العذراء والجحيم

نادر فودة #6

by أحمد يونس

رعب

Genres: Horror, Novels

224 pages, Unknown Binding

Published July 1, 2021

About the author

أحمد يونس هو مذيع راديو و تلفزيون مصري، من مواليد 30 يناير 1981 (34 سنة)، متزوج و لديه ابن ، حاصل على ليسانس اداب قسم لغة إنجليزية , بدأ عمله في مجال الإعلام كمعد للبرامج. كان من أوائل المذيعين الذين انطلقوا مع بداية الإذاعة المصرية الشهيرة نجوم إف إم عام 2003 , كانت فقرة "نص ساعة مع احمد يونس " هى اول ما أذاع على نجوم إف إم،و مؤخرا يقدم برنامج عالقهوة من الساعة ال12 منتصف الليل و حتى ال3 فجرا ايام الاثنين و الاربعاء و الخميس و الجمعة،و كان أيضا يقدم برنامج "حياتنا" مع دكتور سعد الدين الهلالى على نجوم إف إم، و لكنه توقف عن تقديمه في أواخر عام 2014 لأسباب غير معروفة،و اصبح دكتور سعد الدين الهلالي يقدمه منفردا.

Reviews

[Mariam Ahdy · Rating 4 out of 5]

في بداية الرواية قولت اهو اهو خلاص احمد يونس هيكتب بالفصحى و بعدها قلبت كام صفحة و لقتنا راجعنا للعامية فا اتقفلت نوعا ما
اول ٣ فصول فيهم كمية احساس باللى هو ايه في ايه ليه كل حاجه بسرعة كدا
و تحس ان احمد يونس كاتب الرواية و هو متعصب
نادر فودة طول ال ٣ فصول مش طايق حد و مش عايز حد يكلمه .. يعني متعودين منه كاشخصية انه بياخد و يدي في الكلام و فية كدا لطافة يعني بس لا كان دمه تقيل جدا
و الفصل ال ٣ اللي بيحكي فيه الاب قصة بنته مش مرتبه اطلاقا الاحداث لدرجة كنت كل شوية ابص كدا انا في صفحة كام انا عديت أحداث و لا ايه ؟
بعد تكملت الرواية للأخر رغم كمية جفاء المشاعر فيها بس اعتقد انها من احسن فصول السلسلة كاحبكة و قصة عمتا .. استمتعت بيها و خلصتها ف ٣ ساعات تقريبا ..
كانت مرعبة نوعا ما مش هننكر دا عن بقيت الأجزاء
لكن فعلا الجفاء في المشاعر و الحوار بين الشخصيات اللي يحسسك أن محدش طايق حد و تحس ان كلهم شخصية واحد يعني لدرجة أن الجن اللي في الرواية بيتكلم زي البشر ؟!!
دي النقطة اللي ضيقتني عمتا
و نقطة أخرى للأسف مكنش في ربط بين هذه الرواية و بقيت السلسلة غير في اخر صفحة.. و حقيقي مش عارفة امتى هنخلص من شبح هالة اللي واخد دور ملاك نادر فودة الحارس
عمتا..
سلسله ممتعا تحمس حد لسا بيبدأ قراءة أنه يحب الكتب و يتعمق في روايات الرعب ..
و أعتقد أني هفضل متابعة الأجزاء القادمة 👌🏻

[Fatma Hussein · Rating 4 out of 5]

الي يعرفني هيعرف إني بقالي فترة كان عندي فقدان شغف تجاه القراءة تحديداً وكنت بحاول بإستماته مستعينة بربنا إني أرجعّ شغفي تاني وبعد ماقريت كزا كتاب مفيش كتاب رجعلي شغفي بالطريقة دي منهم زي الجزء السادس من سلسلة من السلاسل المفضّلة بالنسبالي ألا وهي سلسلة قصص نادر فودة الي أحمد يونس عرف يوفق فيها نوعاً ما بين قصة شيقة، حبكة جيدة و كمان مغزى في النهاية ده غير عدم وجود كلام خارج أو مشاهد غير محبذ وجودها للحرمانية.

