

About the author

English Below

دكتوراه في التسويق - صيدلي
مؤلف سلسلة مراجع: إدارة الأعمال بالعامية المصرية – دار المعارف
محاضر لباحثي ماجستير ودكتوراه إدارة الأعمال
مدرب إقليمي للشركات (الأكاديمية البحرية – لوجيك - كوكاكولا مصر – سامسونغ العراق – أطلس السودان – الاتصالات اليمنية - تداوي الإماراتية – الخرافي الكويتية – الهيئة الملكية بالسعودية)
عضو مجلس إدارة مجموعة فارما ايمدج
رئيس قسم الاستشارات التسويقية بأكاديمية اعمل بيزنس
عضو هيئة تدريس بوزارة قطاع الأعمال
مدير تسويق سابق بالسعودية (ايزيس الدوائية السويسرية – مطاعم سينابون الامريكية)
مدير تنفيذي سابق (اكس تشينج للتجارة الدولية والتوكيلات التجارية)

محاضر ماجستير ادارة الاعمال
جامعة بوسطون – جون سالستون البريطانية – يوروبيان بيزنس سكول – بروكلين بيزنس سكول – برمنجهام كولدج – جامعة المستقبل – بلوم بيزنس سكول – الأكاديمية الدولية السويسرية
اعمل بيزنس – جمعية المستثمرين بالعاشر – ايماك – يات – ان جي سي – ليوبارد – تشينج انترناشونال – اتش بي آيه – ايجي تشام – الأكاديمية الكندية – كمبيوتك – آي سي إي مينا – آي بي اس – تراينوفيشن

مدرب دولي معتمد للشركات
الاكاديمية العربية للعلوم والتكنولوجيا والنقل البحري – لوجيك ترايننج
كوكاكولا (مصر) – سامسونج (العراق) - تداوي الإماراتية – الخرافي الكويتية – خرائط أطلس (السودان) – هوم سنتر (الامارات) – بتروبل (حقل ظهر) – فوسفات مصر (أبو طرطور)
وادي دجلة - شمس العقارية – مطاوع جروب (بلوبلو / لافيدا) – جي اي جي للعقارات
اطلب.كوم - صافولا – ارما (كريستال) – ألكان القابضة – يوسف علام – ليوني الالمانية للكابلات (جاجوار) – شركة ادارة القرى الذكية المصرية – البريد المصري
الحكمة الدوائية – جلوبال نابي – فارماليز – بيوديرميس – براندز لمستحضرات التجميل – ميرز فارما
سينوبيكس للبترول – إكولاين للشحن - معامل تحاليل أنيس السعودية – سمارت جيم

مدير تسويق سابق بالسعودية
ايزيس الدوائية السويسرية – مطاعم سينابون الامريكية

مدير تنفيذي سابق
اكس تشينج للتجارة الدولية والتوكيلات التجارية

استشاري اعداد الخطط التسويقية
حلواني اخوان – بورتو السخنة – انكام ماركيتنج – ميديا دايناميكس – ميديا آر – كينوود – اندومي – الحجاز للسيراميك – مصر للتأمين – السندس لمانعات الصواعق – بايام الارجينتينية – الليثي لتجهيزات المطاعم – الفرعونية الدوائية – حزب مستقبل وطن 2015 – راينبو للقرى السياحية – بيوتي صالون الهنوف السعودية – الوطنية لمحطات تحلية المياه

استشاري تطوير الأعمال وتخطيط الاستراتيجيات
مصر: وزارة قطاع الأعمال (مركز اعداد القادة) – وزارة الإنتاج الحربي - وزارة الاتصالا– وزارة المالية
دوليا: وزارة البترول السودانية – وزارة الاتصالات اليمنية – وزارة الكهرباء السعودية – وزارة الداخلية السعودية – الهيئة الملكية بالجبيل


