أزمة تعلق: أنماط التعلق والعلاقات الحميمية

by ماهر عبد الحميد

يقول د. ماهر عبد الحميد، استشاري الطب النفسي، في تقديمه لهذا الكتاب المهم، والذي كتبه بلغة سهلة ليصل لكل من يحتاجونه: «يمكن الخوف من الحب أو الارتباط أو الهجر، في الأصل أزمة تعلُّق. ويمكن غيرتنا وخناقاتنا وتحكماتنا، في الأصل أزمة تعلُّق. ويمكن هروبنا وانفعالاتنا المبالغ فيها، أو عدم استمتاعنا الجنسي أو العاطفي، أو سر انجذابنا لأشخاص معينين، هي أزمات تعلُّق. ويمكن بقاؤنا في علاقات سيئة، أو عزلتنا، أو تكرارنا لعلاقات مسيئة، أو إحساسنا بعدم الأمان، ومخاوفنا، وشكوكنا، هي أزمات تعلُّق.»

هذا الكتاب يقدِّم نظرة عامة على نظرية التعلُّق، وأنماط التعلُّق وتأثيراتها على العلاقات الحميمية والعلاج. هدف الكتاب أن يساعدنا على فهم أنفسنا وفهم من نحبهم، حتى نستطيع أن نساعد أنفسنا ونساعدهم، وهدفه أيضًا أن يقدِّم لنا خريطة حب للحصول على ما نتمناه من علاقات قوية وحميمية، وقرب ورفقة.

عن المؤلف
الدكتور ماهر عبد الحميد، استشاري الطب النفسي، تخرج في كلية الطب جامعة المنيا، حاصل على الزمالة العربية في الطب النفسي. اشتهر بكتاباته النفسية المبسطة على منصات التواصل الاجتماعي في مجال الطب النفسي والعلاقات الإنسانية وفهم النفس البشرية بشكل يساعد على تطوير الذات وتنمية الوعي بأهمية الصحة النفسية.

Genres: Psychology, Self Help

320 pages, Paperback

First published January 26, 2022

Reviews

[Esraa · Rating 3 out of 5]

"كن حريصاً على أن ترسم لنفسك خريطة حب، وأن تفهم خرائط حب الآخرين، علَّنا نجتمع مع من نحب في خريطة واحدة مفهومة لعلاقة قوية ومشبعة".
في ثلاثة فصول شرح د. ماهر معنى التعلق بالأشخاص بدايةً من تعلق الوليد بأمه انتهاءاً بعلاقاته بعد النضج، أنماط التعلق المختلفة، طرق تعبير كل نمط عن مشاعره، وفي النهاية وضع ارشادات عامة للعلاج.
ما بين أنماط التعلق الثلاث (الآمن، التجنبي اللامكترث، القلِق المفرط في الحب، الخائف وهو مزيج بين النمطين) حتماً ستجد نفسك ومن حولك.
يعيب الكتاب في رأيي:
لغته العامية.
بعض النقاط كانت بسيطة بشكل مُخِّل.
حشو وشرح زائد لنفس النقطة خصوصا في الجزء الثاني لدرجة تكرار جمل وعبارات كاملة بحذافيرها.
شعرت أنه تنمية بشرية أكثر من طب نفسي.

إذا انتهيت من كتب د.محمد طه ولا تجد ما تقرأ، ارشح لك هذا الكتاب بشدة لأن الدكتور سار هنا على نفس النهج تقريبا.

