حكايات من غرفة الإعدام

by دينا عماد

حكايات لأناس طبيعين عاشو حياة عادية انتهى بهم الحال في غرفة الإعدام

350 pages, Paperback

Published January 1, 2021

About the author

دينا عماد تكتب القصص من عمر 7سنوات وتكتب الشعر والخواطر والرباعيات ونشر لها بعض الخواطر فى الاهرام المسائى عام 1997و 1998 احترفت اعداد الكلمات المتقاطعة منذ عام 2009 فصدر لها كتب فى الكلمات المتقاطعة وتعمل معدة الكلمات المتقاطعة بجريدة الوفد ومحررة باب محدش واخد منها حاجة بمجلة البوسطجى ومبتكرة شخصية ام حدؤة بالمجلة ومذيعة براديو وسيط اف ام

Reviews

[Menna Ali · Rating 3 out of 5]

٣ قصص مختلفه فى ٣ أجيال مختلفة ، الحكاية الاولى الخائنة أفضلهم فى السرد ، زمان كنت اتخيل ملامح مرتكبى الجرائم واظن انهم ذو ملامح غليظة و بشعة ولكن الكتاب أثبت لى العكس وأن المجرمين قد يكونوا أشخاص طبيعين ليس لديهم ملامح الاجرام ، ولكنها الفتنة أقوى من اى شئ .

فى النهاية لا ننسى دعاء " اللهم أعوذ بك من فتنة الدنيا و الدين وانتكاس الفطرة وأستصغار الذنوب"

[Mohamed Metwally · Rating 3 out of 5]

الخيانة من اقرب الناس للقلب، ده اللي بنشوفه في التلات قصص اللي في الكتاب، والدافع الحقيقي كل مرة هو الشهوة، مش الحب زي ما هو باين في كل قصة، يعني ممكن نقول حب شهواني لو حطينا كلمة الحب في جملة مفيدة ، حب خلى الراجل يقتل مراته في أول قصة عشان يعرف يتجوز اختها، والست تقتل ابن اللي بتحبه عشان يبصلها في تالت قصة، وفي التانية بيكون الموضوع مختلف شوية، بس اللي هو المشكلة التقليدية بتاعت 'اللي يطول واحدة قبل الجواز مبيتجوزهاش' بس بنهاية كارثية.

محمد متولي

[نورا ناجي · Rating 5 out of 5]

جميلة جدا الشخصيات من لحم ودم..تصلح مسلسل رائع من ٣ حكايات

[Donia Darwish]

تخيل تبقى عايش مع ناس واثق فيهم ثقة عمياء 🫣
واكل شارب أو شغال 👩🏼‍💻
نايم قايم معاك 😴🥱
عارفهم ومقضى معاهم يومهم
بتشوفهم عادى فى جميع أحوالهم
مطمن ليهم🤗
ياخى جتك خيبة 🫤
ما هو مش باين عليهم 🤔
أنت شايف شخص هادى ومسالم من برا 😇
بس من جوا نفسه يعلم الله 🤫
تبقى عايش معاه ويعيشك فى الأحلام 💭
اللى يخون 🔪
واللى يدبر 🧐
واللى طمع وقدر يخرب😈
حيوات ناس بتتغير بسبب شخص مش باين عليه الأذية
وفيه اللى الظروف حولته لكده اتلسع كتير فقرر يلسع اللى حواليه 🔥
واللى الحب عماه ومشى على مزاج غيره لحد ما قساه ولما فاق كان فات الآوان وضيع معاه كتير ناس
3️⃣ حكايات اختارتهم دينا عماد وصلوا أصحابهم لـ غرفة الإعدام … ايه الأسباب خيانة على استغلال بإسم الحب 💔
انتقام 😤
طمع وغيرة 🤑
وأكيد فى غيرهم كتير حوالينا وربنا يسترها علينا
و ربنا يكفينا شر النفوس المريضة
نفسى يخترعوا جهاز لكشف النفوس تفرجنا على مكنونها يمكن نعرف نتجنبها مع أنى عارفة أننا كلنا هنمشى ننور أصل أغلبنا مرضى بس الفرق فى النسب 🤷‍♀️😉

#مكتبة_دنيا
#قراءات_٢٠٢٣

[Fatma Mohamed · Rating 5 out of 5]

ايه العظمه دي بجد تحفه اووووي واخر قصه اللي عجبتني اكتر ونهايتها تحفه
السرد ممتاز وانتقال الاحداث مفهوم والشخصيات محدوده ف مخلي كل حاجه ممتازه بجد ابداع

