ليلة ظهور القرين

by خالد أمين

رواية ليلة ظهور القرين تصنف من روايات الرعب للكاتب خالد أمين, صدرت في معرض الكتاب 2021, تتميز بنهاية غير متوقعة ككُل أعمال الكاتب.
في ليلةٍ مظلمة يتلقى قسم الشرطة اتصالًا للتحقيق في إحدى الجرائم. تدعى المتهمة أن قرين زوجها ظهر في شقتهم عدة مرات وربما يكون القرين هو الفاعل. يتم التعامل مع ادعاءاتها بدرجة من عدم الجدية والسخرية، غير أن السيدة تصر على ظهور القرين مرات ومرات. مع تتبع تفاصيل القضية يمكن اكتشاف العديد من الملابسات حول تلك السيدة والسر الغامض وراء الجريمة التي حدثت.في روايته الجديدة يقدم لنا خالد أمين تفاصيل مشوقة ومثيرة. بأسلوب غاية في الإمتاع.

Genres: Horror, Fiction, Thriller, Fantasy, Audiobook

200 pages, Paperback

First published June 25, 2021

About the author

كاتب وروائي مصري ولد في مصر عام 1988
يعمل محاضر اكاديمي في قطاع الجامعه ومدرب شركات خاصه اهتم بدراسه الأدب والكتابه السينمائية وأدب الرعب والخيال والجريمه صدر له رواية " هوس " و رواية "الشبيحة " عام 2013
ورواية وثيقه تأمين
وسلسلة روايات بعنوان " المجهول اكس "
يصدر منها عده أجزاء سنويا ومنهم رواية " البناية 106 " و " بعل الذباب " و " الشيطان في ردائه الأسود "
كما صدر له رواية " هؤلاء الذين عادوا " عام 2018
ورواية انهم يأتون ليلا عام 2019
التي اصبحت الأكثر مبيعا وحققت نجاح باهر لتلحق بها رواية ذات مرة في الطريق المظلم عام 2020 والتي انضمت ايضا لقائمة الأكثر مبيعا واشتهرت بأنها من أكثر الروايات التي حملت نهاية مفاجأه وغير متوقعة علي الاطلاق
ومن آخر رواياته ليلة ظهور القرين صدرت لعام 2021 وتصنف كأفضل ما كتب في الغموض والرعب لهذا العام
وصدر له رواية" زائر منتصف الليل "في عام 2022 التي تعد من أقوى أعماله ، وأكثرهم تشويقا وغموضًا ، رواية صادمة وكابوسية حافلة بالمغامرة والتشويق والرعب في إطار خاص من الغموض و
نهاية مفاجاة وغير متوقعة علي الأطلاق
وأخيرًا صدرت له الرواية التي تعد من أهم وأقوى رواياته الا وهي " وقريبًا سيحل الظلام " التي تعد الرواية الأكثر تأثيرًا والأقوى في مجال الرعب والتشويق والغموض والنهاية الصادمة الكابوسية والغير متوقعة وعنصر المغامرة في تلك الرواية لا مثيل له
وتلى ذلك أصدار رواية " جرائم الغراب السبع " التي حققت نجاح منقطع النظير في أدب الجريمة والتشويق والغموض والرعب النفسي مع أفكارها الأصلية ونهاياتها الصادمة التي علقت بذهن القراء للأبد.
وصدر له رواية ليلة في ضيافة الكونت التي تعد الأكثر رعبًا وكابوس أدبي من طراز خاص في مجال الرعب وأعقب ذلك روايته الأكثر غموضًا وجنونًا ورعب مع أكثر نهاية مفاجأه وصادمة وهي رواية عيون الأفعى

Reviews

[Mohamed Fawzy · Rating 2 out of 5]

