Овириум - отаде Смртта

by Агрон Усеини

Запливај во научнофантастичните води – на нивното дно те чека вистината.

Вистината никогаш не е лесно достапна. Треба длабоко и упорно да нуркаш за да ја досегнеш. А Овириум е длабок свет во кој случајностите се апстрактни.
За првпат во своето постоење, Чуварот на Преминот, битието познато како Смртта, ќе се соочи со човекот кој ќе ги сруши сите правила што таа ги познава. Неговата посебност ќе го разбуди стравот на Смртта од пророштвото постаро од времето.

Приказната, раскажана од мистериозен наратор, почнува со едно необично момче со едноставно име што често го слушаш во секојдневјето, а можеби дури и самиот го носиш – Матеј. Потонат во сопствениот свет, тој ја открива својата различност. Таа подразбира нов поглед во огледалото.
А таму ќе ја најде Смртта во ново руво. Дали таа е неговиот спасител, или џелат?
Што значи смртта за Матеј, а што Овириум за Смртта? Најпосле, што ќе значи „Овириум“ за тебе?

Откопај ја легендата – оваа книга е твојата шанса да дознаеш.

191 pages, Paperback

Published October 27, 2021

About the author

Агрон Усеини е роден во Скопје, во 1988 година. Студирал на Правниот факултет на „Универзитетот на Југоис- точна Европа“, а по завршувањето на студиите, својата кариера ја пренасочил во светот на маркетингот, во кој почнувајќи од 2014 година се вројува меѓу основачите на агенцијата и маркетинг „Пејџленд“ (Pageland). Специјалност му се градење на брен- дови, стратегиска реимагинација на визуелниот пристап на брендовите, традиционално и дигитално рекламирање.

Иако уште многу млад ја има откриено својата желба за творење, неговите ракописи стојат со години во фиоките, сè до ова негово првенче. „Овириум“ е прв дел од серијалот книги насловен како „Овириум – отаде смртта“. Со ова негово прво официјално издадено дело придонесува за збогатување на домашната книжевна сцена во област која се чини малку запоставена – научнофантастичните романи.

Reviews

[Biljana Bogdanovska · Rating 4 out of 5]

Приказната за Матеј и неговата сестра близначка, сместена во Скопје, а сепак толку фантастична, (научно-фантастична), навистина е фантастична. :) Да се отелотвори смртта не е ништо ново во светот на уметноста (па и Бред Пит ја глумеше), но да ѝ се бара смислата, да се избориш со стравот од неа, и сето тоа спакувано во кус роман е навистина добро. Тоа што наше дете ја пишува е уште пофасцинантно.
Романот го заслужува вниманието на читателите. Препорака од мене!

[Makedonka Aleksova · Rating 5 out of 5]

This book is an extraordinary masterpiece. How every detail is crafted it’s unbelievable. The way the story unfolds and how every character is introduced you will not want to stop reading it. It will change your whole perspective on death itself. Even if you are not a Sci-fi lover I recommend it. 10 out of 10 experience!

[Lena · Rating 5 out of 5]

Wow… This book is a must read. Personally I’m impressed by the greatness of the style of writing and how the author travels though the book with a different style of events and experience leaded by the main characters. Plus its a real refreshment for this books year cause we are finally served with Macedonian sci-fi story. ⭐️⭐️⭐️⭐️⭐️

[Зоран Милошевски · Rating 4 out of 5]

Добар елегантен начин на проповед, пријатна за читање и за жал премногу кратка.
Со нетрпение ги очекувам следните делови.
Научно фантастичните елементи не доминираат, туку се провејува фантастија во стилот на Роџер Желазни (отелотворување на Смртта, луѓе со натприродни моќи/речиси богови, чудовишта...), додека НФ елементите се препуштени само на минатото на Чуварот на Преминот.

[Filip Koneski · Rating 5 out of 5]

Книга која мора да се прочита!

Феноменот Овириум е всушност планета која секој читател ја доживува на свој начин, бидејќи Усеини маестрално допира до многу важни аспекти на животот (и смртта), оставајќи му простор на читателот да се нурне во длабочините на сопствените мисли и светови.

Читајќи го Овириум – отаде Смртта, страдањата кои ги доживува протагонистот Матеј, испреплетени со навидум едноставните приказни на ликовите околу него, кои авторот на неверојатен начин ги гради, развива и отелотворува, не ме остави рамнодушен и предизвика силни чувства на емпатија, љубопитност и воодушевување, но и суштински размислувања за животот и вредноста на времето.

Како обожавател на магискиот реализам, топло го препорачувам ова прекрасно дело бидејќи неговиот наратив има огромна уметничка вредност, може да се опише како алегорија на сонот и феноменологија на времето, и слободно може да се стави во рангот на светски докажаните автори од калибарот на Мураками, Маркес, Кунц и други.

[Simona'S Books · Rating 5 out of 5]

За оваа книга дознав од инстаграм, и морам да признаам дека првично не ме привлече затоа што спаѓа во категорија на научна фантастика, но ја купив, и ми стоеше на полица подолго време.

Од првата страница ме вовлече, и не можев да ја оставам. Иако нема многу страници, го сруши мојот рекорд за најбрзо прочитана книга!

Приказната е феноменална, спојката на научно-фантастичниот дел со човечкиот е маестрално изведена и со вешто градење на дејствијата авторот успеа да направи да се соживеам со случувањата на ликовите и да ги протолкувам како мои. Матеј и Абел (смртта) се совршено претставени како рефлексија еден на друг и секоја нивна одлука носи подеднакви последици кои ја движат приказната.

Не знам зошто не е сѐ уште преведена и издадена надвор од Македонија. Уште еден омилен македонски автор на моите полици!

[Olivera S.S. · Rating 5 out of 5]

"Овириум" беше нешто сосема неочекувано. Бев љубопитна да прочитам научно-фантастична приказна напишана(а не само преведена) на македонски јазик, и ќе бев сосема задоволна ако книгата беше само добра и солидна. Но "Овириум" ги надмина моите очекувања на најдобар начин. Книгата обработува оригинална тематика, има одлично доловената атмосфера и преубава проза. За разлика од многу странски и домашни дела, "Овириум" успева да остави длабок впечаток во релативно мал број на страници. Со нетрпение го очекувам следниот дел од серијалот :)