What do you think?
Rate this book
Vlam
Speursersant Mthembu se huwelik lê aan skerwe. Nyandi het die kinders gevat en is sak en pak terug Lesotho toe. Terwyl Parkwegstasie se ace-speurder in ’n gastehuis in Bloemfontein wakker lê en tob oor sy aandeel, brand Xanadu-galery, tuiste van die wêreldberoemde SA kunstenaar Aretha Hattingh, tot op die grond af. Haar oeuvre ’n hoop as. En in die middel van die ruïne: die oorskot van ’n vrou, vermoedelik dié van Aretha.
In Parys ontmoet Sollie ’n hand vol verdagtes: ’n kunsagent, ’n prokureur, ’n slagter, ’n bouer en ’n koerier. Voeg hierby ’n venynige aanneemkind, ’n jaloerse, skatryk eksman, die dorp se sprankelvrou én ’n stasiebevelvoerder wat die septer na haar eie reëls en tyd swaai, en jy het die wenresep vir ’n intrige gevul met hoogdrama.
Is dit moord? Selfdood? Of bloot ’n fratsongeluk?
In Parys ontmoet Sollie ’n hand vol verdagtes: ’n kunsagent, ’n prokureur, ’n slagter, ’n bouer en ’n koerier. Voeg hierby ’n venynige aanneemkind, ’n jaloerse, skatryk eksman, die dorp se sprankelvrou én ’n stasiebevelvoerder wat die septer na haar eie reëls en tyd swaai, en jy het die wenresep vir ’n intrige gevul met hoogdrama.
Is dit moord? Selfdood? Of bloot ’n fratsongeluk?
288 pages, Paperback
Published February 1, 2022
5 people are currently reading
31 people want to read
About the author
Sidney Gilroy
8 books23 followersSidney Gilroy is ’n projekbestuurder en digitale spesialis wat sedert 2015 deeltyds as stokperdjie skryf. Hy woon in Reebok, Suid-Afrika saam met sy kat.
~
Sidney Gilroy is a project manager and digital specialist who has been writing part-time as a hobby since 2015. He lives in Reebok, South Africa with his cat.
~
Sidney Gilroy is a project manager and digital specialist who has been writing part-time as a hobby since 2015. He lives in Reebok, South Africa with his cat.
Ratings & Reviews
Friends & Following
Create a free account to discover what your friends think of this book!
Community Reviews
Displaying 1 - 9 of 9 reviews
January 27, 2023
3.5 stars
Uit al die boeke in hierdie reeks was hierdie een die mees aangrypend. Die feit dat dit in die kuns wereld as ook Parys Vrystaat afspeel het bygedra tot die lees genot.
Soos met meeste speur reekse is daar 2 storie lyne, die eerste is die misdaad wat ondersoek word en die tweede is die oorkoepelende persoonlike lewe van die speurder. Ongelukking, sukkel ek al van boek 1 af om n konneksie met Sollie te bou. Dit voel net vir my te veel van n vierkant wat in n sirkle se gat ingeforseer word.
Maar vir enige iemand wat n aksie belaaide lekker afrikaanse storie soek, sal hierdie boek voldoen
Uit al die boeke in hierdie reeks was hierdie een die mees aangrypend. Die feit dat dit in die kuns wereld as ook Parys Vrystaat afspeel het bygedra tot die lees genot.
Soos met meeste speur reekse is daar 2 storie lyne, die eerste is die misdaad wat ondersoek word en die tweede is die oorkoepelende persoonlike lewe van die speurder. Ongelukking, sukkel ek al van boek 1 af om n konneksie met Sollie te bou. Dit voel net vir my te veel van n vierkant wat in n sirkle se gat ingeforseer word.
Maar vir enige iemand wat n aksie belaaide lekker afrikaanse storie soek, sal hierdie boek voldoen
January 22, 2022
#Vlam – Sidney Gilroy
#humanenrousseau
#NBUitgewers
Speursersant Sollie Mthembu het probleme: sy vrou is met kinders en al sak en pak terug Lesotho toe en wil hulle huis verkoop, oor onderhoud praat en skei. Terwyl hy uitgelewer is aan die ongenaakbaarheid van ‘n onpersoonlike gastehuis in Bloemfontein, speel ‘n tragedie in die naby geleë Parys af: ‘n wêreldberoemde kunstenaar, Aretha Hattingh, se kunsgalery/spogwoning brand tot op die grond af. Asof die verlies van die kunswerke nie erg genoeg is nie, word ‘n verkoolde lyk boonop in die murasie gevind. Het Aretha haar eie lewe geneem; was dit moord, of ‘n tragiese ongeluk ? Sollie moet gaan vasstel.
