٤٨ ساعة إن عاش

by إيمان بسيونى

Unknown Binding

Reviews

[Eman Bassiouny · Rating 5 out of 5]

.كتابي الاول" الحمد لله"🙋‍♀️💖

[Marian Estafanous · Rating 5 out of 5]

يا ايماااان الكتااااب خطييييير انا لسه مخلصتهوش قريت جزء كبير حسيت كأنك عايشه معايا حاجات كتير جدا حاولت كتير اعبر عنها و معرفتش بجد كل صفحه كل سطر كل حرف بيعبر عن شعور حسيته و كلام كان نفسي اقوله و مواقف و تصرفات عدت عليا كأن شريط حياتي بمواقفه بيمر قدام عيني في السطور الي بقراها ...اللغه و الطريقه المكتوب بيها الكتاب حلوه و سلسه جدا جدا حتي لو حد ملهوش في القرايه اوي هيحب جدا يقراه و مش هيحس بملل ...متحمسه جدا اني اكمله و اني اقراه مره و اتنين و تلاته
انا قريت كتب و روايات كتير جدا لعمالقه بس حقيقي مش مجامله اسلوبك و طريقه كتاباتك متقلش عنهم في شيءانتي مميزه و ده رأيي فيكي من زمان .. ربنا يوفقك و مستنيه الكتاب التاني و العاشر و ال ١٠٠ و كل كتاب هينزل اكيد هكون من اوائل الناس الي اشتريه و اقراه ❤❤❤❤

[Maha Smilly · Rating 5 out of 5]

كتاب أكثر من رائع.كتابه من واقع اتعاش .بيعرفك عن نفسك اكتر.امتي تسكت وتكون ساعتها انت الاقوي.ازاي اغير أفكاري من سلبيه لايجابيه وتبقي عاده.المعوقات ال بتقف في طريقنا.ال true self وازاي ابقي حقيقيه مش بلبس وشوش.ازاي تبقي سعيد وراضي بالموجود
.هو حقيقي كتاب مفيد اوي وممتع 👌

[Marwa Zaher · Rating 5 out of 5]

الكتاب شيق جدا و هادف و بيجعل المرأة أو البنت تعيد ترتيب حياتها بشكل إيجابي و اسلوبة سهل و بسيط يجعل اللي بيقراة الكتاب مش بيمل بالعكس بيخلية عندة فضول لتكملة قراية الكتاب وانا استفدت منة جدا

[Neveen Mohamed · Rating 5 out of 5]

الكتاب تحفة بجد وفي حاجات كتير واقعية وتحسي انك عوزة تخلصي الكتاب بسرعة في القراية من كتر حلاوتة يا ناس مبروك ومن تقدم الي تقدم اكبر ان شاء اللة

[Ashgan Ahmad · Rating 5 out of 5]

مش عارفه بصراحه ابدأ كلامي بإيه
بس الكتاب فعلا فرق معايا كتير أوي
خصوصا انه مكتوب حلو أوي
وبشكل سلسل وممتع جدا
حسيت بجد اني جزء من الكتاب
وان لاول مره بسمع نفسي بصوت عالي
وساعدني افهمني اكتر واخد خطوات ايجابيه مع نفسي
بجد شكرا ليكي يا ايمان انك قدرتي توصليني للصلح ده مع نفسي
والاجمل كمان ان بقيت امشي كل يوه خطوه جديده
لحد ما ان شاء الله تبقي عاده دايمه
بالتوفيق ان شاء الله
ومستنيه من دلوقت الكتاب الجديد❤️

[Hoda · Rating 5 out of 5]

الكتاب بقا صاحبى
الكتاب مريح نفسيا بطريقه رهيبه
االكتاب اللى بيشجعنى انجز كل شغل البيت علشان الحق اعقد اقراء فيه وانا فرحانه من كتر الطاقه الايجابيه اللى باخدها منو
متشكره ليكى ومتشكره لفهمك لكل ست بتتعب ومش عارفه تعبر عن تعابها

[Walaa Darwesh · Rating 5 out of 5]

اجمل حاجه خرجت بيها من ٢٠٢١ هي كتاب 48 ساعه انعاش الموضوع بدا باني عجبتني فكره الكتاب وبعد كدا لقيت نفسي بشوف وبسمع وبقرأ كلام عن نفسي وبدات اكتشف صفات كانت فيا ومكنتش شيفاها وصفات جديده اكتسبتها وحبتها جدا وبقت جزء من حياتي لقيت نفسي بواجه نفسي وادخل في تحديات كنت متخوفه منها لقيت نفسي في كتاب لقيت هدفي وعرفت رسالتي ودوري ومن خلال التشجيع وقصص النجاح الموجوده في الكتاب الحمد لله حطيت رجلي علي بدايه طريق مش سهل بس بالنسبالي ممتع ...حطيت رجلي علي طريق وفي نفس الوقت حطيت خطه بديله علشان ميكونش في حاجه توقفني💪💪
شكرا 🌹🌹ايمان بسيوني🌹🌹 شكرا لتجربه الانعاش اللي دخلتيني فيها شكرا لتشجيعك شكرا لتوضيح صورتي قدام نفسي
بتمنالك مزيد من النجاح والتقدم ومنتظره بشوق كتاب جديد يخليني ادخل في تجارب جديده واكتشف نفسي اكتر و اكتر وتكون ممتنه ليكي اكتر و اكتر
#كل_كلامي دا جزء من كلام واحاسيس كتير جوايا💚💚

[Reem Khattab · Rating 5 out of 5]

كتاب جميل لاى ام بتدور فى ساقية الحياة علشان تطلع منها وتفكر بشكل ايجابى وتشوف الامور بروح تانية..

