開玩笑的夏天 Fools of Summer

by 清如

▌拒絕遺忘 與記憶共存 ▌#不是玩笑



▣如果能夠選擇，
我願意回到那個定約的夏天，
那年，
我十九歲。
這，不是玩笑。



——作者清如



2019年，一個甘心被戲弄的夏天，少女訪問26位她身邊的人，一筆一頁寫了那一年的日記。



那年夏天，那位口齒不清的前線弟弟侃侃而談民主自由，三代「福建幫」安心就是家，還有暗暗向你說聲「加油」的Miss⋯⋯。他們/她們也是新來的人，是我們命運共同體，



你(就算已不在香港)，還記得我們嗎？

293 pages, Paperback

Published July 1, 2021

Reviews

[xkdlaej · Rating 3 out of 5]

3.5 中英對譯，凈係睇咗中文版（感覺都唔需要睇多次英文）

呢本書主要係集結唔同有喺香港同中國兩地生活嘅人，對於反送中運動嘅睇法。
書入面一個主軸，係「理解同溝通」「和而不同」。
但不斷睇呢本書，又會諗實際上點實踐「和而不同」？書入面講，雙方都不願退讓，唔肯溝通，但溝通完又點？可以喺唔同立場，唔同觀點之間取得平衡嗎？

舉例，若A認為香港好好，生活好好，冇問題；B認為香港到處都係問題，需要解決問題，需要變革；可以點樣「和而不同」？一方求變，一方求不變，求變同求不變之間可以點樣取得平衡？

又或者，香港人希望落實雙普選，脱離中國政治控制；中國統治者希望控制香港政府官員任命同決策，可以點樣取得平衡？可以點樣「和而不同」？

就好似，我睇完呢本書，我了解過持其他立場，有其他觀點嘅人嘅睇法。理解後，唔認同。我依然選擇唔認同其他人嘅觀點，我依然係要爭取我相信嘅嘢，依然堅守我相信嘅價值。於是，我依然會選擇做同樣嘅事，而其他人依然會繼續反對呢啲行為。

和而不同，但你有你信念有你做；我有我信念有我做；互相衝突嘅時候，實際上可以有「各退一步」嘅做法咩？
中國當權者難度仲聽得唔夠多香港人嘅訴求咩？仲唔夠了解呢片土地上嘅人嘅諗法咩？理解又如何？又能如何？

雖然係咁，仍然多謝作者收錄呢啲睇法。雖然都係運動早期（六七月為主）嘅訪問，仍然有一定參考價值。但感覺到喉唔到肺，有好多人嘅論點需要更多深入探討。

結論亦可能就如作者所講：我説中港需要有信任，但中國政府究竟有沒有給香港空間？信任與理解，需要雙方共同努力，但現在，誰也不讓誰，中國政府對香港的控制不會鬆懈，希望爭取民主自由的香港人也一定會企硬。

不過從本書嘅 takeaway 可能係，不妨繼續同唔同人溝通，了解唔同人嘅諗法。就算係「對家」，都有可以學習嘅嘢。不斷衝擊自己嘅信念，反覆接受質疑，先會令自己成為一個更好嘅人，亦能令自己嘅信念更堅實。

[Emma Noble · Rating 5 out of 5]

A really gentle insight into the thoughts of normal people. No big depths or conclusions, just ordinary people making their own sense of a confusing time. Summer interviews with openness and sensitivity, but also curiosity. Thankful to have met her - this book is a credit to her.

[L · Rating 3 out of 5]

訪問到對的人物，但行文和問題溫呑，失掉時不再來的機會