مها

by عبيرجمال الدين

رواية رومانسية إجتماعية احداثها في الثمانينيات من القرن الماضي
قصة حب بتدور احداثها بين مصر الجديدة والعجمي وجامعة عين شمس
(نوستولجيا لمصر الجديدة في الثمانينيات)

Paperback

Published October 30, 2021

About the author

عبير محمد جمال الدين
خرجت في كلية التجارة بجامعة عين شمس (قسم المحاسبة)
ودرست بعض الكورسات الحرة الخاصة بالفندقة
front office & cashier من معهد لندن
، وكورس التصوير من كلية الفنون الجميلة بالزمالك " جامعة حلوان " ومارست العمل بالرسم على الزجاج من البيت فترة ثم توقفت ، كما اشتغلت محاسبة حوالى 12 سنة ، وأصدرت كتاب " زينة الحياة الدنيا " بالمشاركة مع كاتبة أخرى ، ولديها مدونة " أم البنات " الخاصة بالمقالات ، ومدونة " بعض منى " للقصص ، ولديها أيضاً صفحة " حكاوي الست ماما " على الفايس بوك ، كما صدر لها مؤخرا كتاب " حكاوي الست ماما " (مجموعة قصصية) سمّيت باسم الصفحة الخاصة بها ، وهى مجموعة قصص إنسانية ترصد فيها المشاعر المختلفة للإنسان ، أياً كان نوعه أو عمره ، وتشرح أسباب معاناة البشر من الظلم والقهر الواقع عليهم ، خاصة أبطال الحكاوي
وصدر لها كتاب أنا وعيلتي والموريستان أدب ساخر
وكتاب بعض منا تأملات في أحوال البشر
مرايا الروح قصص قصيرة جدا
يوم من غُلبي روية أدب ساخر
وكتاب رغي له ستين لازمة أدب ساخر
رواية مها نوستولجيا رومانسية اجتماعية تدور احداثها في مصر الجديدة والعجمي وجامعة عين شمس
زئير الفراشات مجموعة قصصية من ثلاث قصص طويلة

Reviews

[Eiman Khattab · Rating 5 out of 5]

مها تلك الفتاة الرقيقة عاشقة الشاي واللبن التى ترجع بك إلى حقبة الثمانينات لتعيش معها حياتها وسط أسرتها وأصحابها ودخول الكلية لأول مرة... شكرا كاتبتنا المتميزة عبير جمال الدين على هذه الأجواء الجميلة التى سحرتنا منذ بدأت نشرها على الفيس بوك وكنا ننتظر الحلقات بفارغ الصبر. لازلت عند رأيي أنك كاتبة سيناريو رائعة حتى لو قلت أن شهادتى مجروحة أو أن كتابة السيناريو هو نوع آخر من الأدب لأنى أرى أبطالك يتحركون أمامي وأسمع أصواتهم وأتخيل وجوههم .

[Reem Eid · Rating 5 out of 5]

لأ بجد إيه الرواية دي؟
أنا من 20 سنة مقريتش رواية بالجمال ده
الرواية فكرتني بروايات فتحي غانم
رواية مها من نوعية الروايات اللي تعيشك الأحداث كأنك جزء منها تحس إنك عارف الأبطال و تبدأ تتخيل ملامحهم و تتخيل الأماكن و حتى ديكورات البيوت
الرواية لما خلصت زعلت لأني حسيت إني تم إنتزاعي من قصة عايشاها مع أبطالها
رواية متفوتش كلمة فيها
للعلم أنا خلصتها في نفس اليوم
في رأيي إن المؤلفة لازم تبقى في مقدمة الروائيين في مصر و لازم أعمالها تتشاف في التليفزيون بدل من القصص الهايفة اللي بنشوفها
بجد حبيت الرواية

[جيهان سرور · Rating 5 out of 5]

#_مها
#_عبير_جمال_الدين
عدد الصفحات ٣٩٧
دار غراب
اللغة سلسة رائعة مليئة بالجماليات والتشبيهات
السرد باللغة الفصحى والحوار بالعاميه