Doctorate in Marketing, Pharmacist
DBA, MBA Instructor
Author at Dar El-maaref
Senior Regional Corporate Trainer (AAST)
Marketing Consultation Head at E3mel Business
Franchising, Export & International Marketing Consultant
Board Member at Pharma Image
Ex-Marketing Director at KSA (Cinnabon – ISIS Cosmeceutical)
CMMP (Certified Marketing Management Professional)
MBA Instructor (Marketing / Int’l Business Modules)
Boston University – John Saluston UK – Birmingham College UK – Victoria Business College – European Business School – Future University in Egypt - Royal British College – Bloom Business School – International Business Academy of Switzerland – Egyptian Cultural Center

E3mel Business – EMAK – YAT – Canadian Academy – Brooklyn Academy – NGC – Leopard Egypt – Misr Academy – Computek – ICE MENA - Change International – hpa – Elements - IBS – Trainnovation
Senior Regional Corporate Trainer & Counselor
Arab Academy for Science & Technology & Maritime Transport – LOGIC Training
Regional: Coca Cola (Egy) – Samsung (Iraq) - Atlas Mapping (Sudan) - Alkharafi (Kuw.) –Tadawi (UAE) – Home Center Retail (UAE) – Petrobell (off Eini Oil) – Misr Insurance
Real Estate: Wadi Degla - IGI Real Estate – SHAMS Real estate – Blue Blue Village
Pharma: Hikma Pharma – Global Napi Pharma – Merz Pharmaceutical (Botox Substitute) - Pharmalyse Laboratories – Brands cosmeceutical – Epidermis
Others: Delivery Hero (Otlob.com) – Alex Bank - Phosphate Misr (Abou Tartour) – Savola -
RAMA for Oil – Alkan Holding – Youssef Allam – Egy

Reviews

[Ahmed Gohary · Rating 4 out of 5]

كتاب صوتي بالعامية المصرية علي ستوري تيل

الكتاب عن حكايات في مجال التسويق تبدو للوهلة الاولي غريبة لكن مع شرح الكاتب لنظريات التسويق المختلفة تدرك انها طبيعية جدا

[مي مجدي · Rating 4 out of 5]

كتاب لطيف جدا كبداية للقراءة في علم التسويق من خلال تناول مجموعة من قصص نجاح وفشل بعض العلامات التجارية الشهرية، مقدمة بأسلوب سهل وبسيط.

[Ahmad El-Saeed · Rating 5 out of 5]

يتحدث الكتاب عن التسويق والقصص التسويقية

[محمد مصباح · Rating 4 out of 5]

دروس مفيدة في التسويق، يمكن تطبيق بعضها عمليًا على مشاريع مختلفة.

[سارة محمد سيف · Rating 5 out of 5]

ستوريتيل.. ما هذا الجمال!
أجمل سلسلة صوتية، أسلوب رائع، موجزة وجذابة حد التشويق.. كنت احترق شوقًا للبقاء وحيدة لمتابعة الاستماع إليها ❤️

[سارة shaalan) · Rating 5 out of 5]

استمعت إلى الجزء من خلال" راديو ثمانية"، والحقيقة كنت مستمتعة جدًا بكل حدوتة من الحواديت 13 الموجودة في الكتاب. طريقة السرد مميزة ولطيفة وده انعكس على سهولة فهم القصص. بالإضافة ان الكاتب قدم تحليلًا دقيقًا لبعض الشركات وإعلاناتها، مع توضيح أسباب النجاح والفشل، وطرق التفكير وفهم العميل واستغلال أبحاث السوق بشكل صحيح لتعزيز مكانتك وحصتك السوقية. استفدت كثيرًا وفهمت أسباب سلوك الشركات المحللة وأسلوب إعلاناتها.