بحذر أمسكت برواية ( ليلة ظهور القرين ) بين أصابعي مفكراً .. أتصلح تلك الرواية قليلة الصفحات للقراءة ليلا أم سأكون الأحمق الذي ينتقي أسوء الإختيارات ... البيت كان هادئاً من حولي وعدد صفحات الرواية القليل كان مشجعاً لأنتصر علي ترددي وأبدأ القراءة.
أن يسقط محمول رنا أثناء مكالمة فيديو بينها وبين أخيها وحين تميل لتلتقط المحمول وترفع رأسها لشاشته تجد أخاها قد كتب ليخبرها بدون صوت بأن هناك من يختبئ أسفل سريرها .. وجدتها بداية من أروع البدايات استطاعت أن تستفز الفضول داخلي وتنفض الكسل وتطوح بالملل بعيداً ولأكمل وأتابع الأحداث بشوق فأواصل القراءة و القفز عبر الصفحات وإلتهام سطور تلك الرواية الغريبة سطراً وراء الآخر حتي وصلت لنهايتها ...
الشعور الذي إنتابني مع نهاية الرواية هو شعور مماثل تقريباً لمن يتابع كلمات النهاية علي الشاشة بعد مشاهدة أحد أفلام الرعب الأجنبية غزيرة القتل والجثث والتي لا تتفق بالمرة مع مجتمعنا وعادتنا .. غزارة ثقافة مؤلف الرواية وقراءاته المتنوعة بدت واضحة لكن عرض ذلك جاء بطريقة لم ترقني والبطله تابع التفكير والتنقل بين قراءاتها لأجاثا كرستي وستيفن كينج و مجموعة أخري من المؤلفين وأبطالهم وشخصيات رواياتهم قد لايكون الكثير من القراء وأنا أحدهم علي دراية بهم أو سمع عنهم ، جاء ذلك و البطلة تستلهم الأفكار من الروايات التي قرأئتها ... كمية القتل في الرواية جاءت غزيرة لاتتناسب مع واقع مجتمعنا والذي تكفي صرخة إمرأة أو صياح أحدهم في مشاجرة أو حتي صوت عال لمكابح سيارة تحاول التوقف لجمع المئات حولك في ثوان قليلة .... الرواية تعد من الروايات التي لم أستمتع بقرائتها بالرغم من أنها لم تخلو من التشويق والفضول القوي لمعرفة من وراء كل ذلك حتي تأتي الخاتمة ونهاية الرواية لتفك الغموض وتقدم الإجابة.

[Zainab ElMasry · Rating 4 out of 5]

من بداية الرواية والكاتب نجح أنه يشجعنى لقراءتها، حبكة جميلة بالرغم أن الأحداث غير قوية، سرد الكاتب جميل جدًا وأبدع فى سرد تفاصيل فى محاولة بالشعور بالرعب ورغم ذلك لما أشعر بالرعب إلا أول فصل، تميل الرواية للبوليسية والجريمة أكثر من أنها رعب.
▪︎ توقعت القاتل من أول فصل فمعرفش الحبكة كانت ضعيفة للدرجة أنى توقعته ولا شغفى بالروايات والأفلام كان ليه أثر فى مساعدتى فى التوقع.
▪︎بعض مشاهد أشعر كأنها مستواحاة من أفلام أجنبيه
▪︎الأحداث مش قوية ولكن بها تشويق لمعرفة النهاية.

[Zeead · Rating 4 out of 5]

لسه مخلص الرواية حالا وهي كانت اول حاجه قرأتها من المعرض ❤
تعالوا نتكلم علي الإيجابيات :
١.الرواية مشوقه بشكل مش طبيعي من اول سطر والرواية بتقولي والله العظيم ما انت قايم غير لما تخلصني والصراحة الكاتب نجح ف ده انا خلصتها علي مرتين كل مره ساعه ونص
٢.الإسلوب فكرني بأسلوب دان براون مفيش رغي كتير ولا تمطيط الأحداث مركزه و مفيش ملل
٣. ايه كل التويستات دي انا صدعت من كتر حلاوتهم لإني تقريبا متوقعتش ولا واحده فيهم 😅
شوية ملاحظات كده :
١ . بناء اغلب الشخصيات كنت حاسس إنه كان ممكن يبقي احسن من كده لإني متعلقتش بشخصية صلاح مثلا انا ملحقتش اعرف عنه حاجات كافيه تخليني اتعلق بيه بس تعليقاته كانت بتضحكني 😂
٢. في جزء كده فيه تسلسل النهاية كان ليه علاقه بكامل ورنا انا الجزء ده مدخلش دماغي خالص وكفايه كده عشان محرقش .


الروايه في المجمل تاخد ٤ من ٥ مستريح وحسيت إن الأسلوب اتطور عن ذات مرة في طريق مظلم واكيد هرجع قرأ روايات الكاتب اللي قبل دول ❤

[الزهراء الصلاحي · Rating 2 out of 5]

مش أنا قولت قائمة أبجد للتحدي هتقضي عليا🤦

مش عارفه أنا بعمل في نفسي كده ليه😅
حاسة إني بجلد ذاتي بإني بكمل كتب وروايات بتقولي من بدايتها سيبيني وروحي لغيري🤷

رواية تتحدث عن فكرة القرين ثم تنتقل إلى المهرطقين وعبدة الشيطان مروراً بعدة جرائم قتل تبحث وراءهم كاتبة رعب وصديقها المحقق الخاص.