Dis die derde boek van die skrywer waarin Sollie die hoofrol as ondersoeker speel (sien ook ‘Klikbek’ en ‘Middernag’) en ek moet erken dat ek, met die lees van elke boek, meer geheg aan hom raak. Veral wanneer hy homself en sy eie rol in sy huweliksprobleme moet ondersoek, konfronteer en erken, ontwikkel hy waarlik tot veel meer as die geykte cliché van ‘n gemartelde speurder wat, desnieteenstaande, wonderwerke met sy ondersoekwerk verrig. Hy is ‘n afgeronde karakter deur wie se oë die leser die interessante inwoners van Parys leer ken: die arrogante stasiebevelvoerder; die Duitse koerier en sy snobistiese gewese vrou; die besigheidsman wat bykans die hele dorp van produkte voorsien; die glibberige prokureur en die dramatiese kunsagent.
Daar is ‘n handvol verdagtes wat die leser deurgaans aan die raai hou, maar die heerlikheid van die lees van die roman, lê in die leser se ontsyfering van die gebeure soos wat die verlede geopenbaar word. Die ontknoping en slot was briljant en het my so onverhoeds betrap dat ek sommige dele gaan herlees het, oortuig dat daar teenstrydighede moes wees, net om die teendeel te besef: die leidrade was heeltyd daar ! Uitstekend gedoen.
Die roman is egter veel meer as ‘n spanningsriller of sogenaamde krimi; die skrywer se teks is deurspek met fyn humor: ‘….die drukker lyk of dit gebruik is om pamflette vir die NP te druk, so oud is dit.’ (p.173); ‘Die straatname is doodeenvoudig syfers in Afrikaans, asof die laaste bewindhebbers die mense wou leer tel voor die ineenstorting van apartheid.’ (p.183) en, my groot gunsteling: die aanwending van uiterste ironie ten opsigte van ‘n onsmaaklike karakter in Hoofstuk 55 wat my wou laat hande klap en juig: ‘ Goed so!’ Die skoonheid van ‘n spesifieke frase sal my ook bybly: ‘Vir die meeste van haar kinderjare het sy (karakter se naam verwyder om geen verrassings te verklap nie) gevoel of sy met haar senuwees aan die buitekant van haar lyf rondloop. Oorbewus van elke kyk, elke opmerking, elke afkeurende blik.’ (p.225)
Slegs 2 dinge het gepla: verklarings, hetsy van verdagtes of getuies, word in die SAPS-3M geliasseer, nie in die SAPS 13 nie (p.61) en, in hoofstuk 10, word Aretha se huis as ‘n onherstelbare bouval na die brand beskryf, maar die ondersoekers stap sonder enige probleme of veiligheidsmaatreëls op en af met die trappe na die volgende verdieping.
Ten spyte hiervan verdien die roman 5 sterre; dis ‘n veelvlakkige, opwindende spanningsverhaal wat ook heelwat sê oor sosiale onreg en die waarde van lojaliteit, vriendskap en die erkenning van menswaardigheid. Die skrywer het op sosiale media na die roman as vroulik verwys; ek verstaan nou hoekom. Sy is inderdaad ‘n Vlam.
⭐️⭐️⭐️⭐️⭐️
#Uitdieperdsebek
#humanenrousseau
#NBUitgewers
Speursersant Sollie Mthembu het probleme: sy vrou is met kinders en al sak en pak terug Lesotho toe en wil hulle huis verkoop, oor onderhoud praat en skei. Terwyl hy uitgelewer is aan die ongenaakbaarheid van ‘n onpersoonlike gastehuis in Bloemfontein, speel ‘n tragedie in die naby geleë Parys af: ‘n wêreldberoemde kunstenaar, Aretha Hattingh, se kunsgalery/spogwoning brand tot op die grond af. Asof die verlies van die kunswerke nie erg genoeg is nie, word ‘n verkoolde lyk boonop in die murasie gevind. Het Aretha haar eie lewe geneem; was dit moord, of ‘n tragiese ongeluk ? Sollie moet gaan vasstel.
