Noticias da modernidade. A muller moderna na prensa galega dos anos 20

by Raquel C. Pico

Estamos na Galicia dos anos 20 e asistimos a unha revolución: as mulleres cortan o pelo, fuman e bailan charlestón!, e os medios galegos non poden parar de falar de todo iso. “A muller dos nosos días é inquieta e dinámica”, asegura unha crónica. “Farei golf, pintareime, non me prohibirás, querido, que saia no meu Chevrolet sen o cravo do marido”, promete a protagonista dun poema.

Internarse nos medios galegos de entón permite descubrir unha Galicia un tanto esquecida e que parece case secreta, a da época dourada da muller moderna. Ademais de cambiar o corte de pelo e o das saias, as mulleres do momento estudan, traballan e son vistas con certa incomprensión polos señores da súa época.

170 pages, Hardcover

Published January 1, 2021

Reviews

[Laura · Rating 3 out of 5]

3'5⭐️

"Ser unha moderna non era tanto bailar ata esvaecer nunha festa grandiosa na casa de Jay Gatsby ou quen sexa que saia na novela que se estea lendo, senón posiblemente sacar o título de perito, traballar de taquimeca ou aplicar rouge nos beizos."

Pareceume un ensaio interesante sobre a muller daqueles anos, no que se abordan moitos puntos de vista diferentes: a moda, as relacións amorosas, a familia, o traballo, a diversión, ...

Había intres no que se me facía un pouco repetitivo, pero gustoume bastante. Destaquei varias ideas e inda por riba rin con alguns comentarios dos "homes" (tamén mulleres) daqueles anos polo absurdo que me soan.

[Cristina Andión Barreiro · Rating 3 out of 5]

Asistimos a toda unha revolución, a da muller dos anos 20. Esta, chega tamén a Galicia y toda a prensa se fai eco da nova. Ainda que nos pareza que non, a muller galega tamén sufriu a febre do charlestón, fumou e cortou o cabelo ó garçon. Neste ensaio atoparemos a crónica de todos estos momentos e nos trasladará a aqueles anos para descubrirnos o rexurdir da muller e o mal que o levaban os homes.
Para aplacalas os xornáis publicaban auténticas barbaridades e novas de risa, mais elas non se acobardaron e continuaron avanzando nunha época chea de cambios e ansia de descubrir.