[ياسمين Thabet · Rating 5 out of 5]

لا مش معقول يا دكتور ماهر
مش معقول الكتاب ده

انت اكيد تقصدني... انت اكيد تعرفني وتعرف الاكس والا ماكنتش كتبت بالعمق ده والاستنتاج والتفهم المرعب ده

يا جماعة ده مش كتاب عادي ولا دكتور ماهر ده شخص طبيعي زينا ده عراف اقسم بالله
ايه كمية الكتب في المصادر دي ايه كمية الكتب اللي قراها الكاتب عشان يقدر يخرجلنا بكم المعلومات المفصل والدقيق لدرجة اني حسيت انه مكشوف عنه الحجاب اقسم بالله

الكتاب بيتكلم عن طبيعة التعلق في الشخصيات المختلفة من البشر وانهم بيتقسموا لاربع انماط النمط الامن وده اللي كلنا بنسعي له والنمط اللامكترث والنمط القلق والنمط التجنبي الخائف

ومش بس بيشرح ازاي البني ادم بيكبر وبتتخلق عنده نمط التعلق من اهله وتعاملهم معاه لا ده كمان بيوصف كل حتة فالعلاقة وكل نمط حيتصرف ازاي وبالتفصيل

اتكلم عن كل الانماط في العطاء والاخذ والخلافات والفراق والالتزام وادارة المشاعر والاستقلالية والتواصل والغضب والاعتذار والجنس حتي في، طريقة التعافي

وكتب ازاي تتعامل مع كل نمط بطريقة تريحه وكمان ازاي تعالج نفسك لو انت نمط من هذه الانماط

الكتاب مالوش حل خلاني مذهولة الكتاب ده يتدرس الكتاب ده اللي عمله عبقري وفنان وفاهم اوي اوي اوي في شغله انا حسيت اني باقرا عني وعن حبيبي السابق في كل موضوعات حياتنا ومراحل علاقتنا وباسال نفسي ازاي مكنتش واخدة بالي ده كل العلامات موجودة


الكتاب في ذاته بعيدا عني كتاب مدهش حقيقي وانصح بقراءته عدة مرات مش مرة واحدة ولاااااااازم تقتنيه ويبقي موجود في بيتك

اما بالنسبة ليا كياسمين فانا حسيت ان الكتاب ده مكتوب عشاني وعشان تكتمل مراحل التعافي بتاعي من تلك العلاقة التي دمرتني ساعدني كتير حقيقي في الاجابة علي اسئلة كتير جوايا الطرف التاني مارضاش يجاوبها

شكرا ليك يادكتور ماهر انت انقذت حياتي بالكتاب ده شكرا ليك اوي توي اوي بجد

[Batool Falah · Rating 4 out of 5]

الكتاب جيد في مناقشة اساسات العلاقة الآمنة والصحية. وركز بشكل مكثف على النمطين التجنبي والقلق، أما النمط الخائف فكان مروره عليه سريع وليس بعمق النمطين السابقين.
الاكثر متعة في الكتاب هو في سرد سيناريوهات وكلمات متكررة نسمعها من الاخرين او نقولها بانفسنا تبعا لانماط تعلقنا وهذا ساعد وسهل الربط بين النمط والمواقف بالنسبة لي كقارئ من نفس ثقافة الكاتب.
وكما ذكر الدكتور في الكتاب فالنصائح فيه ليست بالعمق الكبير لانه لا يمكن تقديم نصائح جمعية في موضوع فردي جداً وتدخل فيه عوامل كثيرة وظروف مختلفة. لكن جودته في شرح الانماط اكثر من عدة زوايا وذكر مواضيع مهمة مرتبطة بالتعلق كالمواعدة والبدايات والغيرة والاعتذار والرحيل والهجر وغيرها.
ملاحظة: الكتاب مكتوب بالعامية.

[حَ.م · Rating 5 out of 5]

كتاب ممتاز في موضوعه،
يوضح كثير من الأمور،
ويكشف عن اختلاف الأنماط المختلفة في العلاقات،
تشخيص ونصائح مصوّبة بإتقان.

