What do you think?
Rate this book
الخروج عن النص من جديد
فيه ميراث بيتم توزيعه وقت الولادة...
بمجرد ما حضرتك تتولد.. بتبدأ فى استلام تركه ثقيلة و ممتدة من كل أجيال أسرتك، دول يسلموك مخاوفهم.. و دول يسلموك نقط ضعفهم.. و دول يسلموك نصوص حياتية معدة مسبقا..
إحنا محتاجين نقف وقفة حاسمة و جادة نراجع فيها كل ما تسلمناه.. محتاجين نخرج عن النص.. و نبدأ فى الكتابه من جديد.. بأقلامنا نحن..
فى الباب الأول من هذا الكتاب ، هنعرف إيه حدود النفسية..
وإيه هى نفسك الحقيقية و نفسك المزيفة.. و ليه بنكرر أحيانا نفس الغلطة .. هنتعلم عن المواقف غير المنتهية.. و المشاعر اللى بنحسها.. بس هى فى الحقيقة مش مشاعرنا..
هانكتشف أزاى ممكن نكون عايشين نصف حياة... وايه الأدوار الى بنلعبها فى سيناريوهات حياتنا..
فى الباب الثانى ..هانتكلم عن الصوت الداخلى الى بيطلع من جوانا، و يفسد علينا طعم كل شئ..
هانستعرض بالأمثلة بعض القررات الى بناخدها و احنا صغيرين، و اللى بتتغير معاها حياتنا للأبد..
هنتكلم عن الإنتحار .. وإيه معنى إن حد يقرر ينهى حياته..
هانشوف الخوف من الهجر و الوحدة ممكن يعمل إيه فى أصحابه..
هانفهم اختياراتنا بتقول عننا إيه.. و هنعرف ازاى مانخليش احتياجاتنا تبهدلنا..
يالا بيما نخرج عن النص.. فى اتجاه النور.. فى اتجاه الحياة
بمجرد ما حضرتك تتولد.. بتبدأ فى استلام تركه ثقيلة و ممتدة من كل أجيال أسرتك، دول يسلموك مخاوفهم.. و دول يسلموك نقط ضعفهم.. و دول يسلموك نصوص حياتية معدة مسبقا..
إحنا محتاجين نقف وقفة حاسمة و جادة نراجع فيها كل ما تسلمناه.. محتاجين نخرج عن النص.. و نبدأ فى الكتابه من جديد.. بأقلامنا نحن..
فى الباب الأول من هذا الكتاب ، هنعرف إيه حدود النفسية..
وإيه هى نفسك الحقيقية و نفسك المزيفة.. و ليه بنكرر أحيانا نفس الغلطة .. هنتعلم عن المواقف غير المنتهية.. و المشاعر اللى بنحسها.. بس هى فى الحقيقة مش مشاعرنا..
هانكتشف أزاى ممكن نكون عايشين نصف حياة... وايه الأدوار الى بنلعبها فى سيناريوهات حياتنا..
فى الباب الثانى ..هانتكلم عن الصوت الداخلى الى بيطلع من جوانا، و يفسد علينا طعم كل شئ..
هانستعرض بالأمثلة بعض القررات الى بناخدها و احنا صغيرين، و اللى بتتغير معاها حياتنا للأبد..
هنتكلم عن الإنتحار .. وإيه معنى إن حد يقرر ينهى حياته..
هانشوف الخوف من الهجر و الوحدة ممكن يعمل إيه فى أصحابه..
هانفهم اختياراتنا بتقول عننا إيه.. و هنعرف ازاى مانخليش احتياجاتنا تبهدلنا..
يالا بيما نخرج عن النص.. فى اتجاه النور.. فى اتجاه الحياة
142 pages, Kindle Edition
First published January 1, 2022
185 people are currently reading
2118 people want to read
Ratings & Reviews
Friends & Following
Create a free account to discover what your friends think of this book!
Community Reviews
Displaying 1 - 30 of 198 reviews
February 3, 2022
الكتاب اعادة للكتب ال فاتت اعتقد محتاج حد اول مرة يقرا لدكتور محمد لكن بالنسبة لحد قرا كل كتبه قبل كدا ف محستش انه ضاف لى كتير .
الجديد اخر كام باب فقط وعلى الرغم من انى استمتعت بيهم بس مش كفاية لاعتباره كتاب جديد .
الجديد اخر كام باب فقط وعلى الرغم من انى استمتعت بيهم بس مش كفاية لاعتباره كتاب جديد .
May 4, 2022
اول مره اقعد في كتاب شهر! ويكون كتاب عاجبني في نفس الوقت ... كنت عايزة استفاد بقدر الإمكان ويفرق معايا زي ما كل كتاب ل د/محمد طه فرق معايا..كتابه مفيهاش تعقيد وعدم فهم بالعكس بساطه ومعلومات واستفاده....كتاب عظيم.🖤
January 28, 2022
أول ريفيو عن الكتاب 😊 طبعا أنا قريت كل كتب دكتور محمد طه وبحس إن شهادتي في مجروحة... الكتاب ده جميل كالعادة وحساه كمان اهدي علي نفسي وألطف من باقي الكتب إللي قريتها للدكتور... دايما كتب دكتور محمد طه من كم الوعي إللي بيوصلنا منها وضرب المفاهيم الغلط إللي طلعنا عليها كانت كتب الدكتور بترهقني ومقدرش أقرأ كم كبير من أي كتاب ليه في وقت واحد.. لكن المرة دي الوضع اختلف... حسيت إنه يهديني... طبعا الكتاب عبارة عن جزئين الجزء الأول هو كتاب الخروج عن النص القديم والجزء التاني هو الجديد... شكرا يا دكتور علي تبسيط المعلومات القيمة وشكرا علي الحاجات إللي بتفتح عيوننا عليها بسلاسة🌸
August 15, 2025
"لا يوجد شيء في الدنيا يمكن أن يساعد الانسان بفعالية على البقاء حتى في اسوأ الظروف، مثل معرفته بأن هناك معنى في حياته."
-------
كتاب "الخروج عن النص من جديد" للدكتور محمد طه يناقش كيفية عيش الإنسان بطريقة صادقة مع ذاته بعيدًا عن القيود الاجتماعية والتربوية التي تدفعه لخلق "نفس مزيفة" لإرضاء الآخرين.
يبدأ الكتاب بتوضيح الفرق بين النفس الحقيقية والمزيفة وضرورة استعادتها من خلال علاقات صادقة تمنح الحب والقبول غير المشروط. كما يتناول التكرار القهري الذي يجعل الناس يكررون تجارب مؤلمة سابقة بلا وعي، ودور كل شخص في سيناريو حياته داخل مثلث الدراما (الضحية – الجاني – المنقذ) وتأثير هذه الأدوار على علاقاته.
أعمق فصل في الكتاب بالنسبة لي هو "أنت وعالمك الداخلي"
حيث يتناول فكرة أن لكل إنسان عالمين متوازيين: عالم خارجي يشمل ما نراه ونعيشه من أحداث وناس، وعالم داخلي يحتوي على نسخ من الأشخاص والتجارب الماضية المرتبطة بمشاعرنا، وهو ما يؤثر على تفسيرنا للأحداث اليومية وسلوكنا تجاه الآخرين. ويؤكد الكتاب أن علاقة واحدة صادقة وحقيقية قادرة على إصلاح العالم الداخلي بالكامل، وأن الوعي بالاحتياجات النفسية الطبيعية وإدارتها بحكمة يحمي الإنسان من الانهيار النفسي أو الدخول في علاقات مؤذية، ويجعله حاضرًا بالكامل (Engaged) في حياته وعلاقاته. كما يناقش الكتاب موضوعات حساسة مثل الانتح*ار، وأهمية الحب والاعتناء بالطفل بدون عنف أو قسوة، لتنشئة نفس سليمة وقادرة على الحياة بحرية ووعي.
.
.
.
"ومن الأمور التي لفتت انتباهي في الكتاب، فكرة النفس الإنسانية كما تناولها الدكتور محمد طه، والتي أشار إليها أيضًا دوستويفسكي في رواياته:
بعض المنتحرين يهدفون لأن يُلاحظوا أو يُقدَّروا حتى بعد موتهم.