Dis die derde boek van die skrywer waarin Sollie die hoofrol as ondersoeker speel (sien ook ‘Klikbek’ en ‘Middernag’) en ek moet erken dat ek, met die lees van elke boek, meer geheg aan hom raak. Veral wanneer hy homself en sy eie rol in sy huweliksprobleme moet ondersoek, konfronteer en erken, ontwikkel hy waarlik tot veel meer as die geykte cliché van ‘n gemartelde speurder wat, desnieteenstaande, wonderwerke met sy ondersoekwerk verrig. Hy is ‘n afgeronde karakter deur wie se oë die leser die interessante inwoners van Parys leer ken: die arrogante stasiebevelvoerder; die Duitse koerier en sy snobistiese gewese vrou; die besigheidsman wat bykans die hele dorp van produkte voorsien; die glibberige prokureur en die dramatiese kunsagent.
Daar is ‘n handvol verdagtes wat die leser deurgaans aan die raai hou, maar die heerlikheid van die lees van die roman, lê in die leser se ontsyfering van die gebeure soos wat die verlede geopenbaar word. Die ontknoping en slot was briljant en het my so onverhoeds betrap dat ek sommige dele gaan herlees het, oortuig dat daar teenstrydighede moes wees, net om die teendeel te besef: die leidrade was heeltyd daar ! Uitstekend gedoen.
Die roman is egter veel meer as ‘n spanningsriller of sogenaamde krimi; die skrywer se teks is deurspek met fyn humor: ‘….die drukker lyk of dit gebruik is om pamflette vir die NP te druk, so oud is dit.’ (p.173); ‘Die straatname is doodeenvoudig syfers in Afrikaans, asof die laaste bewindhebbers die mense wou leer tel voor die ineenstorting van apartheid.’ (p.183) en, my groot gunsteling: die aanwending van uiterste ironie ten opsigte van ‘n onsmaaklike karakter in Hoofstuk 55 wat my wou laat hande klap en juig: ‘ Goed so!’ Die skoonheid van ‘n spesifieke frase sal my ook bybly: ‘Vir die meeste van haar kinderjare het sy (karakter se naam verwyder om geen verrassings te verklap nie) gevoel of sy met haar senuwees aan die buitekant van haar lyf rondloop. Oorbewus van elke kyk, elke opmerking, elke afkeurende blik.’ (p.225)
Slegs 2 dinge het gepla: verklarings, hetsy van verdagtes of getuies, word in die SAPS-3M geliasseer, nie in die SAPS 13 nie (p.61) en, in hoofstuk 10, word Aretha se huis as ‘n onherstelbare bouval na die brand beskryf, maar die ondersoekers stap sonder enige probleme of veiligheidsmaatreëls op en af met die trappe na die volgende verdieping.
Ten spyte hiervan verdien die roman 5 sterre; dis ‘n veelvlakkige, opwindende spanningsverhaal wat ook heelwat sê oor sosiale onreg en die waarde van lojaliteit, vriendskap en die erkenning van menswaardigheid. Die skrywer het op sosiale media na die roman as vroulik verwys; ek verstaan nou hoekom. Sy is inderdaad ‘n Vlam.
⭐️⭐️⭐️⭐️⭐️
#Uitdieperdsebek
June 29, 2023
'n lekker vinnige lees. Ek het boek 2 in die reeks gemis en maar die een staan goed op sy eie.
Die dorpie Parys is in roumet die dood van die bekende kunstenaar Aretha Hattingh, haar huis is verbrand saam met al haar skulderye. Maar dit blyk nie 'n ongeluk te wees nie en Speursersant Sollie Mthembu word gestuur om die klein polisie stasie by te staan.
Die storie is nie soveel oor die ondersoek nie, Sollie los ook nie die saak op nie, maar oor die lewe van die kunstenaar, haar stryd om suskses en haar vlug van haar eks-man. Maar ook Sollie se persoonlike lewe is in skerwe en hy weet nie of hy sy huwelik kan red nie.
