‫لعنات: ديوان بالعامية‬

by Nada Elshabrawy, ندى الشبراوي

كل الأشياء الموجودة
في الغالب باردة ومرفوضة
ماحاولتش أطلع مالأوضة
وقفلت المفتاح والترباس
مش عايزة أقابل حد خلاص
ملعون الناس

Genres: Poetry

111 pages, Kindle Edition

First published June 23, 2021

About the author

ندى الشبراوي، شاعرة مصرية، درست القانون، عملت كمدرسة ثم بائعة كتب ثم في قطاع النشر والمكتبات وصناعة المحتوى وكتابة الأغاني. قناتها على يوتيوب من القنوات الأكثر متابعة في الوطن العربي في كل ما يتعلق بالكتب، وفاز ديوانها الشعري الاول "جولة تفصيلية في قلب على وشك السقوط" بجائزة أحمد فؤاد نجم لشعر العامية في ٢٠٢٠. وصدر ديوانها الثالث "خطأ ٤٠٤" في ٢٠٢٥.
حصلت على ماجستير في الادب والثقافة الفرانكوفونية من جامعة كونتكت في الولايات المتحدة في ٢٠٢٤ وتعد الآن دكتوراه في نفس الجامعة. وبالرغم من ذلك لازالت تلعن معظم الأشياء.



Nada Elshabrawy is a content creator and poet.

Her Arabic YT channel on books “Dodet Kotob” has grown quickly, with approximately 150k subscribers, and her episodes have had a strong influence
on readers in the Arabic language.
Born in 1995 in Almahalla Alkubra, she graduated with a degree in law from Mansoura University and later moved to Cairo to concentrate on creative writing and publishing. She has an MA in Literature and Cultural Studies from the University of Connecticut and is perusing a PhD at the same university now.
In 2020, her first poetry collection came out titled “A Descriptive Tour in an Almost Fallen Heart”, in 2021 her second poetry collection "Curses" was published. both books were shortlisted for the Ahmed Foad Negm Poetry Award. Her third poetry collection "Error 404" was published in 2025.

Reviews

[Nada Elshabrawy · Rating 5 out of 5]

جودريدز بيسألني عن رأيي في ديواني الثاني. بكل تواضع ٥/٥ يا جودريدز.

[Omar Abdelhady · Rating 5 out of 5]

الديوان التاني لندى بعد ديوانها الأول "جولة تفصيلية في قلب على وشك السقوط"، الديوان الأول كان طويل حوالي ٢٠٠ صفحة وإن كان غرقان في الذاتية، بينما "لعنات" كان ١٢٨ بس ودسم اكتر وأمتع بسبب التنوع سواء في المواضيع أو في التباين بين طول القصائد أو في استخدام القوافي. بعد ما خلصت قراءته في قعدة واحدة اقدر اقول الفرق واضح. الأسلوب أكثر بساطة وأكثر رمزية من الديوان الأول وتطور شخصيتها وأسلوبها واضح.

الديوان الأول:
انا كنت بخاف من الضلمة
وبعود خوفي يقل
دلوقتي بخاف م الضلمة
وبخاف م النور والضل
الديوان الثاني:
دلوقتي بخاف ف المطلق
وبقيت بتفادى الناس
وكأن مفيش قدامي
غير إني أخاف وخلاص

فيه قصايد أساميها على اسم أغاني زي: ونعيد ونعيد ونعيد لمشروع ليلى، حلم ليلة صيف لمارسيل خليفة، وصفولي الصبر -مقطع لأم كلثوم-. وفيه قصايد بأسماء أماكن زي: الجريون -في طلعت حرب-، طريق شبرا بنها، رصيف الشارقة. فيه تلميحات تانية معتقدش فاهمها غير اللي عارف ندى عن قُرب، صحابها المقربين، عيليتها، أو غيرهم..

