Bach

by Franco Loi

149 pages, Unknown Binding

Published March 21, 1986

Reviews

[Gianluca · Rating 4 out of 5]

Serum nel cör del mund, e sèm andà
due van i treni e van i nost penser...
Se dìsfum, 'me ne l'aria, se fèm nient,
el cör l'è matt, suspìren i recòrd,
sèm bèj cume la föja che se lassa
dal vent purtà nel vent a la sua sort. (p. 63)

Ti piassa, semper quèla, semper d'erga,
aqua del ciel che vègn sensa pecâ,
bèj strâd antìgh, e növ, pien de passiensa,
sì nient, fì squas pèna, chì, a Milan...
L'è cume stà a teater, sü la scèna,
quan' che de lègn se spèta el recità,
l'è cume chì nel mund, quan' che la lüna
se ciama nott e amur g'à de rivà...
Mia piassa lì bagnada, sgussurenta,
àrbur sens'ànema, strâd sdementegâ,
vardìla 'me l'è funda la tristessa!
cume l'è nott el su, vöja Milan! (p. 75)

E quanti volt, se passi cunt un trenu,
vedi là 'l mund e vurarìss fermàss,
e là mì caminà tra i câ de prèja,
furesté aj òmm, e tra de lur cercàss...
Tra lur cercà come se cerca un diu,
cume se lur g'avèssen 'na nutuissia,
o la memoria, o, forsi, el tradiment...
Ma perchè scend? In trenu sun nient olter
ch'un'ànema che fiada, un spègg de lur.
Se cerchi e cerchi, truvarù nagott,
o forsi i nost dulur, forsi la mort. (127)