Ռեքվիեմ Հուդայի համար

by Mark Aren, Մարկ Արեն

Գիրքը ﬔզ պատմում է Հուդայի մասին, որն աշխարհ է⠀
վերադարձել իր հոգու փրկության համար:⠀
Շուրջ երկու հազար տարի նա տանջվել է, և ահա հասել է ժամը,⠀
որպեսզի մարդիկ հասկանան, որ ինքը ոչ թե մատնիչ է,⠀
այլ Աստծու կամքը կատարողն է Քրիստոսի՝ մարդկանց⠀
ﬔղքերի համար խաչվելու հարցում:⠀
Եվ այսօր նա Էջﬕածնում՝ Բարձրագույն խորհրդի⠀
առաջ, փորձում է արդարացնել իրեն:⠀
Դեպքերը ծավալվում են սկսած Քրիստոսի ժամանակաշրջանից ﬕնչև ﬔր օրերը աշխարհի տարբեր քաղաքներում՝ Մոսկվայում, Կահիրեում, Օհայոյում, Երուսաղեմում, Ամստերդամում, Փարիզում և այլուր:

208 pages, Hardcover

Published January 1, 2020

About the author

Մարկ Արեն (իրական անունը Կարեն Մարգարյան) արդի հայ արձակագիր։ Բնակվում է Մոսկվայում և մասնագիտությամբ տնտեսագետ է։ Առաջին վեպը՝ «Ռեքվիեմ Հուդայի», լույս է տեսել ռուսերեն 2006 թ.։ «Այնտեղ, որտեղ ծաղկում են վայրի վարդեր. անատոլիական պատմություն»-ը նրա երկրորդ վեպն է, որը հրատարակվել է հայերեն և ռուսերեն 2008 թ.։

Reviews

[Seda Asatryan · Rating 4 out of 5]

Մարկ Արենի հետ հանդիպման ժամանակ նա ասաց, որ բոլոր մարդկանց միանգամից ընդունում է լավը, մինչև նրանք հակառակը չհամոզեն։

Այստեղ էլ հեղինակը փորձում է վերջին «շանս» տալ Հուդային, ով մարդկության առջև փորձում էր ապացուցել իր անմեղությունը։

Հեղինակի մոտ ինչպես միշտ ստացված էր զարմանալի ավարտը, որից հետո դեռ հարցեր են մնում։

[Lena Gevorgyan · Rating 4 out of 5]

Վեպի գործողությունները սկսվում են Կահիրեում 1947 թվականին՝ արաբա-իսրայելական պատերազմի նախօրեին։ Հենց այս շրջանում հայտաբերվում է ղպտիերեն լեզվով ապոկրիֆ ձեռագիր, որը փորձագետները վերագրում են առաջին դարին և անվանում Հուդայի Ավետարան։ Արժեքավոր փաստաթուղթը հայտնվում է մի շարք վաճառականների ու հնէաբանների ձեռքում, որոնք փորձելով գումար վաստակել դրանից, արժանանում են Ահեղ դատաստանի վճռին։ Զրպարտված Հուդա Իսկարիովտացին հանդես է գալիս հասարակ բարմենի, մատուցողի, պրոֆեսորի և իրավաբանական բյուրոյի աշխատակցի կերպարանքով, ով բախվելով հերոսներին, մտահոգություն և տագնապ է առաջացնում։ Արդյո՞ք մատնիչին կհաջողվի փրկել իր պատիվն ու արժանապատվությունը։

Սա հեղինակի դեբյուտն է, ինչը արդարացնում է փորձի բացակայությունը։ Քրիստոսի ժամանակաշրջանի հատվածները Աստվածաշնչյան պատմություններից գրագողության նման մի բան էին։ Համենայն դեպս բավականին հետաքրքիր ու տարբերվող մտահաղացում էր քրիստոնեական կրոնով ողողված և տեղ-տեղ սյուրռեալիստական ոգով։