يقول الدكتور محمد طه في كتاب علاقات خطرة ص170:
"فيه حد بينتحر علشان ماكانش متشاف ومتقدر من أقرب الناس ليه.. بينتحر علشان يتشاف.. تصور .. ينهي حياته كلها علشان اللي حواليه يشوفوه حتى ولو كان ميت.. ويحسوا إن وجوده ليه قيمة حتى بعد ما ينتهي .."
واللافت أن ما وصفه الطبيب النفسي اليوم كظاهرة معروفة في علم النفس، كان دوستويفسكي قد التقطه قبل أكثر من قرن بحدس عبقري وتحليل نفسي مذهل. فقد أدرك أن الإنسان قد يدفع حياته ثمنًا ليراه الآخرون ويعترفوا بقيمته. وفي رواية الأبله ص184 لخص ذلك بقوله:
"إن الإنسان قد ينتحر خصيصاً ليجتذب إليه مدح الآخرين له، أو لأنه غاضب من أن أحداً لم يمدحه".
هذه ليست مجرد ملاحظة أدبية، بل تحليل سيكولوجي عميق في وصف الدوافع الخفية وراء السلوك البشري ..
-------
📖 مقتطف من فصل الخروج عن النص
ما فيش أي حد من حقه يرسملك طريق حياتك.. ولا أي حد من حقه يحط رجلك على طريق إنت مش مقتنع بيه.. ولا أي حد يملي عليك آراءه وتجاربه الخاصة باعتبارها نصوصا مقدسة...
كل واحد فينا عنده احتياجات نفسية أساسية بيتولد بيها وبيعيش بيها وطول الوقت بيسعى إنه يشبعها من خلال علاقته بالآخرين.. احتياج إنك تتشاف وتتسمع .. ويبقى مرحب بوجودك في الدنيا.. احتياج إنك يتحس بيك.. احتياج إنك تتقبل من غير شروط.. احتياج إنك تحس إن وجودك مهم ومبهج وله معنى عند اللي حواليك.. احتياج إنك تبقى تلقائي وعلى طبيعتك بدون زيف ولا تشويه .. احتياج إنك تقول لأ» بمنتهى القوة عند اللزوم .. واحتياجات تاني كتير أوي ..
الاحتياجات دي لو تم اشباعها اثناء التربيه بيطلع انسان سوي وصحيح نفسيا وتكبر معاه احتياجاته في صوره معقوله وبسيطه لكنها لو لم يتم اشباعها منذ الصغر بتفضل بصورتها الطفوليه الضخمه جدا وتكبر مع الواحد بشكل مَرَضي.
-------
📖 مقتطف من فصل الانت*حار ذلك القرار المؤجل
• المرض النفسى حق.. زي ما المرض الجسماني حق
• المرض النفسي يصيب المؤمن وغير المؤمن .. الصغير والكبير .. الرجال والنساء .. زيه زي المرض الجسماني بالظبط.
• المرض النفسي مش هو الحزن العادي اللي بنمر بيه كلنا .. ومش هو الضيق والزهق من الحياة.. ومش قنوط من رحمة الله واعتراض على ابتلائه.
• الشخص اللي يقول إن المرض النفسي ضعف إيمان شخص جاهل وفاقد للبصيرة .. وبيتسبب في زيادة الإحساس بالذنب لدى إنسان شايف أصلا إن وجوده في الدنيا مالهوش لازمة ..
• اللي عنده القلب مش بينتحر .. اللي عنده الضغط مش بينتحر .. بس اللي عنده اكتئاب بينتحر ..
• المجتمع اللي يسخر من المرض النفسي هو مجتمع مريض نفسيًا وخايف يتعالج ..
• الناس اللي بتتريق على المعاناة النفسية هم ناس سيكوبائيين لا أمل في علاجهم ..
• الدراما والأفلام اللي بتطلع المريض النفسي أهبل والطبيب النفسي مجنون دراما متخلفة وغير مهنية وغير مسئولة ..
• الأولى إننا نحس بآلام الناس ونتعاطف معاهم ونحط نفسنا مكانهم ونحاول نفهمهم ونساعدهم.. قبل ما نحط نفسنا مكان ربنا العليم الحكيم ونحكم عليهم بالعذاب ويجهنم وبئس المصير.
.
.
.
📖 كتاب 104
15 / 7/ 2025
September 19, 2022
جمييييل 😌
اول جزء كان مؤلم ورائع ف نفس الوقت
استمتعت بالإستماع للكتاب ع ستوريتل
حبيت جزء تحليل فيلم soul
اسلوب د. محمد جميل كالعادة 😌
اول جزء كان مؤلم ورائع ف نفس الوقت
استمتعت بالإستماع للكتاب ع ستوريتل
حبيت جزء تحليل فيلم soul
اسلوب د. محمد جميل كالعادة 😌
March 17, 2022
#رحلات2022
#الخروج_عن_النص_من_جديد
رحلة جديدة مع د.محمد طه، بعد ما قرأت له"الخروج عن النص & علاقات خطرة"
كان اختياري للكتاب الجديد أملاً في معلومات جديدة بشكل مبسط كالعادة
بس بكل أسف محبطة جدا
الكتاب 240 صفحة منهم 140 صفحة قديم
رغم التنويه ان فيه جزء منقح، توقعت ان الجزء دة ميبقاش كتير
ولكن للأسف دة محصلش
والجزء الجديد معوضش دة، إستفادة بسيطة جداً زادت من احباطي
ف المجمل
كنت مبسوطة ف اول الكتاب اني بقرا من تاني وبستعيد معلومات مهمة
ولكن مع استمرار القراءة...رأيي البسيط
كتاب دون المتوسط بكل أسف، ممكن يفيد حد مبتدئ في القراءات النفسية
أو مقرأش الكتابين اللي نوهت عنهم ف اول الريفيو
غير كدة...صعب أرشحه بصراحة
#الكتاب_رقم23
#طب_نفسي
#كتاب_أحبطني
23/120
4-مارس
#الخروج_عن_النص_من_جديد
رحلة جديدة مع د.محمد طه، بعد ما قرأت له"الخروج عن النص & علاقات خطرة"
كان اختياري للكتاب الجديد أملاً في معلومات جديدة بشكل مبسط كالعادة
بس بكل أسف محبطة جدا
الكتاب 240 صفحة منهم 140 صفحة قديم
رغم التنويه ان فيه جزء منقح، توقعت ان الجزء دة ميبقاش كتير
ولكن للأسف دة محصلش
والجزء الجديد معوضش دة، إستفادة بسيطة جداً زادت من احباطي
ف المجمل
كنت مبسوطة ف اول الكتاب اني بقرا من تاني وبستعيد معلومات مهمة
ولكن مع استمرار القراءة...رأيي البسيط
كتاب دون المتوسط بكل أسف، ممكن يفيد حد مبتدئ في القراءات النفسية
أو مقرأش الكتابين اللي نوهت عنهم ف اول الريفيو
غير كدة...صعب أرشحه بصراحة
#الكتاب_رقم23
#طب_نفسي
#كتاب_أحبطني
23/120
4-مارس
August 4, 2023
الله عليك يا دكتور محمد 👏🏻👏🏻👏🏻
January 28, 2022
اكتر الكتب اللى بتأثر فيا فعلا كتب د. محمد طه ومبسوطه جدا انى بقرأ كل كتب حضرتك وهى فعلا مفيده وبتغير فى حياتنا وبتخلينا نشوفها بشكل اوضح بكتير
كل كتاب فى رساله مختلفه و شئ ايجابي بيحركنا لقدام
واللى قرأ الجزء الاول من الكتاب هيستمتع جدا بتجربه الجزء التانى
شكرا د.محمد طه على كل معلومه وكل تبسيط حضرتك بتوجه لينا وان دايما الكتب بتاعت حضرتك بتخلى حياتنا افضل❤️
كل كتاب فى رساله مختلفه و شئ ايجابي بيحركنا لقدام
واللى قرأ الجزء الاول من الكتاب هيستمتع جدا بتجربه الجزء التانى
شكرا د.محمد طه على كل معلومه وكل تبسيط حضرتك بتوجه لينا وان دايما الكتب بتاعت حضرتك بتخلى حياتنا افضل❤️
February 18, 2025
وفيها إيه لما نخرج عن النص من تاني؟
دا السؤال اللي طرحته على نفسي أول ما لقيت الكتاب دا نزل، حسيت إن نزوله بيدل على إن في نصوص كتير محتاجين نخرج عنها، في كذا أوضة في السجن اللي جوانا عايزين مش بس نفتح القفل ولا السلاسل بتاعتهم، لا نكسرهم ونسيب الباب موارب لأحلامنا، وطموحاتنا، ونفسنا الحقيقية اللي سبناها بتلعب وروحنا دخلنا معارك مع الحياة خلتنا من برا كبرنا، بس يا فرحتي بقى عندنا نفس مُزيفة عايزين نقنعها إنها لازم تتهد وتسيب الحقيقية تخرج
الفكرة الرئيسية اللي بيتكلم عنها الكتاب دا هو تكملة لفكرة الخروج عن النص، بس بيناقش شوية حاجات تانية اتزرعت فينا زي الصوت الداخلي اللي بيخاف يفرح في اللحظات اللي المفروض يفرح فيها.. اللي هو حسيته شخصية حُزن في فيلم Inside out اللي بتخاف تفرح لحسن الفرحة ما تتم وياخدها الغراب ويطير
الصوت دا اتزرع فينا من كل حد حوالينا وبرضوا لازم يتخرس؛ لإنه هو اللي شكل نفسنا المُزيفة، وإحساسنا بالذنب عن حاجات ملناش يد فينا، وكمان شال الحدود ما بينا وبين كل من هب ودب عشان يحشر فينا أفكار وشكوك من غير أي حق بس شوية مشاعر بتاعته، وهو اللي رسم بكل حرفية شخصية الضحية، أو الجاني، أو المُنقذ، وهو اللي بسببه مش عارفين نعمل Update لشخصيتنا ونشغل ال Filter في حياتنا.
