Stórfiskur

by Friðgeir Einarsson

Íslenskur hönnuður, búsettur á meginlandi Evrópu ásamt konu og dóttur, fær það verkefni að hanna merki fyrir þekkt sjávarútvegsfyrirtæki. Hann slær tvær flugur í einu höggi og snýr aftur til fósturjarðarinnar til að kynna sér starfsemi fyrirtækisins og leita sér lækninga við torkennilegu meini sem lagst hefur á hendur hans. Hvoru tveggja tekur ívið lengri tíma en til stóð, í og með vegna þess að hönnuðurinn dvelur bíllaus í smáhýsi rétt fyrir utan Borgarnes.

Stórfiskur fjallar um stóra fiska og minni, í sjó sem og á þurru landi.

256 pages, Hardcover

First published January 1, 2021

Reviews

[Ási · Rating 4 out of 5]

Ég kann mjög vel við stílbragðið hans Friðgeirs. Prýðileg bók.

[Einar Jóhann · Rating 4 out of 5]

Býsna gott hjá mínum manni. Byggingin er svipuð þeirri sem lesendur þekkja úr Formanni húsfélagsins. Þekktum hlutum og hugmyndum er lýst í þaula án þess að kalla þá réttum orðum og það fær mig alltaf til að brosa. Framtakslaua gúrkan er aftur mætt í aðalhlutverki. Það myndast oft skemmtileg dýnamík í samtölunum, sérstaklega þegar hetjan er á spjalli við framhleypnar týpur sem eru gjörólíkar honum sjálfum,
Meiri agressjón í þessari sögu og auðvitað er verið að lýsa þjóðþekktum manni og umdeildum bransa, sem er athyglisvert.

[Soffia · Rating 4 out of 5]

Mjög heilsteypt og vel hugsað verk. Friðgeir heldur sama stíl og í Fromanni húsfélagsins en í Stórfiski er hann búinn að bæta við stílinn og hljómar afslappaðri. Gráglettinn húmorinn er líkur og í síðustu bók en hér bætist við síbylja sem fyllir mann vanmætti í gegnum aðalpersónuna allan tímann. Mjög flott bók.

[Árni Freyr · Rating 3 out of 5]

Hér er Formaður Húsfélagsins mættur á ný, sama ósjálfbjarga, smáhuga kveifin í aðalhlutverki. Það er samt einhvern veginn meira í húfi í Stórfiski, bæði fyrir sögupersónur og lesendur. Stærri vandamál og tilraun til þess að tækla Stóru Málin sem tekst bara ágætlega. En hún er bara svo djöfulli endasleppt að

[Brynjólfur Stefánsson · Rating 2 out of 5]

2 1/2*

[Ásdís Ósk Valsdóttir · Rating 3 out of 5]

Mjög vel skrifuð bók og hélt athyglinni. Fannst persónurnar áhugaverðar en svo varð endirinn í lausu lofti. Fannst öll málin óuppgerð og hreinlega vanta nokkrar blaðsíður í bókina.