Passju

by Sharon Calleja

Ir-riħ li kien ġej mit-tramuntana, kien kessaħ kullimkien u kien qed iġorr miegħu kull xorta ta’ mbarazz li kien ġabar minn irkejjen imwarrba, postijiet abbandunati u oħrajn minn fuq xi bankini fejn kienet għaddejja l-ħajja soċjali notturna. Deher il-bieb ta’ darha jitbexxaq. Figura kemmxejn abbattuta, dehret tixref ‘il barra.
Eva.
Fejn kienet sejra? Għalfejn kienet tmur bil-mixi sal-palazz kull filgħaxija? X’konnessjoni kellu l-passju?
L-istorja teħodna fi żmien it-Tieni Gwerra Dinjija f’Malta u fl-Uganda, fejn niltaqgħu ma’ Eva u l-imħabba ta’ ħajjitha s-Surġent Maġġur Christopher Michael Steward. Naraw sa fejn tasal l-għira tal-ħabib tagħha Bastjan.
Min kien il-Kurunell Philip Ryce? U x’pjan jitfassal ħalli l-imħabba ta’ bejn Eva u s-Surġent Maġġur titkisser?
Wara li jibdlulha l-apparenza, Eva tispiċċa spija fuq il-Brigadier Frederick Ralph Henson u tgħix ħajja li mhix tagħha.
Imma x’jiġri xħin tinkixef il-verita? Tgħid is-Surġent Maġġur kien verament mejjet? Min kien dak is-suldat misterjuż li kien salvalha ħajjitha? U x’jiġri dakinhar tat-tieġ tagħha?
Dan ir-rumanz huwa rakkont drammatiku b’element senswali u xi ftit sopranaturali li jdaħħlek f’intriċċi li jqanqlulek kurżita sa’ xħin finalment tinkixef il-verita. Imma x’inhi l-verita?
Passju.......x’inhi l-vera mħabba?

381 pages, Paperback

Published April 20, 2021

Reviews

[Roberta Curmi · Rating 5 out of 5]

5+ stars
Meta nisma' li l-awtriċi Sharon Calleja se tippubblika ktieb jaqbadni bħal ġenn sħiħ li nkun irridu dak il-ħin.

Il-Kitba tagħha hija wisq bellezza, anki kif inhi mqassma l-kitba tagħha fil-kotba, qisha ittik nifs bejn sentenza w oħra mhux tara paġna li lanqas space jew linja vojta ma tara. Hekk vera ferm aħjar narah il-qari.

Mil-bidu li tibda taqra dan il-ktieb, mill-ewwel jiġbdek u tintilef fl-istorja tiegħu. Dettalji wisq huma iddettaljati u wisq iġġagħlek tidħol fl-istorja speċjalment meta jkun bħal dan fi żmien il-Gwerra Dinjija.
Insomma m'hawnx kliem biżżejjed biex infaħħar lil din l-awtriċi bravissima, u dan il-ktieb, għax bħal ma huma l-kotba li ħarġet qabel dan, huma kollha 5star reads.

Grazzi tal-kitba splendida tiegħek Sharon Calleja.

[Tiziana · Rating 3 out of 5]

F'dan il-ktieb niltaqaw ma Eva, li sfortunatament kellha xortiha hażina. Destin li qatt ma basret li se jkollha. Imma għal Bastjan, dejjem ħaseb li se jkollu dak li dejjem xtaq u li kellu f'mohhu. Imma kollhu ta xejn, ghax fl aħħar ta dan il ktieb nindunaw kemm l imhabba vera, hija imhabba ghamja.

Ktieb mimli imhabba, gwerrer u taqtieh in nifs

3.5 ⭐