وكمان الكاتب بيناقش فكرة الخوف من الارتباط، وأسباب الانتحار، وقدر يوصف فيما معناه إن المشاعر والناس الحلوة عاملين زي الأكل اللي بيفتح النفس ولو Toxic يبقى العكس، وقال فيما معناه مندورش على الأكل من الزبالة.
وكمان الكاتب ناقش فكرة الخوف من الهجر اللي سببه الخوف من الوحدة اللي نتج عن كتير من الرفض لحد ما الشخص اللي بيخاف دا، طلع بيخاف بسبب تخلي شخص عنه.
الكاتب اتكلم عن فكرة الاحتياجات اللي ممكن تبهدلنا وإننا المفروض نسدها طبعًا، لكنها تتسد بعلاقات سوية، وناقش فكرة إنه الواحد المفروض يبقى بيحس ب Engagement تجاه الشخص اللي معاه أو الشيء اللي بيعمله مش يبقى مُغيب.
وناقش فيلم Soul الشهير اللي بيتكلم عن إن الكنز في الرحلة والمفروض تمشي ورا حلمك مش حلم غيرك
وعن هدفك في الحياة وإيه الشرارة اللي بتحركك وبتستمتع بإيه لدرجة إنك بتنسى الوقت فيه.. لما اتكلم في ال Point دي فكرني بكلام هبة السواح لما سألت سؤال مُلغم بس جامد بيقول:-
إيه الحاجة اللي بتبقي مبسوطة وأنتِ بتعمليها، حاجة مش بتحسي بالوقت وأنتِ بتعمليها، وممكن تعمليها بدون مقابل مادي؟
الكاتب قدر يقدم الفكرة بطريقة واضحة جدًا وسلسة بعيدًا عن التعقيدات العلمية في المجال دا، واللي سهل الموصوع أكتر هو إنه كتب كتبه بالعامية المصرية
في البداية الكاتب بدأ بالجزء اللي في كتاب الخروج عن النص اللي كلنا قرأناه قبل علاقات خطرة ولأ بطعم الفلامنكو، فبصراحة مشددتنيش البداية لدرجة إني عملتلها Skip وروحت أقرأ الباب التاني الجديد في الكتاب دا، بس كالعادة فكرة الكاتب كانت مفهومة بالنسبة لي، وهي إنه لازم أخرج عن النص وأدشمل القيود اللي بتمنعني من إني أبقى حد تاني غير نفسي.
الكتاب كان منظم بشكل سهل عليا قرأته ورتب لي أفكاري اللي داخلة عشان أعرفها
الفصول كانت مُترابطة وكلها بتصب في الجزء الأول وفي رسالة الكاتب اللي كان حابب يوضحها
أجمل ما في الموضوع هو إن الكاتب استخدم أمثلة عملية واضحة ومُفيدة بتفهمنا اللي كان عايز يشرحه زي ما حكى تعذيب الأهالي لعيالهم أو مواقف الخوف من الارتباط، أو تحليله لفيلم Soul عشان يوضحلك فكرة الشرارة وهدفك من الحياة، وزي ما بيقول المثل الصيني:- "سر النجاح الرغبة المُشتعلة"
أسلوب الكاتب بسيط وسهل الفهم بالنسبة لي، فكل مرة بسبب أسلوب دكتور محمد مببقاش مترردة في قراءة كتاب جديد لحضرته.
وعلى الرغم من إن الكتاب مؤلم؛ لإنه بيورينا حقيقة نفسنا واللي حوالينا إلا إنه كان مُمتع بالنسبة لي ومحستش بأي ملل.
اللي استفدته من الكتاب هو إني عرفت أصل كل الكلاكيع اللي جوايا كان سببها إيه، الحيرة، التخبط، التوهان، عرفت إني ماشية صح ناحية حلمي، وإنه فعلًا حلمي مش حلم حد تاني، وكمان عرفت إننا البشر دايما خطائين و That's ok بصراحة مش هندخل في حالة من جلد الذات والشعور بالذنب، لكن الأصح إننا نتحمل مسئولية أفعالنا ونواجه الشيء أو الشخص اللي كسرناه ونعتذر
المعلومات اللي في الكتاب دا قابلة للتطبيق العملي في أي وقت وفي أي مكان، لكن طبعًا التطبيق دا هياخد وقت، وممكن طبعًا يحتاج طبيب نفسي عشان يساعدك تتخطى أي حاجة حصلتلك الدكتور اتكلم عنها.
الكتاب كان طويل أوي بفعل إنه كان ضامم الجزء الأول له، فكان الأفضل يتعمل لوحده كان هيبقى حجمه خفيف، بس أجمل ما في الموضوع إن الكتاب كان إيقاعه سريع، وخلصته في يوم.
المصطلحات اللي فيه كانت واضحة ومناسبة للجمهور المستهدف بالظبط، ودا زي ما قولت في بداية المراجعة لإن الدكتور بيشرخ بالعامية المصرية، وكمان ضايف أمثلة عملية.
كتاب جميل وسلس وتقدر تخلصه في وقت قياسي
الكتاب دا بيناسب أي حد بيهتم بعلم النفس والاجتماع، وكمان عايز حاجة بسيطة تكون بالعامية بعيدًا عن باقي الكتب المعقدة بمصطلحاتها
دي مش أول مرة أقرأ فيها للكاتب، ودي لإني قرأتله الخروج عن النص وعلاقات خطرة
اللي عجبني في الكتاب:
1. اللهجة العامية اللي خلتني انسجم مع الكتاب بسهولة.
2. أسلوب الكاتب البسيط في الكتابة وشرح المصطلحات المعقدة.
3. الأمثلة الحقيقية اللي حصلت في حياتنا ومشاعرنا لدرجة إني حسيت إنه قاعد معانا.
أكتر حاجة شدت انتباهي وفادتني هي معرفتي لإضطراب الشخصية الحدية اللي بتعاني من الخوف من الهجر بسبب تعرضها للتخلي وإنها اترفضت فحست بوحدة، وعن فكرة إني اندمج في الحاجة اللب بعملها بكل جوارحي؛ لإني بحبها وهي اختياري، وحبيت تحليا الكاتب لفيلم Soul حقيقي أنا محتاج دة احلل بالنظرة دي.
اللي معجبكيش في الكتاب هو تكراره للفصل الأول + كلامه عن فيلم مُخالف لعقيدتنا زي Soul والكلام عن الصوفية والأرواح، ومش شايفة إن الفصل بتاع عدم الارتباط دا حل المشكلة دي
اقتباسات أثرت فيا:
حسيت بشوية مشاعر مُتضاربة ما بين الفرح لمعرفته حقيقتي وما بين الحزن لمعرفو كل الحيل النفسية اللي اتلعبت عليا ما بين ناس عاملين فيها ضحية وهم جُناة وما بين ناس كانوا عاملين فيها مُنقذين وهم ولا بيحلوا ولا بيربطوا، وحقيقي جنيت على نفسي بمعرفتهم.