رواية مها بتدور في فترة زمنية ١٩٨٥-١٩٩٠
تصنف الرواية " إجتماعي-رومانسي"
تدور أحداث الرواية مابين" حي مصر الجديدة والعجمي بالأسكندرية ".
استطاعت الكاتبة أن تجعلني انفصل عن عالمي الحقيقي لمدة أربع ساعات متواصلة هم فترة قراءة العمل...كانت رحلة ممتعة استطاعت أن تغير من حالتي النفسية بدرجة ١٨٠ °
الرواية تعطي حالة من السكينة والهدوء،قصة رومانسية في الزمن الجميل تتسم بأخلاق وسمات تلك الفترة.
جمل وكلمات الرواية مختارة بعناية لرسم حالة من التعايش داخل العمل..
العلاقة الرائعة ما بين الأم والإبنة والجدة...
معنى الصداقة الحقيقي الذي يمتد إلى الأسر وليست علاقات فردية.
احترام العهد والوعود كان من سمات هذا العصر واستطاعت الكاتبة أن ترسمه بشكله الصحيح في تلك الفترة.
وفي النهاية أحب أن أنقل شعوري الحقيقي عند قراءة تلك الرواية....بعد الفصل الأول مباشرة انتقلت كل مشاعري وحواسي داخل العمل وشعرت أنني بقرأ رواية من روايات المبدع" إحسان عبد القدوس "
وذلك ليس بمبالغة أو بمجاملة،بل حقاً هذا ما شعرت به وتوصلت إليه أثناء قراءة العمل...
تخلت الكاتبة في هذا العمل عن الحس الساخر في عملها السابق بل إنها تفوقت على نفسها في هذا العمل الذي يعد من أروع ما قرأت في هذا العام دون منازع.
شكراً حقيقي " عبير جمال الدين "

[Mai Hamza · Rating 5 out of 5]

هل يأخذنا الحب إلى عوالم اخرى كنا لا نحلم ان نخطوها؟
هل قد يجعلنا الحب نمتلك من التهور مايجعلنا نخسر من نحب؟
هل دخول أطراف أخرى فى العلاقات قد يكون مضر أكتر من نفعه؟
هل أحيانا ما يبديه اقرب الاشخاص لنا يكون مخالف للحقيقة؟
هل يجب عندما نشعر بمشاعر تجاه شخص ان نقيم العلاقة عقليا وعاطفيا قبل الخوض فيها لتجنب الكثير ؟
أم اننا نعتبر ان الحب مغامرة بكل ما فيها ويجب المرور بها؟
هل يحق لأحد الطرفين أختبار مشاعر الطرف الاخر ومدى تحمله؟

وفى الاخير ...... الحب يمتحن بالمسئوليات داخل الحياة الواقعية وليس بالاحلام الوردية.

------------------------------------------------🤔🤔🤔🤔

كلها أسئلة كانت تدور بذهنى وأنا أقرأ رواية ((مها))للكاتبة عبير جمال الدين

طبعا مما لاشك فيه ..ايه الكلام الكبير ده 😁

طبعا كل الى فى الكورنر عارفيين خلاص انى شخصية مالهاش فى قرأة الرومانسى خااالص والاجتماعى مكانش ليا وبقى ليا من شهر ٨ الى فات على يد كاتبات الجروب الموهوبات ...المهم

عبير الجميلة كتبت رواية ((مها)) وهى رواية رومانسيةإجتماعية خدت كتير ومرت بمراحل لغاية ما خرجت للنور عشان نتمتع بيها .

لما عبير بعتتلى الرواية كنت متحمسة اوى اقراها وديه مش اول قرائاتى للكاتبة بس كنت قرتلها اجتماعى ساخر وحبيت اوى اسلوبها .

كنت متحمسة ومتخوفه من الجانب الرومانسى مانا اصلى بتاعة الرعب والجريمة والبوليس والسيكوباتية 😎😈

فياترى يا مى هتعملى ايه فى الرومانسى بقى يلا هوب نتكل على الله

لاقيت نفسى مستمتعة بالرواية وبسير الاحداث وسهولتها وبساطة تكون الاحداث والحبكة وتداخل الرومانسى مع الاجتماعى بشكل جميل وكمان الجانب الرومانسى كان واقعى مفيهوش الرومانسية الحالمة زيادة عن اللزوم ((الملزقة )) لا معمول صح ومعمول باحداث فعلا حصلت فى الحقبة الزمنية الى فيها الرواية الى بكل فخر بفتخر انى منها حقبة التمانينات وان طرق التعبير عن الحب وخصوصا لو شخصية متهورة ومجنونه ومحدش من الفترة ديه ممرش بطريقة او باخرى بالى مكتوب فى الرواية .

