حكايات الروب الأسود

by أدهم العبودي

Genres: Audiobook

180 pages, Paperback

First published January 1, 2021

About the author

روائي وقاص مصري،درس في كلية الحقوق جامعة أسيوط، فازت روايته الأولى "باب العبد" بجائزة الشارقة للإبداع العربي 2012، كما فازت قصّته "النجس" بجائزة إحسان عبد القدّوس في عام 2011، له مجموعة قصصية بعنوان "جلباب النبي" أُختيرت كأفضل عمل أدبي لعام 2011 في استفتاء منتديات حلمك على شبكة الانترنت، وله رواية "متاهة الأولياء" وفازت قصّته "فراشة يوماً كانت حبيبتي" بجائزة اتّحاد الكتّاب 2013، وله رواية "الطّيبيون" والتي تصدّرت قائمة أفضل الكتب العربية الصادرة في القرن الواحد والعشرين على
good reeds
نشرت له فصول من رواياته في العديد من الدوريات الأدبية منها: الأهرام واخبار الأدب والثقافة الجديدة وأدب نقد. كما نشرت له العديد من القصص في الدوريات الأدبية المصرية والعربية منها: مجلة الثقافة الجديدة.. الرافد.. البحرين الثقافية.. الكلمة.. جريدة أخبار الأدب.. جريدة القاهرة.. المساء.. الوفد.. الأهرام.. وغيرها.
يكتب مقالات وأعمدة بشكل دوري في العديد من الصحف والمواقع الإلكترونية منها: الأهرام- القاهرة "عمود (دعوة للمراجعة)"- الشارع "عمود (دوس بنزين)"- موقع كتب وكتّاب "عمود (سبوت)"- موقع "الشبّاك".
اختيرت روايته "متاهة الأولياء" كثاني أفضل رواية صدرت في الوطن العربي بعد رواية "366" لأمير تاج السّر في عام 2013 في استفتاء مؤسّسة نجيب محفوظ الثقافية.
عضو اتّحاد كتّاب مصر.
مقرّر لجنة القصّة باتّحاد كتّاب مصر.
كتب عن أعماله العديد من النقّاد والكتّاب: بهاء طاهر- أمير تاج السّر- أشرف البولاقي- د. محمود الضبع- عبد الرحمن الأبنودي- أشرف الخمايسي- د. شريف الجيّار- وائل النجمي- مصطفى القاضي- أسامة حبشي- زياد إبراهيم عبدالمجيد- محسن يونس- هاني عبدالكريم- باهر بدوي- هشام علوان- هدرا جرجس- وغيرهم.
حاورته العديد من الدوريات الأدبية والثقافية: الإذاعة والتليفزيون- روز اليوسف- السياسة الكويتية- صدى البلد- الشارع- البوابة- فيتو- القاهرة- الوطن- وغيرها.
إضافة إلى إصدارات روايات "الطيبيون" و"خطايا الآلهة" و"الخاتِن".

Reviews

[Mai M Ibrahim · Rating 4 out of 5]

حكايات الكاتب/المحامي ف المحاكم .. قصص واقعية

دي مغامرة.. وانك تتعرف ع اشياء جديدة ل حد مدخلش محاكم ولا عمل قضايا قبل كده زي حالاتي مثلًا 😂

[سلوان البري · Rating 5 out of 5]

«مايعرفوش إن المحامي اللي دوره في الدنيا يجيب حق الناس مش هيغلب في حقه يعني!»
★★★★★★

