شقحب

by مبارك الدشناوي

تاريخنا البشري ليس أبيض ولا أسود بل هو رمادي كما يليق بتقلبات أمزجتنا وأحوالنا وكما يليق بخوفنا من المواجهة وأملنا في الجاه، ولما كانت الرواية التاريخية رهينة اللحظة الحربية، كان لزاما ان تراعي الرواية من حيث هي أدب أن تعبر عن الزمان والمكان والإنسان لذا أهديكم روايتي هذه

296 pages, Paperback

First published June 30, 2021

Reviews

[أحمد السيد · Rating 4 out of 5]

في رحلة ماتعة نسير فيها في ركب أبي العباس وجهاده لأصحاب الفرق والبدع ثم التقائه بالسلطان الناصر وجهاده للتتار ثم عودته للشام واستدعائه مره اخرى لمصر ليتم الزج به في سجن القلعة ثم خروجه من السجن وجهاده للتتار مره اخرى.

بين جهادين للتتار تسير أحداث الرواية مع صاحب الشخصية الأكثر جدلا ما بين محب وكاره، وبيان ما تعرض له في فترة وجيزة فترة وقوع أحداث الرواية.

لغة الرواية أتت عالية جدا، وأنا أحب الروايات التي تكتب باللغة العربية الفصحى.
أتى الوصف بطريقة رائعة، يجعلك تعيش في الحدث متخيلاً الأماكن والجبال والقصور والسجن وكل ما دارت فيه أحداث الرواية.
الرواية كان ينقصها بعض الحوار فقد طغى السرد في أحيان كثيرة مائلاً بكفته عن الحوار، وما عدا ذلك الرواية كانت ممتازة.

[Omar Shamali · Rating 5 out of 5]

لم أقصد قراءة التاريخ الإسلامي من قبل، او ان اقرأ للكتاب الاسلاميين اجمالا لما يقدمونه من مبالغات شديدة مهينة لعقول الناس في اغلب طرق نشرهم، الا ان هذا الكاتب ابدع حيث فيه من الحقيقة الكثير والوصف البديع ولم اشعر بشدة المبالغات بتاتا.

استمتعت جدا بالقراءة ودفعني بان اتجه لقراءة التاريخ الاسلامي اكثر، علني أصل لكتب ذات رونق كهذا الكتاب.

احسنت يا مبارك جدا!

[عاشور الناجي · Rating 2 out of 5]

● انك تلاقي حد في الأيام بتاعتنا دي جازف وقرر يكتب رواية بطلها ابن تيمية بنفسه فدي طبعا حاجة مشجعة علي الاقتناء والقراءة كنوع من تشجيع التجربة والتجارب المشابهة حتي لو كانت جودة طباعة الرواية متوسطة رغم ارتفاع سعرها ودار النشر مش أحسن مكان تجيب منه روايات ومؤلف الرواية يكاد يكون بيكتب رواية لاول مرة تقريبا

● الفكرة لوحدها بس مش كفاية طالما قررت تكتب رواية مش كتاب ، يعني لو عندك فكرة لمجموعة من الممالك المتناحرة وصراع بين الملوك وأولادهم وحاشيتهم اللي بيتصارعوا علي العرش الحديدي فمش بالضرورة تكتب رواية صراع العروش زي جورج مارتن لو معندكش فنيات الرواية وكتير من القوانين اللي بتحكمها وأهمها انه قطاع كبير جدا من قراء الروايات بيبحث عن المتعة في المقام الأول ، ودي أهم حاجة لازم توفرهاله وبعد كده ابقي حط في النص بقي أي افكار أو معلومات أو تاريخ أو فلسفة أو رز بلبن حتي

● الرواية هنا كانت محتاجة تتخلي عن لغة الخطابة الرنانة والسجع والكلام المقفي والتفخيم المبالغ فيه في ابن تيمية وتبين كل ده من خلال أحداث الرواية مش بالكلام اللي بيقوله الراوي العليم ، أصلها مش خطبة علي شريط كاسيت في التسعينات ، دي رواية في الالفينات

● والصراحة كان ناقصها تفاصيل كتير ، المؤلف حطنا في نص الأحداث وفتح ع الرابع وأصلا ناس كتير معلوماتها عن التتار إنهم خلصوا بعد قطز مش رجعوا بعد ٤٠ سنة يهددوا الشام ومصر ، لا أظن انه كان يضير لو حطيت شوية معلومات علي لسان نفس الراوي يقول احنا في سنة كام وحصل ايه ووصلنا لفين والأهم تفاصيل عن ابن تيمية نفسه ، احنا بنتفرج علي فيلم فجأة لقينا بطل مغوار كله بيحبه ويحترمه وفي أقلية حاقدة عليه وهو طايح في الأعداء يمين وشمال من غير مانعرف ده مين وازاي بقي كده ، انت افترضت انه القارئ عارف مين ابن تيمية وقدره وللاسف اللي عارف ده هيبقي بيدور علي كتب عنه مش مجرد رواية بتتكلم في مرحلة ما من عمره

