What do you think?
Rate this book
Marilyn
Vywervrou? Nee, ʼn kaivrou. Dis wat sy is. Omring met haar geliefde vywervroue, weet Marilyn sy is nie een van hulle nie. Sy is ʼn kaivrou, die waterwese wat mans en kinders die dieptes intrek en verdrink. Daarvan getuig haar hele lewe tot hier toe. Dis iets waarmee sy gedink het sy vrede gemaak het. Met die pandemie wat die wêreld op sy kop keer en die ouderdom wat Marilyn al hoe meer bewus maak van haar sterflikheid, is dit seker nie vreemd om bestek op te neem van wat agter lê nie. Dit moet wees waarom haar gedagtes deesdae aanhoudend terug foeter na die verlede toe. So ver terug as daardie jaar toe sy Paul Avenant ontmoet het, en uiteraard ook die tragiese gevolge van dié ontmoeting. Nie dat dit daarna veel beter gegaan het nie. Een onbesonne ding na die ander het sy aangevang tot sy hier op Vywerbaai beland het. Hier waar sy met haar seun kon herenig en, as enorme bonus, die vywervroue leer ken en hegte vriendskappe gesmee het. Sy was sowaar naïef genoeg om te dink die meetsnoere begin nou vir haar in die regte plekke val. Tot die dag voor die eerste grendeltydperk toe sy besef ʼn mens se sondes haal jou altyd in. Selfs sondes wat jy nie self gepleeg het nie ... Marilyn is die verwagte vervolg op die Vywervrou-trilogie wat uit Lira, Mirre en Corali bestaan. Dit is 'n verhaal oor ouer word en liefde tussen ouer karakters, en bied selfs 'n goeie dosis spanning. Dit is deur en deur vir die lesers geskryf. Chanette het die manuskrip begin skryf nadat soveel lesers gesmeek het vir Marilyn se storie.
- GenresBook Club
539 pages, Kindle Edition
Published July 1, 2021
12 people are currently reading
25 people want to read
About the author
Chanette Paul
68 books142 followersChanette Paul word rond en bont groot. Sy woon nege skole by, studeer aan vyf universiteite en het al in sewe provinsies gebly. Haar eerste verhaal waarvoor sy betaling ontvang het, is ‘n sprokie wat sy op sestienjarige ouderdom geskryf het en op Siembamba voorgelees is. Die tweede, ‘n kortverhaal, is in haar universiteitsjare in Huisgenoot gepubliseer.
Eers twintig jaar later, in 1995, gee sy weer aandag aan haar skryfwerk. Sedertdien het ‘n verskeidenheid verhale en humoristiese artikels in tydskrifte verskyn asook in die omgewing van 50 boeke in verskillende genres.
Eers twintig jaar later, in 1995, gee sy weer aandag aan haar skryfwerk. Sedertdien het ‘n verskeidenheid verhale en humoristiese artikels in tydskrifte verskyn asook in die omgewing van 50 boeke in verskillende genres.
Ratings & Reviews
Friends & Following
Create a free account to discover what your friends think of this book!
Community Reviews
Displaying 1 - 16 of 16 reviews
March 2, 2022
Wat? Hoe? Hoe kry jy dit reg Chanette Paul. Weer eens ‘n uitstekende boek wat ek definitief vir enige iemand aanbeveel. Om weer saam met die Vywervroue te kuier was rerig ‘n voorreg gewees. Om weer naby hulle almal te wees, maar ook om nou die “storie” van die steunpilaar te hoor. Waar ons altyd iemand sal sien wat sterk en altyd in beheer is, om uit te vind dat Sy ook maar net ‘n mens is. Iemand wat hard deur die lewe gedruk was maar so gevorm is, na wat sy vandag is. ‘n Sterk, onafhanglike vrou. Sy wat deel is van die Vywervroue maar tog voel sy, sy sit op die kantlyn. Kyk na almal se lewe maar besef ook, haar jare stap ook aan en dalk moet sy vrede maak. Vrede met die dinge wat met haar gebeur het, lank lank gelede. Welgedaan Chanette, met nog ‘n ongelooflike boek
August 25, 2021
oeg, het ek nou darem hierdie boek geniet, sjoe !! dit is definitief my gunsteling boek van die reeks en ek 'like' marilyn die meeste. dankie tog chanette het hierdie boek geskryf - dankie chanette.
ek is mal oor die feit dat alles nie net 'airy-fairy' is nie, want sulke stories doen dit nou maar net eenmaal nie vir my nie. hierdie storie is 'real', dis hoe dit is en daar word nie doekies omgedraai nie.
puik chanette, puik.