[Omnya Ali (Free Palestine) · Rating 3 out of 5]

2.5/5⭐

عادةً، انا مش بكتب ريفيوهات بالعامية و مش بحب أبداً اكتب بالعامية
لكن بما أن الكتاب بالعامية ف حبيت اكتب بالعامية

الكتاب بيتكلم عن أزمة بتحصل للشخص من و هو طفل
بتنموا عنده لعدة أسباب بتكون بسبب الام و الاب تحديداً
الطفل ده بيكون مأخدش حقه في الأمان النفسي او الحنان اللي المفروض يتوفرله
او الحب و التعامل و الحاجات الاساسية اللي بتتوفر لاي طفل و بالتالي ده بيأثر عليه جدا بعد كده
و بيكون شخص من الأشخاص اللي ذكرهم الكتاب و هما:

1- النمط القلِق
: و ده بيكون شخص متردد و خايف انه يتعلق بأي حد
شخص مشغول البال _ متعلق_عاطفي _رومانسي جدا_مقاوم
الشخص صاحب النمط ده بيكون متخيل ديماً انه هيتساب و شايف ديما ان الناس هتفضل تحبه
و ديما بيكون متخيل ان اي حد بيحبه هيسيبه

2- النمط السعيد
:👌🏼و هو نمط متوازن عاطفياً و عقلياً (اكتر نمط محظوظ حرفياً)
شخص هادي في افعاله و انفعالاته
بيتجاوز المشاكل من غير دراما و بقوة عن باقي الأنماط
الزعل بياخد وقته القصير و بيمشي

3- النمط اللامكترث
:هو شخص غير مبالي لأي شيء ، شخص بارد في مشاعره
من الاخر شخص مكبر دماغه ، بيحاول يتجنب اي شيء
بيخاف من الحب_الضعف_الاقتراب ، لأنه بيخاف من الرفض و الترك و الخزلان


فيه انماط تاني ذكرها الكاتب بيوصف فيها الحاجات اللي نمت في الشخص مع العمر
بسبب اهله و البيئة اللي عاش فيها

الحقيقه الكتاب مفدنيش كتير ،
الواحد كان مستني الكاتب يدي حلول قوية مش حلول مذبذبة او متكررة
كمان كان فيه تكرار كتير لحاجات و شرح الكاتب قالها
الحقيقة الواحد كان نفسه يلاقي إجابات على اسئلة في الكتاب لكن للاسف لم أجد شيء 😕
في المجمل الكتاب كان فيه شرح و تفصيل للأشخاص اللي تم التعامل معاهم بشكل خاطئ في سن
يجب التعامل معه بشكل خاص جدا و بحذر و ف نفس الوقت بحب و حنان وأمان
الكاتب ركز على الجزئية دي و ده كان افضل شيء بالنسبة لي

[أميرة موسى · Rating 1 out of 5]

الكتاب بيلقي الضوء على أزمة سببها هو إن الإنسان لم يتم إشباع احتياجاته بصورة صحيحة وهو طفل ، ودا بيفسر سلوك ناس كتير بنشوفها حوالينا ومش مدركين اي اسبابها الحقيقية وبتخليك تتعاطف معاهم في أوقات كتير، و دايماً دكاترة علم النفس بيأكدوا على إن أهم فترة في حياة البني آدم هي أول خمس سنين من عمره ولو لم يتم إشباع احتياجاته بالشكل السليم دا بيون عرضه إنه يروح لدكاترة نفسيين ودا تم تأكيده في الكتاب بردو.
اللي خلاني ادي الكتاب تقييم قليل هو إنه في تكرار كتير جداً اللي بيوصل أحياناً إلى حد الملل، اعتقد دا لأن الكاتب عايز يوصل أكبر قدر من المعلومات.

[الشيماء الكريوني · Rating 3 out of 5]

كل يوم ينفقه الإنسان في معرفة نفسه هو يوم ثمين جدا 💕

[Doaa · Rating 5 out of 5]

كتاب مفيدا جدا ومهم لاي حد مرتبط او عايز يرتبط عشان يقدر يفهم نفسه ويفهم الطرف الاخر...
.
الكتاب بيتكلم عن ازاي علاقة الأم بالطفل في الصغر بتأثر على نمط شخصيته وعلاقاته في الكبر، بيشرح الكاتب تقسيم "انماط التعلق"؛ صفات كله شخصية، وازاي كل نمط بيتعامل مع المواقف المختلفة في العلاقة الزوجية.. واخيرا والمهم قدم الحلول العلاجية -المبدئية- للمشاكل اللي بتنتج من تصرفات كل نمط.