[Walaa Ali · Rating 4 out of 5]

صعبه صعبه صعبه اوي اوي
ايه المجتمع ده
اعصابي باظت خالص
الكاتبة اسلوبها رائع
القصص صعبة اوي اوي مش اي حد هيتحمل كم الظلم النفسي و اللي ممكن اي شخص يتعرض له

[Mahmoud Taalab · Rating 5 out of 5]

الرواية بصراحة بثلاث قصص رائعة جدا
يمكن اكون عايز اتكلم عن الحكايات اكتر متكلم عن الكتاب وخلينا نبداء بالقصة الاخيرة هويدا يمكن الجانب المشترك بين كل الشخصيات انها يمكن اتظلمت اكتر ما ظلمت او مش عارف بس في اخطاء محدش معلهاش عقاب يمكن الي كان نفسي يتعدم مع هويدا هوا اخوها موسي بجد كنت هحس اني استريحت ده اكتر شخص يستحق الاعدام اكتر من هويدا السجن الي حطها فيه و كمان انه بياخد معاش باباها و لما اتقدملها الحج رضوان وافق وكان رايها تحصيل حاصل وحطها في معادلة هوا وامه معادلة خلصانة معادلة لو هيا اختارت انها مش عايزة تتجوزه هتكون بتدفع التمن من الالام كل يوم لانه مش عارف يصرف علي البيت فالحل ايه استحمل انا شوية واجي علي نفسي بسيطة يعني مفيهاش حاجة والغلطة التانية الحج الي متسربع مش عارف علي ايه نتجوز في بيت واحد طب هل الاسلام بيقول كدا لا في واحدة واحد مش محرمين علي بعض في البيت ده بيشوفوا بعض بهدوم مفروض ميشوفوش بعض بيها حتي لو ساترة غير انها لقت نفسها في سجن تاني بل اقرف من سجنها القديم لدرجة ان الشيطان الي جواها خرج فعلا ( وَنَفۡسࣲ وَمَا سَوَّىٰهَا ۝٧ فَأَلۡهَمَهَا فُجُورَهَا وَتَقۡوَىٰهَا) ده طبيعي معتدش بتختش مخفتش حد يشوفها مختفش وهيا بتقتله خلاص الموضوع خلص في عقلها انا عايزة اهرب من الالام ده باي طريقة ممكنة مش بدافع عنها في الاخر تستحق الاعدام بس احنا في الدنيا في وجهة نظري ملناش سلطان اوي علي اتخاذ القرارات لكن البيئة الي احنا فيها دي الي انت متحكم فيها اكتر لو اتحطيت في حي مجرمين في الاغلب هتكون مجرم ولو اتحطيت في حي شيوخ في الاغلب هتكون شيخ نفس الشخص مش شخص تاني

قصة سمر اكتر مجرم فيها هيا امها امها الي حسستها انها قليلة انها عشان مش متعلمة فهيا مش انسانة مين هيقبل بيها مش عارف ليه كلنا الا من رحم ربي بندبر امور الارض بعد الظهر استغفر الله مع انها مش بتاعتنا دنيا مفيهاش منطق اساسا المنطق مش منطق معجزات بتحصل كل يوم بس عشان متعودين عليها بقت منطق لما غلطت مع الاول كانت مستحقرة نفسها انا قليلة اوي وياريت يقبل بيا ولما غلطت مع التاني كانت برضه مستحقرة نفسها انا مين يرضي بيا ويمكن الي يستاهل الحرق طارق اكتر من حمدي علي الاقل طارق ده متعلم وبيفهم وقاعدها من شغلها بجد في شخصيات ثانوية كان نفسي اسمع انها اتعدمت هيا كمان ممكن شخص ثانوي يكون ليه دور البطولة طارق ده الي قوم البركان في جوا سمر كانت عايشة وراضية ليه تعمل كدا يكش بس في يوم قيامة ربنا يسترنا

عادل ده اكتر شخص يمكن شايفه يستاهل الاعدام الخطة الي حطها متخرش الماية بصراحة خطة صح اوي يعني غريبة ان القاضي اتداله اعدام اساسا بس برضه انا شايف ان ولاء وابوها عليهم الخطاء الاكبر ازاي اختها تبات عندها في البيت ده مش صح اساسا برضه بنرجع لنقطة غلط اكيد وبتقوم تحضرله الفطار وتاخد بالها منه وشاي وقهوة طبعا وشايفها ليل نهار قدامه لازم يملها