الكتاب دا جه في وقت صعب حقيقي، بس الأوقات الصعبة هي اللي بتقوينا، فكتب دكتور محمد طه هم أصدقاء رحلة الحياة بجد.
التقييم النهائي: 5/4
دا السؤال اللي طرحته على نفسي أول ما لقيت الكتاب دا نزل، حسيت إن نزوله بيدل على إن في نصوص كتير محتاجين نخرج عنها، في كذا أوضة في السجن اللي جوانا عايزين مش بس نفتح القفل ولا السلاسل بتاعتهم، لا نكسرهم ونسيب الباب موارب لأحلامنا، وطموحاتنا، ونفسنا الحقيقية اللي سبناها بتلعب وروحنا دخلنا معارك مع الحياة خلتنا من برا كبرنا، بس يا فرحتي بقى عندنا نفس مُزيفة عايزين نقنعها إنها لازم تتهد وتسيب الحقيقية تخرج
الفكرة الرئيسية اللي بيتكلم عنها الكتاب دا هو تكملة لفكرة الخروج عن النص، بس بيناقش شوية حاجات تانية اتزرعت فينا زي الصوت الداخلي اللي بيخاف يفرح في اللحظات اللي المفروض يفرح فيها.. اللي هو حسيته شخصية حُزن في فيلم Inside out اللي بتخاف تفرح لحسن الفرحة ما تتم وياخدها الغراب ويطير
الصوت دا اتزرع فينا من كل حد حوالينا وبرضوا لازم يتخرس؛ لإنه هو اللي شكل نفسنا المُزيفة، وإحساسنا بالذنب عن حاجات ملناش يد فينا، وكمان شال الحدود ما بينا وبين كل من هب ودب عشان يحشر فينا أفكار وشكوك من غير أي حق بس شوية مشاعر بتاعته، وهو اللي رسم بكل حرفية شخصية الضحية، أو الجاني، أو المُنقذ، وهو اللي بسببه مش عارفين نعمل Update لشخصيتنا ونشغل ال Filter في حياتنا.
وكمان الكاتب بيناقش فكرة الخوف من الارتباط، وأسباب الانتحار، وقدر يوصف فيما معناه إن المشاعر والناس الحلوة عاملين زي الأكل اللي بيفتح النفس ولو Toxic يبقى العكس، وقال فيما معناه مندورش على الأكل من الزبالة.
وكمان الكاتب ناقش فكرة الخوف من الهجر اللي سببه الخوف من الوحدة اللي نتج عن كتير من الرفض لحد ما الشخص اللي بيخاف دا، طلع بيخاف بسبب تخلي شخص عنه.
الكاتب اتكلم عن فكرة الاحتياجات اللي ممكن تبهدلنا وإننا المفروض نسدها طبعًا، لكنها تتسد بعلاقات سوية، وناقش فكرة إنه الواحد المفروض يبقى بيحس ب Engagement تجاه الشخص اللي معاه أو الشيء اللي بيعمله مش يبقى مُغيب.
وناقش فيلم Soul الشهير اللي بيتكلم عن إن الكنز في الرحلة والمفروض تمشي ورا حلمك مش حلم غيرك
وعن هدفك في الحياة وإيه الشرارة اللي بتحركك وبتستمتع بإيه لدرجة إنك بتنسى الوقت فيه.. لما اتكلم في ال Point دي فكرني بكلام هبة السواح لما سألت سؤال مُلغم بس جامد بيقول:-
إيه الحاجة اللي بتبقي مبسوطة وأنتِ بتعمليها، حاجة مش بتحسي بالوقت وأنتِ بتعمليها، وممكن تعمليها بدون مقابل مادي؟
الكاتب قدر يقدم الفكرة بطريقة واضحة جدًا وسلسة بعيدًا عن التعقيدات العلمية في المجال دا، واللي سهل الموصوع أكتر هو إنه كتب كتبه بالعامية المصرية
في البداية الكاتب بدأ بالجزء اللي في كتاب الخروج عن النص اللي كلنا قرأناه قبل علاقات خطرة ولأ بطعم الفلامنكو، فبصراحة مشددتنيش البداية لدرجة إني عملتلها Skip وروحت أقرأ الباب التاني الجديد في الكتاب دا، بس كالعادة فكرة الكاتب كانت مفهومة بالنسبة لي، وهي إنه لازم أخرج عن النص وأدشمل القيود اللي بتمنعني من إني أبقى حد تاني غير نفسي.
الكتاب كان منظم بشكل سهل عليا قرأته ورتب لي أفكاري اللي داخلة عشان أعرفها
الفصول كانت مُترابطة وكلها بتصب في الجزء الأول وفي رسالة الكاتب اللي كان حابب يوضحها
أجمل ما في الموضوع هو إن الكاتب استخدم أمثلة عملية واضحة ومُفيدة بتفهمنا اللي كان عايز يشرحه زي ما حكى تعذيب الأهالي لعيالهم أو مواقف الخوف من الارتباط، أو تحليله لفيلم Soul عشان يوضحلك فكرة الشرارة وهدفك من الحياة، وزي ما بيقول المثل الصيني:- "سر النجاح الرغبة المُشتعلة"
أسلوب الكاتب بسيط وسهل الفهم بالنسبة لي، فكل مرة بسبب أسلوب دكتور محمد مببقاش مترردة في قراءة كتاب جديد لحضرته.
وعلى الرغم من إن الكتاب مؤلم؛ لإنه بيورينا حقيقة نفسنا واللي حوالينا إلا إنه كان مُمتع بالنسبة لي ومحستش بأي ملل.
اللي استفدته من الكتاب هو إني عرفت أصل كل الكلاكيع اللي جوايا كان سببها إيه، الحيرة، التخبط، التوهان، عرفت إني ماشية صح ناحية حلمي، وإنه فعلًا حلمي مش حلم حد تاني، وكمان عرفت إننا البشر دايما خطائين و That's ok بصراحة مش هندخل في حالة من جلد الذات والشعور بالذنب، لكن الأصح إننا نتحمل مسئولية أفعالنا ونواجه الشيء أو الشخص اللي كسرناه ونعتذر
المعلومات اللي في الكتاب دا قابلة للتطبيق العملي في أي وقت وفي أي مكان، لكن طبعًا التطبيق دا هياخد وقت، وممكن طبعًا يحتاج طبيب نفسي عشان يساعدك تتخطى أي حاجة حصلتلك الدكتور اتكلم عنها.
الكتاب كان طويل أوي بفعل إنه كان ضامم الجزء الأول له، فكان الأفضل يتعمل لوحده كان هيبقى حجمه خفيف، بس أجمل ما في الموضوع إن الكتاب كان إيقاعه سريع، وخلصته في يوم.
المصطلحات اللي فيه كانت واضحة ومناسبة للجمهور المستهدف بالظبط، ودا زي ما قولت في بداية المراجعة لإن الدكتور بيشرخ بالعامية المصرية، وكمان ضايف أمثلة عملية.
كتاب جميل وسلس وتقدر تخلصه في وقت قياسي
الكتاب دا بيناسب أي حد بيهتم بعلم النفس والاجتماع، وكمان عايز حاجة بسيطة تكون بالعامية بعيدًا عن باقي الكتب المعقدة بمصطلحاتها
دي مش أول مرة أقرأ فيها للكاتب، ودي لإني قرأتله الخروج عن النص وعلاقات خطرة
اللي عجبني في الكتاب:
1. اللهجة العامية اللي خلتني انسجم مع الكتاب بسهولة.
2. أسلوب الكاتب البسيط في الكتابة وشرح المصطلحات المعقدة.
3. الأمثلة الحقيقية اللي حصلت في حياتنا ومشاعرنا لدرجة إني حسيت إنه قاعد معانا.
أكتر حاجة شدت انتباهي وفادتني هي معرفتي لإضطراب الشخصية الحدية اللي بتعاني من الخوف من الهجر بسبب تعرضها للتخلي وإنها اترفضت فحست بوحدة، وعن فكرة إني اندمج في الحاجة اللب بعملها بكل جوارحي؛ لإني بحبها وهي اختياري، وحبيت تحليا الكاتب لفيلم Soul حقيقي أنا محتاج دة احلل بالنظرة دي.