تمت
٦ نوفمبر ٢٠٢٤

[Omnya · Rating 4 out of 5]

ثاني عمل اقراه للكاتب و المبدع خالد
من اول ما فتحت الكتاب ماقدرت اسكره 😭😭
طول ما اني اقرأ ارتجف من كثر التفاصيل المخيفه والاحداث المؤلمة.
الحلو في الرواية ان علطول دخلنا في الحدث وهذا خلا الاحداث تمشي بسرعه.
والاحلا دخول ابطال ذات مره في الطريق المظلم 🤣🥺من اول ماشفت الاسماء دخل في قلبي السرور( حاتم و منى) اخخخخ
و اكثر جمالا لمح الاستاذ خالد ب اسم روايته الجديده 🤣🤣
رواية رائعه و فكره جديده ومخخييفه انصحكم فيها، وانصحكم لما تقروها خلوا احد جنبكم🤣لساتي برتجف واللهي 😵‍💫💔
✨100000/10✨
متشوقة لقراءة الاصدارات الاخرى

[Lady Aya Yoyosh · Rating 3 out of 5]

الجميل في هذه الرواية حقا هي صدمة النهاية !

[Israa · Rating 4 out of 5]

Unpredictable😮

[Sandy · Rating 1 out of 5]

مش عارفة هو انا الي مش بحب كتب الرعب ولا أغلب الكتب الرعب و الماورائيات و العالم الآخر و الجن و الخ قاعدة تمشي ع نفس النمط الركيك؟

من البداية كنت مترددة اني اقراها بسبب غلافها الي تقريبا زي كل الكتب الي قاعدة تنتشر بهذه الفترة،و بعد القراية تأكدت. لان لا سرد القصصي ولا نمط القصة شدوني ابد.

القصة تبدا برنا لي قاعدة تحكي بمكالمة فديو مع اخوها ليقع هاتفها فجأة و تلتقطه فيخبرها اخاها برسالة انه يوجد شخص تحت سريرها و ان لاتفزع من هنا تبدا قصة القرين المتشبه و الجار الي يحاول يثبت براءة جارتة الي يحبها بمساعدة كاتبة روايات رعب و صديقها المحقق الخاص وصولها للقتل المبالغ و اللعب باشلاء بشرية و المهرطقين و عبدة الشيطان و كبش الفداء و القرابين للشيطان مشان الخلود و الخ. حتى البلوت تويتس بالنهاية ما عجبني.

الشيء الوحيد الي عجبني لما البطلة كانت تتخيل شخصيات ثانية معها بحل القضية من باقي الروايات البوليسة أمثال شارلوك و بوارو و مس ماربيل الخ.

رغم أنها رواية رعب ممزوجة بالتشويق و إثارة الا اني حسبت بملل فضيع وانا بقراها و كنت حاسة اني بجلد ذاتي بيها.

[Omar Mohamed · Rating 5 out of 5]

انا خلصت الرواية و بجد تحفة، اول مرة اقرالك حاجة، و التوقع اللي كنت حاطه الرواية عدته بزيادة و فاجئتني في بعض الاحداث برغم اني متعود اقرأ رعب، اكتر الحاجات اللي عجبتني اسلوب السرد جميل جدا و مليان تشبيهات حلوة مع خفة الدم في بعض المواقف، و الثلاثة في الانتقال بين الفصول او في الواقع حسيت اني بتفرج علي فيلم حلو بتنقل بسن احداثه و مشاهده برتم متناسق، كمان فكرة البدأ في القصة من اول صفحة دي كانت حاجة عظيمة بالنسبالي لانها شدتني جدا بالاضافة لان الاحداث مكانتش بتقل عن مستوي اثارة معتدل او فوق المتوسط، و فجأة تعلي و بعدين ترجع تاني و هكذا و في بعض الأحيان وصلت كأني شايف المشاهد قدام عيني و حسيت بتوتر الشخصيات نفسها، فا بجد شابو

[AlAli · Rating 2 out of 5]

الكاتب استعجل في بعض الاحداث، توجد نصوص مُسرَعة. بشكل عام أسلوبه كان مشووق و ممتع.

