امتداد

by أحمد الزيني

رحلة ما بين الماضي والحاضر والمستقبل ما بين فضاء الكون و مركزية الأرض إنها رحلة ما بين امتداد الزمان والمكان
في تلك الرواية يسلك ادوارد نورتن رحلة بين دروب الفضاء الفسيح بحثا عن حافة الكون من أجل أن يصل إلى ما بعد حدوده و أن يحوذ على مكانه بالفردوس الأعلى ليس بالأعمال الصالحة لكن برحلة فضائية ظانا منه أنه سيمتلك وجوده المادي دون أن يعلم أنه يسلك طريق الوصول إلى نفسه التي لا يعلم عنها شيئا.
في تلك الرحلة سيكتشف المرء حقيقة العالم المادي من حوله سيقابل ذاته لعدة مرات ليواجهها سلبا و إيجابا بحثا عن الإجابة عن سؤاله الأزلي هل الإنسان مخير أم مسير ؟

388 pages, Hardcover

First published January 27, 2022

Reviews

[Ehab · Rating 5 out of 5]

الريفيو الأعظم والمنتظر..
اسم الرواية: امتداد.
اسم الكاتب: أحمد الزيني
اسم دار النشر: المصري.
قبل اي حاجة لازم اقول شابوه لأحمد الزيني، شابوه من هنا للصبح، احمد الزيني اتقل كاتب خيال علمي في مصر بل وأكاد أجزم انه اتقل واحد في الوطن العربي كله..
بجد استاذ احمد نعمة من ربنا، والواحذ يخسر كتير لو ميعرفوش..
الأحداث:الرواية بتتكلم عن بروفيسور اسمه ادوارد نيوتن، البروفيسور ده مش مؤمن موجود إله، بس كانت دماغه شغالة في العلم وبس، وهو اول من تنبأ بظاهرة انكماش الأرض، وان الأرض هتتمحي من الوجود، طبعََا محدش كان بيصدقه، وجت المصيبة الكبرى ان اعمار البشر بدأت تصغر تدريجيََا، والارض زي ما بنقول كانت بتاكل نفسها، لحد ما الأرض بدأت تدمر، وكان خد معاه واحدة اسمها كاترين دي كانت اكس دكتور صاحبه، بروفيسور نورتن كان عامل مصل انه يوقف نموه، ويفضل ثابت على هيئته دي، وكمان كاترين اتحقنت بالمصل ده...
اللي حصل ان كاترين حصلتها حادثة وبقت فاقدة الوعي، ولكن بروفيسور نورتن حط مجسم هولوجرامي للسفينة اللي هو كان عاملها عشان يهرب بيها من الأرض، المجسم ده كان شبه كاترين بالظبط..
بدأت رحلة دكتور نورتن في استكشاف عوالم وكواكب تانية، من اول الأرض ٥٠١ لحد البعد السابع..
عوالم كتير قابلها وكان أغلبيتها اتدمر بسبب البشر، ونفوذهم..
كل عالم منهم كان فيه قصة أحسن من اللي قبلها، والنهايات الصادمة اللي برع فيها بشكل جامد جدََا استاذ أحمد، من أول اعادة صلب المسيح، لحد المنقذ في دولة اورشليم..
ومش بس كده استاذ احمد برع وتفنن في تصوير مشهد كوكب الجنة وكوكب النار بشكل فوق الممتاز، كفيل يخليك تدمع من عقاب ربنا عليك، وتفرح في نفس الوقت من النعيم اللي ربنا شايلهولك..
اللغة:سرد فصحى حوار فصحى.. واللغة كانت سلسلة جدََا جدََا الرواية اه كبيرك ولكن تسحلك في أحداثها، وما احلاها سحلة، بدايتي مع استاذ احمد كانت سيرن، وبكن سيرن كانت مُعقدة في وجهة نظري لأن دي كانت المرة الأولى اني اقرأ في أدب الخيال العلمي، ومكنتش فاهم اوي الأحداث ولا مين رايح ع فين، ويعتبر عملت ريفيو ومدتش للرواية حقها، ولكن في الرواية دي حرفيََا انا كنت مستمتع وفاهم الأحداث، ومكانتش معقدة إطلاقََا كانت سلسلة بشكل ريحني جدََا..
التقييم: انا مش هدي تقييم او مش هعرف ادي تقييم يناسب جمال وحلاوة امتداد، امتداد من أحلى وأتقل الروايات اللي قريتها في حياتي، في صنف أدب الخيال العلمي...
النهاية بقا: من أصدم النهايات اللي شوفتها عودة ستيف هانكس صاحب تجربة سيرن، وان ستيف هو اختلاف نيوتن، لأن ستيف عايز الحياة للجنس البشري، لكن نيوتن عايز الفناء ليهم، والغلبة للي هيقنع اليد العُليا انه هو الأصح والجدير بده، سواء في حياة الجنس البشري، او في فناءهم، ومن هنا اليد العُليا هيكتب مصير الجنس البشري..
كلام نورتن لمورفيس اللي على ما اعتقد وأتذكر انه ابليس في رواية سيرن، واتمنى تكون المعلومة دي صح، واضح اننا داخلين على مرحلة صدمات في الروايات اللي جاية..
دُمت لنا يا استاذ أحمد♥️♥️

