ဒေါင်းယာဉ်ပျံ ဘုံနံဘေးမှာ စာရေးလို့ ထားချင်တယ်

by နွမ်ဂျာသိုင်း

290 pages, Paperback

Published April 1, 2017

Reviews

[Caesar Min · Rating 5 out of 5]

အမှတ်မထင်ဖတ်ကြည့်မိရင်း ထင်မထားဘဲ တကယ်ဖတ်လို့ကောင်းသော စာအုပ်ဖြစ်သည်။ နွမ်ဂျာသိုင်း၏အရေးအသားမှာ ရိုးစင်းပြီးလေးနက်မှုတမျိုးပါသည် - အပေါစားအချစ်ဇတ်လမ်းအရေးအသားမျိုးမဟုတ် (စာရေးဆရာ မရေးလောက်ဟုထင်ရသော လက်တွေ့ဘဝ အသုံးအနှုန်းများ၊ အရေးအသားများကိုပါတွေ့ရှိရသည်)။ ဇတ်လမ်းကိုလည်း လျို့ဝှက်မထားဘဲ ကြိုပြောပြသွားရင်း ဖတ်နေသူကိုဆွဲခေါ်သွားလေရာ ဖတ်နေရင်းလက်ကမချနိုင်အောင် ဖြစ်ရသည်။
"ဒေါင်းယာဥ်ပျံ ဘုံနံဘေးမှာ စာ‌ရေးလို့ထားချင်တယ်" ဆိုသောတေးထပ်ကလေးကို ဖေါ်ပြရာအခန်း၌ ဖတ်ကြည့်မိရင်း ကြက်သီးကလေးပင် ထမိသလိုရှိသည်။ အထူးသဖြင့် ဇတ်လမ်းအလှည့်ကလေးများကို ‌သဘောကျမိပြီး ဇတ်သိမ်းခန်းရောက်မှသာ အနည်းငယ် သမာရိုးကျဆန်စွာ အဆုံးသတ်သွားသဖြင့် မချင့်မရဲဖြစ်ရသည်။
မိန်းကလေးတိုင်း အထူးဖတ်သင့်သော စာအုပ်ကလေးဖြစ်သည်ဟုထင်မိသည်။

[Feenhafthanni · Rating 5 out of 5]

'ဘဝမှာ ဘယ်လိုပဲ မှန်ကန်အောင်၊ သန့်စင်အောင် နေထိုင်ခဲ့နေထိုင်ခဲ့၊ ထိုသန့်စင်သော ဘဝကို တစ်ဆစ်ချိုးပြောင်းသွားရန် ဘာရယ်မဟုတ်သော သတိလက်လွတ် အမှားတစ်ခုက ပြုလုပ်ပေးနိုင်သည်..'
.
တခြားသူကို သစ္စာဖောက်ဖူးတဲ့သူက ကိုယ့်အပေါ် မှာ သစ္စာစောင့်ထိန်းလိမ့်မယ်လို့ ဘာလို့များထင်ခဲ့လဲ သက်သက်ရယ်..
နိုင်လင်းလိုလူမျိုးတွေကြောင့် ခံစားရတဲ့ မမဦး နဲ့ သက်သက်တို့လို မိန်းမတွေရဲ့ စိတ်ဆင်းရဲဒုက္ခတွေ ခံစားချက်တွေကို စာနာနားလည်တတ်ဖို့ ယောက်ျားလေးတွေလည်း ဖတ်သင့်ပါတယ်..