الجميل كمان فى الرواية اماكن مصر الجديدة المذكورة يا الله والحنين ليها عشت فى جوها جدا

وخصوصا كافييه امفتريون ... احب الاماكن لقلبى وبحب اقعد فيه الى الان رغم قدمه القاعدة فيى بالنسبالى متعة وكتير الى كام سنة فاتوا انا وانتيمتى بنروح نقعد فيه ..... فكرتينى باماكن بحبها يا عبير

الرواية جميلة ومتضافرة الاحداث جدا وممتعة

الحكى فى الرواية باللغة الفصحى والحوار بالعامية

الحاجة الوحيدة الى بس اخدتها على الرواية اوقات كنت بحس بزيادة فى التفاصيل او التطويل فى الحوار بين الشخصيات وده لعيب فيا انا انى شوية بحس بتطويل لما التفاصيل او الحوار بيمط .

*عبير بهنيكى بالرواية الجميلة الممتعة ديه المليانه بذكريات جيل تمتع بفترة ذهبية من وجهة نظرى كان كل حاجة فيها روح وليها طعم عكس الان
بهنيكى على رواية ناجحة وممتعة تكلل صبرك على كل ما مرت بيه من ظروف بالنجاح والمتعة والاستحسان من اى حد هيقراها او قراها ...وبراهن

ماشاء الله عليكى انتى من الناس الى واثقة فى آمكانيتها كقلم وعارفة هى بتكتب إيه وأزاى تطلع عمل متكامل مدروس ناجح .

ربى يكلل تعبك ديما بنجاح وتفوق يارب ومستنيه الحكايات الباقية يمكن باقى حكاية مها او.... او ..... او ..... عشان الخرق بس 😁😁
وشكرا
عبير جمال الدين

[منى منصـور]

رواية مها للكاتبة عبير جمال الدين
دار غراب للنشر والتوزيع
عدد الصفحات /٣٩٢
نوع العمل/رواية رومانسية اجتماعية

نبذة عن العمل
عندما تثق في شخص ثقة عمياء وتسلم له زمام أمورك فهل سيكون أهل لهذه الثقة؟!
عندما تكون العلاقة بين الأم ووليدها علاقة قوية قائمة على الحب والمصارحة فهل سيكون الوليد حينها أهل لكل هذا الحب ولن يخون عهده معهم؟
عندما تتعرض للصدمات من بعض الاشخاص ماذا سيكون موقفك مع غيرهم عندما تمر بنفس الموقف؟ وهل ستظلمهم عندما تأخذ بعض الاحتياطات معهم متخذا مبدأ "إل اتلسع من الشوربة ينفخ في الزبادي"؟
كل هذه الاسئلة تناقشها رواية مها
رواية مها هي رواية خفيفة في قرأتها لكنها تتناول بعض الموضوعات الاجتماعية الشائكة. تتدور أحداث الرواية في ثمانينات القرن الماضي ما بين مصر الجديدة والعجمي. مها هي بطلة العمل فتاة جميلة رقيقة رومانسية تعشق الروايات وقصص الحب الصادقة. ومثلما قرأت عن قصص حب كثيرة تتعرض هي الأخرى لقصة حب. لكنها تتعرض لبعض المشكلات أثناء تلك الفترة.
اللغة
جاء السرد باللغة العربية الفصحى بينما الحوار باللغة العربية العامية وكان مناسب للغاية خاصة وأن الرواية تتم في زمن مضى. تخلل الرواية بعض اسماء الأماكن والمصطلحات التي كانت تستخدم في تلك الفترة مما اعطى العمل رونق رائع
رأيي الشخصي
الرواية رائعة خفيفة. مناسبة جدا لمن هم في سني أو أكبر حيث أنها تسرد لحظات مررنا بها. تصف الكاتبة بدقة شديدة تلك الفترة. تشعر من خلال قراءة العمل انك انتقلت إلى ذلك الزمن. كما أن الكاتبة عرضت مشكلة الفوارق الاجتماعية للمقبلين على الزواج وتخللت سطورها الاثار النفسية التي تؤثر على الانسان في تلك الفترة.
رواية جميلة ارشحها لمحبي الروايات الرومانسية الاجتماعية وتصلح للفصل بين الروايات الثقيلة والخروج من قفلة القراءة.
ملحوظة أخيرة أحب ان اوجهها لدار النشر. أود أن اشكرهم على خروج العمل بهذا الشكل. وعلى جودة الغلاف والورق
ارى مؤخرا الكثير من دور النشر التي لا تهتم بجودة الورق. يمكن يراني البعض غريبة الأطوار لكني حقًا عندما تكون الأوراق جيدة تساعدني على القراءة.
#منى_منصور
#مها
#عبير_جمال_الدين