#ekleeslapa #lapauitgewers
ek is mal oor die feit dat alles nie net 'airy-fairy' is nie, want sulke stories doen dit nou maar net eenmaal nie vir my nie. hierdie storie is 'real', dis hoe dit is en daar word nie doekies omgedraai nie.
puik chanette, puik.
#ekleeslapa #lapauitgewers
August 12, 2021
#marilyn - Chanette Paul
#Lapa
Die vywervroue, Lira, Mirre en Corali, se verhale was reeds in die Vywerbaai-trilogie vertel. In al drie se lewens was daar egter Marilyn, vriendin en surrogaat ma vir hulle almal, maar met haar eie ongeneesde seer uit die verlede. Daarom beskou sy haarself ook nie as ‘n vywervrou nie, maar eerder as ‘n kaivrou, wat, in teenstelling met eersgenoemde, boos is en mans en kinders vernietig. Ten spyte daarvan is sy gelukkiger as ooit voorheen in haar lewe - totdat haar verlede - in die persoon van Paul Avenant - skielik weer lewensgroot voor haar staan.
Die leser word dan, deur middel van terugflitse, aan die jong Maria Marais bekendgestel. Maria wat later, na moeilike grootwordjare, trauma, teleurstellings en verraad Marilyn Murray sou word. In die hede speel Marilyn se verhaal vierkantig midde in die Covid-pandemie af: 14 Februarie tot 5 Desember 2020. Die karakters se vrese en onsekerheid hiertydens word oortuigend en realisties aan die leser oorgedra.
Sentraal in die roman is egter Maria se metamorfose na Marilyn - en almal wat ‘n rol in die proses gespeel het. Ek was aanvanklik bekommerd dat Marilyn se geheimsinnige, amper magiese, bekoring, verlore sou gaan indien haar storie vertel sou word, maar dit het glad nie gebeur nie. Met Marilyn het die skrywer ‘n onvergeetlike karakter geskep: nie die tradisionele romantiese heldin nie, maar ‘n volwasse vrou wat waarlik gelewe het.
Ek dra graag Ronnie Belcher se gedig ‘Blou Nyl’ aan Marilyn en Paul op:
‘Ons liefde lank gelede was die wind,
wolke wat breek, die tuimel van bergstrome
oor hoë kranse en deur dale,
hartstog, verlange, drome.
Maar nou het waar die vlaktes is
die onrus van die jeug verdwyn
en kronkel daar ‘n diep rivier
magtig en stil deur die woestyn.’
5 sterre van #uitdieperdsebek
#Lapa
Die vywervroue, Lira, Mirre en Corali, se verhale was reeds in die Vywerbaai-trilogie vertel. In al drie se lewens was daar egter Marilyn, vriendin en surrogaat ma vir hulle almal, maar met haar eie ongeneesde seer uit die verlede. Daarom beskou sy haarself ook nie as ‘n vywervrou nie, maar eerder as ‘n kaivrou, wat, in teenstelling met eersgenoemde, boos is en mans en kinders vernietig. Ten spyte daarvan is sy gelukkiger as ooit voorheen in haar lewe - totdat haar verlede - in die persoon van Paul Avenant - skielik weer lewensgroot voor haar staan.
Die leser word dan, deur middel van terugflitse, aan die jong Maria Marais bekendgestel. Maria wat later, na moeilike grootwordjare, trauma, teleurstellings en verraad Marilyn Murray sou word. In die hede speel Marilyn se verhaal vierkantig midde in die Covid-pandemie af: 14 Februarie tot 5 Desember 2020. Die karakters se vrese en onsekerheid hiertydens word oortuigend en realisties aan die leser oorgedra.
Sentraal in die roman is egter Maria se metamorfose na Marilyn - en almal wat ‘n rol in die proses gespeel het. Ek was aanvanklik bekommerd dat Marilyn se geheimsinnige, amper magiese, bekoring, verlore sou gaan indien haar storie vertel sou word, maar dit het glad nie gebeur nie. Met Marilyn het die skrywer ‘n onvergeetlike karakter geskep: nie die tradisionele romantiese heldin nie, maar ‘n volwasse vrou wat waarlik gelewe het.
Ek dra graag Ronnie Belcher se gedig ‘Blou Nyl’ aan Marilyn en Paul op:
‘Ons liefde lank gelede was die wind,
wolke wat breek, die tuimel van bergstrome
oor hoë kranse en deur dale,
hartstog, verlange, drome.
Maar nou het waar die vlaktes is
die onrus van die jeug verdwyn
en kronkel daar ‘n diep rivier
magtig en stil deur die woestyn.’
5 sterre van #uitdieperdsebek
January 9, 2022
Marilyn deur Chanette Paul 🧜🧜🧜🧜🧜
Eerste Afrikaanse boek klaar vir die jaar en ek konnie vir beter vra nie.