دعواتكم لأمي ربنا يجازيها كل خير

[Heba Moon]

الكتاب عميق ومفيد جدا سهل انك تشوف نفسك فيه من كثر وضوح الفكرة والامثلة اللي بتعبرعنهاوالحلول اللي بيقدمها بتديك امل ان التغيير ممكن لو فهمنا نفسنا صح حقيقي الكتاب عجبني جدا واستمتعت بيه واستفدت منه كثير .

[Mohamad Eldhemy · Rating 3 out of 5]

كتاب جميل ومفيد لكن مليان حشو يكفي قطايف رمضان، مفيش واحد ابن حلال كدة يعمل له ملخص او يعيد ترتيبه

[Asmaa · Rating 4 out of 5]

كتاب تفصيلي رائع لشرح ٤ أنماط شخصية ..
مفيد جدا على مستوى العلاقات و كيفية تكونيها و حين اختيارها
و مواجهة النفس و تقويمها ..
فى شىء واحد كان لا يعجبني حتى منتصف الكتاب و هوان هناك أجزاء مكررة بشكل كبير ...
و لكن بعد الانتهاء من الكتاب اكتشفت إنه كان لابد من تكرارها لثبات المعلومات لأنها مهمة جدا بالفعل ...

[Huda Abdelaziz · Rating 5 out of 5]

كتاب اكثر من رائع
مرجعية ممكن الإنسان يستند عليها في فهم ذاته وفهم غيره بشكل أكبر
متابعة دكتور ماهر على الفيس بيعجبني جدا كلامة واسلوبه في علم النفس وفهمة وشرحة بأسلوب بسيط
الكتاب مكتوب بشكل عامي سهل علي القارئ ان يقرأ ويفهم
حبيبت الكتاب جدا وخمس نجوم كامله
كتاب اخترت اقراءة في وقت انا في أمس ما يكون للي جواه
كنت محتاجاه فعلا

[Farah Abdel-Kader · Rating 2 out of 5]

أول ٣/٤ من الكتاب بنعيد ونزيد في كمية معلومات كان ممكن تتلخص في ٥٠ صفحة وده مكانش هينتقص منها شيء. الجزء المهم في الكتاب واللي بيفسر ليه حد ممكن يشتريه ويقراه حتى آخره وهو "ما الحل؟" بيمثل اقل من ٢٠٪؜ من الكتاب وحتى مش بيقدم حلول فعلية. كلها كلام مرسل وعام جدا جدا من نوعية "اعمل الصح".
هل يعقل ان فصل اسمه "كيف نختار علاقة صحية؟" يبقى عبارة عن صفحة ونص؟ وطبعا كلها كلام بديهي.
الخلاصة ان الكتاب مش مفيد بنسبة كبيرة لشخص يبحث عن ايجاد حل لمشكلته، قد يكون مفيد قليلا لشخص يبحث عن التعرف عن أنواع أنماط التعلق من باب الفضول فقط.

[Mahmoud Ghoz · Rating 5 out of 5]

الكتاب ده عظيم واقدر اقول انه علامة فارقة في حياتي. اتعلمت منه حاجات كتير. انا الكتاب ده ماقرتوش ... انا الكتاب ده ذاكرته بالورقة والقلم كأني همتحن فيه.
الكتاب عظيم ومحتاج تقراه بتمعن وتفهمه وتدور جواك وتعرف انت مين واللي حواليك مين.
الكاتب كتب بتحفظ اوي على العلاقة بربنا وكان بيشير لكتاب آخرين كأنه يتنصل من الكلام.
غير هذا الجزء الكتاب عظيم

[Hoda Mohammed · Rating 5 out of 5]