● وبما انه محدش بيكتب عن ابن تيمية فانت كنت محتاج الأول تكتب وتنشر بتاع ٣ ولا ٤ روايات تاخد بيهم خبرة الكتابة والنشر وتتعرف وبعدين تنشر عنه ، ابن تيمية يستحق ده ، ويستحق انه ان شاء الله لما يتغير الحال وتيجي علينا سنة زي ٢٠١١م هنحتاج ننتج فلم عن ابن تيمية ، بس الفيلم ده لازم يبقي عالمي او احترافي بشكل مبالغ فيه مش مجرد سهرة اذاعية او تلفزيونية أو مسلسل ديني - من اللي مبقوش ينتجوهم - محدش يشوفه وسط طوفان أفلام ومسلسلات المنصات اللي بيتصرف عليها ملايين

● الرواية دي كانت محتاجة مراجعة غالبا ، في صفحة ٢٢٠ مثلا المفروض انه مسجون مع ابن تيمية شاب متصوف شيخه بلغ عنه يتسجن عشان خالفه ، ابن تيمية بيسأله ليه مش بتاكل او بتصلي معانا ؟ فرد عليه أنا أسمي من اني اقعد او آكل معاكم وبدل ما الكلام يستلمه ابن تيمية ويفند آراء المتصوفة الشاب نفسه اللي قعد يحكيله عنهم وعن اللي بيقولوه ويبينله كم ضلالات رهيب شافه وسطهم وانتهي الحوار بعد ٤ أو ٥ صفحات علي الاتنين متفقين علي نفس الرأي وابن تيمية مقالش سطرين علي بعض فيهم ولا اتكلم مع الشاب في موضوع إنه أسمي منهم ومفهمتش لما هو مقتنع انهم مش تمام طب ليه شايف نفسك أسمي من المساجين وابن تيمية ازاي سكتله ؟؟؟؟

● الملاحظات اللي فوق دي وحاجات تانية وصلتني قرب النهاية إني مش هقول انه الرواية وحشة لكن هقول إنها تقريبا مش رواية أصلا خصوصا مع وجود فجوة ضخمة في نص الرواية متمثلة في حتة تاريخ مطولة عن واحد تنازل عن السلطنة وواحد تولاها وفلان موافق وفلان رافض ، صفحات كتير تحس لو شيلتها متتأثرش الرواية لانه هدفها كان بس انه والله تعالوا نطلع الفقيه اللي في السجن بلا ذنب.

● وفجوة تانية في الاخر قبل صعود الناصر علي العرش للمرة التانية ، وفي الفجوتين انت نحيت ابن تيمية تماما وبتسرد تاريخ صرف بشكل تقريري خبري للغاية ولو كنت حولتها كتاب عادي كانت هتنجح ، لما بقول مش رواية ده مش تقليل منها لكن كان ممكن يبقي كتاب عادي بيتحكي بشكل قصصي مبسط علي طريقة كتب صلاح عيسي اللي بالمناسبة طبعاتها الجديدة في الألفينات حققت رواج كبير رغم انها مكتوبة من التمانينات تقريبا أو قبلها.

[Ezz Gaber Khalaf-Alaah · Rating 5 out of 5]

بسم الله الرحمن الرحيم, أحمد الله حمدا كما ينبغي لجلال وجهه وعظيم سلطانه وأصلي واسلم على سيدنا محمدِ الفاتح لما اغلق, والخاتم لما سبق, وناصر الحق بالحق والهادي إلى الصراط المستقيم, وعلى آله حق قدره ومقداره العظيم, وعلى الصحابة أجمعين, وعلى التابعين إلى يوم الدين.

#شقحب,هي رواية للكاتب مبارك سعيد الدشناوي, في البداية اسم شقحب هو اسم المكان اللي كان فيه معركه فاصله بين المسلمين والمغول, أو قل بين الحق والضلال, وبطل هذه المعركة هو تقي الدين بن تيمية

الغرض من هذه الرواية كما يقول الكاتب هو البحث عن قدوة حقيقية ملهمة نستمد منها النور والهداية والمعرفة وقوة العزيمة لقيامة الأمة

الغرض من قرائتي للرواية, هو معرفة الصورة الحقيقية لابن تيمية, وازالة ومحو كل الأقاويل التي تشوه صورة بن تيمية
.
الرواية بتتكلم عن هذه الفترة بكل تفاصيلها, بتتكلم عن هجوم المغول على بغداد وتدميرها, عن الخليفة العباسي وسوء إدارته للدولة وفساده, عن اسناد الأمر لغير أهله ونتائج ذلك على الأمة, عن بن العلقمي, عن خوف الأهالي من المغول, ثم هزيمة ساحقة للمغول بعد اتحاد المسلمين ووجود قائد, بتتكلم عن شيوخ السلطان وهروبهم من الحروب وتطبيلهم لكل حاكم , عن الصوفيه, عن الشيوخ اصحاب المصالح والمماليك وصراعهم على السلطة, عن ثبات بن تيمية على الحق,,
.
لكن للأسف مكنش موجود قصة موت بن تيمية
.
الرواية جميلة جدا, من حيث سرد الأحداث بكل التفاصيل, جميلة من حيث اللغة والكلمات, بارك الله في كاتبها ونفع الله بها المسلمين, آمين.

5 من ربيع أول 1443

[Mahmoud Ezzat · Rating 2 out of 5]

مفهمتش الكاتب عاوز ايه ، هل هي سيرة ابن تيمية ، ولا سيرة السلطان الناصر ابن قلاون ولا هو عاوز يوصلنا ايه ، اسلوب النصح والارشاد بيطل من السطور بطريقه بشعه، هقتبص اسلوب عادل امام تعرف "رواية شقحب " وحشة متقروهاش 😐