So het ons nou al die skeppings van die Vywervroue. En dit was goed. Dit was baie goed. Gaan ons nou rus? Verseker nie.
Nou gaan soek ons die Vywervrou in elke vriendin, suster, skoonsuster, Ma, skoonma en kollega. En as jy net 'n kaivrou kry - gaan dink hoekom is sy so en watter flavour kan jy in haar lewe bring om 'n Vywervrou te word.
"Ons het dalk ons vissterte laat opvreet, maar ons is soos seekatte en seesterre wie se ledemate kan teruggroei. Ons is dalk verwond en soms vermink, maar ons is nie oorwonne nie."
Dankie Chanette Paul, jy is 'n Vywervrou van formaat en hierdie leser sien baie uit om te sien watter stories kom nog uit jou stert.
Eerste Afrikaanse boek klaar vir die jaar en ek konnie vir beter vra nie.
So het ons nou al die skeppings van die Vywervroue. En dit was goed. Dit was baie goed. Gaan ons nou rus? Verseker nie.
Nou gaan soek ons die Vywervrou in elke vriendin, suster, skoonsuster, Ma, skoonma en kollega. En as jy net 'n kaivrou kry - gaan dink hoekom is sy so en watter flavour kan jy in haar lewe bring om 'n Vywervrou te word.
"Ons het dalk ons vissterte laat opvreet, maar ons is soos seekatte en seesterre wie se ledemate kan teruggroei. Ons is dalk verwond en soms vermink, maar ons is nie oorwonne nie."
Dankie Chanette Paul, jy is 'n Vywervrou van formaat en hierdie leser sien baie uit om te sien watter stories kom nog uit jou stert.
January 4, 2022
Party-girl Marilyn se wel en wee is weereens n lekker lees. Mens kry soveel deernis vir haar sodra jy haar storie ken. Dit laat mens besef dat elke vrou n storie het. Nou kan ek nie wag vir die Kaivroue nie.
October 21, 2021
Nou wonder ek, gaan daar 'n "Anna" en 'n "Leah" ook uitkom?
Pragtig!!!
Pragtig!!!
August 10, 2021
Ek is sommer baie bly dat Chanette Paul geswig het onder die druk van haar lesers om Marilyn se storie te skryf. Marilyn is immers die gemene deler onder die Vywervroue. Die skrywer het in 'n onderhoud gesê dat sy moeilik geskryf het daaraan, maar die eindproduk is 'n boeiende verhaal wat afspeel in twee tydgleuwe.
Vir die huidige word die storie geanker in die grendeltyd van 2020. Juis in hierdie uitdagende tyd maak Paul Avenant weer sy verskyning in haar lewe, en eers baie bladsye later word al die misverstande uitgestryk en ou koeie begrawe. Marilyn se situasie in 2020 word afgewissel met terugblikke na 1975 en later, beginnende by haar lewe as jong meisie in Potchefstroom. Geleidelik word ontstellende gebeure ontknoop, gebeure wat daartoe lei dat Maria Marais later Marilyn Murray word.
Met die lees van hierdie lywige boek het ek opnuut respek gekry vir 'n skrywer wat met soveel karakters en storielyne kan kophou. Ek het aanvanklik byna gesukkel om op dreef te kom, want ek wou opsluit al die detail van die voorafgaande drie boeke oprakel en aanhoudend die karakterlys raadpleeg. Dit het dissipline gekos om net te lees en staat te maak op die vernuf van die skrywer om die nodige elemente uit te lig wat nodig is om vir Marilyn, met haar komplekse geskiedenis, te ondersteun. Na ek só besluit het, was ek baie gou vasgevang, en het ek met moeite die boek neergesit, en net wanneer dit nie anders kon nie! Ek voel hierdie kaivrou verdien beslis vyf sterre.
Vir die huidige word die storie geanker in die grendeltyd van 2020. Juis in hierdie uitdagende tyd maak Paul Avenant weer sy verskyning in haar lewe, en eers baie bladsye later word al die misverstande uitgestryk en ou koeie begrawe. Marilyn se situasie in 2020 word afgewissel met terugblikke na 1975 en later, beginnende by haar lewe as jong meisie in Potchefstroom. Geleidelik word ontstellende gebeure ontknoop, gebeure wat daartoe lei dat Maria Marais later Marilyn Murray word.