كل القصص كانت البيئة هيا الي بتحطهم في الظروف دي فللاسف بيخرج الشيطان منهم ربنا يغفرلهم كلهم امين ويسمحهم ويرزقهم الجنة بقول لا اله الا الله محمد رسول الله

[Yasmeenology Yaseen zaki · Rating 5 out of 5]

حكايات من غرفة الإعدام
بحب النوع دا من الكتب جداا
القصص والحكايات وخصوصا جرائم القال والالغاز ..
١/قصة الخائنة : استوقفتني اللي هو ازاي بجد ممكن حد يعمل كدا مش عايزة اتطرق جامد عشان محرقش القصة بس غلطة مين ان انسان يطلع بالشكل دا ؟ هل دي نتيجة تربية غلط ولا للاسف دي طبيعة بني ادم ؟ بس الاوقع انها وساوس الشيطان ..
٢/قصة اغفري لي يا ابنتي : قصة حزينة مأساوية وكان طبيعي جدا نهايتها تكون انتقام ..
٣/قصة بأي ذنب قتلت : الغيرة اوقات بتعمي فعلا زي ما بيقولوا والحرمان وعدم الرضا يعملوا اكتر من كدا ..
تستاهل الخمس نجوم خصوصا لانها قصص حقيقة وان الكاتبة بذلت مجهود عشان نعرف ايه اللي حصل بعد الإعدام

[Sarah Ahmed · Rating 5 out of 5]

الكتاب روعة
عبارة عن ٣ حكايات ( الخائنة و اغفري لي يا ابنتي و باي ذنب قتل )
أنا قريت الخائنة زمان علي مدونة دينا عماد وكانت فظيعة وقصة صعبة جدا بس طبعا في الكتاب كان في إضافات واحداث زيادة في القصة
واغفري لي يا ابنتي قرتها برده علي صفحة مدونة دينا عماد علي الفيس وكانت روعة ، لكن بأي ذنب قتل الي كانت جديدة بالنسبالي هويدا دي فعلا تستحق الإعدام قصة جميلة جدا وأعجبتني نهايتها اوي ❤️❤️❤️

[Sarah · Rating 5 out of 5]

دينا الكاتبة المفضلة عندى أى رواية ليها ببقى واثقة إنها حلوة بحب أسلوبها الشيق بيخلينى أمسك الرواية مش بسبها غير لما أخلصها ٣ حكايات بشخصيات مختلفة ممتلئة بالتفاصيل والأحداث الكثيرة
دومتى مبدعة يادينا

[Asmaa Elsharkawy · Rating 5 out of 5]

احذر من خطوات قد تحولك من انسان إلى مجرم!!

[إيمان العليلي · Rating 4 out of 5]

رواية مشوقة، خذت مني ليلة

[Dody Nefrtary · Rating 5 out of 5]

حلوه جداااا رغم ان القصص تخوف ٣ حكايات كل حكايه اصعب من التانيه

[Mona El-gharbawy · Rating 5 out of 5]

الوحيدة اللي اتعاطفت معاها هى سمر أم دنيا، فعلا صعبت عليا.
حكايات موجعة حقيقي انه فيه ناس تفكيرها الشيطاني يقودها لحبل المشنقة.

القصص مكتوبة بأسلوب شيق. اول مرة أقرأ للكاتبة وإن شاءالله مش آخر مرة.

[Sara Mohamed · Rating 3 out of 5]

هو الكتاب حلو بس أنا توقعت أنها قصص جديدة بس للأسف لقيت تلات قصص منهم اتنين كانو منشورين إلكتروني قبل كدا و قصة وحدة بس هي إلي جديدة

[Muhannad Asad · Rating 1 out of 5]

ثلاث قصص من عالم الجرائم...اول قصه ١٤٠ صفحه،يعني تطويل في الاحداث يشكل مش طبيعي،يعني بالاخر حسيت نفسي بس بدي اخلص،واللي يموت يموت.

[فاطمه · Rating 4 out of 5]

كتاب شيق جدا الحكايات فيها محكيه باسلوب ممتع يشد اي حد بيقرأه ويخليه يخلص الكتاب في قعده واحده

[Sawsan Mohammad · Rating 5 out of 5]

القصص بكون نفسي اعرف عنجد شو المجتمع يلي احنا عايشين فيه، بتمنى يصير عمل درامي

[Hagar · Rating 4 out of 5]

الحكاية التانية تعبتني نفسياً جداً