[زياد ايهاب احمد · Rating 5 out of 5]

انا مبعرفش اعمل ريفيو بس حاولت 😅♥

أستاذ احمد انا قراءت ليه كل حاجه تقريبا من اول غليزا مفيش حاجه

مقرتهاش الا اسوار الماتريكس اللي مستني جدا ابتدي اقرا فيها

انا كواحد اتعلقت بروايته السابقة سيرن كنت مش عايز اي روايه تاخد مكانتها من قلبي لان سيرن كانت مختلفة عن اي حاجه قريتها قبل كده سواء عربي او مترجم

بس اشتريت امتداد يوم الخميس ٣-٢-٢٠٢٢
وبدات فعليا القراءة يوم الجمعه بالليل والسبت الساعه ٦ المغرب كنت خلصت قراءتها
*الرواية ابتدت بمشهد معركة نفسية اكتر من رائعة مابين دكتور اوسكار وصديقنا بطل الرواية ادوارد نورتن اللي قدر يعلقني بي بل وفي بعض الأحيان كنت بتفق معاه في بعض الاشياء في مشاعر الكره ضد الجنس البشري وقد اي الكائن ده قادر علي تدمير الكوكب بافكاره*

تتصاعد بقي أحداث الرواية من تطور الحيوانات لظهرو العمالقه
لاول كوكب ادوارد يزوره لدخول كاترين في غيبوبة وهكذا
رغم ان الرواية ٣٨٠ صفحة تقريبا الا اني مملتش ولا مره بالعكس كنت مستمتع جدا
بخيال وسوداوية دماغ الكاتب او زي ما بحب اطلق عليه

عراب الشباب الجديد

كل الكواكب االي زورناها مع ادوارد حبيتهم كلهم

بس اتعلقت بكوكب العمالقه وميتا فيرس جدا

نيجي بقي للنهاية اللي خلتني دماغي وقفت من الصدمة

لموت كاترين اللي صدمني رغم اني ملحقتش اتعلق بيها يس زعلت عليها
بس طبعا ظهور شخصيتي المفضلة ستيفن هانكس خلاني انسي اي حاجه واي صدمة

النهاية ما هي الا بدايه كل شي من عالم كامل احمد الزيني ابدع فيه
النقطة السلبية الوحيدة المشهد اللي في الاول خالص اللي ادوارد كان بيشرح فيه ازاي البشر بقو خالدين موقتا
لاني كنت بقرا المشهد مره واتنين وتلاته عشان افهم 😅♥