اللي معجبكيش في الكتاب هو تكراره للفصل الأول + كلامه عن فيلم مُخالف لعقيدتنا زي Soul والكلام عن الصوفية والأرواح، ومش شايفة إن الفصل بتاع عدم الارتباط دا حل المشكلة دي
اقتباسات أثرت فيا:
"تغيير نفوس الناس مش شغلتك، إصلاح مجرمي العلاقات مش وظيفتك، علاج النرجسيين والساديين والسيكوباثيين مش تخصصك"
عمرك جربت اللحظة دي؟
اللحظة اللي تحس فيها إن الزمن تمدد.. والمكان اتسع.. والحياة كلها توقفت هنا والآن؟
اللحظة اللي تحس فيها بمتعة، وفرحة، وراحة في نفس الوقت؟
أو ألم وحزن وأمل في نفس الوقت؟
أو وحدة وتأمل واكتشاف في نفس الوقت؟
اللحظة اللي بتتدفق فيها نبضات النور من داخلك؟
حسيت بشوية مشاعر مُتضاربة ما بين الفرح لمعرفته حقيقتي وما بين الحزن لمعرفو كل الحيل النفسية اللي اتلعبت عليا ما بين ناس عاملين فيها ضحية وهم جُناة وما بين ناس كانوا عاملين فيها مُنقذين وهم ولا بيحلوا ولا بيربطوا، وحقيقي جنيت على نفسي بمعرفتهم.
الكتاب دا جه في وقت صعب حقيقي، بس الأوقات الصعبة هي اللي بتقوينا، فكتب دكتور محمد طه هم أصدقاء رحلة الحياة بجد.
التقييم النهائي: 5/4
July 1, 2022
الكتاب مش سئ للدرجه الكبيره اللى موجوده في الريفوهات
الفكره ..
• اللى متابع أعمال الدكتور محمد هيكون بالنسبه له الكلام مكرر وانو كان مستني حالات جديده مثلا او علاج
يا جماعه دا علاج نفسي مش روشته دوا تروح الصيدليه تصرفها
الفكره ان تاخد فكره عن المرض النفسي . المرض بجد بكلام دكتور مش زى الافلام سواء العربي بالذات فالموضوع دا
حتى الدوك اتكلم عنها
زى اللى اعترض ان حل أغلب المشاكل فالحضن او تلاقي اللى يقبلك كدا . طيب اعمل ايه لو مش بحب . ياعم دا لو صاحب . اخ اب ام خطيب زوج بلاش حبيب
مفيش روح العياده عن الدوك واتكلم. واحب ااكد لك حتى والله لو لاقيت الحضن هتحتاج برده تروح للعياده
احنا كلنا مرضي حقيقي بجد ومحتاجين علاج .
بس مش هنا مش انك تقرا كلام فتلاقي تشابه بين موضوع هنا ع موضوع في كتاب تاني و تشوف الحل فيبقى اه دا علاجي . حتى لو تشابه فى الأعراض الظروف مختلفه فصعب العلاج ينكتب بطريقه واحده.
•انا من عادتي لما اجي اكتب ريفيو لكتاب او لروايه وانا محتار بقرا الريفوهات والل بيشدنى بصراحه اللى بيكون تقييم اقل اقرأ بتمعن الاغلب بيتكلم عن انتقاد لهدف مش انتقاد للانتقاد وخلاص وقليل من الأصدقاء الموثوق برأيهم الل اقرأ لهم ريفيو تقيم الاعلى علشان افهم اللى جوايا واعرف النقط اللى اتكلم عنها .
• كان فى حكمه قرأتها وبحاول اطبقها
ان تقرأ كتاب ٣ مرات افضل من ان تقرأ ٣ كتب لمره واحده .
بالنسبه لمتابعي اعمال الدكتور هتلاقى الموضوع سهل ومراجعه ع ما سبق . بالنسبه للجديد ابسط وافرح هتقرا الخلاصه لأول كتاب
● الجزء التاني جميل كالعاده بس المواضيع كانت ياريت تزيد شويه بس ممكن يكون صعب مثلا بالنسبه للنشر او المواضيع مش جاهزه ودا مش عيب للكتاب دى اشاده اننا حبناه للدرجه دى
▪︎ الانتحار .. صعب جدا
دايما لما كنت اسمع عن حاله كان يصعب عليا . انت متخيل ايه اللى وجعه وزاد عليه لدرجه ان خلاص قرر
احنا بشر والاغلبيه مننا فى بعض الأوقات والمحن بيتمني الموت سواء للراحه أو نهايه المشاكل والألم او انك تكون عارف ان ربنا رحيم وهيرحمك اكتر من البشر فتتمني قربه
فأنت متخيل كميه الضغط والانفجار اللى حصل جواه لدرجه ان طبق الامنيه
معرفش ايه العلاج الأكيد ليها بس صدقني انت ممكن تكون قريب من ربنا لدرجه كبيره بس البشر اللى حواليك لعنه تجبرك حتى ع الإلحاد او الانتحار .
الفصل دا من اكتر الفصول وجعتني وكان نفسي يتكلم فيها كتيرررر ع كميه الوجع والضغط اللى يخليك تنفجر وكلمه الظابط فى نهايه الفصل احسن خاتمه
▪︎تفسير فيلم soul إبداع الصراحه
تخيل بعد كل دا طلع فنكوش . يعني تفضل تحارب و تفحر بايدك وسنانك ولما توصل فين الفرحه اللى تنسيك الالام
▪︎ الخاتمه جميله انك تواجه نفسك حتى ولو بطريقه شيك وع الملا
جرب تقرا التجربه الفكريه لروح امه . هتفهم قصدي
الفكره ..
• اللى متابع أعمال الدكتور محمد هيكون بالنسبه له الكلام مكرر وانو كان مستني حالات جديده مثلا او علاج
يا جماعه دا علاج نفسي مش روشته دوا تروح الصيدليه تصرفها
الفكره ان تاخد فكره عن المرض النفسي . المرض بجد بكلام دكتور مش زى الافلام سواء العربي بالذات فالموضوع دا
حتى الدوك اتكلم عنها
زى اللى اعترض ان حل أغلب المشاكل فالحضن او تلاقي اللى يقبلك كدا . طيب اعمل ايه لو مش بحب . ياعم دا لو صاحب . اخ اب ام خطيب زوج بلاش حبيب
مفيش روح العياده عن الدوك واتكلم. واحب ااكد لك حتى والله لو لاقيت الحضن هتحتاج برده تروح للعياده
احنا كلنا مرضي حقيقي بجد ومحتاجين علاج .
بس مش هنا مش انك تقرا كلام فتلاقي تشابه بين موضوع هنا ع موضوع في كتاب تاني و تشوف الحل فيبقى اه دا علاجي . حتى لو تشابه فى الأعراض الظروف مختلفه فصعب العلاج ينكتب بطريقه واحده.
•انا من عادتي لما اجي اكتب ريفيو لكتاب او لروايه وانا محتار بقرا الريفوهات والل بيشدنى بصراحه اللى بيكون تقييم اقل اقرأ بتمعن الاغلب بيتكلم عن انتقاد لهدف مش انتقاد للانتقاد وخلاص وقليل من الأصدقاء الموثوق برأيهم الل اقرأ لهم ريفيو تقيم الاعلى علشان افهم اللى جوايا واعرف النقط اللى اتكلم عنها .
• كان فى حكمه قرأتها وبحاول اطبقها
ان تقرأ كتاب ٣ مرات افضل من ان تقرأ ٣ كتب لمره واحده .
بالنسبه لمتابعي اعمال الدكتور هتلاقى الموضوع سهل ومراجعه ع ما سبق . بالنسبه للجديد ابسط وافرح هتقرا الخلاصه لأول كتاب
● الجزء التاني جميل كالعاده بس المواضيع كانت ياريت تزيد شويه بس ممكن يكون صعب مثلا بالنسبه للنشر او المواضيع مش جاهزه ودا مش عيب للكتاب دى اشاده اننا حبناه للدرجه دى
▪︎ الانتحار .. صعب جدا
دايما لما كنت اسمع عن حاله كان يصعب عليا . انت متخيل ايه اللى وجعه وزاد عليه لدرجه ان خلاص قرر
احنا بشر والاغلبيه مننا فى بعض الأوقات والمحن بيتمني الموت سواء للراحه أو نهايه المشاكل والألم او انك تكون عارف ان ربنا رحيم وهيرحمك اكتر من البشر فتتمني قربه
فأنت متخيل كميه الضغط والانفجار اللى حصل جواه لدرجه ان طبق الامنيه
معرفش ايه العلاج الأكيد ليها بس صدقني انت ممكن تكون قريب من ربنا لدرجه كبيره بس البشر اللى حواليك لعنه تجبرك حتى ع الإلحاد او الانتحار .
