വേർപാടുകളുടെ വിരൽപ്പാടുകൾ: Verpadukalude Viralpadukal

by സി.രാധാകൃഷ്ണൻ | C.Radhakrishnan

സുഖമന്വേഷിച്ച് ആധുനികമനുഷ്യൻ ദുഃഖങ്ങളിലേക്കു നടത്തുന്ന ഈ തീർത്ഥയാത്രയുടെ ദുരന്തങ്ങൾ ഈ കൃതി വൈകാരികമായി വിശകലനം ചെയ്യുന്നു.

591 pages, Kindle Edition

First published November 1, 2010

About the author

1939 ഫെബ്രുവരി 15-ന് ജനിച്ചു. കുറെക്കാലം കൊടൈക്കനാൽ ആസ്‌ട്രോഫിസിക്‌സ് ഒബ്‌സർവേറ്ററിയിൽ സയന്റിഫിക് അസിസ്റ്റന്റായിരുന്നു. സാഹിത്യപ്രവർത്തക സഹകരണസംഘത്തിന്റെ പ്രസിഡന്റ്, ഭാഷാപോഷിണി, മാധ്യമം എന്നിവയുടെ എഡിറ്റർ എന്നീ സ്ഥാനങ്ങൾ വഹിച്ചിട്ടുണ്ട്. അഗ്നി, പൂജ്യം, ഉൾപ്പിരിവുകൾ, പിൻനിലാവ്, പുഴ മുതൽ പുഴവരെ, സ്പന്ദമാപിനികളേ നന്ദി, മുൻപേ പറക്കുന്ന പക്ഷികൾ, പുള്ളിപ്പുലികളും വെള്ളിനക്ഷത്രങ്ങളും, ഇവിടെ എല്ലാവർക്കും സുഖംതന്നെ എന്നിവ പ്രധാന കൃതികൾ. കേരള സാഹിത്യ അക്കാദമി അവാർഡ് (1962), അബുദാബി മലയാളി സമാജം അവാർഡ് (1988), കേന്ദ്ര സാഹിത്യ അക്കാദമി അവാർഡ് (1989), വയലാർ അവാർഡ് (1990) എന്നിവ നേടിയിട്ടുണ്ട്. ചില ചലച്ചിത്രങ്ങൾ തിരക്കഥയെഴുതി സംവിധാനം ചെയ്തിട്ടുണ്ട്.


C. Radhakrishnan (Malayalam: സി രാധാകൃഷ്ണന്) (15 February 1939) is a renowned writer and film director in Malayalam language from Kerala state

Reviews

[Manoj Unnikrishnan · Rating 5 out of 5]

ഇവിടെ എല്ലാവർക്കും സുഖം തന്നെ യ്ക്ക് ശേഷം ഒരുപാടു കാലമെടുത്തു നോവൽ നവകത്തിലേയ്ക്ക് മടങ്ങി വരുവാൻ. വന്നത് വെറുതെയായില്ല. 1993-ലെ മഹാകവി ജി പുരസ്‌കാരം നേടിയ വേർപാടുകളുടെ വിരൽപ്പാടുകൾ മനസ്സു നിറച്ചു. അപ്പുവിനോടൊപ്പം ഒരിക്കൽക്കൂടി നിളയുടെ തീരത്ത് കുറച്ചുകാലം. ഹൃദയസ്പർശിയായ ഒരു തിരിച്ചുവരവിന്റെയും, ഭൂതകാലത്തിലേക്ക് ഒരിക്കലും മടങ്ങിപ്പോകാനാവില്ലെന്ന തിരിച്ചറിവിന്റെയും കഥയാണ് ഈ നോവലിന്റെ കാതൽ. വടക്കേ ഇന്ത്യയിൽ പത്രസ്ഥാപനത്തിൽ ജോലിയിരിക്കെ അച്ഛന്റെ അസുഖവിവരമറിഞ്ഞു നാട്ടിലെത്തുന്ന അപ്പു. അച്ഛൻ ആശുപത്രിയിൽ അസുഖത്തോടു മല്ലിടുകയാണ്. ഒരുകാലത്ത് നാട്ടിലും വീട്ടിലും തന്റെ പ്രതാപം കൊണ്ട് നിറഞ്ഞു നിന്ന അച്ഛൻ ദാമോദരൻ നായരുടെ നന്മയുടെ വശങ്ങൾ ഈ നോവലിൽ വ്യക്തമാവുന്നു. എല്ലാം മായ്ക്കുന്ന കടലി നും പുഴ മുതൽ പുഴ വരെ യ്ക്കും ശേഷം നാടിന്റെ ഓർമ്മകളും ഗന്ധവും പേറുന്ന ഈ നോവൽ വല്ലാത്തൊരു വായനാനുഭവം തന്നെയാണ്. 'വേർപാടുകളുടെ വിരൽപ്പാടുകൾ' നമുക്ക് ചുറ്റും കാണാം. കുടുംബാംഗങ്ങൾക്കിടയിലെ വൈകാരികമായ അകലങ്ങളിൽ, പറയാൻ മടിക്കുന്ന സംഭാഷണങ്ങളിൽ, കഥാപാത്രങ്ങളുടെ ജീവിതത്തിൽ നിറഞ്ഞുനിൽക്കുന്ന ഏകാന്തതയിൽ. നോവൽ നവകത്തിലെ മറ്റൊരു പൊൻതാരകം.

[Bapaul · Rating 3 out of 5]

Somewhat good book. Interesting to read. Old village life of Kerala