بتمني ليك النجاح من كل قلبي استاذ احمد وباذن الله منتظرين منك سوداوية اكتر في الاعمال الجايه
وفي الاخر حابب ادي الرواية ديه لقب
*جنون الاكوان الموازية *♥

[Mohamed Alashwal · Rating 5 out of 5]

والآن
موعدنا مع الصداع السنوي
أقصد الرواية الجديدة لأحمد الزيني بالطبع
مراجعة روابة إمتداد
أم أسميها إنكماش؟
الخدعة الكبرى المقدمة من كاتبنا لهذا العام متمثلة في صديقنا
إدوارد نورتن، العالم الملحد، ذلك الذي يحلم بمقابلة الإله
على حافة كوننا الواسع
هل سيصل ادوارد إلي الحافة فعلًا؟
وهل سيجد ما يبحث عنه؟
ام أن رحلته ستكون هبائًا
***
تستعرض الرواية تقريبًا ثلاثة عشر محطة يمر بها نورتن
بداية من الأرض خمسمائة وواحد
حتى أرض القيامة
ثلاثة عشر كوكبًا
بثلاثة عشر حكاية، بثلاثة عشر نهاية مختلفة
تتبدل فيها ملامح شخصية نورتن من كونه مجرد رجل علم مؤمن بالماديات ومن رجل عديم المشاعر
إلي مؤمن حقيقي ومُحِب بطريقة تدعو للدهشة
***
تبحر بنا الرواية داخل عقل الزيني الواسع المليء بالسوداوية المختلطة بوصفة الخيال العلمي الخاص بكل رواية
نمر في رحلتنا عبر الصفحات بكواكب عجيبة منها ما احتلته العمالقة ومنها من سيطرت عليه الآلات، منها كوكب الميتاڤيرس المرعب
منها كذلك من يبدأ بدايته الأولى
كل هذه القصص والحكايات
في رواية واحدة بسيطة أحترت فيها ودعتني إلي التفكير كعادة روايات احمد الزيني السابقة



أعجبني في تلك الرواية تفاصيلها الدقيقة، ولغتها السهلة السلسة كالمعتاد وزيادة على ذلك هو كونها مليئة بالاحداث المتسارعة التي لن تجعلك تترك الرواية الا مع كلمة النهاية


كل ما أريد قوله أن بين دفتي هذه الرواية
هناك عالم واعد فعلًا من روايات الخيال العلمي التي تغلفها السوداوية المحببة للنفس


وسؤالي الأخير
هل هذه هي النهاية فعلا؟
أم أنها مجرد بداية لشيء أكبر
كل ما علينا الآن
هو الانتظار لنستكمل تلك الحكايات والكواكب
في عالم أحمد الزيني الواسع
عالم ميكرو-مالتيفيرس

[Abdelbaky Mabrouk · Rating 5 out of 5]

ريفيو روايه امتداد
التصنيف / روايه خيال علمي
اللغه / العربيه الفصحي بلغه سلسله بدون ملل
عدد الصفحات/ ٣٨٥ صفحه
..
يمكن تقسيم هذه الروايه الا ثلاث اقسام
١- البدايه : كيفيه انتهاء الارض بانكماش الكون وفناء
البشريه
٢- العوالم الموازيه : السفر عبر الفضاء ومشاهده الاراضي الاخري والاحداث الموازيه ف الاراض الاخري والكاتب تكلم عن ١٣ ارض موازيه
٣- النهايه : مشهد النهايه متعوب عليه فعلا وبيوضح تمكن الكاتب من قلمه وفكرته وهيا اقوي واجمل ما في رواياته
….
ملخص القصه : يكتشف العالم إدوارد نورتن ان الارض ف سبيلها للانكماش والبشريه الي الفناء ولكن السلطه الحاكمه تتهمه بالكفر والجنون وتضعه ف مستشفي النفسي ويقابل د أوسكار ويحكي له كيفيه اكتشافه لسر الخلود وانكماش الارض وانه يسعي بسفينته الفضائيه للسفر عبر الفضاء والذهاب لحدود الكون ومقابله الرب
…..
المناقشه : الروايه متعوب عليها فعلا وروايه حلوه جدا ..فكره الاراضي الموازيه حلوه جدا والتنوع ف احداثها من بدايه اعاده صلب المسيح والميتافيرس وحديقه البشر والأليون ..والرسائل الاخيره لانتهاء البشريه وبالاخص رساله احمد الزيني ف ارض الماء حركه ذكيه جدا
…
قدره الكاتب انه يربط رواياته ببعض كأنها روايه واحده دا بيدل ع قدره تحكم الكاتب بقلمه ب روايه الرب وارض السلطه ، وروايه سيرن ومقابله نورتن بستيف (الصانع) ومشهد النهايه جميل جدا
…
التقيم ١٠/١٠ .. وف اشياء كثيره متكلمتش عنها لان هيطول الريفيو بطريقه كبيره