Ek was nie so gek op die een soos op Klikbek nie. Sollie se persoonlike storie in die boek pas nie lekker in nie, sy groei in die eerste boek was meer geloofwaardig.
Die dorpie Parys is in roumet die dood van die bekende kunstenaar Aretha Hattingh, haar huis is verbrand saam met al haar skulderye. Maar dit blyk nie 'n ongeluk te wees nie en Speursersant Sollie Mthembu word gestuur om die klein polisie stasie by te staan.
Die storie is nie soveel oor die ondersoek nie, Sollie los ook nie die saak op nie, maar oor die lewe van die kunstenaar, haar stryd om suskses en haar vlug van haar eks-man. Maar ook Sollie se persoonlike lewe is in skerwe en hy weet nie of hy sy huwelik kan red nie.
Ek was nie so gek op die een soos op Klikbek nie. Sollie se persoonlike storie in die boek pas nie lekker in nie, sy groei in die eerste boek was meer geloofwaardig.
September 20, 2022
‘n Geliefde maar eksentrieke kunstenaar brand dood in haar eie huis in Parys (Vrystaaaaaaat!). Speurder Sollie Mthembu word te midde ‘n erge persoonlike krisis belas om hierdie saak te ondersoek – was dit ‘n ongeluk, selfmoord, moord?
Dit klink na ‘n lekker basis vir ‘n speurverhaal, maar ek wil egter sê dat ek Vlam nie soseer as ‘n speurverhaal ervaar het nie. Sollie ondervra ‘n paar mense wat bande met Aretha gehad het, en dis omtrent so diep as wat hy grawe. Mens sal hom hoegenaamd nie in hierdie boek ‘n bloedhondspeurder wat ten alle koste ‘n saak wil oplos kan noem nie, en die saak eindig dan ook onopgelos.
Wat hier die dryfveer is is nie die ondersoek van 'n potensiële misdaad nie, maar wel ‘n storie wat vele fasette van menswees aanraak. In die kunstenaar Aretha se storie die soeke na aanvaarding en menswaarde, om raakgesien te word, om uit die slagyster van die verlede te ontsnap na ‘n blinker toekoms; in Sollie se huweliksprobleme die verval van ‘n verhouding onder die druk van die alledaagse trapwiel.
Daar is genoeg potensiële verdagtes om die leser aan die raai te hou, met die misterie wat verdiep soos Sollie sukkel om ‘n motief by enige van hulle te bewerkstellig.
Solly se ondersoek in die hede word afgewissel met ‘n paar ander storielyne. Een is dié van Mynhardt Hattingh, Aretha se vervreemde man uit ‘n katastrofiese gemakshuwelik. Hattingh se storie beslaan sy opdaag in Parys ‘n paar dae voor die brand en sy eskalerende woede teenoor Aretha.
Dan is daar Aretha self se verhaal - hoe dit gekom het dat sy met Hattingh deurmekaargeraak het en die gemors waarin sy haarself begewe het.
Gilroy skets sy karakters baie skerp en elkeen het ‘n eie identiteit en stem. Dit is juis die karakters en hulle persoonlikhede en stories wat hierdie verhaal met sukses dra.
Die einde los die leser met ‘n paar vrae en laat jou wonder of daar enigiemand met skoon hande in die storie is. Dit mag ook natuurlik wees dat ek bloot te dom is om alles te kliek, maar ek glo die skrywer se intensie hier was om die leser nie met ‘n klinkklare ontknoping te los nie (veral een groot vraag bly hang in die lug - een wat my met 'n prettige ambivalensie gelos het met die lees van daardie laaste twee bladsye).
Vlam is beslis ‘n lees werd as jy van sterk, karaktergedrewe en menslike storievertelling met ‘n misterieuse geurtjie hou.
Dit klink na ‘n lekker basis vir ‘n speurverhaal, maar ek wil egter sê dat ek Vlam nie soseer as ‘n speurverhaal ervaar het nie. Sollie ondervra ‘n paar mense wat bande met Aretha gehad het, en dis omtrent so diep as wat hy grawe. Mens sal hom hoegenaamd nie in hierdie boek ‘n bloedhondspeurder wat ten alle koste ‘n saak wil oplos kan noem nie, en die saak eindig dan ook onopgelos.