تُعد هذه العبارة هي الخلاصة الحقيقية في حياة أي محامٍ عالم بحقوقه وواجباته القانونية، وقد ورد ذكرها في كتاب (حكايات الروب الأسود.. أسرار وقضايا من دفاتر المحكمة) للأديب والمحامي المصري أ/ أدهم العبودي.
أما عن الكتاب فقد دُوِّن كاملًا بالعامية المصرية و تُعتبر -هذه التفصيلة- إحدىٰ نقاط القوة في عملية السرد.. فسواء كنت ممن يعملون بالمجال القانوني أو حتىٰ ممن يقرؤون فيه لأول مرة فستفهم كل الحكايات بسهولة ويسر دون أي تعقيد.. والأهم من هذا أنك ستشعر طوال مدة قراءتك للعمل أنك تحيا داخل خفايا ودهاليز الأجواء القانونية المصرية؛ ففي كل حكاية سترىٰ محاميًا ووكيل نيابة والأهم من ذلك أنك سترى جانيًا ومجنيًا عليه أيضًا وبمرور الحكايات ستشعر أنك صرت مشاركًا في كل تلك القضايا وقد تُصدر حكمك أيضًا علىٰ الأشخاص المذكورين أمامك.
باختصار ستحيا لفترة وجيزة داخل عالم المحاكم السحري وستطلع بعين خبير كيف يمكن أن ينقلب الحق باطلًا والباطل حقًا.. والأهم من كل هذا أنك سترى حكمة الله في نصرة عباده المظلومين ولو بعد حين.
وبالنسبة لأحداث الكتاب فهو عبارة عن مجموعة من الحكايات الواقعية التي مرت على كاتبها أثناء عمله بالمحاماة، والتي تدفع القارئ للبحث والتنقيب عن الأسباب الخفية التي قد تدفع أحدهم لظلم أخيه والعدوان عليه دون أي وجه حق.

تقييمي الشخصي للعمل: ٥/٥
★★★★★
#قراءات_حول_العالم #تحدي_أبجد_للقراءة

[Mina Habib · Rating 2 out of 5]

* هذا الكتاب هو ثاني قراءاتي للكاتب أدهم العبودي بعد قراءة روايته ما لم تروه ريحانة، واللي للأسف ما عجبتنيش لعدة أسباب، اللي ماعتقدش إن هو ده المكان المناسب لتفصيلها، ولكن اللي مخليني أذكر النقطة دي إن أغلب الأسباب دي أختفت في هذا العمل اللي أقدر أقول عليه إنه مختلف تماماً عن رواية ما لم تروه ريحانة، ولكن للأسف بردو العمل ده ماعجبنيش وإن كان عدم إعجابي به بدرجة أقل شوية من رواية ما لم تروه ريحانة، و في نفس الوقت بعض الأسباب متعلقة بطبيعة العمل نفسه ومالهاش دعوة بالكاتب نفسه.

* خلوني أبدأ من عند أول نقطة مركزية و اللي تعتبر السبب الأكبر في عدم إعجابي بالعمل، و النقطة دي هي إن المحاماة طلعت شغلانة مش مبهرة. خلوني أوضح أكتر، أغلب خلفياتنا عن بعض المهن زي المحاماة و حتى محققين الشرطة بتبقى مأخوذة من التلفزيون و السينما، اللي بعضها قد يكون حقيقي ولكن محطوط على الشاشة بصورة أكثر إبهاراً علشان القصة تشد المشاهد ده غير إن القصص اللي بتتعمل في السينما و التلفزيون هي الاستثناء وليست الصورة الطبيعية للعمل المعتاد.

* خلونا نضيف كمان إن إحنا كمصريين، على الأقل، مش شاطرين في موضوع القوانين وبعضنا بالعافية عارف حقوقه و الغالبية العظمى مش عارفة حاجة لا عن حقوقها و لا عن القانون، وبالتالي بعض الحكايات المذكورة قد تكون مبهرة بالنسبة للمحاميين والمتخصصين بس بالنسبة لقارئ عادي زي حالاتي، الحكايات شكلها عادي جداً وما فيش أي جانب مبهر فيها.

* الكتاب مكتوب بلغة عامية خلت الحكايات أخف شوية و قرائتها سهلة و خفيفة و بسيطة، ماعدا في بعض المصطلحات والكلمات الغير دارجة بين عموم الناس وبعض الكلمات المتداولة بين أهل المدينة نفسهم و معتادين عليها ولمن مش دارجة بالنسبة لي. وأعتقد إن فيه بعض الحاجات كان ممكن يحصلها نوع من التوضيح أو يبقى فيه هوامش بسيطة جداً. أعتقد إن الهوامش دي ماكنتش هتتعدى الصفحتين تلاتة.