[ESRAA MOHAMED · Rating 3 out of 5]

بداية الرواية كانت مشجعة، رنا بتكلم أخوها فيديو كول وفجأة يحذرها من وجود شخص تحت السرير مرضيش يقول لها أن وجهه مغطى بالدماء، وهي لوحدها في الشقة، وتبدأ تفتكر كل المواقف الغريبة اللي حصلت لها في الشقة الملعونة.
بيطمنها ويعرفها أنه بلغ الشرطة وهو جاي لها في الطريق، رنا هتخسر أخوها وأمها وزوجها في اليوم دا و تدخل مصحة نفسية.
هشام جار رنا يزورها ويعرض عليها المساعدة، ويجذب اهتمام ناردين كاتبة الرعب للاهتمام بقضية رنا الغريبة.
ليبدأوا رحلة البحث وراء الحقيقة، وإدعاء رنا أن القرين السبب في كل اللي حصلها.

الأحداث رتمها سريع، بس في حشو كتير وفرد عضلات بمعرفة مؤلفين الرعب والجريمة، ظهر تأثر الكاتب بالثقافة الأجنبية في كمية جرائم القتل اللي حصلت غالبا هو قتل تلت أرباع الأشخاص في الرواية، حاول يحط أكتر من فكرة مرعبة وأعتقد أنه لو كان ركز في فكرة واحدة للآخر كان هيبقى أفضل.

مش قادرة أحدد مدى إعجابي بس الرواية بتشدك تعرف الآخر.

استمتعوا…
دمتم قراء... ❤❤❤

[Rimon Raafat · Rating 3 out of 5]

اسم العمل: ليلة ظهور القرين
اسم الكاتب: خالد أمين
عدد الصفحات: 143
دار النشر: دون
تقييمي الشخصي: 3.5/5

تبدأ الرواية بمشهد يخطف الأنفاس، "رنا" تتحدث مع أخيها عبر الفيديو ليبعث أخوها برسالة لها يقول أن أسفل سريرها يوجد شخص ولم يخبرها أن وجهه مغطى بالدماء، ليحاول أن يهدئ من روعها وفي نفس الوقت يحاول أن يساعدها ويُبلغ الشرطة بالقدوم إليها على أن تحاول هي أن تخرج بهدوء من غرفة نومها، لتتوالى الأحداث فيما بعد لنعرف أن أخوها وأمها أيضاً ماتوا في نفس اليوم، من قتلهم ؟ كيف ماتوا؟ من هو الشخص القابع أسفل سرير رنا؟ ماذا يريد؟ وكيف دخل الغرفة من الأساس؟
"هشام" أحد جيران "رنا" أتى ليحاول أن يُساعدها بطريقته الخاصة ويطلب من الكاتبة الروائية "ناردين" لتساعده أيضاً، لما "ناردين" تحديداً؟ كيف ستساعده وهي روائية وليست ظابط شرطة؟ وهل ستوافق أم سترفض؟

اللغة والسرد والحوار
باللغة العربية الفصحى الجيدة، كانت اللغة متماسكة وقوية والكلمات والألفاظ كلها في محلها
الأحداث
وهنا سأقف كثيراً، لا يوجد جديد، كأنك تشاهد فيلم رعب أجنبي قديم وقصته مكررة أكثر من مره
الشخصيات
برغم كثرتها إلا انها كانت مرسومة بشكل جيد
الحبكة والنهاية
من السهل التوقع بهم إذا كنت من محبين مشاهدة الأفلام الأجنبية

#ريفيوهات_ريمون

[mai Khaled · Rating 3 out of 5]

امرأة متزوجة حديثا ،تزوجت من حب حياتها ،تقتل زوجها وتخفي جثته في البيت ، وتدعي أن مسخًا شيطانيًا هو الجاني ، اخوها يموت في نفس الليلة التي مات فيها زوجها ، وهي تقسم أن الشقة التي تعلو شقتها مأهولة ، ولكن الحقيقة ان الشقة مهجورة ، ولا يوجد اي خيط واحد يجمع بين كل تلك المعلومات .