[Waled · Rating 4 out of 5]

فى كتير من لقاءات المبدع الروائى
والسيناريست " أحمد مراد " ناقش فكرة
ليه معندناش خيال علمى عربى
زى الى بنشوفه بره سواء فى الأدب أو الفن ؟!
( مؤخرا حصل طفرة نسبية فى الموضوع دا
على سبيل المثال شوفنا فى الدراما مسلسل "النهاية" وفى السينما فيلم "موسى" )
لكن يظل الأدب الروائى بعيد شوية
عن المنطقة دى أو بمعنى أوضح
ثمة بعض الأعمال التى تحسب على
أدب الخيال العلمى لكنها دون المستوى.

دلوقتى أقدر اقول انه أصبح أخيرا عندنا
كاتب مصرى مفتخر اسمه (أحمد الزينى)
قادر على تقديم أدب خيال علمى
يحترم عقل القارىء ويضاهى الأعمال العالمية
فكرا وإبداعا

تعد رواية " إمتداد " نواة محورية
فى مشروعه الروائى الكبير الذى يربط بين
الأعمال التى قدمها الكاتب من قبل
وبين ماسيقدمه فى أعماله اللاحقة
عبر عوالم متعددة الأكوان أشبه
بعوالم مارفل وDC
ولكن بنكهة مصرية عرب��ة خالصة

أسعدنى كثيرا وشرفت بقراءة مسودة
هذا العمل قبل أيام من صدوره الرسمى
بمعرض القاهرة الدولى للكتاب
حقيقى استمتعت بالرواية وبعوالمها وبالشغل
الكبير المبذول فيها

من الأهمية بمكان التنويه بشدة على أن
من أراد أن يستكشف عوالم الزينى وشغوف بمشروعه الروائى الشيق حقا، لابد وأن يقرأ هذا العمل تحديدا
لن تستوعبوا ماهو قادم مالم تقرؤا ( إمتداد)

برافو زينى، أحسنت فأبدعت 👏👏

[Ahmed ElMasry · Rating 5 out of 5]

هل من الممكن أن يكون هناك اكوان مختلفة , هل من الممكن أن تكون الأكوان المتوازية علي شفا الانهيار
هل يمكن لشخص واحد ان يسافر بين الأكوان المتوازية في لحظاتها الأخيرة ؟

اد نورتون رجل لديه القدرة علي السفر عبر الزمن ؟

كانت الرواية خليطاً من فلسفة عميقة و قصص عوالم متشعبه تمتلئ بإثارة و الحزن و الرعب حزينة .

بالرواية قصة اساسية تمتلئ بالنظرات المستقبلية و بعض القصص الاخرى المسايرة لتتجمع الخطوط المعرفية حول الكون بكل احتمالاتة جميعها في قالب واحد من الحيرة و السراب و السعي وراء الحقيقة.
أعجبني جدا تنوع القصص فكانت كل قصة منها لها معني و قيمة .
ها .
ذلك التباين المتشابه و التشابه المتباين كانا رفيقاي في الرواية .