دلوقتي هسرد بعض الأجزاء التي تم تناولها والتي تمتزج ببعض من آرائي اللي ممكن تكون مش مهمة بالنسبالك كقارئ للريفيو ده لكنها مهمة لربط الحلقة بحياتي المهنية؛ ليكون من السهل عليا الرجوع إليها ومراجعتها فيما بعد:

الحدوتة الأولى: شركة نستلا ودرس حول كيفية توفير أشياء بسيطة للغاية ربما يؤثر في عملية التشغيل والمبيعات و السعر النهائي للعميل. وهنا الكاتب بيتكلم عن ذكاء شركة دساني للمياه في التوفير وازاي قدرت شركة نستلا تحاول تعوض المنافسة في السوق وهنا قال كلمة عظيمة " إذا استطعت أن تبتكر فهذا رائع، ان لم تستطع فقلد" وهنا في مشكلة الشركات واحنا كأفراد في حياتنا بنقع فيها وهي اننا بنكون عايزين ننافس ونعمل شيء مبتكر جدًا وأوقات كتير الابتكار إما بيكون مكلف جدًا علينا كأشخاص وشركات أو بيكون ابتكار بلا قيمة من ناحية العملاء و البشرية.

الحدوتة الثانية: أهمية أبحاث السوق لفهم العملاء و الشريحة المستهدفة والسوق نفسه. في شركات كثيرة جدًا بتهمل النقطة دي، في الأغلب بيدخلوا على طول على خطوة انشاء الاستراتيجية والإعلانات وفي بعض من الشركات يعني بتعتمد فقط على الأبحاث الثانوية و بعض أرقام واحصائيات من الانترنت و بارك الله فيما رزق، لكن الحقيقة ده بيخلي شركات كتير تلبس في الحيطة ويا أما تفشل أو معدل مبيعاتها بتكون ثابتة وده اللي حصل مع "شركة السيراميك" اللي الكاتب بيحكي عنها انه كان في تخيلاته شيء عن الشريحة المستهدفة وتصرفاتهم و طريقة اختيارهم للسيراميك وعلاقة الفلوس والتوفير بعملية الشراء ككل، لكن اللي حصل كان مختلف تمامًا عن اللي توقعه وهنا الكاتب بيأكد ان الحدس والذكاء محتاجين لأدلة لاثباتهم عشان تقدر تمشي صح وتختار الوسيلة المناسبة اللي هتساعدك على النجاح.

الحدودتة الثالثة: وهنا بيتكلم عن ازاي قدرت "ماونتن فيو" توصل رسالتها للجمهور المستهدف ببساطة وازاي فكرت في إعلان "هالك" من خلال اتباع التسلسل المنطقي في التفكير وهو: 1. تحديد من هم العملاء - 2. موجودين فين عشان أقدر أستهدفهم - 3. ايه هي المشكلة بتاعتهم؟ - 4. ازاي هقدر أحلها؟ وهنا بشكر الكاتب جدًا على تحليله للإعلانات دي كلها لأن حتى لحظة سماع البودكاست، كانت فكرة الإعلان مش واضحة بالنسبالي ليه استخدم " شخصية هالك" كانت التحليلات في محلها واستمتعت بيها وعرفت ليه الإعلان كان في الاتجاه ده.

الحدوتة الرابعة: ركز على المميزات اللي عندك طيب لو عندي ميزة واحدة تعمل ايه؟ وده اللي شرحه من خلال تفاصيل إعلانات شركة جلاكسي وقد ايه هي مهتمة " بالنساء" يعني من بداية الغلاف اللي على شكل شريط من الحرير، وإعلانات السعادة و المسابقة اللي عملوها وازاي فشلت في البداية فشل ذريع.

الحدوتة الخامسة: ايه الصفة اللي عايز العملاء يوصفوا العلامة التجارية بتاعتك بيها؟ هل الأقرب؟ هل الأرخص؟ هل الأسرع؟ أم أنك علامة تجارية بتوفر ليهم كل اللي محتاجين ليه وبتعمل اللي على مزاجهم؟ يعني مثلا بفضل الساندوتش بطماطم وفراخ بدون خس هتلاقي الساندوتش زي ما طلبت بالظبط.