Met die lees van hierdie lywige boek het ek opnuut respek gekry vir 'n skrywer wat met soveel karakters en storielyne kan kophou. Ek het aanvanklik byna gesukkel om op dreef te kom, want ek wou opsluit al die detail van die voorafgaande drie boeke oprakel en aanhoudend die karakterlys raadpleeg. Dit het dissipline gekos om net te lees en staat te maak op die vernuf van die skrywer om die nodige elemente uit te lig wat nodig is om vir Marilyn, met haar komplekse geskiedenis, te ondersteun. Na ek só besluit het, was ek baie gou vasgevang, en het ek met moeite die boek neergesit, en net wanneer dit nie anders kon nie! Ek voel hierdie kaivrou verdien beslis vyf sterre.
September 7, 2021
Ek is sooo bly ons kon jou oortuig om Marilyn te skryf, Chanette want weer eens het jy dit briljant gedoen! Jy laat die karakters lewe en ek is spyt om nie meer deel van die Vywervroue se wêreld te wees nie - ek gaan hulle mis!
Regtig baie goeie skryfwerk. Ek het dit geweldig geniet. Baie dankie vir al jou harde swoeg en sweet te midde van moeilike omstandighede! Ek is seker ek praat vir almal as ek sê ons, as jou lesers, waardeer dit regtig baie.
Regtig baie goeie skryfwerk. Ek het dit geweldig geniet. Baie dankie vir al jou harde swoeg en sweet te midde van moeilike omstandighede! Ek is seker ek praat vir almal as ek sê ons, as jou lesers, waardeer dit regtig baie.
October 6, 2021
Marilyn geskryf deur Chanette Paul is weereens uitstekend.
Ons is almal menslik en hoe ouer ons word hoe meer bewus raak ons van wat belangrik is in die lewe. Met die Covid-19-pandemie het dit weer vir almal perspektief gegee oor hoe min tyd ʼn mens tot jou beskikking het en dat jy nie moet uitstel nie, tyd is kosbaar. Vriendskap is ook belangrik soos wat die vywervroue dit bewys het in die Vywervrou boek (Corali, Mirre, Lira en Marilyn)
Ons is almal menslik en hoe ouer ons word hoe meer bewus raak ons van wat belangrik is in die lewe. Met die Covid-19-pandemie het dit weer vir almal perspektief gegee oor hoe min tyd ʼn mens tot jou beskikking het en dat jy nie moet uitstel nie, tyd is kosbaar. Vriendskap is ook belangrik soos wat die vywervroue dit bewys het in die Vywervrou boek (Corali, Mirre, Lira en Marilyn)
January 14, 2024
Die lewe is nie maklik nie en vir baie is dit nie moontlik om meer as een keer lief te hê nie. Tyd speel ook ‘n groot rol en al het dit meer as veertig jaar geneem om uiteindelik haar silwer jare met die liefde van haar lewe te deel, het Marilyn geen berou oor die paaie wat sy gestap het nie. ‘’No Regrets”. Wat ‘n wonderlike verhaal.
December 26, 2021
Puik!! Wil nog hê.
April 18, 2022
Chanette Paul op haar beste, die lekkerste lees wat ek in ñ Lang tyd gehad het
May 27, 2024
Ek sien uit vir Celeste en Daaf!
Die een was mooier as die ander en tog elkeen so uniek.
Die een was mooier as die ander en tog elkeen so uniek.
March 24, 2024
Díé was 'n anderste lees. Met tye swaar: Die lees van Marilyn se geskiedenis, en ook die terugblik op die inperking in 2020,nou presies 4 jaar gelede.
Om te lees hoe enkele besluite, meer as 40 jaar terug, jou hele lewe verander. En hoe misverstande en besluite wat jy neem terwyl jy jie die volle prentjie het nie, was insiggewend.
Maar dat Marilyn nou vrede het, en liefde op die koop toe, is ń goeie gedagte.
Ek sou graag meer van Lira, Mirre, Corali en hul aanhangsels sou hoor, maar besef dat dit nodig was dat Marilyn die reis alleen aandurf. Om te verstaan, te seëvier en te LEEF.
Om te lees hoe enkele besluite, meer as 40 jaar terug, jou hele lewe verander. En hoe misverstande en besluite wat jy neem terwyl jy jie die volle prentjie het nie, was insiggewend.
Maar dat Marilyn nou vrede het, en liefde op die koop toe, is ń goeie gedagte.
Ek sou graag meer van Lira, Mirre, Corali en hul aanhangsels sou hoor, maar besef dat dit nodig was dat Marilyn die reis alleen aandurf. Om te verstaan, te seëvier en te LEEF.
September 3, 2021
Nie net is Marilyn my gunsteling van die Vywervrou "trilogie" nie, maar my gunsteling van al Chanette se boeke.
January 13, 2023
Briljante boek. Was so bly om Marylin se storie te volg. Baie geniet
Displaying 1 - 16 of 16 reviews