[Donia Darwish]

🎻🪗
ارجع يا زمان .. حن يا ماضى
ايام الحب ماكان .. ماكان عادى
ولا كان الشوق للناس تهمه
ولا نظره عين وحنين ازمه
ولا عقل الناس خاوى وفاضى
حن يا ماضى 💙💙☺️

بأسلوب سلس وبسيط 👌🏻
هتاخدنا عبير لفسحة 🚴🏼‍♀️زمنية فى أجواء ثمانينية ☎️📺، ايام ما كان كل حدث له بهجته وحلاوته 😍
فاكر اول يوم لجامعتك 👩🏻‍🎓🏫
فاكر لهفتك وانت حاضن ملزمتك 👩🏼‍🏫وفرحان بخيبتك 😁 بعبورك لبوابة 🚪الحرية 🗽قاااااال 😏
اصل أغلبنا كان رد سجون 🚨فى مدرسته زمان🏫 😂( مدارس الراهبات حيث التعليم مش هزار 💃والانضباط 🪖من الأساسيات مش كماليات 💁🏼‍♀️)
طيب سيبك من الدراسة 📖
فاكرين خروجة الخميس 😉 ألاااااااه وديه حاجة تتنسى 😉 كانت ليها لهفة واشتياق بعد اسبوع من الشقاء .. 😅
تتمشى فى روكسى وتتعشى فى شيش كباب 🌯
ولا شوب المانجا 🥤 بتاع عم حيدر 🤩… ده حنين يجوع العفريت.. 😋
ورجعت الصيفية🥵 مش الشتوية 🥶 زى الست فيروز ما بتقول … ايام بيانكى والعجمى وشاطىء الذكريات والحفلات ….🕺🏼🕺🏼
واماكن السهر .. هييييييح بجد احنا كبرنا 👵🏼ولا ايه
لا لا احنا لسه شباب 👩🏻💪🏻
بس هى الايام الحلوة بتعدى قوام 🏃‍♀️🏃‍♀️🏃‍♀️
😃
طيب خلص الصيف 🏜نرجع للشتوية 🤧علشان الست فيروز متزعلش 😁 وناخد جولة فى جامعة 🏫عين شمس ☀️ ومدرجاتها 🏟اللى بتشهد على قصص غرام 🥰🥰
وساعات انتقام 😡… ما هو الاصحاب هيتقلبوا على بعض هناك 🤭 بسبب شهاب الواد اللى مجنن البنات بس هو اختار شاهيناز دوناً عن كل البنات ☺️

طيب نروح كده لدفء البيوت 🏡ولمة العيلة 👨‍👩‍👧‍👦حوالين التلفزيون 📺وحكاوى ورغى وفضفضة البيوت 🗣… ومحاولات الصلح بين الاصحاب …
شامم ريحة الاحتواء من عندك يا عماد …😄
اصل دلوقتى خلاص كله اتغير ومبقاش زى زمان 🙂🙃

رواية قلبت ♻️مواجع وفى نفس الوقت فكرتنا بأحلى أيام …ياريتنا نرجع زى زمان قول للزمان ارجع يا زمان …🎙

رواية هادية سلسة وبسيطة جداااا كلها ذكريات عن حياتنا زمان فى صورة يوميات 📔 مها وامها منال 😌

هتحب نوستالچيتها بس انا عن نفسى جبتلى اكتئاب اصل الحنين بيقلب معايا حزن السنين وانا مش ناقصة يا عبير 😂🤦🏼‍♀️

تنويه : الرواية اجتماعية جدااا ولايت وطبعا مش شخصيتى نهائى 🤦🏼‍♀️ مناسبة لاصحاب القلوب الكيوت الحالمين فى نفسهم الرومانسين بطبعهم 🥰 وقصص حب الجامعات اللى اكيد عديت على أغلبنا زمان 😉😉
أما أنا انتوا عارفنى احب الاكشن 🥊والسحلة وارتفاع الادرينالين 😬😳
بس نعمل ايه لولا الحنين اللى جرجرنى للإجتماعيات😁🤷‍♀️


#مكتبة_دنيا
#قراءات_٢٠٢٢

[Hoda Oraby · Rating 5 out of 5]