* خلوني بقى أنتقل معاكم إلى الجانب الل مالوش دعوة بالكاتب نفسه ولكن له دعوة بالمهنة نفسها واللي أصبح بوابة خلتني أسأل أسئلة أكتر و أكثر عمومية دون أجد إجابة قاطعة. الحقيقة إن طول عمري بستغرب المحاميين بالذات، خاصة لما بسمعهم بيتكلموا أو بيحكوا، لأنك من خلال كلامهم بتقدر تشوفهم و هما بيلتفوا على القانون أو بيستغلوا ثغراته علشان يكسبوا قضاياهم. يعني خليني أقولكم عن الحكاية اللي في الكتاب اللي فجرت هذا التساؤل في دماغي، في أحد الحكايات بيحكي الكاتب عن نصاب نصب على تجار و أختفى و هو اتكعبل في هذا النصاب صدفة و عمل لقطة ما علشان يروحوا القسم، ومع الاستعلام عن هذا الشخص أتضحت الأحكام اللي عليه، و المفروض إن قانوناً بشكلٍ ما الشخص ده هيخرج من النيابة بالرغم من هذه الأحكام، فيلجأ المحامي و التجار إنهم كل شوية يروحوا يقدموا فيه بلاغ مختلف، فكل ما يروح النيابة ويرجع علشان يتم صرفه من القسم يلاقوا عليه محاضر جديدة و يحتاج يروح النيابة، والكاتب هنا بيعترف إن هو اللي نصح التجار بهذه الطريقة علشان يقدروا يضغطوا على النصاب و يأخدوا الفلوس، و السؤال هنا هل ده قانوني وأستخدام جيد للقانون؟!

* الفكرة كمان وسعت أكتر و بدر لذهني الجملة الشهيرة بتاعت الأفلام إن كل شخص حتى لو كان مجرم لازم يكون عنده محامي يدافع عنه، و هنا بقى فيه أسئلة كتير، هل عدم إقتناع المحامي ببراءة موكله تخليه يتخلى عن الدفاع عنه، طب لو كل الناس شايفينه مذنب مين اللي هيدافع عنه، وهل ينفع شخص مش مقتنع ببراءة متهم ما يدافع عنه، أو بالأحرى هل هيعرف يدافع عنه و هل هيهتم إنه يدافع عنه؟ و السؤال لو فيه شخص ما متهم بجريمة ما وفيه خطأ ما في الإجراءات أو في طريقة القبض عليه، و ده طبعاً يخلي القضية تبوظ و يطلع براءة، يا ترى هل المحامي اللي هيعمل كده هيتبص له على إنه بيعمل شغله، ولا على إنه بيضيع حقوق ناس، وبيساعد مجرم على الهروب بجريمته؟!

* الحقيقة إن السؤال ده كمان امتد بيا أكتر، ولقيت نفسي لقول طب إشمعنا السؤال ده ما بنسألوش عن الطبيب مثلاً، يعني ليه بنبقى شايفين الدكتور المفروض ينقذ حياة أي شخص حتى لو هو الأعظم فساداً بين البشر على الأرض، طبعاً لو ده في إستطاعة الطبيب. بالعكس ده لو حصل العكس بنشوف الدكتور ده عنده مشكلة و أخى بمهنته و شرف مهنته، وكلام كتير من الكلام الكبير ده؟! هل السبب في ده هو طبيعة مهنة المحاماة نفسها و كونها بتبقى طرف أساسي في تحقيق العدالة و إرجاع الحقوق لأصحابها؟! ماعنديش إجابة شافية الحقيقة، ولكن الحقيقة عندي أسئلة كتير بخصوص مهن كتير، زي مهندس الديكور و التشطيبات مثلاً اللي ممكن يكون شغال في مشروع و خسران في بعض بنوده و بيستغل أي تعديل يطلبه العميل بإنه يحمل عليه جزء من خسارة المشروع، فهل ده شطارة من المهندس وشيء مشروع و لا ده شيء خاطيء؟؟ كمان المحاسبين مثلاً، خاصة القانونيين منهم واللي بيتفننوا في إنهم يخفضوا ضرائب أصحاب الشركات، والمحاسبين اللي بيروحوا يشتروا فواتير ضريبية علشان يحطوا عليه مصاريف الشركة في حين دي تعتبر طريقة غير قانونية، فهل دي شطارة و لا شيء مخالف للقانون؟ و الأهم إزاي أصحاب هذه المهن بيلاقوا منطق لنفسهم يقدروا بيه يتصالحوا مع هذه الأفكار والأفعال، و إيه هو المنطق منه، والحقيقة إنهم من غير هذا المنطق والتبرير اللي بيقدمه لهم عن تصرفاتهم مش هيقدروا يعيشوا لأنهم هيشوفوا نفسهم بصورة وحشة.