[Reham Mostafa · Rating 5 out of 5]

48 ساعه ان عاش كاتب يجد يا ايمان بسيط فى اسلوبه وقد ايه بيعبر عن احساسنا بالضبط
بالتوفيق يارب

[Marwa · Rating 2 out of 5]

Eman Bassiouny - ايمان بسيوني

كانت فرصة جميلة وهادية وراقية إني أفوز بكتاب 48 ساعة إن عاش 😍

اللغة العامية للكتاب والتحدث على لسان المؤلفة وسرد مواقف شخصية مرت بيها أعطى مصداقية وإحساس بكل كلمة في الكتاب.

أرشحة لكل واحدة عايزة ترتب أفكارها ومتلخبطة ومش عارفة تعمل اية ... لأى واحدة لم تقترب بعد من الكتب التي توضع تحت بند التنمية البشرية أو مساعدة النفس على التغير فالكتاب يعتبر كتاب هادئ وسهل وغني.

عجبني جداا الجزء الخاص بقصص كفاح حقيقية ومؤثرة.

[Mounira]

الكتاب أكثر رائع أسلوبه سهل جدا وفى نفس الوقت عميق بيوصل لاعماق قلبك ازاى المبدعه ايمان بسيونى قدرت بكلماتها تحس بيا وتوصف خالتى واحساسى بقولها من كل قلبى الكتاب ده فرق كتيير فى حياتى وجعلنى بالفعل أبتدى اخد خطوات عمليه لمعرفه ذاتى والتصالح معاها وازاى اعرف هدفى واسعى إليه
انا فعلا بنصح كل بنوته وكل امراه تقتنى هذا الكتاب لأن فعلا فى قيمه مضاعفه ربنا يجازى كاتبته خير الجزاء عن كل البنات والسيدات
لا وبمجرد شراءك للكتاب بتكونى جزء من مجتمع كله حب ودعم ومعرفه ووعى
شكرا ايمان على هذا الكتاب وفى انتظار المزيد

[Marwa Abedelnaby · Rating 5 out of 5]

مساء الخير يا استاذة ايمان .. بجد مش عارفة اشكرك ازاى على كتابك الجميل 48 ساعة إنعاش ..انعشنى فعلا ومبسوطة جدا إن قريته.. من يوم ما وصلنى وانا قاعدة فى البيت والشغل عليه.. لحد ما خلصته وابتدريت تمارين على نفسى منه بجد هايل واكتر من رائع ..يسلم عقلك وفكرك يارب

[Rabah Farouk · Rating 5 out of 5]

كتاب في منتهى الجمال والبساطة والمتعة
كتاب غني جدا بافكاره الملهمه
في تغيير العادات واستعادة النشاط وتعديل الافكار والاستمتاع بكل هدف لكل مرحلة عمرية وكل الأدوار اللي بيعشها الانسان في مراحل حياة المختلفة ...هدوء وإسترخاء غير طبيعي 💓أتمنى للكاتبة ولكل قارئي الكتاب كل التوفيق في حياة هادئه مستقرة محققة لكتير من طموحاتها وأهدافها بتوفيق رب العالمين

[Dalia Naguib · Rating 5 out of 5]

الكتاب سهل واسلوبه بسيط ولا يمكن تركه الا بعد الانتهاء من قراءته لاخر صفحه

[Omnya Bassyony · Rating 5 out of 5]

الكتاب حلو جدا وغنى بالمعلومات المهمه بجد هايفرق جدا فى حياة اى واحده حاسه انها تايهه فى دوامة الحياة والمسؤليات

[Nahla Auf · Rating 5 out of 5]

الكاتبة متفائلة و مليئة بالطاقة الايجابية، اسلوبها بسيط و لذيذ، تخليك تاخد بالك انك ازاي حوليك حاجات كتير ممكن تكون مش واحد بالك منها بس بتسعدك

[Lamis · Rating 5 out of 5]

اسلوبك سهل ولطيف والأجمل انه بيوصل الفكرة بروح حلوة .
بيناقش حال كتيير منا وبيوتنا بدون مبالغة التوصيف.
ممتع .شيق.

[Bassma · Rating 5 out of 5]

كتاب مثمر ومفيد وأهم ما يميزه انه من واقع تجربه شخصيه

[Rehab Fathy · Rating 5 out of 5]

ما شاء الله الكتاب جميل واسلوبه سهل و قريب اوي من القلب

[Eman Sabry · Rating 5 out of 5]

Very very amazing book and so lovely , talented writer.I really enjoyed reading the book so much.