بتبدأ احداث الرواية لمكالمة فيديو لرنا واخوها محمود وسقوط الموبايل فجاة من ايدها ويقول محمود انه شاهد شخص ما أسفل الفراش ، وعليها الهدوء حتي يأتي لها وينقذُها ويكلم زوجها والشرطة لإنقاذها
في اللحظة دي بالتحديد بدأت تفتكر كل المواقف الغريبة اللي كانت بتحصل في الشقة واصوات الدوشة اللي كانت بتحصل في الشقة اللي فوقها وهي اصلا شقة فاضية ومهجورة من مدة!!
وياتري فعلاً رنا هي القاتلة ؟؟
ومين اللي قتل زوجها واخيها ؟؟
وهل فعلا موضوع القرين دي حقيقة ام خيال ؟؟
من اكتر الحاجات اللي عجبتني في الرواية هي كمية التشويق والإثارة والغموض والبحث عن الحقيقة في الرواية
وطريقة السرد كانت لطيفة وكذلك بعض المواقف الكومديا البسيطة جدا في الاحداث 😅😅
والحاجة الواحيدة اللي مش عجبتني في السرد هو السرعة كانت حاسه انه سريع جدا في تقديم الشخصيات او الاماكن زيادة عن اللازم ، وكذلك اني كانت فاكرة ان الرواية رعب بقي وكده وطلعت لتحمل اي شئ من الرعب على الاطلاق ، انما غير كده تمام .

[Mohamed Metwally · Rating 3 out of 5]

بداية الرواية كانت قوية جدا تجعلك تواصل القراءة لمعرفة ما سيحدث تاليا، لكن الأحداث بعدها تتحول لقصة رعب تتمركز حول الدموية وسرعة الأحداث مع تفسير مركب في النهاية، وهي تيمة أفلام الرعب التجارية التي تركز على اخافة المشاهد أكثر من حبكة القصة.

شخصية البطلة تم تقديمها بشكل جيد في البداية، ولكن تصرفاتها وأحكامها خلال الأحداث لم تكن بالشكل اللائق الي يصدر من خبيرة مثلها

قرأته ضمن تحدي أبجد للقراءة ٢٠٢٤



محمد متولي

[محمد عبدالمحسن · Rating 2 out of 5]

البداية حلوة وتشد بس تتابع الأحداث فصلني، من كتر القتل غير المبرر غير مناسب لمجتمعنا، كمية معلومات اتحشرت في النص مكنش ليها لازمة، مصطلحات مترجمة حرفيًا من الإنجليزية بردو فصلتي، يعني بواب هيعرف منين (واحد عض التراب) اللّي bites the dust ..

يعني، كانت ممكن تكون أجمل من كدة بس حسيتها اتكروتت ..

[Doaa · Rating 4 out of 5]

رنا تتحدث مع أخاها في مكالمة فيديو ليتجمد أخاها للحظة ويراسلها نصيًا "لا تتحركي هناك شخص تحت فراشك"!!

البداية قوية وغريبة تثير الفضول ولكن تليها أحداث تشعر بعدم منطقيتها قليلًا.. وكم غير مبرر من الأشلاء 👀 بالنسبة لي على الأقل فقدت الرواية رونقها في المنتصف..
أعجبني ذكر شخصيات في روايات تحقيقيات شهيرة شيرلوك وبوارو ورفعت إسماعيل ومدام ماربل..
أعجبني إن الحطء الأخير انتقل من الخرافة لمدى البشاعة التي يمكن أن يصل لها الواقع وجنون الإنسان!

رغم إن القاتل كان متوقع ولكن النهاية كانت أفضل جزء في الرواية برأيي رغم عدم قوتها..
في المجمل مشوقة وتثير الفضول بها ماروائيات وجريمة وجنون.. ميكس حلو..

[Donia Sayad · Rating 3 out of 5]

ممتعة

[Sohayla Waked · Rating 5 out of 5]

رواية ممتعة فعلا ، اول. مرة اقراء رواية تشدني كدة

[Nada Aboelnaga · Rating 4 out of 5]

من زمان مقرأتش رواية فيها كمية التشويق والإثارة دي 💚

[Ibrahim Khaled · Rating 3 out of 5]

رواية رعب خفيفة وذات طابع أجنبي
6/2/2024

[Batool · Rating 4 out of 5]

ليلة ظهور القرين

"المجهول به احتمالات كثيرة.."

رواية #ليلة_ظهور_القرين للكاتب للروائي أ.خالد أمين

"رنا" متزوجة حديثاً و بينما كانت لوحدها بالشقة اكتشفت وجود رجل مختبئ اسفل فراشها!..


• ما اعجبني بالرواية

اسلوب الكاتب المميز بالحبكات المفاجئة لكنها منطقية، و بسبب قصر الرواية لم يكن واضح كثيرا لكن لا يعني بأن لم تكن الرواية خالية من المفاجآت.