(ربما إلي ضايقني شوية هو كتر الحلفان بغير الله في الرواية وحبيت أقول إنها تعتبر شرك وكفارتها قوّل لا إله إلا الله (للإستفادة العامة))

[Ahmed Charisma · Rating 2 out of 5]

مفيش جديد .. نفس الكائنات الصغيرة الكتيرة .. نفس الكوابيس المرعبة .. نفس حوارات القبور .. نفس دور هالة .. أحلى حاجة فى الكتاب الطبعة بتاعته نضيفة جدا .. وده إللي مغلي سعره .. رغم إن فيها شوية أخطاء إملائية وكمان فراغات زيادة عن اللزوم

[رومولا الن emmajain-book · Rating 3 out of 5]

نعود لمغامرة جديدة مع نادر فوده الكاتب بجريدة الحدث
تصل له رسالة تدعوه للتحقيق بوفاة فتاة بظروف غريبة
نعيش معه مغامرة مع الجن و الطلاسم
قصصة خفيفه و قصيرة
أنصح بها

[Mohamed Khaled · Rating 3 out of 5]

كعادة كتب احمد يونس خفيف لطيف تتسلى بيه كده وده اللي بستناه وبطلع مبسوط. كنت بسمع فيديوهاته زمان وكانت حلوة ف اعتقد لو ليك فالaudio books او الكتب الصوتية هيكون احلى كتير. القصة المرادي لطيفة والplot twist اللي في الاخر حلو اه بس متوقع سيكا وكمان الشخصيات كلها كان تقديمها حلو ما عدا شخصية واحدة مش عايز احرق مين بس كانت محتاجة اهتمام اكتر شوية. Overall الكتاب زي ما قولت حاجة خفيفة للتسلية متعليش توقعاتك اوي ولا تنزل بيها الارض لا حاجة وسط تفصل بيها شوية.

[هدير الشيخ · Rating 2 out of 5]

ربنا ما يقطع لنا عادة
أولا تعقيب على الجزء ده: مالك يا نادر؟ العصبية بين السطور واضحه جدا. المشاحنه والاقتصار ف الفصول كان عيبها الوحيد.
كتب أحمد يونس لا تقيم على حسب اللغة والحبكة والسرد وهكذا، ولكنها حالة لطيفة. لا تقرأ له لو لا تحب الرعب، ترغب في قراءة رواية، أو تغضب بشدة من اللغة الضعيفة. تعامل معها كحكاية من صديق أو قريب ف ليلة شتوية دافئة عن ما وراء الطبيعه.

[تقي علي · Rating 5 out of 5]

جااامد اوووي بجد وهاله دي ابغي اشوفها حقيقه اوووي 😂💜💜💜💜
شكرا ع العظمه دي 💜💜🍓

[Thanaa Eldeeb · Rating 4 out of 5]

#حصيلة_٢٠٢١
#ريفيو
#أحمد_يونس
#نادر_فوده_6
#العذراء_والجحيم
تقييم٥/٤
٢٢٣صفحه
اول مره أقرأ لأحمد يونس حتي مسمعتش له في الراديو قبل كدا
الروايه خفيفه باللغه العاميه هي مفروض انها رعب بما ان معروف عن احمد يونس انه قاص لحلقات رعب في الراديو
هي نوعا ما عجبتني لغرض واحد انها شدتني اقرأها كلها في ساعه او ازيد شويه ومسبتهاش الا لما خلطتها
احداثها سريعه مش ممله
هي روايه خفيفه ممكن الواحد يفصل بيها
وبما اني بقالي فتره مقرأتش قلت ابتدي بيها عشان ارجع اتشجع واقرأ تاني
ممكن اشوف الاجزاء الي قبلها الي طبعا كل جزء قصه لوحده لان عجبتني الحاله الي كنت فيها انها تجذبني واخلصها في مده صغيره جدا

[Hager Gharib · Rating 5 out of 5]

اعتقد أن مهما كانت الروايه تحفه ف انا مش هخلصها بنفس السرعه اللي قريت بيها الروايه دي ، مع الأسف هتبقي اخر روايه فرحلتي مع نادر فوده الصحفي في جريده عمق الحدث باب ما وراء الطبيعه ، العاميه الممزوجه باللغه العربيه كانت اكتر حاجه شدتني وخلتني اخلصها ف وقت قياسي وعلي كل فهي جميله أنصح بقرائتها ولكنها مش بنفس حده الأجزاء اللي فاتت، من رااي الشخصي (كساب ) كانت أشد رعبا من كل الاجزاء لدرجه اني لسه فكراها بحذافيرها لغايت دلوقتي.