الحدوتة السادسة: مشكلة الأمس واليوم وغدًا والسنة القادمة، وهي التغذية الراجعة أو زي ما بنقول عليها Feedback العميل. وهنا ناقش نقطة مهمة جدًا انه مفيش عميل مقرف ولا غبي ولكن هو مش عارف يوصف المشكلة كويس او ممكن يقول حاجات انت عمرك مش هتصدقها عشان كده لازم تحلل كل كلمة بيقولها ولازم تعيش التجربة بدماغه مش بدماغك وبنفس إطار يومه عشان توصل للحل وده اللي حصل بالظبط مع شركة العربيات وزي ما قال الكاتب ان لو كان هنا في مصر الشكوي دي كانوا قالوا عليها معمول ليه عمل، عشان كده شركة العربيات عرفت المشكلة اللي عندها وفهمت ليه العربيات بتاعتهم بتحب الفانيلا ومش بتحب الشكولاتة 😂😂😂 وده لأن الفانيليا في بداية الماركت فالعمل يدوب بينزل يشتري ويرجع من غير ما يطفي العربية على عكس الشكولاتة اللي في آخر الماركت اللي ببضطر فيها العميل انه يطفي العربية وهنا كان العربية فيها مشكلة وهي انها لازم تبرد قبل ما تشتغل تاني. تقريبًا دي أكتر حدوتة دخلت قلبي ❤️❤️

الحدوتة السابعة: امتى تعتمد " استراتيجية الخسارة" وتعمل تسعير أقل من التسعير الأصلي لو أنت فاتح هايبر أو سوبر ماركت مثلا؟ هي دي قريبة شوية من استراتيجية الخطاف Bait and hook يعني مثلا انزل ماكينة حلاقة بسعر قليل ولكن الشفرات غالية لأنك كده كده كعميل هتشتريها وهيكون محتاجها... يعني مثلا في السوبر ماركت ده هو عمل عرض علي منتج معين لكن صاحب السوبر ماركت عارف كويس قوي انك مش هتشتري منتج واحد بس لكن وانت بتشتري هتفتكر أن البيت ناقص حاجة وبكده هتشتري في حاجات كتير يعني هو كسب وحقق اللي هو عايزه وقدر يجذبك، والقصة دي بتوضح بشكل تفصيلي آلية عمل الهايبر والسوبر ماركت في تنظيم العروض والمنتجات.

الحدوتة الثامنة: تاني حدوتة تدخل قلبي ❤️ كلنا طبعًا عارفين كوكاكولا وسينا كولا 😂 لكن بصراحة نايل كولا دي كانت جديدة قوي عليا وأول مرة أسمع عنها بصراحة بس بصراحة هي عملت استراتيجية أنا دايمًا بنادي بيها وبحب أقولها لأي حد، خاصة الناس اللي بتفتح الكافيهات و المطاعم اليومين دول، كل بيزنس بيدفع فلوس كتير قوي في الدعاية والإعلانات وأيام افتتاح ببلاش و مصاريف كتير، طيب هل انت عارف العائد بتاعك ده هترجعه ازاي؟ طيب هل درست الشريحة كويس وعرفت هيكون ايه تصرفهم تجاه أسعار المنيو بعد أيام الافتتاح المجاني؟ بيكون الإجابة هي "لاااااااا" والمطعم إما الإرادات قليلة قوي وبيحاول ينجو بالعافية أو يقفل في الآخر. طيب هي نيل كولا عملت ايه بقي 🤔 هي درست الشريحة بتاعتها كويس في الصعيد وعرفت ان المبيعات أصلا بتاعه كوكاكولا هناك منخفضة بسبب الفقر في الأماكن دي، هنا هي عملت حاجة مختلفة جدًا هي معملتش إعلانات أصلا ليه؟ عشان توفر تكاليف الإنتاج وهنا تقدر انها تبيع المنتج بسعر قليل جدًا يصل ل ٤ جنية ل ٢ لتر وبكده كل الناس تقدر تشتريه ويغزو الصعيد.