المميز ان الديوان متقسم تلت فصول حسب اختلاف المواضيع: عني، عنك وعن باقي الأشياء. أفضل القصائد في الفصل الأول في رأيي: أوبر، الفورة، وقف البث. في الفصل التاني: خلق، بعد اتناشر، الفُرقة حق. وبينما ينام العالم اللي متقسمه تلت قصائد. في الفصل الثالث: العُهدة على سيوران، ما يعنيه الشعر، بخصوص الكوكب، نص غير مكتمل. وذكر شرفي ل "عن الثورة". الفصل التالت هو الأفضل بامتياز وخاتمة مناسبة للتجربة.

بديهي أي حد يقرأه يكتشف ان القصائد مكتوبة على فترات متباعدة زي الديوان الأول، بس هنا جت بأسلوب أرقى وتعابير أجمل ورمزيات مكانتش موجودة في أول ديوان. قصائد قصيرة وموجزة حسب الضرورة، وقصائد حوارية طويلة حسب الضرورة. تحسن ندى ملحوظ وفيه مجهود واضح يستحق الشكر.

نذكر شوية جُمل من الديوان:
١- "فليحيا الحب وتحيا الثورة في كل مكان
يلعن ميتين العالم
ويعيش بس الإنسان"
٢- " حكمة وحكاية ويوم حساب
وبدال كتاب
نعمل خناقة بميت كتاب
مع أنه أقرب للحقيقة إن إحنا فعلا نعترف
عادي إننا
جايين غراب
ماشيين غراب"
٣- "وما بين ودان من طين
وما بين قلوب بايشة
صدقنا بالملكوت
وبمعجزات عايشة"

[Kamal · Rating 3 out of 5]

❞ لكن أنا
‫ مشنوق بحِمل تقيل كما
‫ تُقل الجبال

‫ كل الحبال
‫ ملفوفة حواليني

‫ أنا جسمي كله بيرتجف
‫ أرجوكِ خبيني ❝

[Heba Haj · Rating 5 out of 5]

_"لأني حقيقي مش عايز
في دنية ربنا الواسعة
غير إنك تِرضي، لو تِرضي
[...]
و باتسحّب ورا الأبواب
عشان تلاقيني لو عوزتيني في الشدة
بدون ما اتحط على كتفك
كحمل ثقيل
و هَم زيادة مش وقته
كحلم جميل
جميل جدًّا
حكيته لنفسي ليلة صيف
صحيت الصبح صدَّقته"_

كحلم جميل فعلاً، صدقته. عذب، حنيِّن، و مُغرِق في الرقة.
قعدت مع "لعنات" كما لو قاعده مع صديق على رصيف من أرصفة المعادي، بنشرب حاجه ساقعه بعد اتناشر و بنتنطط ما بين المواضيع، نِبان مشتتين، بس القلوب موصولة.. و الدفا ممتد. و نصحى تاني يوم، بنفكر انو "لحد الليل الجاي في عُمر" بس مش آخر الدنيا، لأنه البارح كان في بصيص نجاة و إحساس احتفال، "مش إني لسه هنا ، بل إني مقبولة".
لعنات بيعزي، و بيطبطب. و ما بين دا و دا.. قصيدة ترافقك بقيت أيامك، بترددها كما لو إنها طلسم حماية، ولا طوق نجاة.
ممتنة انو في بيتي، و ممتنة لندى إنها لعنت كل الأشياء.

[Nardeen Khaled · Rating 5 out of 5]

أكثر من رائع.

[Kirollos Sameh · Rating 4 out of 5]

❞ كان في قلبي شخص مؤمن. كان في عقلي شخص حُر ❝

قراءاتي في الشعر شبه نادرة ولكن الديوان ده صادق وفيه عمق. مش محتاج حد متمرس في الشعر علشان يوصله ويلمسه..

❞ مين اللي عنده ضمير. ⁠‫عايش ببال هاني. والراحة جَتله منين. في مجرة بتعاني. وإزاي يعدِّي الليل. ويقوم يعيش تاني. مش كل حاجة تمام. أنا روحي واجعاني ❝

افضل ما في الديوان -بالنسبالي طبعًا- "حل بديل، الفورة، النجاة، إجابات ملتوية، الرسولة، الخلاصة، العُهدة على سيوران، طيَّاري، الانعزال، عن الثورة، تساؤل، قلش، حياة"

مبروك يا ندى ديوانك التاني (بداية مبشرة جدًا) وديمًا متميزة وناجحة.