[Osama Yosre · Rating 4 out of 5]

يشترى ولد اميرة صندوق موسيقى من احدى المزادات وعندما تفتحه يحدث لها احداث غريبه تنتهى بموتها فيقوم ولد باستدعاء نادر لمعرفة سر الاحداث الغريبة التى تحدث ... ليكشف السر
الاحداث شريعه وبدون ملل ولغة السر عامية ووبسيط كانك بتتكلم مع واحد صحبك والنهاية مفاجئة ان اللى سبب اللعنه شخص غير متوقع

[The blue sticky note🌧️ · Rating 5 out of 5]

معتقدتش ان في حد هيعرف يكتب رعب ويخليني مستنية الكتاب كل معرض زي احمد يونس
.الحلو فاحمد يونس انه دايما موجود سواء يوم الخميس في سهرة ولا كا سنه في المعرض وده بيديني احساس بالونس سواء بكتبه او بقصص الرعب اللي موجوده في كل وقت
ربنا ما يقطعلنا عادة يا يونس❤️

[Joe · Rating 4 out of 5]

القصه حلوه اوى والنهايه كانت مفرحه ليا اوى لان كل واحد خد الجزاء كانت مخلتفه وافضل من كل الاجزاء والنجمه الناقصه دى علشان كانت بالعاميه المصريه 😔♥♥

[Jana · Rating 2 out of 5]

انا بجد مش عارف انا بعمل ف نفسي كده ليه
2 stars just for nostalgia

[Youssef · Rating 4 out of 5]

(ملاحظة):
قييمت هذا الجزء ٤ برغم أنه افضل من جزء (العين الثالثة) .. الذي كان تقيمي له ٥، لكني سأوضح لماذا انقصت نجمة من التقييم ... و لا ، ليس لأن الرواية بالعامية المصرية.
في الواقع كأغلب مراجعات القراء هنا، انهم كانوا مصدومين مثلي في بداية الكتاب وكان في اعتقادهم أن أحمد يونس، سيكتب اخيراً بالعربية الفصحى، لاكن لا، ونكتشف بعد ثلاث صفحات العكس.
...
اول ١٢٠ صفحة كانوا مملين .. بسببهم توقفت عن قراءة الكتاب يومين ورجعت له وانتهيت منه اليوم (يوم المراجعة).
...
(حرق .. حرق .. حرق):
الغريب أن الشرطة لم تتهم نادر فودة بأنه القاتل بعدما وجدوا جثة سامر متقطعة قطع!!.
وكيف تركوه يدخل المنزل ويدخل غرفة أميرة ويأخذ ممتلكاته ورأس سامر المقطوع فيها؟
ومن هذا الذي يتكلم مع شخص عن شخص اخر ويقول "صاروخ أرض جو" (تقريباً) .. اليس من الممكن أن تكون اخته او زوجته من ارسلت له القطة؟
...
لكنها في الواقع بدأً من ال��فحة ١٢٠ مخيفة وتعتبر افضل من (العين الثالثة) لكنها تفرق في التقييم.
...
وبدأت أشعر وكأن نادر فودة .. هو نفسه رفعت اسماعيل .. باختلاف الاسماء، وأن هذا بالعربية الشبه فصحى وهذه بالمصرية العامية .. وأكثر في عدد الصفحات.

[Abanop Adeep · Rating 3 out of 5]

انا متابع قديم جدا لسلسله نادر فودة
اللي بحب دايما ابدا الرواية بأفتتاحية :انا نادر فودة الصحفي بجريدة عمق الحدث
الجزء السادس مثير الي ابعد الحدود
الرواية قرأتها في جلسة واحدة من شدة الاثارة وتسارع الاحداث
وفرحت جدا جدا بشكل كبير بأخر سطر في النهاية بدون ان احرق احداث
عتابي الوحيد علي المؤلف هو تسارع مشاعر الشخصيات المتقلب
كمثل حسن والد اميرة كان ساجدا يبكي وبعدها بجملتين كان يضحك بسبب القطه الخاصه بنادر
وتكرر هذا مرتين
لكن في المجمل عشت جرعه صغيرة من الاثارة القوية
الي العمل القادم نادر فودة ٧ ان شاء الله

