Өчигдөрт Илгээх Захидлууд

by Сарангуа.Д, Сүрэн.Х (Author/ Illustrator)

ЗОХИОГЧДЫН ЗУРВАС

2019 оноос эхэлсэн цар тахлын нөлөөгөөр та бид маш их ганцаардалд орсныг нуух юун. Үүний хажуугаар өөрийн мөн чанар, дотоод хүнтэйгээ ч тулгараад авлаа. Олон олон асуулт дотроос ундран гарч ямар нэгэн зүйл дутуу, эсвэл буруу байгааг сануулах шиг... Бид ч мөн адил энэ хөл хөдөлгөөнтэй амьдрал өрнөж байсан их хот маань чимээ аниргүй нам гүн болох үед дотогш өнгийх шаардлагатай тулгарч, өнгөрсөнд өөрсдөдөө зориулан хийж байсан өөр төрлийн бүтээлүүдээ "гэрлүүлэх" санаа төрсөн юм. Та бүхэндээ зориулан хүргэх гэж буй энэхүү бүтээлээ бид ном гээд нэрлэчихвэл хэтэрхий уйтгартай болчих тул "бүтээлч ном" хэмээн нэрлэлээ. Энэхүү бүтээлч номонд орсон зураг болон өгүүллэг бүр бидний гунигтай, жаргалтай, нандин, ганцаардсан болоод урам зориг авч, итгэл найдвар төрүүлсэн мөчүүдээс бий болсон юм. Уншигч та харин хараад, уншаад төрсөн мэдрэмжээ энд заавал ямар нэгэн өнгө, эсвэл үг үсгээр буулгахыг бид хүсэж байна. Тэгж байж энэ номын маань "бүтээлч" гэдгийн утга учир бүрэлдэх бөгөөд таны бодрол орж ирснээр хорвоо дээр цор ганц таны бүтээл бий болох юм шүү. Өгүүллэг болоод зураг болгоны араас танд санаа сэдэл өгөх зорилготой асуулт орсон ч гэсэн та заавал түүнд баригдалгүй дотроо бодож, сэтгэлдээ тээж явдаг бүхнээ л цаасан дээр буулгахыг хичээгээрэй. Ингээд өөрийнхөө дотоод руу хийх аяллын хөлөг нь болохоор бүтээсэн энэхүү бүтээлч ном таны дотор ямар нэгэн гайхамшигтай зүйлийг ургуулах байх гэж бид найдаж байна.


ГАРЧИГ

1. Өөрт үнэ цэнтэй өчүүхэн бага хугацаа
2. Зүүдэнд орсон ганц асуулт
3. Аз жаргал, гунигийн огтлолцох цэг
4. Жинхэнэ хайрын цор ганц зөрлөг
5. Нэг л ертөнцийн хүмүүс
6. Сэтгэл дэх цэцгийн үхэл
7. Нүдээ нээ
8. Бяцхан зориг
9. Жинхэнэ тансаглалын амт
10. Би хэн бэ?
11. Магад миний хамгийн сайн найз
12. Талархлын хүч

108 pages, Paperback

First published July 1, 2021