Wat hier die dryfveer is is nie die ondersoek van 'n potensiële misdaad nie, maar wel ‘n storie wat vele fasette van menswees aanraak. In die kunstenaar Aretha se storie die soeke na aanvaarding en menswaarde, om raakgesien te word, om uit die slagyster van die verlede te ontsnap na ‘n blinker toekoms; in Sollie se huweliksprobleme die verval van ‘n verhouding onder die druk van die alledaagse trapwiel.
Daar is genoeg potensiële verdagtes om die leser aan die raai te hou, met die misterie wat verdiep soos Sollie sukkel om ‘n motief by enige van hulle te bewerkstellig.
Solly se ondersoek in die hede word afgewissel met ‘n paar ander storielyne. Een is dié van Mynhardt Hattingh, Aretha se vervreemde man uit ‘n katastrofiese gemakshuwelik. Hattingh se storie beslaan sy opdaag in Parys ‘n paar dae voor die brand en sy eskalerende woede teenoor Aretha.
Dan is daar Aretha self se verhaal - hoe dit gekom het dat sy met Hattingh deurmekaargeraak het en die gemors waarin sy haarself begewe het.
Gilroy skets sy karakters baie skerp en elkeen het ‘n eie identiteit en stem. Dit is juis die karakters en hulle persoonlikhede en stories wat hierdie verhaal met sukses dra.
Die einde los die leser met ‘n paar vrae en laat jou wonder of daar enigiemand met skoon hande in die storie is. Dit mag ook natuurlik wees dat ek bloot te dom is om alles te kliek, maar ek glo die skrywer se intensie hier was om die leser nie met ‘n klinkklare ontknoping te los nie (veral een groot vraag bly hang in die lug - een wat my met 'n prettige ambivalensie gelos het met die lees van daardie laaste twee bladsye).
Vlam is beslis ‘n lees werd as jy van sterk, karaktergedrewe en menslike storievertelling met ‘n misterieuse geurtjie hou.
January 26, 2022
Vlam het my in verlede week se hittegolf van ondergang gered, want as mens se kop besig is met 'n storie, kry jy jouself nie so erg jammer oor die ongemak nie. Ek is van sy eerste boek af mal oor die hakkelende Sollie (waarskynlik oor ek die ma is van 'n dapper herstellende hakkelaar) - ek wil hom sommer aanneem. :) Elke karakter in die boek is deeglik uitgewerk, kleurvol en geloofwaardig aanmekaargesit. Die aaklighede is min en dit gaan meer oor mense en hul verhoudings, vrese, begeertes, ens.
Sterk aanbeveel!
Sterk aanbeveel!
August 5, 2022
Ek het die boek baie geniet en ek glo tussen die belewenisse deur is daar heelwat insigte wat die leser lei tot nadenke oor verhoudings. Veral waar die partye mekaar afskeep en energie vermors oor hulle blind is vir mekaar se dieper behoeftes.
January 7, 2024
vlam
Baie slim storie, en lekker storielyn. Daar is tonele wat bietjie te eksplisiet is vir my pallet, maar hou ingedagte dat 'Sound of Music' omtrent my drumpelwaarde is vir seksuele geweld. 😊
Sidney Gilroy se skryfstyl vind aanklank met my, en ek geniet sy humor met hedendaagse sêgoed. Ek sal graag sy nuwe boek wou lees.
Baie slim storie, en lekker storielyn. Daar is tonele wat bietjie te eksplisiet is vir my pallet, maar hou ingedagte dat 'Sound of Music' omtrent my drumpelwaarde is vir seksuele geweld. 😊
Sidney Gilroy se skryfstyl vind aanklank met my, en ek geniet sy humor met hedendaagse sêgoed. Ek sal graag sy nuwe boek wou lees.
April 6, 2022
Heel lekker gelees aan dié boek. Ek geniet Sidney se moderne aanbieding baie.
March 20, 2022
Puik! Het paar foute opgetel, maarvsien uit na volgende boek uit die skrwer se pen.
Displaying 1 - 9 of 9 reviews