الحدوتة التاسعة: حدوتة عادية بس هي بتوضح فقط أن الأشخاص يتخذون قراراتهم بناءً على عوامل عاطفية أكثر منها منطقية؛ لذا هم يحتاجون إلى رواية القصة الجذابة.

الحدوتة العاشرة: بحب قوي النوع ده من المشكلات اللي بتواجهها أي براند لما بتحاول تخرج بره السوق الأصلي بتاعها وتتوجه عالميًا وبيقابلها مشكلات في الثقافة و ترجمة الاسم أو ما يسمي ب " Localization" . هنا موتورز
كان عندها عربية اسمها "نوفا" وكانت عربية جامدة بل سموها العربية الاسطورية عشان كده الشركة كانت عايزة انها تبدأ تصدر العربية وفعلا بدأت لكنها لما راحت أمريكا اللاتينية لأنهم بيتكلموا اسباني العربية محدش اشتراها طيب ليه؟؟؟ وده عشان ترجمة الاسم بالاسبانية  " لا تسير" 😂😂😂، ازاي هيكون اسمها كده وأنا هشتريها؟ طبعًا في كوارث بتكون أكتر من كده يعني ربنا ستر وانها كان ترجمة الاسم نفي لصفة في السيارة، أحيانا بتدل على معاني مسيئة للثقافة و الديانة. الحدوتة دي حبتها برضه ❤️❤️

الحدوتة ال11: معروف عن شعار شكولاتة كيت كات " خد لك بريك خدلك كيت كات"، لكن اللي حصل في اليابان لما الشركة حبت تتوسع غير كده خالص مكنش بريك ولا سعادة ولا كلام من ده بل بالعكس لما نزلت هناك فشلت فشل ذريع طيب ليه؟ لان اللون الأحمر اكتشفوا انه مرتبط بالحرب والموت والدم في الثقافة اليابانية وطبعًا اللون هو أحد العناصر الأساسية في تكوين الصورة الذهنية عند العميل. هنا الشركة عملت حركة صايعة وقالت أنا مش هغير اللون ولكنها عملت مسلسل تلفزيوني اتزاع لمدة اربع سنوات عشان يغير مفهوم اللون الأحمر من الحرب والدم الي الحب والرومانسية وللانجازات لكنهم فشلوا فشل ذريع برضه. عادي مش عشان شركة كبيرة مش هتفشل يعني 🤔😂😂😂
طيب ازاي نغير اللون من غير ما نغير الصورة الذهنية. هنا عملوا أبحاث ايه أكتر حاجة بيحبها الشعب الياباني في الأطعم ولقوا انه الشاي الأخضر، وعملوا شكولاته بطعم الشاي الأخضر وهنا كان مبرر جدًا انه يغير اللون الي الأخضر وهنا كسرت الدنيا واتعلمت الدرس كويس وبدأنا ينزلوا أطعم مختلفة وكل و��حد له غلاف وهنا نجحوا جدا في ده وتماشوا مع الثقافة اليابانية. في شركات كتير ممكن تقول انه خلاص مش هغير أو أمشي لكن هنا كان التغيير مبتكر ومبرر.

الحدوتة ١٢: هنا برضه شرح ليا فكرة إعلانات مساحيق الغسيل اللي كنت بتفرج عليها و بالنسبالي عادي ايه الفرق في مسحوق الغسيل ده عن غيره، يمكن عشان لسه مش ست بيت و مسؤولة فالموضوع مش لامسني قوي ومش هيفرق معايا. لكن عجبني لما شرح الفرق بين الحاجة والدافع وتأثيرها على الإعلانات هنا يا تري الست عايزة غسلها يكون نضيف ليه؟ وهنا عملوا إعلانات بتحدد السبب واحد عشان حماتي تحبني ، جيراني يشفوني شاطرة، جوزي يشوفني موفرة، ولادي يكونوا نضاف.

