Бүтээлч Моносчууд бүгдийг тэгээс

by Лувсангийн Хүрэлбаатар

Та бизнес эрхлэхийг хүсч байвал Монголын хувийн хэвшлийн хамгийн анхны байгууллага болох Моносгруппийн туршлагаас суралцах боломжийг танд энэ ном олгох болно. Тус группийг үүсгэн байгуулагч Л. Хүрэлбаатар эм гоо сайхны “Монос” жижиг үйлдвэрийг тэгээс эхлэн байгуулж, ямар бэрхшээл саадыг давж туулж, хэрхэн Монос групп болж өргөжсөн талаар уншихад адал явдлын роман мэт сонирхолтойгоос гадна өнөөгийн бизнесэ рхлэгч залууст туршлага сургамж болохоор урнаар өгүүлжээ. Та энэ номоос бизнес эрхлэх эр зориг, эрсдэлтэй шийдвэр, оновчтой хөрөнгө оруулалт, шинжлэх ухаан инновацийн бизнестэй хослуулахын ид шид, эв нэгдлийн гайхамшиг, бүтээлч хамт олон, ард түмний компани байгуулах эхлэл, манлайлал зэрэг олон сонирхолтой сэдвийг унших болно.

447 pages, ebook

Published January 6, 2021

Reviews

[Uyanga Ganchuluun · Rating 4 out of 5]

Монос хэмээх нэр нь МОНгол Оюун Санаа гэсэн хоршоо үгнээс үүсэлтэй бөгөөд монгол хүмүүн хэзээ нэгэн өдөр оюун ухааны бяд хүчээр, цар хүрээгээр дэлхийд танигдан, гайхуулна гэж бэлэгдсэн байна. Шинжлэх ухааны академич, Эрүүл мэндийн гавьяат ажилтан, төрийн соёрхолт, Монос групийн ерөнхийлөгч Л. Хүрэлбаатар гуайн ажил амьдралын дурдатгал болсон энэ ном Монголын эм зүйн салбарын нэвтэрхий толь, зах зээл рүү шилжих болон түүнээс хойшхи 30-иад жилд хувийн хэвшлийн байгууллагууд төрийн дарамт, үл тоомсорлол, элдэв саад бэрхшээлийг хэрхэн даван туулж, эдийн засгийн хямрал болн бас бус хүчтэй шуурганд хэрхэн зогсож үлдсэн талаарх түүхэн баримт болжээ. Зохиогч өөрөө эрдэмтэн хүн болоод ч тэрүү бодол санаа нь маш цэгцтэй, мэдлэг боловсрол гүн гүнзгий, өөрийн санаа бодлыг цаасан дээр буулгаж бичсэн нь маш тодорхой, ойлгомжтой, ухаарал хайрлахаар байлаа. Эрдэмт хүн даруу гэдэгчлэн маш даруу боловч хийсэн бүтээсэн, хийж бүтээж буй нь уулын оргил мэт эрхэм нэгэн ажээ.