Вистинска илузија во лажен свет

by Ангела БОШ

Освојувајќи го Лондон, Рамелија, Сидни и Ленона се враќаат во Париз каде ги минале најубавите универзитетски години. Што се случува кога по неколкудневно забавување посебните компликации на разликите во животот на секоја од нив се испреплеткуваат во едно? Имаат ли право најблиските да го решаваат проблемот што е ваш и дали може да ѝ се суди на таквата одлука со оглед на условите на ситуацијата? Или, секој човек мора сам да одлучи колку вистини може да поднесе?

194 pages

Published January 1, 2021

Reviews

[Jasminka · Rating 4 out of 5]

Книга-првенец на мојата ученичка Ангела Бошковска, за која една од желбите е да биде иден новинар. Необична идеја, необични ликови и места на случување – Лондон и Париз. Веројатно замислата не би поминала во домашни, македонски или балкански услови. Но, најнеобично од сè е тоа што книга со ваква тема е напишана од една 18-годишна девојка. Стил и амбиент сосема несоодветни за нејзината младост и, од она што јас ја познавам, позитивен и задоволен став кон животот. Не би сакала многу да откривам за дејството, иако мене ми се наметна заклучокот за крајот. Можеби некои работи беа избрзани на крајот, во смисол што не одеа постепено, како да сакала побргу да ја заврши книгата. За конструктивните критики лично ќе разговараме, но се надевам дека Ангела нема тука да запре и ќе има уште книги за издавање. Ќе си го подобрува и стилот и составот на речениците кои и сега се скоро па одлични.
Единствена голема забелешка до издавачот Ѓурѓа – сосема непрофесионално завршена работа во поглед на префрлаење на слогови во следен ред, нешто што претерано ми пречеше.
Но, сè на сè, многу добар впечаток и порака да не запре тука, да си реализира уште идеи, кои верувам, ги има! Со нетрпение ја очекувам следната книга

[Eleonora · Rating 4 out of 5]

Roman prvenec od moja sogragjanka, mlada i ambiciozna ličnost za koja veruvam deka i ponatamu će ima hrabrost da se ostvaruva na poleto na kniževnosta. Inaku, imav čest romanot prva da go pročitam i da dadam mislenje za nego. Bev prijatno iznenadena od idejata i koncepcijata na dejstvieto, osobeno imajći predvid deka stanuva zbor za prv obid za pišuvanje roman i za vozrasta na avtorkata (18 godini). Vnatrešnite nemiri i preživealici na glavniot lik Ramelija i nejziniot obid da se sooči so teškite predizvici koi životot gi stava pred nea, go sočinuvaat glavnoto jadro na romanot. Preporaka do moite prijateli da go pročitaat, da dadat mislenje i so toa i poddrška na mladite avtori od Makedonija.