❞ هل هذا بيعني إننا بالوقت هنبقى غبار
ويطول الوقت ونبقى مفيش؟
لو كان الوضع كذلك، ليه
بنهين كرامتنا ونرضى نعيش؟ ❝

[Mohamed Gamal · Rating 4 out of 5]

رغم أني لست من محبي الشعر العامي، ألا أن الديوان ده جميل جدا جدا، فاق كل توقعاتي

[Ayman Elgazzar · Rating 5 out of 5]

لم اقرأ دواوين شعر من مدة فمعظم فراءاتى الاخيرة روايات
لكن هذا الديوان فتح شهيتى لان اخصص وقت من قراءاتى للشعر فعلا عمل جيد جدا تستحقى يا ندى التحية عليه
القصائد نابضة بالحياة رغم تنوع موضوعاتها وقصر بعضها لكنى استمتعت بقراءتها جدا واعادت شغفى لقراءة الشعر مرة اخرى
برافو ياندى بجد

[pəˈteɪtəʊ · Rating 3 out of 5]

مفيش سبب كافي لانتظار الغد
ومفيش سبب كافي لانتظار ولا حد
ومفيش سبب كافي تبنيله شيء اتهد
مفيش سبب كافي، كلهم واهيين

[قسمت خالد · Rating 5 out of 5]

ديوان جميل جدا جدا .. أفضل من توقعاتي بكتير

[الزهراء الصلاحي · Rating 3 out of 5]

الحزن يسبق فكرة التأويل
والشعر فينا
مش في نص جميل
صخب المدينة
له علينا جِميل
مين يغِيتنا من الخرف إلاه؟
أنا قلبي عيًِل
سبته
غيري لاقاه
سابني أناجي الوحدة يا ولداه
حتى بعد ضياعه باستناه

[Fatmah Mounir Al-Najjar · Rating 3 out of 5]

فَلْيحيَا الحُب وتحيَا الثورة فِي كلِّ مكان.

تَمَّ.
١ آب/ أغسطس، ٢٠٢١

[ريم الصالح]

أحب ندى، وأتابعها عبر السوشل ميديا، وأعتقد بأنها قارئة فريدة.
الأمر هو أنه لطالما لم تتناسب العامية وذوقي الخاص، وهذا يتكرر هنا.

[Huda Abdelaziz · Rating 3 out of 5]

لطيف

[Jana K · Rating 5 out of 5]

خلص في قاعدة واحدة .. احلى حاجة فيه اني سمعته بصوت ندى

[Somia Atef · Rating 3 out of 5]

انا حسيت بوجعين وجع ان الكلام فيه كتير منه وصفنى ووجع أنه فيه شخص قادر يحس بكل دا وقادر يصيغه فى كلام
ربنا ينور طريقنا جميعا 😔

[رومولا الن emmajain-book · Rating 3 out of 5]

من الشخصيات التي أحب متابعتها باليوتيوب ندى الشبراوي صاحبة قناة دودة الكتب
ومن خلال قناتها تعرفت على البوكيتوب وبدأت بمتابع قنوات أخرى
تابعتها منذ بداية قناتها وأحببت تطورها
وسعيد الآن وأنا أقرأ ديوانها الشعري
لأول مرة اقرأ شعر بالعامية المصرية
كانت تجربة مختلفة
أحببت بعض القصائد التي أعد قراءتها بعد انتهائي من قراءة الديوان كامل
1- إشارة
2- اكتشاف
3- هذا الهراء
4- الانعزال
بالعموم ديوان جميل وخفيف
‏أنصح به

[Sameh Abdelwahab · Rating 4 out of 5]

وباتسحب ورا الابواب
عشان تلاقيني لو عوزتيني في الشده
بدون ما اتحط علي كتفك .. كحمل تقيل
وهم زيادة مش وقته
كحلم جميل
جميل جدا
حكيته لنفسي ليلة صيف
صحيت الصبح صدقته
من قصيدة "حلم ليلة صيف"