تقريبا ده من أكتر الكتب اللي قرأتها بتركيز و سبته ياخد وقته عشان فعلا محتواه مميز، مفيش حاجات كتير ناقشت العلاقات بالأسلوب ده.
أولا هو مكون من ٣ أجزاء: أول جزء بيشرح فيه نظرية التعلق أصلا و العلاقات هيتم شرحها ازاي من المنظور ده. طول الكتاب بقا بعد الجزء الأول هيشير للنقط و الأزمات اللي العلاقات بتواجهها (تواصل، خلافات، اهتمام، ...) كل حاجة تقريبا، و هيشرح كل حاجة بالتعامل مع أنماط التعلق، يعني النمط الفلاني هيعمل ايه مع النمط التاني في المشكلة الفلانية. حقيقي من أكتر الكتب اللي نورتلي كتير، و سايبلي كده احساس هادي إن كده كده في مبررات لأي تصرف من أي طرف، و تفهُّم المبررات مش معناه التغاضي عن حدودي عشان متعاطفة مع اللي قدامي، هو مجرد تفهُّم ملهوش أي علاقة بالحدود اللي الإنسان بيحطها للي قدامه عشان ميُستنزفش مثلا و أسباب تانية بتختلف من شخص للتاني.

[Yousra Sheded · Rating 3 out of 5]

كتاب جميل بيشرح أنماط التعلق وازاي حصلت بسبب أو نتيجة للتربية.. والطريقة اللى اتعلقنا بيها بالأم والأب واحنا أطفال في أول سنين حياتنا..

الأنماط الغير آمنة بتخلي الواحد يعيش.. لكن بتمنعه أو بتصعب عليه تكوين علاقات عميقة وقوية وآمنة يقدر يعتمد عليها..

ممكن يبقى مدخل كويس إن الواحد يفهم نفسه والأخرين ومشاكله جاية منين..

لأن بدون الفهم هنفضل نعتمد على الأساليب الغير آمنة الوحيدة اللى اتعلمنها واحنا أطفال وكانت مناسبة واحنا أطفال.. لكن مش فعالة ولا صحية لما نكبر..
وبتخلينا بدون وعي نختار ونعيد نفس التجارب بالظبط.


الكتاب سهل ومكتوب بالعامية.. وبالنسبة لي فيه إعادة وتكرار بشكل كبير لوصف المشكلة..
ثم عند جزء حل المشكلة عناوين وكلام بشكل سريع ومختصر ..
لكن دا كويس (معرفة الداء نصف العلاج) ولأن مافيش علاج ثابت وواضح واجابة نموذجية... كل شخص بتختلف طريقته وسرعته وادراكه وظروفه..

[Noura Higo · Rating 4 out of 5]

من الكتب اللي تندرج تحت بند:
حاجات تفتح المخ والعين ✨

[Samaa Sh · Rating 5 out of 5]

الكتاب حرفيا بينور الضلمة
رغم ان طريقة العرض شوية شوووية غير مرتبه في كلام مكرر
لكن الكتاب مهم جدا الموضوع نفسه غير مكرر و المقالات العربية عنه قليلة جدا فشكر واجب والله للدكتور انه طرح الموضوع .

[Samaa Sh · Rating 5 out of 5]

الكتاب حرفيا بينور الضلمة
رغم ان طريقة العرض شوية شوووية غير مرتبه في كلام مكرر
لكن الكتاب مهم جدا الموضوع نفسه غير مكرر و المقالات العربية عنه قليلة جدا فشكر واجب والله للدكتور انه طرح الموضوع .

[Hawra Alasfoor · Rating 3 out of 5]

: ⭐️⭐️⭐️/ ونصف
-
كتاب يهدف إلى شرح نظرية التعلق وأنماط التعلق المختلفة وتأثيرها على العلاقات العاطفية، يساعدك على فهم نمطك اللاآمن وأنماط الآخرين من حولك؛ لتعرف كيفية التعامل مع انفعالاتك ومع مختلف المواقف مع الآخر.
مع أني أحب أسلوب العشوائية في هذا النوع من الكتب، إلا أن عشوائية هذا الكتاب لم ترق لي.
كان هناك بعض المبهمات التي لم يتم توضيحها بشكل كافِ، وهناك مواضيع لم يكن من المفترض التطرق لها من الأساس (من وجهة نظري) كالجانب الديني.
ركز الدكتور على النمط اللامكترث، ثم القلِق، وأخيرًا أهمل الإسهاب في النمط الخائف بشكل ملحوظ.
إلا أن غالبية معلومات الكتاب قيمة ولا غنى عن معرفتها 👌🏻.