الحدوتة 13 والأخيرة: اللي فات ده حماده و الحدوتة دي بالنسبالي حماده تاني خالص 😂😂😂. هنا شرح ازاي تقدر انك تكسب مع المنافس الغير مباشر وده الأصعب بس هنا في كومباوند دجلا بالمز كانت الفكرة سهلة لدرجة الصياعة 😊😊 يعني أنا في كومباوند محتاج فلوسك عشان تحجز عندي، طيب أنت كراجل فلوسك بتروح فين؟؟؟ طبعًا الحمد لله الرجالة ليهم جهات محددة وهي القهوة و العربية و الالكترونيات و من هنا كانت فكرة الإعلانات و الشعار بتاع الحملة " الشقة في جيبك" بس هو عايز يقول " الشقة في جيبك وانت بتضيع الفلوس على حاجات ملهاش لازمة يا موكوس 😂😂"

هاخد هدنة كام يوم واسمع باقي الأجزاء؛ لأني استفدت كتير جدا وشكرا للكاتب على الجزء ده.

[Ehab Fathy · Rating 5 out of 5]

مجموعة مقالات فى غاية الروعة وفتحت عقلى على اساليب جيدة فى التعامل التسويقى
قد لا احتاج لها لان التسويق ليس مجال عملى ولكن الاطلاع على تلك الحيل وطرق حل المشكلات ممتع لاقصى حد
استمعت الى الكتاب صوتى
كل الشكر لstorytel

[Yomna Seddik · Rating 5 out of 5]

عظمة عظمة عظمة ❤❤❤
عايزاه يفضل دايما موجود في أعلى رف من ذاكرتي وعقلي الواعي واللاواعي عشان أفضل مستفيدة منه في كل خطوة بخطوها.
متحمسة للأجزاء التانية.
شكرا د. مصطفى. 🌸🙏🏼

[Thikrayat Al-aradi · Rating 4 out of 5]

كتاب خفيف لطيف وممتع، يوصل الفكرة بطريقة مبسطة جداً ويروي لك تجارب واقعية للشركات الكبرى.

انصح بقرائته

[Samia Jasouma · Rating 4 out of 5]

حودايت تسويقية
مصطفى نوارج

أنا لا أعمل في مجال البيع و لا التسويق و لا التجارة، و لكني أحبهم، استمعت من خلال ستوري تيل إلى جميع الأجزاء، و كانوا جميعهم ممتعين، خفاف نظاف على قولتنا، ربما لأني معرفتي سطحية و لو كنت أعمل في المجال سأرى أنهم للمبدئين، و لكني استمتعت بالاستماع لهم، و أنصح بهم .

[Mohamed Al-ibrahim · Rating 3 out of 5]

قصص جميلة عن الشركات الكبيرة و بعض المشاكل

[Taher Bellah · Rating 5 out of 5]

رائع

[محمد عبدالعظيم · Rating 4 out of 5]

كتاب خفيف ومسلي فلو حد بيقرأه مش بهدف تعلم التسويق فهو ينفع جدا برضو لأنه عبارة عن 13 قصة حقيقية دمها خفيف وبتوصل أو بتشرح فكرة ما
اتبسطت وهكمل باقي السلسلة على طول

[Omar Hussain · Rating 4 out of 5]

السهل الممتنع

[Mohamed · Rating 5 out of 5]

اسلوب بيسط و مسلي لاوضاح الافكار

[محمد بن هشام · Rating 5 out of 5]

تسويق بالعامية

[Demian Matta · Rating 4 out of 5]

كتاب جميل بيحكي عن استراتيجيات التسويق من خلال قصص مرت بيها شركات كبيرة وازاي قدرت تواجه مشكلاتها وتحلها بذكاء وتزود من مبيعاتها وقيمتها في السوق.

[Khaled Torkmani · Rating 4 out of 5]

قصص تشرح بعض نظريات التسويق
فيها عبرة وحكمة