غموض و رعب الرواية، مع ذلك تمنيت لو كانوا اكثر

افضل نقطة بالنسبة لي، ترابط روايات الكاتب و متشوقة للروايات الجديدة


• اقتباسات

"التاريخ يعيد نفسه لسبب واحد، و هو اننا لا نتوقع منه ان يفعل ذلك كما كان يقول أحمد خالد توفيق"

"ليس كل من يساعد الغير ولد في بيئة معتدلة، و ليس كل من تألن في الحياة سفاحاً"

⭐️ التقييم
7/10
انصح بها لمن يريد اكتشاف اسلوب الكاتب

[Aya Khaled · Rating 4 out of 5]

اول تجربة ليا مع الكاتب وادب الرعب ، والحقيقه كنت مترددة ف الاول وحاساه كليشيه اوى بس مع تتابع الاحداث ازدادت اثارة وحماس وعجبنى ان فيها فكره وفى نفس الوقت كانت خفيفه وبسيطه ..
كنت متأثره بالاحداث مع الوقت وعايزة افهم اللى بيحصل ونفسى اعرف مين اللى هينتصر ف النهاية ..

بعض الاقتباسات :

" انت لا تولد شريرا ولا تولد طيبا ، هناك عوامل بيئية تؤثر فيك ، ويكون بداخلك جانب مظلم وجانب مضىء ، وتتصرف وفقا لغرائزك واحتياجاتك وقيمك الناتجة عن معتقداتك ، والخوف من العقاب "

[رومولا الن emmajain-book · Rating 3 out of 5]

يتلقى قسم الشرطة بلاغا بحدوث جريمة قتل و تدعي المتهمة أن قرين زوجها من فعل ذلك و من هنا تبدأ الأحداث 

أول مرة أقرأ للكاتب و سأسعى للقراءة له من جديد 

رواية تحبس الأنفاس بأحداثها لن تستطيع التوقف عن قراءتها 

أسلوب الكاتب بسيط مناسب لهذا النوع من الروايات 

أحببت البطلة دارين كانت مختلفه 

أنصح بها

[Khaled Mohamed · Rating 4 out of 5]

خالد امين جابلي كوابيس بسبب الرواية دي
قعدت سهران عليها طول الليل وعينكم ماتشوف الا النور
هي رعب نفسي وتوتر يدمر الاعصاب
عجبني انه واخد من فكرة فيلم strangers و house of wax ونسقهم فالرواية كويس اوي
الجزء بتاع فيلا نجوى ده خلاني قاعد ابص حواليا فالبيت
شابو ياخلود ومتالق دايما كالعادة

[Ranaelshbrawy · Rating 5 out of 5]

تقريبا خلصت الرواية ف ساعه من جمالها وتشويقها وعجبني دخول احداث الرواية الرجل الذي عض التراب بطريقه سلسه وجميله انا حاسه انو في جزء تاني

[Mohamed Eldesoky · Rating 3 out of 5]

من اول صفحة اتشديت اني اخلصها في قاعدة و حده
جميلة جدا و مسلية
القصة و الحبكة و الأسلوب كله ممتاز

[Mohamed · Rating 4 out of 5]

8

[رواية · Rating 1 out of 5]

مملة نوعا ما

[أحمد إبراهيم · Rating 5 out of 5]