* رغيت كتير و يمكن أكون خرجت برة الموضوع و فكرة المراجعة، ولكن هي دي الأفكار اللي جت في دماغي و سيطرت عليها أثناء قراءة الكتاب وبعد الإنتهاء منه، ولكن لازم الواحد يقول بردو إن الكتاب سهل وبسيط و page turner و بتحقق فيه تقدم بسهولة وبسرعة و اكيد يصلح تماماً كإستراحة بين عملين ثقيلين.

[Eng. Mohamed ali · Rating 5 out of 5]

أدهم العبودى كاتب موهوب ومن العيار التقيل,بداية معرفتى بيه لما فزت بجائزة عن طريق أحد جروبات القراءة والجايزة كانت رواية ما لم تروه ريحانة لادهم العبودى وقابلته فى مقهى فى وسط البلد علشان استلم نسختى وكانت سهرة لطيفة امتدت لمنتصف الليل اتكلمنا فيها فى مواضيع كتير وكانت فرصه انى اعرفه على المستوى الشخصى قبل مأقراء كتاباته لمست فيه الجراءةوالاعتزاز بالنفس وثقل خبراته علشان كده وانا بقراء المواقف اللى مر بيها فى احداث الكتاب مكنتش مستغرب لانها بتنطبق فعليا على الانسان اللى اتعرفت عليه.
الكتاب نفسه فعلا تجارب مميزة وانسانيه ولغته العاميه كانت أفضل اختيار ,
والعامية هنا موش ضعف من الكاتب ,اللى عايز يشوف لغة ادهم العبودى يقراء باقى اعماله زى حارس العشق الالهى اللى من روعة لغته ناس طبعتها على انها من تاليف جلال الدين الرومى وباعتها على كده.
مهنة المحاماة مهنة عظيمة فى البلاد المحترمه بيكونوا اعلى دخل وفى قمة هرم السلطة وده كان حاصل عندنا فى مصر قبل عبد الناصر وقبل ماينضرب السنهورى ايذانا ببدء دولة اللا قانون,وعلشان كده المحامى بيقوم بدور شاق ومضنى وبيصارع أجهزة كتير كلها بتحاول تقضى على المعنى الانسانى للعداله,عندنا مقولة معروفة ان القانون لايحمى المغفلين مع ان دور القانون الحقيقى انه يحمى المغفلين والبسطاء .
كان ليا تجربة على المستوى الشخصى مريت بيها خلتنى لفترة طويلة اتردد على المحاكم ولولا وجود محامى كبير بجوارى مكنتش هقدر أجيب حقى وقربى منه خلانى عرفت يعنى ايه قيمة وجود محامى صاحب مبداء وأخلاق وشايف ان مهنته رساله كبيرة قبل ماتكون دخل مادى وطريقة للعيش فى ظل كل الترهات اللى بتحاوضنا فى المجتمع .

