დამოუკიდებელი საქართველო ვარდების რევოლუციამდე

by Zurab Tchiaberashvili

ზურაბ ჭიაბერაშვილის წერილები არის ნიმუში, როგორ გაუსწორო თვალი და აღწერო პრობლემა ისე, რომ მისი გადაჭრის შესაძლებლობა დაინახო და თან ქმედითად გაბრაზდე მათზე, ვინც ამ პრობლემას ქმნის. არავითარი ნართაულები და მრავალწერტილები: თავისი მოურიდებელი, ცხადი და ღრმა წერით ავტორი ქმნის ახალ ქართულ პოლიტიკურ პუბლიცისტიკას, რომელიც მხოლოდ თავისუფალ და თავისუფლების მოსურნე ქვეყანას შეიძლება ჰქონდეს. კრებული სანდო წყაროა ჩვენი აღდგენილი დამოუკიდებლობის ისტორიის გასააზრებლად და არავის დაანებებს ამ ისტორიის დავიწყებას.

558 pages, Paperback

First published September 1, 2021

Reviews

[Mariam Keshealshvili · Rating 5 out of 5]

ამ წიგნის კითხვა განსაკუთრებით საინტერესო მიმდინარე პოლიტიკური მოვლენების ფონზე იყო.

არ ვიცი რა უფრო სევდიანია ის, რომ შევარდანაძის არსებულ რეჟიმთან უფრო მეტი გვაქვს დღეს საერთო თუ ის, რომ უკვე არსებული სიტუაცია უარესობისკენ იცვლება ყოველდღე.

ზურას საკმაოდ კარგი პარალელები აქვს გავლებული ამერიკის შეერთებულ შტატებთან და მას აღმატებულად მოიხსენიებს ხალხის და არა ცალკეული პოლიტიკოსების დამსახურებებიდან გამომდინარე. რეალურად ხომ ხსნა ხალხშია და არა პოლიტიკურ ლიდერებში.

საქართველო უნდა გახდეს ქვეყანა. ჩამოყალიბდეს სახელმწიფოდ, ამ ქვეყანაში ხალხი უნდა "ცხოვრობდეს" და არა არსებობდეს, მოქალაქეები აქტიურად უნდა იყვნენ სახელმწიფოს შენების პროცესში ჩართულნი, თითოეულ მოქალაქეს უნდა ჰქონდეს არჩევანის თავისუფლება, ამ ქვეყანაში თითოეულ ხმას უნდა ჰქონდეს მნიშვნელობა და ამ ფარსს რასაც დღეს არჩევნებს ვუწოდებთ ჰქონდეს თავისი რეალური დანიშნულება. არჩევნები რაღაცას უნდა წყვეტდეს.

ფაქტი ერთია - დღევანდელი ხელისუფლება უძლურია ადეკვატურად უპასუხოს სახელმწიფოს წინაშე წამოჭრილ ნებისმიერ პრობლემას. გარდამავალი მოდელი, რომელიც ქვეყნის უსაფრთხოებას უზრუნველყოფს არ ჩანს. ალტერნატივა ორია - ბრეჟნევისდროინდელი "უძრაობის ხანა" ან მოვლენათა სწრაფი განვითარება, რომელიც საკმაოდ მტკივნეული იქნება.

ამ დღეში ვიქნებით იქამდე სანამ შეგვეშინდება სიმართლისთვის თვალის გასწორება. სიმართლე კი ისაა, რომ ძალიან ცოტა გვიკლია რეალურ 90-ში დაბრუნებამდე.

[Natia Morbedadze · Rating 4 out of 5]

ეს კრებული განსაკუთრებით საინტერესო "ჯენზისთვის" უნდა იყოს, რადგან მათზე უფროსი თაობებისთვის აქ აღწერილი მოვლენები ცხოვრების ნაწილს წარმოადგენდა. ჩვენ ყველამ ერთად (დიდმა თუ პატარამ) გამოვიარეთ 90-იანი წლები - სიბნელე, სიღარიბე, კორუფცია, კრიმინალი, შეუწყნარებლობა და სწორედ ამას მოჰყვა ვარდების რევოლუცია. ამ მანკიერებებთან ბრძოლამ, დასავლეთისკენ (ევროკავშირის, ნატოსა და უკრაინისკენ) სწრაფვამ მოიტანა ეს გარდამტეხი ისტორიული მომენტი (მას შემდეგ ბევრი კარგი და ცუდი რამ მოხდა, თუმცა 2003 წლის 23 ნოემბრის მნიშვნელობას ვერაფერი დააკნინებს). მაშინ ალბათ ვერავინ იფიქრებდა, რომ ორი ათეული წლის შემდეგ კიდევ ერთხელ დავდგებოდით გადამწყვეტი არჩევანის წინაშე - რუსული იმპერიალიზმი თუ ევროპული დემოკრატია? უფრო სწორად, ამას არჩევანსაც ვერ ვუწოდებთ - ჩვენ, ისევე როგორც 2003-ში, წაგვართვეს არჩევანი, მაგრამ არც ამჯერად შევეგუეთ. ისევ ბრძოლაში ვართ - უფრო ხანგრძლივ, რთულ ბრძოლაში...