استمتعت جدا بالديوان وهو اول ديوان اقرأه لندي اللي متابع قناتها علي اليو تيوب من زمان بس مكنتش اعرف انها بتكتب. الديوان صادق وصادم بس مبشر جدا بشاعرة كبيرة .. بالتوفيق ان شاء الله

[Ahmed Ramadan · Rating 5 out of 5]

هيا بنا نلعن الأشياء مرة أخرى
اولى قراءات العام للمرة الثانية للديوان الأكثر حساسية

[أمـــيرة ابراهيم · Rating 5 out of 5]

كان مختلف وبديع كما توقعته
بانتظار الديوان القادم

[Taher Bellah · Rating 5 out of 5]

في منتهي الجمال. لعنات سرورية الهوي تليق بما كان وما سوف يكون.

[Nouran Walid Soliman · Rating 4 out of 5]

"سبيتني ازاي يا صديقي، أترمي في شطوط بعيد."

[سهى · Rating 4 out of 5]

فليحيا الحب وتحيا الثورة في كل مكان

‫يلعن ميتين العالم

‫ويعيش بس الإنسان

[Joy · Rating 5 out of 5]

خلصته في جلسه واحده واكيد هرجع اقراه تاني وتاني ♥️ ممتع جدا اول مره اقرا شعر واستمتع بقراءته كده ♥️ عاش ندي

[Rehana Mohamed · Rating 4 out of 5]

فليحيا الحب وتحيا الثورة في كل مكان

يلعن ميتين العالم

ويعيش بس الإنسان

[Renad Sherif · Rating 5 out of 5]

ديوان غيّر نظرتي في كل الدواوين اللي قرأتها سابقًا!

حبيت تنوّع المواضيع واختلافها، وحسيت أثناء قراءتي إني دخلت في عالم السبعينات بطريقةٍ ما؛ كمية من الهدوء واللطافة.

صحيح كان في كم موضوع شائع ومتكرر ولكن برضه بيكون مميز من حيث طريقة العرض، حسيت إني بشوف مشاهد مألوفة من زوايا مُختلفة عمري ما شُفتها أو تخيلت إني ممكن أشوفها وأكون مبسوطة.

[Soaad · Rating 3 out of 5]

3.5/5

أحسن مما توقعت صراحة

[aiko · Rating 1 out of 5]

انا لو فتحت حسابي في الـbbm كنت بحصل خواطر واشعار عامية أجود و أفضل من اللي قرأته هنا، ندى هنا دفشه في تعبيرها وأفكارها، بقراءة سريعة تعرف إن اللي بيكتب الكلام دا شخص مندفع لأجل يسجل موقف أو يتبنى هوية هو مش عارف محركاتها الفعلية ومآلاتها، اللي حصل هنا هبد وبصراحة مشتاق لحياتي قبل ما قرأت هذا الهبد.

[Dalia Saad · Rating 4 out of 5]

الانعزال

انعزالِك
عن جموع الناس مفازة
واختيارِك
وحدتِك أفضل خيار
وانتسابِك
للغروب والبرد عزوة
وانسحابِك
كان نجاة م الانهيار
والنهار ما هو جاي جاي
واللي شفتيه شيء فريد
جه بداله الف زي
والحاجات الدايمة
غابت
والحاجات الغايمة
بانت
لولا ساعة الصفر حانت
كنت أجيبلك ميت مثال
فانتِ ماشية صح
جدا
لا تهابي الانعزال
fb.me/daliasnook
www.daliasnook.blogspot.com

[Tahra Medhat · Rating 4 out of 5]

❞ كُتب عليكم الصراع


‫ والتوهة طول الوقت


‫ والجري رايح جاي


‫ بين نقطتين بالضبط


‫ والرقص كالأراجوز


‫ كل الحاجات ما تبوظ


‫ يا مصدقين في الفوز


‫ وموحدين بالله


‫ كل الطرق بتؤدي للمأساة ❝

#لعنات_ديوان_بالعامية