[Maha Moustafa · Rating 5 out of 5]

أول مرة اقرأ لأستاذ أدهم وكان في بالي اقرأ له من فترة بس كتب تانية خالص غير ده، كتب كان بيشدني غلافها أو اسمها اللي فيه صوفية شويه وجيه الكتاب ده غير فكري خالص وخلاني أعرف أستاذ أدهم بشكل تاني وهو أنه محامي شاطر من الأقصر والكتاب بجد ممتع والحكاوي مش مملة خالص والتعليق على ��قرألي جميل من المعلقة هند يوسف🌹

[zahraa esmaile · Rating 4 out of 5]

#ماوراء_العالم
#قراءات_2021
من جديد مع كتب السير الذاتية
وهذه المرة كانت الرحلة عبر أروقة المحاكم
ولمحات من السيرة الذاتية للكاتب والمحامي أ.أدهم العبودي
يصحبنا الكاتب إلى عالم المحاكم والمحاماة
الثري جداً بتجاربه الإنسانية ومفارقاته
يحكي لنا عن قضايا كان طرفاً فيها
فنسمع منه عن قضايا إنتهت بالقانون وثغراته
ونتعرف على بعض الحيل القانونية للغاية...ولمنها فارقي في قضايا ضخمة
ونتعرف على عالم المحاماة الأخلاقي...والاأخلاقي في بعض الأحيان
وطرق التلاعب بمواد القانون من قبل البعض
قضايا كان الحكم فيها ليد القدر
وقضايا إنتهت قبل أن تبدأ
ولحظات فارقة في حياة الجميع
نتعرف على الجوانب الإنسانية لهذا العالم المثير
التعاضد بين أبناء المهنة...برغم التنافس على لقمة العيش
جاءت بعض الفصول حزينة للغاية...ولمست بعض الفصول قلبي
خاصة"سر حبي للمحكمة" ف كان هذا الفصل تحديداً الأقرب لقلبي على الإطلاق
وكانت بعض الفصول درامية لدرجة البكاء
كتاب جميل...تمنيت لو طالت رحلتي معه
4 نجوم لكتاب بطعم الونس...وجلسات الأصدقاء
إنتهى الريفيو
#الكتاب_رقم_66
#سيرة_ذاتية
66/100
1-يوليه

[Noha Bassiouny · Rating 4 out of 5]

دايمًا كنت بشوف المحاكم من زاوية القاضي مش المحامي، بس الكتاب ده قدملي منظور مختلف تمامًا. بأسلوب خفيف ولطيف، بيحكي المواقف من وجهة نظر المحامي و المجني عليهم أحياناً و المتهمين أحيان أخرى. كتاب مسلي جدًا.

[Mona Saad · Rating 3 out of 5]

كتاب باللغة العاميَّةِ المصريَّة
ولأنَّ مدرسة الحياة والواقعِ هي أقوىٰ معلِّمٍ ،
فأحببتُ قراءةَ هذا الكتابِ ...


🔖« كنت رايح أخسر كل شيء »
الفصل كله يوصل أفكارًا مغلوطة تهدفُ لإيصالِ أفكار شاذة ،
كون أن حضرتك أولا تقوم بضرب الصول والسبب لمجرد أنه يقطع رزق محامين آخرين !!!
أولاً مبدأ التعدي نفسه خطأ ، لسنا في غابة أعتقد وفكرة أن يقوم من يحمون القانون بهذا لهو شيءٌ مؤسفٌ .
ثانيا : التعليل بكونك وقفتَ لمجردِ قطع الأرزاق ليس لأن هذا لا يتفق مع الأخلاقياتِ والمبادئِ لهي مأساةٌ أخرى ؛
فشخص كهذا الصول ليس أهلًا للأمانة بتاتًا !

[Mohamed Shawara · Rating 3 out of 5]

حكايات الروب الأسود

هو كتاب يضم مجموعة من القصص القصيرة أو المقالات والسرد لوقائع حقيقية كتبها “أدهم العبودي”. وكما يوحي العنوان، تدور جميع القصص حول قضايا وأحداث واقعية واجهها الكاتب، وهو محامٍ، خلال عمله في ساحات المحاكم، وأقسام الشرطة، والنيابة.