كانت رواية دسمة بالكثير من الالعاب التاريخية و بعض الفنتازيا و الخيال العلمي الراقي و الديستوبيا كذلك فكانت الرواية عن يميني و ويكيبيديا عن يسارى 😁 .الاسلوب كان رائعا كعادة الكاتب أحمد الزيني .

مالم أحبه بالرواية كان أنها لا تقدم أجوبة علي تساؤلاتك بل تتركك بمزيد من الاسئلة .

بالنهاية فهي ممتعة و مليئة بالاحداث و الحوارات و السرد و تستحق جائزة أفضل رواية خيال علمي لسنة ٢٠٢٢.

انها الرواية الاولي التي تمكنك من قراءة عقل الكاتب و التنبؤ بكتاباتة المستقبلية و عوالمها المتنوعة

[Ahmed Mody · Rating 4 out of 5]

⬅️ الإمتداد : أحد سُنن اللًَهُ في الكون ،، خَلقَ اللهُ البشرَ في سلاسل علي إمتداد من السلَفِ والخلَف ،، الحياةُ ذاتِها علي إمتداد ما نعيشهُ الأن وما بعد الموت والحياة الآخره ...
⬅️ وإن كانَ كـلَّ ما حولنا علي إمتداد فما الذي يمنع وجود عوالم منبثقة من عالمنا هذا ؟ عوالم لِكُلٌ مِنها البداية والنهاية الخاصة بِهِ ،، وما إن نلِجُ إلي تِلكَ العوالم واحداً تلو الآخر حتي يري كلٕ منا علي إمتداده في هذه العوالم ولكن تُري : هل يكون إمدادُ خيراً يُنيرُ ما بين السماء والأرض أم شراً يُطبقُ السماء علي الأرض؟ ...
⬅️ في هذه الرواية ستجد إمتداداً عبقرياً لسلسة مِن الروايات بعوالم مختلفة لكِنها كانت طوع مؤسسها وقد جمَعَ بينهم بتصور جديد ليقدم للقارئ زوايا مختلفة لينظر بعين المُراقب داخل تِلكَ العوالم ،، وحينَ يظُن القارئ أن أسرار الأكوان قد أُضيئت لهُ دُفعةً واحدةً يكتشف أنهُ قد وقعَ فريسةً لكاتب صنع شبكه عنكبوتيه من المسارات الزمنيه لتجد نفسك عندَ نُقطة البداية من جديد ،، حينها سيعرف كُلً منكم ما تعنيه كلمة " إمتداد "

[Shrouk Abdelhamed · Rating 5 out of 5]

فى البداية حابه اشكر استاذ احمد على masterpiece دى اول روايه اقراها من روايات المعرض وتقريبا نزلت عشانها ع الرغم من أن الخيال العلمي مش لونى المفضل بس استاذ احمد غير والله أعتقد أنه هيعمل طفرة في ادب الخيال العلمي المصرى والعربى .
#امتداد رحله شيقه ممتعه لعوالم خياليه .
الروايه أحداثها شدتنى سحرتنى من اول فصل ل اخر فصل ..احداث متلاحقة من التشويق والإثارة. لا يمكن توقعها حبيت قوى كل رحله قام بيها د نورتن وحسيت انى معاه ..وحبيت كمان تسلسل كل رحله ..
امتداد روايه من العيار الثقيل ل كاتب من العيار الثقيل ..جرعه مكثفه من الخيال والعلم 💜
بجد استاذ احمد تفوق على نفسه ومش جديد عليه الابداع ..
اللغه فخمه وقوية جدا وفصحى سليمه وصحيحه ..السرد رائع مبسط رغم أنه كلام علمى .. النهايه كانت حلوه قوي وصادمه ليا 🤭 ب التوفيق دائما يا استاذ احمد وفى انتظار اللى جااى

[Ganna Ashraf · Rating 3 out of 5]