[Juman Bakir · Rating 5 out of 5]

جميل جداً....
يشرح الكاتب في الكتاب أنماط التعلق المختلفة.... و كيفية تكوينها منذ البداية.... من العلاقة الأولى و الأهم في الوجود.. على الإطلاق.. العلاقة بالأم...
يتابع معك في مسيرة الكتاب بطبيعة و سلوك علاقات كل نمط من الأنماط... في العلاقات الاجتماعية و العاطفية و العمل و الصداقة و العلاقة مع الإله....
يمر مرورا سريعا في النهاية على علاج و طرق التعامل مع كل نمط فيهم....
هذا الكتاب يمدك بذخيرة كافية من الفهم لنفسك... و لطبيعة علاقاتك... و نقاط ضعفك و قوتك.... واصلا بك إلى الوعي... و هو أول خطوات العلاج ♥️
كتاب ماتع و لطيف و مفيد... أنصح به...

[Aya Rizk · Rating 5 out of 5]

كتاب اكثر من رائع .. بياخدك لحتة تانية ..

[Toqa Hossam · Rating 5 out of 5]

كتاب فوق الرائع طريقه الشرح سهله وسلسله وبسيطه لاى حد يفهمها
الكتاب ده مهم لكل الناس مفيش خد مش هيلاقى افاده فى الكتاب ده

[طارق عبد الغفار · Rating 4 out of 5]

كتاب مهم لا غنى عنه، بيقدم تحليل شامل لتأثير أنماط التعلق على الطفولة والعلاقات.
يعرض كل نمط بأسلوب علمي بسيط وسلس ولغة عامية لذيذة، ويقدم أمثلة حياتية تساعد القارئ على فهم كيفية التأثير النمط على سلوكياته وعلاقاته.
كتاب جميل لا يقتصر على تحليل المشكلة وجذورها فقط، بل يتناول كيف يمكن للأفراد الذين يعانون من أنماط تعلق غير آمنة العمل على تحسين علاقاتهم وتطوير تواصل أكثر فاعلية وأمنًا، وتوفير نصائح عملية لبناء علاقات صحية مشبعة مستقرة، ووعي ذاتي وفهم احتياجات الشريك.

[Hediheeed · Rating 2 out of 5]

فكرة الكتاب مهمة لكن فيه مط وتكرار كتييييييييييييير، الكتاب دا كان ممكن يتكتب في ١٠٠ صفحة ويكون أفضل بكتير

[Nada Osama Fouad · Rating 5 out of 5]

كتاب أكثر من رااااااااائع!!

[Dara Mohamed · Rating 5 out of 5]

كتاب مهم شكرا ليك

[davidalromany · Rating 4 out of 5]

الكتاب حلو جدا الموضوع كان مهم بنسبالي

[Kholoud · Rating 5 out of 5]

A must read. It addresses a heavy topic, easily, clearly and very well put. You can identify with the types presented since he offers a very clear explanation of each and common examples that are relatable to our very daily lives. Some might need to take their time reading this since it can bring up a few bad memories that needed to be disgusted properly first

[محمد الشثري · Rating 2 out of 5]

وجدت فيه ما هو جيد
لكن نوعية هذه الكتب لا تناسبني إطلاقًا
يعيب الكتاب أنه لا يذكر لك (في خضم الحديث) مراجعه ومصادره ودراساته؛ يقول: قالت الدراسات. أي الدراسات؟ لا تعلم.
تمنيت أن يأخذني عميقًا في فصل (التعلق والدين)
كون بابه ملياااان
لكن اكتفى بصفحات قليلة جدًا ! ونحن أمة تجد "عزاءات" كثيرة في الدين.
والكتابة باللهجة العامية المصرية غير مناسب إذا كان الكاتب يستهدف عموم القرّاء العرب.