الفصل دا من اكتر الفصول وجعتني وكان نفسي يتكلم فيها كتيرررر ع كميه الوجع والضغط اللى يخليك تنفجر وكلمه الظابط فى نهايه الفصل احسن خاتمه
▪︎تفسير فيلم soul إبداع الصراحه
تخيل بعد كل دا طلع فنكوش . يعني تفضل تحارب و تفحر بايدك وسنانك ولما توصل فين الفرحه اللى تنسيك الالام
▪︎ الخاتمه جميله انك تواجه نفسك حتى ولو بطريقه شيك وع الملا
جرب تقرا التجربه الفكريه لروح امه . هتفهم قصدي
March 14, 2022
16
مثل لغة الكتاب سأسلك طريق العامية لا الفصحى
تجربتي الأولى وأعتقد الأخيرة لدكتور محمد طه، ليس لشيء إلا لكون ما قُدم لي في هذه التجربة يقدر يوصلني من مجرد صفحته على الفيس بوك، لوقت كتير اوي في الكتاب كنت بسأل نفسي فين الكتاب؟!.
الكتاب مقسوم نصين النص الأول زي ما فهمت يعني كان شبه تلخيص ل الخروج عن النص الأول خالص والنص التاني كان إضافات بقى.
اولا الجزء الأول: مفيش حاجة استفدتها منه غير مجرد فكرتنين تلاتة مش أكتر، أكتر حاجة ضا��قتني كانت فكرة إنه الحل الوحيد في الجزء ده المقدم هو: وجود علاقة صادقة
يا عم أنا معنديش علاقة أعمل ايه أروح أنتحر طيب!!
الحل ديما قايم ع حد غيري
أنا فين بقى؟
لو ملقتش الحد ده هعمل ايه!!!
الجزء التاني: كان أحسن بصراحة كان فيه نقاط مركزة حول فهم الشخص ذات نفسه ودخولك انت لعالم نفسك فيما عدا كم نقطة برضه كانت أوڤر شويتين.
ضايقني في الكتاب الإطناب من غير أي داعي
بالإضافة للتكلف في اللغة عشان السجع أو القافية مثلا 😂 المهم إن الكلام يبقى ماشي مع بعضه من حيث المنطوق حتى لو مفيش أي منطق في الجملة
في النهاية كانت تجربة كويسة، لكني مصرة إنه مفيش داعي إنه يكون كتاب.
مثل لغة الكتاب سأسلك طريق العامية لا الفصحى
تجربتي الأولى وأعتقد الأخيرة لدكتور محمد طه، ليس لشيء إلا لكون ما قُدم لي في هذه التجربة يقدر يوصلني من مجرد صفحته على الفيس بوك، لوقت كتير اوي في الكتاب كنت بسأل نفسي فين الكتاب؟!.
الكتاب مقسوم نصين النص الأول زي ما فهمت يعني كان شبه تلخيص ل الخروج عن النص الأول خالص والنص التاني كان إضافات بقى.
اولا الجزء الأول: مفيش حاجة استفدتها منه غير مجرد فكرتنين تلاتة مش أكتر، أكتر حاجة ضا��قتني كانت فكرة إنه الحل الوحيد في الجزء ده المقدم هو: وجود علاقة صادقة
يا عم أنا معنديش علاقة أعمل ايه أروح أنتحر طيب!!
الحل ديما قايم ع حد غيري
أنا فين بقى؟
لو ملقتش الحد ده هعمل ايه!!!
الجزء التاني: كان أحسن بصراحة كان فيه نقاط مركزة حول فهم الشخص ذات نفسه ودخولك انت لعالم نفسك فيما عدا كم نقطة برضه كانت أوڤر شويتين.
ضايقني في الكتاب الإطناب من غير أي داعي
بالإضافة للتكلف في اللغة عشان السجع أو القافية مثلا 😂 المهم إن الكلام يبقى ماشي مع بعضه من حيث المنطوق حتى لو مفيش أي منطق في الجملة
في النهاية كانت تجربة كويسة، لكني مصرة إنه مفيش داعي إنه يكون كتاب.
February 3, 2022
النجمه لفصلين في الباب الثاني
11العوده الي الحياه
12 كل سنه وانا طيب
شرح فيلم soul في آلفصل 11 كان حلو جدا
ومواجهه الكاتب لنفسه في الفصل الاخير كان رائع
ولكن الكتاب اجمالا ليس على المستوى المتوقع لا يوجد محتوى مثل الكتب السابقه كتاب للتواجد فقط برغم التنويه ان الفصل الاول من كتاب الخروج عن النص الاول 147صفحه مكرره بدون أضاف اي شئ جديد او ملحوظه جديده
11العوده الي الحياه
12 كل سنه وانا طيب
شرح فيلم soul في آلفصل 11 كان حلو جدا
ومواجهه الكاتب لنفسه في الفصل الاخير كان رائع
ولكن الكتاب اجمالا ليس على المستوى المتوقع لا يوجد محتوى مثل الكتب السابقه كتاب للتواجد فقط برغم التنويه ان الفصل الاول من كتاب الخروج عن النص الاول 147صفحه مكرره بدون أضاف اي شئ جديد او ملحوظه جديده
June 14, 2022
الكلام مكرر ونصف الكتاب مجرد تلخيص للكتاب الأول.
January 31, 2022
دي اول مرة أقرأ فيها كتاب بيتكلم عن علم النفس أو بمعني اصح دردشة نفسية...الكتاب بصراحة عجبني جدا...الكتاب ده شرح حاجات كتير في حياتنا واحنا كنا بنتعامل معاها علي إنها حاجات عادية...ولكنها حاجات مش عادية تماماً...بيكلمك عن العلاقات الي في حياتنا بكل أشكالها وأنواعها...الكتاب مش بس بيكلمك من وجهة نظر علمية...هو بيكلمك من باب الدردشة حتي الكتاب مش باللغة العربية الفصحى...واتكلملك بردو عن العلاقات والحالات دي من وجهة نظر الدين...الكتاب كان ممتع جدا بالنسبة لي.
ملحوظة صغيرة : الكتاب ده مش الجزء الثاني من كتاب الخروج عن النص دي نسخة منقحة ومنسقة مع تعديلات خفيفة انا مقرتش النسخة القديمة بس ده الي اتقال في مقدمة الكتاب.
ملحوظة صغيرة : الكتاب ده مش الجزء الثاني من كتاب الخروج عن النص دي نسخة منقحة ومنسقة مع تعديلات خفيفة انا مقرتش النسخة القديمة بس ده الي اتقال في مقدمة الكتاب.
July 5, 2023
الكتاب لذيذ بإستثناء الحشو بتاع الجزء الأول مكنش ليه لازمة يتحط وجزء الصوفية الي طبعا أنا ضده تماما!!
December 7, 2022
أخرجوا عن النص و لكن لا تخرجوا عن الحياة
كتب دكتور محمد طه
السهل الممتنع
بطبعي لا أحبذ اللغة العامية في الكتابة
و لكن عمق كتابات دكتور محمد طه يجعلني أتغاضي عن إستخدام اللغة العامية
بمشرط جراح ماهر ينظف جروحنا النفسية العميقة
أعجبني الكتاب و بشدة ككل كتابات د.محمد طه
February 4, 2025
تكرار لنفس الكلام في كتب د محمد طه، لم أجد فيه شئ جديد.
February 20, 2022
الخروج عن النص من جديد
كتاب الخروج عن النص للكاتب "محمد طه"
——————————————————
•
-" إحنا محتاجين نقف وقفة حاسمة وجادة.. نراجع فيها كل ما تسلمناه من سيناريوهات.. محتاجين نشوف إيه اللي يخصنا.. وإيه اللي يخص غيرنا.. إيه اللي تبعنا.. وإيه اللي مش تبعنا.. إيه يناسبنا.. وإيه اللي ماعادش يناسبنا خلاص..