الأسلوب العام بسيط ولطيف، مكتوب بالعامية المصرية، مما يجعل القراءة ممتعة وسهلة.
الكتاب خفيف على القلب، وقد استمتعت بالاستماع إليه عبر منصة “إقرألي”، كما أنه متوفر على “أبجد”.

#فريديات

[إيمان · Rating 3 out of 5]

عمل كان غريب عليا وغير معتاد عن اللي اتعودت عليه من أدهم العبودي خاصة في استخدام اللغة العامية في السرد..
حكايات حقيقة جداااااا بعضها ممل وبعضها شيق وبعضها مرعب وبعضها مؤلم جداااااا من واقع المجتمع اللي عايشين فيه..
يمكن لو الحكايات دي اتكتب بصيغة عامة مش شخصية انها قضايا أدهم العبودي نفسه كان هيبقى افضل..
استمتعت بعمل خفيف لكن هناك ماهو أفضل في جعبة أدهم العبودي.

[Ahmed Shetoes · Rating 4 out of 5]

المحاماة ليست مجرد مهنة؛ يُمكن أن يمتهنها عابر، ليست مجرد وظيفة؛ ولا يجوز أن تُفرض كعمل، إنها تقوم أولًا على المحبة والعطاء، وينبغي لمن يقرر أن يشتغل فيها أن يهب وقته كاملًا لها، وأن يهب حياته في سبيل الدفاع عن القانون في المقام الأول..
والقاعدة تقول: إن كل متهم بريءإلى أن تثبت إدانته، والدستور المصري نص غلى حق الدفاع لكل المواطنين، من هنا ينطلق كتاب #حكايات_الروب_الأسود ليتقصى أثر المحاماة في حياة ممتهنيها، بما في ذلك ما يجري داخل أروقة المحاكم والنيابات، ملابسات القضايا، وكيفية النظر في كل قضية من أكثر من زاوية، أهمها الزاوية الإنسانية؛ التي يُمكن أن نُطلق عليها (روح القانون).
هل استطاع (أدهم العبودي) المحامي -قبل أن يكون كاتبًا روائيًا- أن يجيب عن الأسئلة التي تدور في أذهان الناس عن المحاماة والقضاء والعدالة والقانون وكيفية تطبيقة؟ هل يُمكن أن يسترشد الناس بهذه الحكايات لتبديل الصورة الذهنية السائدة عن المحاماة؟
قصص ملهمة وحكايات إنسانية تأخذنا معها إلى حيث لم يذهب أحد، أسرار وقضايا متشابكة ووقائع أقل ما يقال عنها إنها: مستحيلة الحدوث إلا في المحكمة.
#نقرأ_لأن_حياة_واحدة_لا_تكفي
#من_بلاد_بلا_هوية

[Shimaa Yosri · Rating 5 out of 5]

كتاب لطيف خفيف، دخلنى عالم مختلف، عالم النيابة و المحاماة و القضاء، قضايا من كل نوع، و برضه محامين كل واحد له قناعاته و أسلوبه، عجبنى إن الكاتب اتكلم بسهوله عن عيوبه و المواقف اللى اتهور فيها و المواقف اللى استجدع فيها، و حتى لما اتنصب عليه من بعض الموكلين....كل مهنة و لها عالمها فعلا

[Rahma Nashat · Rating 4 out of 5]

استمتعت بها جدا بالرغم من اللغة العامية وهذا نادرا ما يحدث معى .

[Sara Mohamed · Rating 4 out of 5]

I like it

[Gehad Eldesouky · Rating 5 out of 5]

حكايات قريبة من القلب بلهجة سلِسة ماتعة

[Hadeer Rabie]

بعيد عن القصة دي
ندمت أني قرأت للشخص ده علماني وجاهل

[Ahmed Halawa · Rating 4 out of 5]

ضحك للركب
بصراحة أنا قرأت الكتاب صدفة بعد ما قرات مراجعة و من أول صفحة وقعت من الضحك علي مواقف و طرائف المحاكم و الاقسام و النيابات و زي ما كان في ضحك كان فيه مرارة و حزن من بعض المواقف و بعض أفعال البشر في بعض