[Nermine Ammar · Rating 5 out of 5]

الكتاب جميل جداً ومفيد وطريقته فى الكتابة سهله قوى… يخليك تسرح معاه وتبقى عايز تكمل وتعرف ايه الى جاى … مش بحس بالوقت لما بفتح واقرأ فيه… بالتوفيق إيمان دايماً يا رب

[Noha Moustafa · Rating 5 out of 5]

الكتاب جميل جدا قرأت جزء كبير منه فى أول قعدة اسلوبك سهل وبسيط جدا ياايمان وقريب من كل واحدة دخلت فى ساقية البيت والأولاد والجميل اوى انك تعرفى تنقلى تجربة شخصية وتسرديها بالشكل الجميل المبسط ده ويكون محفز لكل واحدة بتقراه ربنا يوفقك وينفع بيكى ❤️

[DoDa Elsoly · Rating 5 out of 5]

الكتاب حلو جداااا بيحكي عن واقع وحقيقه كلنا عايشنها فعلا بدءت اطبق منه واتغير ف حاجات ف حياتي من اول يوم قريته ..يوم ما استلمته خلصت نصه ف ٣ ساعات عمري ما حبيت القرابه ولا اشتريت كتاب ف حياتي بس الكتائبي دا مجرد ما شفت ريفيوهاته كان لازم اجيبه .. اتمني يكون في كتاب تاني بعد دا عشان يفرق ف حياتنا اكتر ❤️

[Mona Eid · Rating 5 out of 5]

كتاب رائع.. أسلوبه سهل و قريب من القلب.. بيحكي واقع معظمنا بنمر بيه في فترة من حياتنا.. و الكاتبة بتاخد بأيد القارئة واحدة واحدة.. تشيل معاها العقبات إللي معطلاها.. و تساعدها تتعرف على نفسها من جديد.. و تبدأ تعيش حياة جديدة ليها معنى و قيمة.. الحياة إللي كل ست تستحق تعيشها.. فتستمتع بيها.. و تتهنى بعلاقات دافية.. و كمان يكون لها أثر طيب في الحياة ❤️❤️
كل الشكر و الامتنان للكاتبة الجميلة إيمان بسيوني.. و في انتظار المزيد من ابداعاتك القيمة 🌷🌷

[Marwa Waheed · Rating 5 out of 5]

كتاب 48ساعه إن عاش كتاب جميل اسلوبه سهل وبسيط وتمارين
سهله التطبيق انصح اي حد ان يقرأ الكتاب
من جمل الكتاب الجميله"
لو وثقتي في نفسك.. واهتميتي بشغفك يقينا النجاح هيكون من نصيبك، بتوفيق رب العباد اتمنى قراءه ممتعه

[Sherine Samir · Rating 5 out of 5]

كتاب ممتاز,مريح لترتيب الافكار ساعدني ارتب اولويات ,ساعدني علي هدوء نفسي و الاكثار من الروحنيات اللي بتخلي في طمانينة و بالتالي ترتب افكارك لحلول مشاكل بتواجهك. طريقه التعبير سلسه اكنك بتفضفض قدام المرايا و حد بيجاوبك بين السطور.
جميل ما شاء الله

[Amira Moustapha]

الكتاب مفيد ويحتوي على معلومات ثريه
هو بمثابة المفتاح لكل الصناديق المغلقة لمشاكل الستات مع نفسها
بجد بجد تسلم أفكارك يا إيمي 😍😍

[Eman Hassan · Rating 5 out of 5]

ايمان حبيبتي شكراً على الكتاب القريب أوي مني ده بجد 🙏
عايزة اقولك إن من وقت مقرات الجزء إللي بتتكلمي فيه عن اهمية أننا لازم نسامح وأنا طبقت نصايحك وكلامك ووالله مش قادرة اقولك قد ايه مرتاحه نفسياً لاني اقتنعت إن فعلا أنا كايمان استحق إني أعيش في سلام نفسي ♥️
وكمان اتعلمت إن أمتي أقرب وامتي أبعد عن الناس إللي بتضعط عليا نفسياً 🙄ومن وقتها بقي فيه حاله حلوه موجودة في حياتي وقادرة احافظ علي الحاله دي الحمدلله بتوفيق من ربنا ثم كتابك الرائع البسيط الجميل القريب أوي من القلب والعقل ❤️❤️

[Noah Nagi · Rating 5 out of 5]

كتاب فوق الرائع بالنسبة لي هو مرجع ارجعله كل ماحس بلخبطة لانه بيخاطب جوايا مواقف كتير مشابهة... ورايي الشخصي ام كل واحدة محتاجة وقفة مع نفسها تعيد ترتيب حياتها وافكارها عشان تعيش صح وتعيش رحلتها بسعاده.
الكتاب جواه تفاصيل لمستني ف حياتي اكتر من مجرد كلام...
كل الامتنان للكاتبة وتقديري لقدرتها ع توصيل رسالة هامة زي دي