محتاجين، وبكل شجاعة ومخاطرة، إننا نخرج عن النص.. ونبدأ في كتابة نص جديد.. خاص بنا.. نستخدم فيه أدواتنا نحن.. وأقلامنا نحن.. وأوراقنا نحن..
نص فيه مساحات جديدة للتجربة.. وفرص أخرى للصواب والخطأ..
نص يخرج عن لغة (اللازم) وال(مفروض).. ويعترف بلغة(أنا محتاج).. (أنا قررت)..
نص يحترم الماضي لكنه يتحرر من سجونه.. يُقدر الحاضر.. لكنه يسعى لتغييره.. ينتظر المستقبل.. لكنه قد يخرج فيه عن النص من جديد.."
•
——————————————————
•
-الكتاب أوله يُعتبر مزيج قوي بين كل كتب د.محمد طه السابقة وفي فصول مكررة بالنص من كتبه اللي تم نشرها قبل الكتاب ده.. بالنسبالي حسيت أنه تذكرة ليا لأن طبعًا كل كتب د.محمد طه مفيدة جدًا ومهمة لزيادة الوعي النفسي وكل معلوماته فيها إضافة جديدة.. الحقيقة معرفش موقف باقي القراء هيبقى عامل إزاي ناحية الموضوع ده يعني أتوقع في منهم هيحس إن المعلومات دي هو فعلًا قرأها قبل كده ف ليه الكتاب ده بقى؟ وفي منهم هيحس أنه راجع معلوماته تاني وفكر في المكتوب من جديد وبشكل مختلف زي ما أنا عملت بالفعل.. مع العلم إن الفصول الجديدة هي الفصول الأخيرة.. في النهاية أنا لسة عند رأيي في إن كل كتاباته تستحق القراءة أكيد.
•
——————————————————
-النوع: كتاب
-المحتوى: طب نفسي/علم نفس
-التقييم: ٥/٥ مبدع كالعادة.📍
-عدد الصفحات: ٢٣٧ صفحة
-قراءة ممتعة أصدقائي القراء 📚
كتاب الخروج عن النص للكاتب "محمد طه"
——————————————————
•
-" إحنا محتاجين نقف وقفة حاسمة وجادة.. نراجع فيها كل ما تسلمناه من سيناريوهات.. محتاجين نشوف إيه اللي يخصنا.. وإيه اللي يخص غيرنا.. إيه اللي تبعنا.. وإيه اللي مش تبعنا.. إيه يناسبنا.. وإيه اللي ماعادش يناسبنا خلاص..
محتاجين، وبكل شجاعة ومخاطرة، إننا نخرج عن النص.. ونبدأ في كتابة نص جديد.. خاص بنا.. نستخدم فيه أدواتنا نحن.. وأقلامنا نحن.. وأوراقنا نحن..
نص فيه مساحات جديدة للتجربة.. وفرص أخرى للصواب والخطأ..
نص يخرج عن لغة (اللازم) وال(مفروض).. ويعترف بلغة(أنا محتاج).. (أنا قررت)..
نص يحترم الماضي لكنه يتحرر من سجونه.. يُقدر الحاضر.. لكنه يسعى لتغييره.. ينتظر المستقبل.. لكنه قد يخرج فيه عن النص من جديد.."
•
——————————————————
•
-الكتاب أوله يُعتبر مزيج قوي بين كل كتب د.محمد طه السابقة وفي فصول مكررة بالنص من كتبه اللي تم نشرها قبل الكتاب ده.. بالنسبالي حسيت أنه تذكرة ليا لأن طبعًا كل كتب د.محمد طه مفيدة جدًا ومهمة لزيادة الوعي النفسي وكل معلوماته فيها إضافة جديدة.. الحقيقة معرفش موقف باقي القراء هيبقى عامل إزاي ناحية الموضوع ده يعني أتوقع في منهم هيحس إن المعلومات دي هو فعلًا قرأها قبل كده ف ليه الكتاب ده بقى؟ وفي منهم هيحس أنه راجع معلوماته تاني وفكر في المكتوب من جديد وبشكل مختلف زي ما أنا عملت بالفعل.. مع العلم إن الفصول الجديدة هي الفصول الأخيرة.. في النهاية أنا لسة عند رأيي في إن كل كتاباته تستحق القراءة أكيد.
•
——————————————————
-النوع: كتاب
-المحتوى: طب نفسي/علم نفس
-التقييم: ٥/٥ مبدع كالعادة.📍
-عدد الصفحات: ٢٣٧ صفحة
-قراءة ممتعة أصدقائي القراء 📚
April 21, 2022
إحنا بنخرج عن النص ..لنصلح علاقتنا بالحياه ، لا لنغترب عنها .(محمد طه )
مش عارفه دي صدفه و لا اشاره في رمضان ٢٠٢٠ خلصت كتابه الاول "الخروج عن النص"
و اللي كان مرشد ليا في رحله جديده من التغير و الوعي و الولاده النفسيه.
و دلوقتي في رمضان ٢٠٢٢ و بالصدفه اخلص اخر اصدار له "الخروج عن النص من جديد "
كتاب رائع ، و د/محمد طه بيعرف يكتب طب نفسي بالعاميه المصريه و بيعرف يشرح امراض و عقد نفسيه بطريقه سهله و بسيطه و مشوقه كمان
ديما هفضل ممتنه له و لكتبه اللي بتساعدنا في رحلاتنا نحو الوعي و نحو النور ♥️
مش عارفه دي صدفه و لا اشاره في رمضان ٢٠٢٠ خلصت كتابه الاول "الخروج عن النص"
و اللي كان مرشد ليا في رحله جديده من التغير و الوعي و الولاده النفسيه.
و دلوقتي في رمضان ٢٠٢٢ و بالصدفه اخلص اخر اصدار له "الخروج عن النص من جديد "
كتاب رائع ، و د/محمد طه بيعرف يكتب طب نفسي بالعاميه المصريه و بيعرف يشرح امراض و عقد نفسيه بطريقه سهله و بسيطه و مشوقه كمان
ديما هفضل ممتنه له و لكتبه اللي بتساعدنا في رحلاتنا نحو الوعي و نحو النور ♥️
February 17, 2024
كتاب محتواه معاد من الكتب السابقه
للمبتدئين فقط لإنه كلام معظمه معروف
للمبتدئين فقط لإنه كلام معظمه معروف
November 14, 2023
خليك نفسك .. خليك انت.. خليك بنفسك الحقيقة
لو جواك بايظ ومتبهدل علاقة واحدة صح فيها حب وقبول بلا شروط قادره تصلح كل حاجة باظت فيك من وانت صغير❤📚
الخروج عن النص معلومات عن الأمراض نفسية وطرق علاجها وحلها ❤📚
لو جواك بايظ ومتبهدل علاقة واحدة صح فيها حب وقبول بلا شروط قادره تصلح كل حاجة باظت فيك من وانت صغير❤📚
الخروج عن النص معلومات عن الأمراض نفسية وطرق علاجها وحلها ❤📚
June 30, 2024
اكبر خدعة ممكن يتعرض لها قاريء
لما يقرا كتاب ويشتري بعدها كتاب انه الجزء التاني منه
يكتشف ان الدكتور نقل الحزء الاول اللي ١٤٠ ص في الكتاب التاني اللي كله على بعده ٢٣٠ ص
من غير مايعدل ولا يزود ولا ينقص حرف
مش قادرة افهم الدكتور قصده ايه
غير ان اصلا الكتب كلها نفس الافكار ونفس الكلمة
ربنا يرحمنا برحمته
لما يقرا كتاب ويشتري بعدها كتاب انه الجزء التاني منه
يكتشف ان الدكتور نقل الحزء الاول اللي ١٤٠ ص في الكتاب التاني اللي كله على بعده ٢٣٠ ص
من غير مايعدل ولا يزود ولا ينقص حرف
مش قادرة افهم الدكتور قصده ايه
غير ان اصلا الكتب كلها نفس الافكار ونفس الكلمة
ربنا يرحمنا برحمته
July 12, 2024
ملخص الجزء الأول من كتاب الخروج عن النص، مع أجزاء جديدة عن موضوعات مثل التكرار القهري، التقمص الاسقاطي، الشخصية الحدية وعلاقات خطرة مثل علاقة الحبل السري، علاقة العمي، ومعلومات صادمة عن الانتحار وفصل طويل وجميل عن إيجاد معني لحياتك ولحظات الكشف أو التجلي ..