[Mazen Eladawy · Rating 3 out of 5]

لجزء ده من سلسلة نادر فوده كانت جرعة الرعب فيه الي حدا ما كويسة...رسم الشخصيات كان متوسط...بمناسبة رسم الشخصيات انا كنت بحس ان الشخصيات كلها شبه بعض مفيش حاجة بتميزها او حتي طريقتها في الكلام...الأحداث كانت حلوة جدا بس حسيت انها خلصت بسرعة كانت محتاجة تطول عن كده شوية...الفكرة كانت من وجهة نظري جيدة جدا...اللغة العامية في الرواية او في السلسلة بشكل عام انا شايفها مناسبة جدا لو كانت الرواية باللغة العربية سواء سرد او حوار كنت ممكن احس بملل...ولكن وجهة نظري سيظل الجزء الثاني في السلسلة دي هو اقوي جزء.

[Alanoud Talal · Rating 4 out of 5]

عدد صفحات الرواية ٢٢٤ صفحة
نوع الرواية رعب، ماورائيات، مغامرات

تبدء الاحداث برسالة من اب يطلب مساعدة نادر للتحقيق في مقتل ابنته والتهديد بقتله هو وابنه ، الاحداث حلوة وصادمة وايضا تكون بطلتنا هالة من الجزء الثالث لها يد في مساعدة ناد هذه المرة وليس الانتقام

[محمد أحمدفؤاد · Rating 5 out of 5]

استطاع أحمد يونس من خلال الجزء السادس من روايات نادر فودة أن يجدد الثقة مرة أخرى عندما أطلق علينا رواية شيقة ومثيرة وتحمل الكثير من الأحداث المختلفة، كالعادة انهيت الرواية خلال ساعتين تقريبًا على أن التقي قريبًا بالجزء السابع والجديد من مغامرات نادر فودة الصحفي بجريدة عمق الحدث باب ما وراء الطبيعة.

[ALLA BASIM · Rating 3 out of 5]

رواية جديدة لنادر فودة مثيرة و أحداثها متسارعة وهناك اضاءات جميلة في نهاية الرواية .

[Hagar Mohammed · Rating 4 out of 5]

I enjoyed it.

[Shimaa Ali · Rating 5 out of 5]

الجزء ده من أفضل الأجزاء من بعد الجزء الأول والثاني
الأحداث مشوقة وفيها تفكير والرعب فيه كويس

[Mohamed · Rating 5 out of 5]

مازال نادر فوده يمتعنا بمغامراته

[Hassan Ezz ElDin · Rating 4 out of 5]

محاولة اعادة نادر فودة
للمغامرات وسلسلة الرعب
استمتعت بها

[Aya · Rating 5 out of 5]

خلصتها ف قاعده واحده من كتر حلاوتها <3
كالعاده انا مش بقرأ الرواية أنا بسمعها بصوت أحمد يونس
مستننننيه الرواااية الجديييدااااه جددددددداااا <3 <3

[Afnan · Rating 5 out of 5]

روايه رائعه لم اترك الكتاب الا حين انتهيت منه وتمنيت انه لم ينتهي بهذه السرعه

[Heba Hegazy · Rating 5 out of 5]

يا الله بجد نهايتها حلوه اوي 😍♥️❤️❤️
وفرحت اوي ان هاله هي الي بعتاله القطه ♥️♥️♥️♥️♥️♥️

[Sohila Mohamed · Rating 5 out of 5]

بجد من أجمد أجزاء نادر فودة وكالعادة انت هتحس انك عايش كل حاجة وعايز توصل لآخر صفحة بسرعة عشان تعرف سر اللغز اللي بجد كان صعب وغامض وكله مفاجآت♥️

[Mohamed Yaser · Rating 5 out of 5]

لا يخيب ظني أحمد يونس.

[مبارك العريفان · Rating 1 out of 5]

كان يفضل انهاء السلسلة من الجزء الثالث
لان كل كتاب جديد عباره عن كارثه

حبكة و ترابط و سرد عباره عن كارثه ادبيه

[Stk · Rating 5 out of 5]

من عيوب سلسله نادر فوده انك لو اتعودت علي الرعب اللي فيها بجد مفيش روايا هيرضيك الرعب والاحداث اللي فيه بعد كده♥️♥️