الكتاب/مها
الكاتبة/عبير جمال الدين
عدد الصفحات/ ٣٩٣
رواية رومانسية اجتماعية، لغتها سلسة، قصت علينا الكاتبة من خلالها رحلة حب وحنين (نوستالجيا)، ما بين مصر الجديدة والعجمي بالإسكندرية، في ثمانينيات القرن.
حب ولوعة وعذاب عانى منهم بطلنا الذي يُدعى" حسين" عند حبه لزميلته الرقيقة في الجامعة "مها".
تخيلت نفسي بدلا منه وعبّرت عن مشاعره ببعض السطور... فكتبت:
بحبك.. ف ليه تصديني؟!
دة أنتِ حياتي ونور عيني
بشوفك.. قلبي يتهنى
وأحس الدنيا بقت جنة
عليكِ تملي أنا كنت بدوّر
وفكرتك حلم.. ومكنتش أتصور
هقابلك وهتكوني حقيقة
وأشوفك،
ف أحبك كدة ف دقيقة
وحسيت الدنيا صالحتني
وضحكتلي وبيكِ كافئتني
ولقيتنا ف خيالي أجمل العشاق
ف جيتلك جري أحكيلك،
وأنا مشتاق
وكان ردك طعنة، ف صدمتيني
وبكل قسوة وقوة دبحتيني
إذا كان ذنبي هو حبي ليكِ
فهمشي وهبعد وخليكِ
فاكرة إني....
بحبك...
ف ليه تصديني؟!

تمر الأحداث، وتتفاقم الأمور وتتعقد، فتقرر هي لأسباب ما الابتعاد وإنهاء تلك القصة رغم حزنها الشديد لكسر قلبها.
نُصدم قبيل النهاية بمصيبة من العيار الثقيل، لتعلمنا درسا هاما يتم الأخذ به في حياتنا، وتحذير أبنائنا من الوقوع فيه، ثم اختتمت الرواية بنهاية سعيدة تسعد قلوبنا، وترسم البسمة على شفاهنا.
أحيي الكاتبة على براعتها في وصف الحالة النفسية للبطلة في كل مواقفها، وأيضا ذكر الكثير من الأماكن التي لا أعرفها فأنا لست من سكان مصر الجديدة، ولم أقم بزيارة العجمي من قبل، كما أعجبني تمسكها بالقيم والأخلاق الحسنة، ولهذا فهي تصلح للقراءة لجميع الأعمار.
أحببت اظهار الكاتبة لضرورة ضبط النفس لدى الأهل عند معاملة الأبناء فيما يخص قرارات حياتهم، والتعامل معها بهدوء، وتصرف حسن، وعقلانية.
كانت هناك اسقاطات على بعض الموضوعات في الرواية منها:
*حسن تصرف الأبناء نتيجة التربية الحسنة.
*عدم إعطاء الثقة المطلقة لأي شخص.
*ضرورة تفهم وجهة نظر الوالدين، واحترامهما في جميع الأحوال.
*ما كتبه الله لك، سيكون من نصيبك حتى إن اجتمع البشر على هدمه.
أخيرا/ أرشحها بشدة لمحبي الروايات الاجتماعية الرومانسية.

[Maha · Rating 4 out of 5]

مها
روايه رومانسيه نوستالجيا مناسبه للاجواء الصيفيه
مقدمه رائعه لافته للنظر
بمنتهي التواضع مش محتاجه أقول رأيي في روايه شايله اسمي😂😂
روايه فيها حنين للماضي الجميل و ايام دافئه لا تنسي
احلي حاجه فيها انك تحس انها روايتك انت ماضيك و ذكرياتك خصوصا مواليد السبعينات و الثمانينات هتبقي حاسس بكل تفصيله انا شميت ريحه بحر العجمي حتي الرمل الابيض اللي بننضفه من البيت لما بنروح نصيف
روايه افتقدت بها حاليا الاصول و المبادئ اللي الناس اتربت عليها زمان و البساطه و الناس الطيبه اللي دايما كان عندها احساس جلد الذات لما بتغلط .
لغه عربيه فصحي و عاميه احيانا في الحوار سرد رائع
تقييمي لها ٤/٥
"بعض البراءه تضيف للحياه متعه الاندهاش و الانبهار"
"بعض المتورطين في الحب لا يدركون انهم غرقي بالفعل و يظنون انهم ادهي من ان يكتشف امرهم"
"انها الامومه التي تجعلنا نكتشف في انفسنا ما لا نتخيله يومًا ما هي الحلبه التي نصرع فيها كل ما يقهر ابناءنا"

