人類學好野 —— 關於人類的，我都想學

by 黃修瑋

222 pages

Published May 1, 2020

Reviews

[J.Adams · Rating 5 out of 5]

本書由中文大學多位人類學家所撰寫。雖然取材地點並不是在香港，唔少報導人都係來自支那，但當中亦都能引起共鳴，又或者至少有一定嘅參考價值。
文章主要分為五大部份，第一部份探究一樣嘢嘅價值係點樣建構而成。寶石點解可以賣到咁貴？台灣鯖魚點解會有海鮮價 ？
第二部份探討社會入邊嘅異類生活，包括網絡成癮青年、自閉症學童及教師、義肢使用者。記載住佢哋面對唔同嘅阻礙同困難，點樣巧妙地使用生活智慧同策略，以建構具合法性嘅自我。
第三部份講述唔同社會關係，包括現代嘅平等助人關係、婚姻、移民工嘅同性關係。特別欣賞作者呈現出關係當中嘅矛盾，例如「平等」背後嘅面紗，喺所謂「無分彼此」之中，又需要各種區分去維持呢種嘅平等。而呢種狀態或者都顯示出我哋「正身處於一個前現代、現代同後現代並置嘅複雜社會狀態。」
第四部份探討政治，當中嘅議題涉及尋求庇護者、重建。背後帶出身份認同、生活自主嘅反思。
第五部份解構田野工作者嘅專業。包括點樣處理同調整自己嘅定位，以及闡釋一種另類、多元、細緻嘅觀察方式。
總括而言，呢本書可以令我對世界產生更大嘅好奇，開始去問一啲冇人會問嘅問題：「呢樣嘢係點樣形成？」。亦告誡自己喺妄下判斷之前，多去理解一啲冇人想去理解嘅嘢。

[deartomato · Rating 4 out of 5]

中大人類學者文章合集，從人類之外的生物和物品價值，到人類社會的群體形態、人際關係、政治可能，再到對人類學者自身角色及狀態的反思：跟著本書探索「例外」和「可能」。

[Amos Tai · Rating 5 out of 5]

一直都想涉獵人類學同社會學，並比較吓佢哋喺方法同理論上嘅分別，咁啱中文大學嘅同事出咗呢本入門書，點可以錯過呢。「好野」嘅意思係大部分人類學研究都要做 #田野調查，原來唔係印象中只集中喺偏遠地區嘅少數族群，而係會深入現代社會各種社群了解佢哋嘅生活同故事：巴基斯坦寶石市集商人、從台灣漁民看海洋生態發展、中國網癮治療及自閉症康復機構嘅日常運作、香港關心露宿者嘅志願者嘅心態、居港菲籍移民工當中嘅同性關係、喺重慶大廈與難民對話、土瓜灣舊區重建點影響當地居民、喺意大利當咖啡師嚟了解當地華人移民、等等。我自己就睇得好過癮，既從學術角度研究、亦以身心去體會人類行為思想嘅錯綜複雜，改變並豐富咗自己某啲固有、表面嘅認知，並反思身為「人」嘅意義。好似編者噉講，「關於人類的，還有很多要學」。