🔪اسم العمل : ليلة ظهور القرين
🔪اسم الكاتب : خالد أمين

تعالوا نكمل ملحمة عالم جوثام الشرق من تأليف الكاتب الرائع خالد أمين بعد قراءة "جرائم الغراب السبعة" و"إنهم يأتون ليلا" و"زائر منتصف الليل" و"ذات مرة في الطريق المظلم" والنهاردة معانا "ليلة ظهور القرين" ونرجع تاني إلى ناردين وصلاح اللي تعرفنا عليهم في رواية "إنهم يأتون ليلا".
من الثوابت هنا إننا عارفين إن كل رواية مستقلة بنفسها لكنها في عالم قاتم ومقبض له طابع رعب نفسي دموي ومعوي كمان.
وطبيعي إن كل عمل أو رواية سايبة خط درامي أو اتنين مفتوح على باقي الأعمال.
ومن غير ما نضيع وقت طويل يلا بينا نبدأ المراجعة.
وزي العادة نبدأ مع الانطباع الأخيرة
بعد ما خلصت القراءة لقيت نفسي وعمو إيهاب توفيق يغني جنب وداني ويقول:
"الأيام الحلوة الأيام الحلوة بتعدي في ثواني … الأيام الحلوة ما بترجعش تاني
طعم الحب اتغير … وقت الفرح صغير … أكبر لحظة ود وحب وصدق زمانها قصير
الحلو بيتمرر … والجرح بيتكرر .. نجرح نألم نقسى ونظلم وغلطنا بيتبرر
اللي نحبه بنودعه واللي في إيدنا بنضيعه … واللي ناسينا عايش فينا واللي شارينا بنخدعه"
وبصراحة الأغنية دي ماشية
ويلا بينا ندخل على الانطباع الأول والبداية والافتتاحية..
غلاف قاتم أسود وأحمر وظلال شباك وعنوان قاتم مثل باقي عناوين الروايات السابقة وكلمة الظهر من وجهة نظري مش أحسن حاجة تعبر عن الرواية لكنها كانت كفاية يعني للتعبير عن التصنيف وجانب الرعب والغموض النفسي.
نقدر نقول إن الانطباع الأول كان متعلق أكتر بالكاتب نفسه والتوقع أو الحكاية لالي انا مستنيها ومش متعلق بالغلاف ولا كلمة الغلاف ولو كان الغلاف أوحش من كده ولو كانت كلمة الغلاف مافيهاش حاجة غير التعريف بالكاتب أنا برده كنت دخلت وقرأت.
ومش هخبى عليكم أنا كنت متحمس جدا للقراءة وقلت أكيد الرواية دي هتخلص في جلسة واحدة يعني وفعلا ده اللي حصل.
على طول ندخل على أول صفحات الرواية مع عروسة شابة في بيت الزوجية بتتكلم فيديو كول مع أخوها الصغير وبسبب سقوط التليفون على الأرض بنكتشف وجود جثة تحت السرير.
مع أول صفحة هتركب الحلزونة وتسيب ايديك.
الرواية تسحل يا جماعة وفيها جوانب كتير غامضة ومربكة وعندنا جثث كتير وضحايا أكتر وتقطيع ورعب معوي ودموي وغموض وبحث عن إجابات.
المثير أو اللافت هنا إننا بنتعلق بكل شخصية وبعدين نضحي بيها أو نقتلها والكاتب مستمر في قاعدة التخلص من الأبطال.
طبعا عندنا تويستات كتير والكشف عن الجريمة أو القاتل أو الشرير في الرواية كان فعلا مفاجأة حقيقية.
الرواية تنتمي لعالم صلاح وناردين الصباغ كاتبة الرعب الفضولية وعالم الغموض والتحقيقات الغرائبية.
وتعالوا هنا نتكلم عن الحبكة والنهاية.
يمكن قلنا قبل كده إن الرواية مليانة أحداث والحبكة شريرة جدا في نفس عالم الروطاش أو الشيئ وهنا احنا بنتكلم عن تيمة السيطرة والتحكم والتلصص.
عندنا تويست حلو في نهاية الرواية وخط مفتوح على مركب الشر المطلق وعندنا ظهور لبعض الشخصيات الحلوة جدا واللي كنت متوقع لها مستقبل حلو في عالم الكاتب الروائي لكن يلا الله يرحمهم بقى.
وهنا مكن نتكلم عن الشخصيات في الرواية
عندنا أبطال أو شخصيات رئيسية زي ناردين الصباغ وصلاح لكن التركيز كان على الشخصيات الجانبية المحركة الأساسية في حبكة وأحداث الرواية.
يمكن الشخصيات الرئيسية محصلش فيها تطور كبير لكنها تعتبر مغامرة عملت على زيادة لرابط ما بين ناردين وصلاح.
عندنا جزء مؤثر مرتبط بالشخصيات والدوافع النفسية وعندنا شق بسيط جدا شاعري ومش رومانسي.
طبعا للمرة اللي مش عارف كام لازم نتكلم عن خيال الكاتب والثقافة بتاعته وقدرته على وضع الرعب والتوتر في ذهن القارئ من خلال اللفظ والكلمة والجملة.
وتعالوا هنا نتكلم عن اللغة في الرواية.
طبعا العمل بالكامل بالعربية الفصحى وعندنا وصف بطبيعة الحال عبقري وحوار قوي جدا ومكثف في ولازم ناخد بالنا هنا إن مستوى الكاتب اللغوي فيه تقدم كبير عن الرواية السابقة.
طبعا ممكن تستخرج شوية اقتباسات كده عنب أحمر من غير بزر زي مثلا.
"ابتسم وتألق يا صديقي، ولا تنظر للسواد أسفل عينيك وهذا الشعور السقيم بالخمول، الحياة لا تزال رائعة، الحروب لا تزال تدمر البلدان، والشركات لا تزال تنهب الجميع، والحب يتحول لعذاب إغريقي في نهاية المطاف، ولكن الحياة لا تزال رائعة."
وهنا لازم نستعرض الفكرة والغرض والهدف
أجواء الرواية هي الرعب والتركيز على فكرة كشف الغموض مش عارف ليه حسيت وكأني بتفرج على فيلم رعب هو خليط ما بين أفلام البيوت المسكونة وأفلام الوحوش والغيلان.
عندنا أفكار كتير في الرواية مستترة شوية ومش واضحة لكن من الواضح إن الكاتب كان مركز على المغامرة والرعب دون التركيز على الفكرة.
وأخيرا خلونا نتكلم عن الخلاصة
النهاية كانت سريعة أوي وخلصت في كام صفحة وكانت مرضية ويمكن مستعجلة شوية.
والخلاصة إن الرواية حلوة أوي وقابضة جدا وحسيت معاها وكأني قصيت سهرة مع فيلم رعب حلو.
الريفيو القادم هو الأخير في عالم "جوثام الشرق" قبل معرض 2025 ويكون مع رواية "قريبا سيحل الظلام" إن شاء الله.