رواية خيال علمي وديستوبيا من الدرجة الأولى.
أولًا لغة الرواية جيدة جدًا ولكن الأخطاء الإملائية عديدة
فكرة الرواية جيدة ولكن أشعر وكأني رأيت هذه الفكرة من قبل ربما في قصص سالم وسلمى في سلسلة ما وراء الطبيعة عندما كانا يتنقلان من كوكب لآخر مع اختلاف هدف أبطال كلا الروايتين بالطبع.
وعندي تعليق على شيء لفت انتباهي وهو أن على العديد من الكواكب اتنهت قصة البشرية بواسطة نيزك أو كويكب، أليس هذا شيء غريب.
كما شعرت أن الكاتب كان مستعجلًا في بعض الفصول فقام بوضع نهاية سريعة وهذا شيء لم يعجبني فلقد كنت أود أن تمتد الفصول ويستفيض الكاتب في الحكي.
وجاءت النهاية غريبة بعض الشيء أردت فيها بعض التوضيح.
ولكنها في النهاية رواية جيدة وشجعتني على قراءة أعمال أخرى للكاتب

[Habiba Ibrahim · Rating 5 out of 5]

مهما هاكتب عن امتداد مش هديها ابدا حقها بجد تسلسل الأحداث تحفة والفكرة بجد مفيش زيها 😊 والربط ما بينها و مابين سيرن حقيقي رهيب أنا فضلت اقرا اخر فصل ده كذا مره عشان استوعب اللي حصل فكره الأكوان وان فعلا ممكن نبقي مش لوحدنا في الكون حقيقي رهيب رواية تستحق القراءه فعلا ❤️🥳

[Ahmed Elhelal · Rating 2 out of 5]

مع احترامي للكاتب بس الرواية عبارة عن كوكتيل من كذا فيلم مع بعض الاختلافات البسيطة منها طبعا ماتريكس وكوكب القرود مرورا بعالم الأكوان المتوازية اللي اتهرس في افلام ومسلسلات كتير اخرهم spiderman no way home

[Wael · Rating 1 out of 5]

للأسف الشديد الرواية لم تعجبني رغم البداية التي استبشرت بها!
أعتقد أن الفكرة كانت تحتاج لتماسك درامي أكثر ..
القصص البينية في كل كوكب كانت تحتاج لمساحات اكبر ونهايات أفضل!
النهاية الأخيرة أيضاً لم تكن بالقوة الكافية!
عذراً لكني أعتقد أن الفكرة استهلكت في سياق درامي غير متماسك وتفاصيل غير مقنعة في بعض الأحيان!!

[ثريا محمود · Rating 2 out of 5]

قال ان الكتاب جزء من سلسلة ويمكن ان يقرأ وحده ويُفهم ولكن لم اري ذلك والرواية عبارة عن قصص مبعثرة ليست مغلقة وغير مفهومة لان القارئ يجب ان يقرأ السلسلة بكاملها

[Mohamed Ali · Rating 5 out of 5]

بنسمع دايما عن كلمه تمدد او امتداد الكون و انه بيتوسع بنسمع دايما ان الكون ده ملوش اخر ... عمرك فكرت اي النهايه هل نهايته هو كون تانى او عالم تانى او عوالم تانيه اصلا .. ولا نهايته انك بتصل للمعرفه و بوابتك للوصول للاله ... روايه امتداد هيا رحله على الرغم انها مكتوبه فى صيغه روايه لكنها اسقاط لرحله العالم بتاعنا عامل ازاى و رايح على فين و فى نفس الوقت الروايه دى امتداد لعالم لكل حاجه سبقتها و لكل حاجه جايه بتربط ما بين القديم و الجديد
روايه امتداد و انتا بتقراها حط فى دماغك حاجه واحده انه عمل تقيل و اسقاطتها كتير و فيها ملامح العالم الجديد اللى بيحضره الزينى او زى ما بقينا بنقوله ( صاحب الكرتونه ) و هتعرفو لي بعد كده 😅🤦‍♂️😂