[هبة Hendawi]

مصر الجديدة القديمة..جديدة وقديمة طب إزاى🤔
ماهي كانت جديدة وبقت قديمة...
اللى مفتقد أشجار مصر الجديدة وشوارعها الخضراء وزقزقة عصافيرها..🦜🌳🌴🦜
اللى أكل في شيش كباب عادل وكان بيقعد في أمفتريون وبيروح نادي هليوبولس وعارف يعنى إيه ميريلاند وشارع الأهرام..
اللى بيحن لأيام العجمى والبحر والهدوء ونقاء الطبيعة قبل الساحل ودوشته ...
يبقى لازم يقرأ رواية(مها) ...
نجحت عبير عبير جمال الدين في إنها ترجع بينا بالزمن وتعمل فلاش باك لحياة أسرة مصرية أصيلة وقصة رومانسية إجتماعية كلها عواطف وذكريات حلوة...
وأظن صورة قصر البارون اللى كلنا شفناه في الفترة دى خير دليل على مها وأيام مها😉

#هبة_هنداوي
#مها
#عبير_جمال_الدين

[سالى عيد · Rating 5 out of 5]

أخيرا استمتعت بقراءة أحلى رواية انتظرتها كتير رجعت بحنين لفترة شبابى بكل ما فيها من ذكريات لاحداث واماكن وشخصيات
وعجبنى جدا وصفك الدقيق لتفاصيل الحياة فى الفترة دى

وكمان تدوينك بالخطوط العريضة لوجه نظرك على بعض الاحداث
حتى مها نفسها قصتها شبيه بقصة إحدى صديقاتى
شكرا لارق كاتبة واجمل صديقة ومنتظرة بشوق الجزء التانى

[Mahe Khalil · Rating 5 out of 5]

"منذ متى يا مها و الحب يحتاج وقتـًا أو مكانـًا أو مدة ليظهر ؟!
إنه كالشبح الذي نشعر بوجوده ، يحوطنا و يراقبنا ويتحكم في تفاصيلنا ولا نلمسه، إلا عندما يتجسد في شكل بشر..."


صدفة غريبة اوقفتني أمام كتاب يحمل أسمي " مها"....
و عندما بدأت في قرأته اكتشفت أن به أسمي الحقيقي أيضـًا "ماهي"
واقرأ هذا الكتاب أيضـًا من ميدان روكسي....حبيت الكتاب بكل تفاصيله و كل مكان

[Ghada Amer · Rating 4 out of 5]

مها
الكاتبه :عبير جمال الدين
روايه رقيقه رومانسيه
اعادتني الي فتره من اجمل فترات حياتي منتصف الثمانينات
مرحله الجامعه بالنسبه لي
انتقلت بي بين ارجاء وشوارع مصر الجديده
روكسي ومحلاته جروبي،ابو حيدر، امفتريون
ومنشية البكري حيث بيت عائلتي حتي الان
ومبي وشارع الخليفة المأمون
جامعه عين شمس وممر جيمي الاشهر علي الاطلاق
ثم الي الاسكندريه. العجمي ومحطه الرمل
ررايه رغم ان القصه نفسها ليست بجديده
ولكن الانتقال والرجوع عبر الزمن والذكريات
كانت جميله
وتذكرت مقطع اغنيه
بعد السنين جابني الحنين تاني هنا
هنا اصحاب زمان وهنا اجمل جيران
ارشحه بشده وخاصه لمن عاش مرحله من حياته في هذه الفتره وبين تلك الاماكن

[Maryam Raouf · Rating 5 out of 5]

الكتاب بيحكي عن مصر الجديدة والعجمي من خلال البطلة و قصه حبها
الرواية فيها كميه مشاعر رائعة،
الكتاب اقل ما يتقال عليه رائع لانه حكي عن زمان كان حلو جدا و كانت كل حاجه فيه نقية
الكتاب يخليك تتفصل عن اللي حواليك و تندمج مع الابطال و تتأثر بيهم

[Somaia Salah Mqld · Rating 5 out of 5]

الرواية جميلة بشكل.. أنا شخص سريع الملل.. وصعب يشدني رواية او فيلم.. لكن الرواية دي شدتني.. كل ما اشوفها افتحها واكمل قراءتها.. معايا في البيت والعربية في النادي والكافيه.. الرواية ممتعة جدا .