#أحمدمجدي

[Hakem Sid · Rating 4 out of 5]

✨ بداية الرواية التي تجعلك تُسَمَّرُ في مكانك .. تأكُل الورق، لتلتهم الأحداث! 📖🔥

تبدأ الحكاية في مشهد مألوف ولكن مُبهم، حيث كانت رنا تجلس بمفردها في بيتها الهادئ، مستلقية على سريرها وتتحدث مع شقيقها عبر مكالمة فيديو. فجأة، يسقط الهاتف من يدها، وعندما تلتقطه، تجد رسالة تظهر على الشاشة! 📱🔦 «يوجد شخصٌ ما تحت فراشك!»

صوت الكلمات يدوي في رأسك كما دوّى في رأسها، ليصبح بداية تسرع القلب وتسارع الأنفاس. إنها واحدة من أروع افتتاحيات روايات الرعب التي قرأتها .. تجبرك على مواصلة القراءة بلا توقف. 💀💔 #رعب #رواية

✨ خالد أمين.. سيد التشويق والإثارة! ✍️

كالعادة، هذا ليس جديداً على خالد أمين! فهو بارع في خلق أحداث تقتحم النفس وتحبس الأنفاس. 🌬️📚 أسلوبه متميز، سهل ممتنع يجذبك من اللحظة الأولى. اللغة هنا عربية سلسة، لا هي فخمة لدرجة الثقَل، ولا بسيطة لدرجة الاستهانة، بل تلائم تمامًا أجواء الرعب التي تتخلل الرواية وتجعل القارئ يترقب كل سطر بحذر. #ادب_الرعب #أجواء_مرعبة

أروع ما في هذه الرواية مشاهد "فيلا نجية"؛ تلك الفيلا التي تشعرك بتوتر حقيقي في كل صفحة. الشخصيات تجسدت ببراعة، وأعجبني خصوصًا شخصية ناردين التي ظهرت في أعمال أخرى للكاتب، ولكن شخصيات أخرى كانت تحتاج إلى رسم أدق. 👤🏰

✨ عالم خالد أمين المترابط 🔗

أجمل ما يميز كتابات خالد أنه يخلق عوالم متصلة ببعضها البعض، فتجد شخصيات من رواية تظهر في أخرى، مثل الرجل الذي عض التراب وظهوره هنا بطريقة مفاجئة، ما يضيف عمقًا وارتباطًا يجعل قراءته تجربة مدهشة، ويعيدك إلى أحداث سابقة، لتتذكر كم كان تأثيرها عميقاً! #عالم_خالد_أمين #ارتباط_الشخصيات

✨ نهاية الرواية.. كعادة خالد، غير متوقعة! 🎭

بالطبع، لا يفوت خالد فرصة ترك النهاية بلا حبكة أو مفاجأة. ورغم أنني شعرت بشيء من البداية، إلا أنه استطاع أن يجعل النهاية جيدة ومبلوعة، وتحتمل فتح باب جديد لقصة أخرى، ما يتركك متشوقًا لما سيأتي. 🌌💥

🔹 الخلاصة: عمل رائع من البداية وحتى النهاية، يحمل معه التشويق المتصاعد.. باختلاف درجات الرعب!

إنها رواية تجعلنا ننتظر بفارغ الصبر العمل القادم لخالد في المعرض القادم. متشوق جداً! #ادب_عربي #رواية