miSter einSam

by Ragnheiður Eyjólfsdóttir

Það getur verið erfitt og einmanalegt að vera sonur Hákarlsins, eins umdeildasta manns landsins.

Sammi er kominn í stutt vetrarfrí til Íslands og fer ásamt vinum sínum, Ingó og Korra í Örenda, afskekktan glæsibústað fjölskyldunnar. Eyrún, systir Korra, kemur með og svo slæst Sigrún í hópinn - stelpan sem Sammi hefur ekki getað losnað við úr huga sér síðan hann flúði af landi brott.

Þegar eitt þeirra hverfur sporlaust út í vetrarmykrið og undarleg atvik skjóta hinum skelk í bringu rennur það smám saman upp fyrir Samma að flóttinn hefur ekki bjargað honum frá vandamálum fortíðarinnar ...

251 pages, Hardcover

Published November 11, 2021

Reviews

[Unnur María Sólmundsdóttir · Rating 5 out of 5]

Ragnheiður Eyjólfsdóttir er frábær barna- og unglingabókahöfundur. Þetta er fjórða bókin hennar en ég hef einnig lesið hinar þrjár (Rotturnar, Skuggasaga-Undirheimar og Skuggasaga-Arftakinn) og var því spennt að byrja á þessari. Hún skapar flottar og trúverðugar persónur, áhugaverð sögusvið og heldur manni vel spenntum. Í sögunni um miSter einSam er vel leikið á lesendur, og það nokkrum sinnum, og söguþráðurinn er samtvinnaður við uppákomur og atvik úr íslenskum fjármálaheimi. Ekki spillir að það er smá ástardrama að þvælast fyrir aðalpersónum. Klárlega áhugaverð og spennandi glæpasaga fyrir unglingana!

[Ásta · Rating 5 out of 5]

Fokking æðisleg, svakalegt plottwist og mjög spennandi. Æðislegir karakterar.

Very good very nice

[Anna Dagmar · Rating 3 out of 5]

LAs hana fyrir skólann, hefði annars ekki gert það. Það var mikil spenna en hún var frekar steikt. Mæli ekkert sérstaklega með henni en hún var príðileg yndislestursbók :)

[Sara Hlín · Rating 4 out of 5]

Spennusaga fyrir unglinga. Verzingurinn minn valdi hana af bókalista til að skrifa ritgerð um og fannst okkur hún báðum skemmtileg þó svo að honum fyndist persónurnar nota orð sem unglingar myndu í raun aldrei nota eins og stafrænir miðlar, blendingur (boost) og kraftkría (powernap) - mér fannst hins vegar orðaforði þessara sögupersóna til fyrirmyndar og myndi vilja óska að þau töluðu svona í raun og veru. Varla hægt að skrifa bók með þeim fátæklegu orðum sem þau nota í raun.
Mjög spennandi og skemmtileg bók!