مفيد
مفيد
January 18, 2025
كل كتب د. محمد طه إلها مكانة خاصة بقلبي. مع كل كتاب جديد من كتبه، بحس إني عم اكتشف شي جديد عن نفسي، وكأنه بيفتح نوافذ ما كنت أعرف إنها موجودة. مرات كتير بخاف لما أبلش بقراءة كتبه، لأنه بحس إنها رحلة صعبة لكنها ضرورية لأواجه حالي وأتعرف على زوايا ما كنت ملتفت لها.
كتاب مليان حكمة وصدق وعمق.
كتاب مليان حكمة وصدق وعمق.
August 10, 2023
* اعتقد إن التقييم ( المتمثل في عدد النجوم) موضح رأيي بشكل عام في الكتاب، ولكن خلين أوضح شوية نقاط من اللي استند عليهم في التقييم و بيوضحوا رأيي بشكل أكبر.
* أول حاجة عاوز أشير إليها هي الملل .. الكتاب ده واحد من أكثر الكتب المملة اللي أان قرأتها، و أعتقد إن ده بيرجع لسببين، أولهم إن الكتاب كله بيلف ويدور حوالين عدد محدود جداً جداً من المفاهيم و بيفسر بيهم كل وأي حاجة بتقابله، أي حالة بيقابلها أو بيتعرض لها بيتخدم نفس المفاهيم لتفسيرها وشرحها. أما بقي السبب الثاني فهو الرغي و التكرار .. فيه بعض الفقرات في الكتاب هتحس إن كل الجمل اللي فيها بتحمل نفس المعني بالضبط لدرجة إن أنا كنت قربت أحلف للكاتب إن المعني وصلني. أعتقد إن الكاتب محب للأدب و اللغة و كان سايب نفسه و اطلق لها العنان في الكتابة و علشان كده بيميل لاستخدام أسلوب أدبي مزخرف حتي لو اللغة نفسها كانت عامية، وللأسف ده لم يكن مناسب لطبيعة الكتاب نفسه.
* ده هيأخذنا للنقطة الثاني و هي الطريقة و الأسلوب المستخدمين في الكتابة، والموضوع ده بعيد عن فكرة اللغة العامية أو الفصحي المستخدمة في الكتابة. الموضوع له علاقة بفكرة الإطناب و التطويل و الرغي و التشبيهات الكتير – زيادة عن اللزوم – و اللي بتليق أكتر بكتابة الأدب مش الكتب العلمية. الكتب العلمية اللي بتميل أكثر للتقرير و التركيز علي المعلومة أسرع و أقصر طريقة ممكنة.
* نقطة أخري وهي استخدام الدين و المنظور الديني بشكل كبير و أكتر من مرة علي مدار الكتاب، وأنا هنا مش بتكلم عن استخدام الكاتب للدين كوسيلة أو طريقة للعلاج النفسي – اللي هو بنفسه هاجمها علي صفحات الكتاب – و لكن أنا بتكلم هنا عن النظرة للإنسان و طبيعته من منظور ديني. و الحقيقة إن الموضوع ده في رأيي قُتل بحثاً بس للأسف لم يصل الخبر لأوطاننا و عالمنا العربي. إزاي حضرتك هتقدر تتعامل مع مريض من ديانة مختلفة و لا يؤمن بالمفاهيم الدينية اللي حضرتك بنيت عليها وجه النظر اللي بتطرحها، طيب تخيل معايا بقي لو المريض ده ملحد أولا ديني، إزاي حضرتك هتقدر ترسي معاه القواعد دي. علي حد علمي إن الطب النفسي في العالم بيحاول يبتعد و بيتجنب موضوع الأديان كأساس يبني عليه مفاهيمه و نظرياته عن الإنسان و طبيعته، ودائماً بيحالو يكون المدخل بتاعه مع المرضي علمي و بعيد تماماً عن الموضوع ده.
* أنا مُقدر المجهود اللي الكاتب حاول يعمله في الكتاب، و لكن بالنسبة لي هذا الكتاب ممل، و ما خرجتش منه غير ب 3 أو 4 معلومات بالكتير. و ده بيخليني أطرح تساؤل حول كل هذه الضجة المعمولة عن العمل ده و باقي أعمال الكاتب في العموم؟! بيخليني كمان أتسائل هل باقي أعمال الكاتب بنفس المستوي و علي نفس الشاكلة؟!
February 10, 2022
كعادة د. محمد كتاب كوجبة دسمة للعقل..
الكتاب يحوي 17 فصل تلخيص لكتاب الخروج عن النص السابق، و12 فصل جديد
يتمحور حول الوعي بالذات وعن اكتشاف هدفنا وهل هو فعلا هدفنا ام هدف نريد تحقيقه من اجل شخص اخر وأن هذا الهدف لا يعنينا فى شيء.
يوعّي الكتاب عن الخوف من الهجر وأيضا يحتوى فصل عن التربية والتأثير على الاولاد وكيف نتخلص من عادة الغضب على الاولاد او ضربهم، يناقش كيفية الشعور بمشاعر متناقضة فى نفس اللحظة وكيف ان ذلك صعب ومؤلم جدا.
أيضا يناقش موضوع الحضور الواعي.. الحضور بالجسد والروح والعقل فى العمل والبيت ومع الاولاد وفى اى علاقة، ويناقش مدى أهمية ذلك للطرف الاخر فى اى علاقة.
يناقش فكرة الانتحار، ويناقش علاقة الطعام بالنفس وكيف نتعامل مع الامر بشكل غير واعي، لكن هذا الفصل الخاص بالطعام مر سريعا دون سرد تفاصيل اكثر عنه.
أعجبنى تلخيص الكاتب وتذكيره لأهم نقاط الكتاب الأول لنا، بينما ذلك سبب لي الفتور لاننى كنت متحمسة لقراءة الموضوعات الجديدة.. وما لم يعجبني أيضا هو باب شرح فيلم soul لانى شاهدت الفيلم وظل الكتاب يسرد تفاصيل كثيرة جدا فى الفيلم، شيء رائع لمن لم ير الفيلم ولكن ذلك سبب لى الملل لانى أذكر كل الاحداث والسرد كان طويلا للتعليق فيما بعد على هذه التفاصيل، أمر آخر لم يرق لي فى الكتاب وهو أن أي حالة يناقشها الكتاب يسرد تشخيصها وأعراضها انما العلاج لا يذكره الا قليلا.. وبنهاية معظم الفصول يقول ما معناه غير تفكيرك أو انظر لحالك واستنتج كذا.. أو ابحث عن كذا.. ليس هذا هو الحل لمشكلة عويصة مذكورة فى الكتاب.. انما يحتاج الشخص لحل عملي مبدأي لحين زيارته لطبيب نفسي.
بينما الكتاب ككل جميل وممتع.
الكتاب يحوي 17 فصل تلخيص لكتاب الخروج عن النص السابق، و12 فصل جديد
يتمحور حول الوعي بالذات وعن اكتشاف هدفنا وهل هو فعلا هدفنا ام هدف نريد تحقيقه من اجل شخص اخر وأن هذا الهدف لا يعنينا فى شيء.
يوعّي الكتاب عن الخوف من الهجر وأيضا يحتوى فصل عن التربية والتأثير على الاولاد وكيف نتخلص من عادة الغضب على الاولاد او ضربهم، يناقش كيفية الشعور بمشاعر متناقضة فى نفس اللحظة وكيف ان ذلك صعب ومؤلم جدا.
أيضا يناقش موضوع الحضور الواعي.. الحضور بالجسد والروح والعقل فى العمل والبيت ومع الاولاد وفى اى علاقة، ويناقش مدى أهمية ذلك للطرف الاخر فى اى علاقة.
يناقش فكرة الانتحار، ويناقش علاقة الطعام بالنفس وكيف نتعامل مع الامر بشكل غير واعي، لكن هذا الفصل الخاص بالطعام مر سريعا دون سرد تفاصيل اكثر عنه.
أعجبنى تلخيص الكاتب وتذكيره لأهم نقاط الكتاب الأول لنا، بينما ذلك سبب لي الفتور لاننى كنت متحمسة لقراءة الموضوعات الجديدة.. وما لم يعجبني أيضا هو باب شرح فيلم soul لانى شاهدت الفيلم وظل الكتاب يسرد تفاصيل كثيرة جدا فى الفيلم، شيء رائع لمن لم ير الفيلم ولكن ذلك سبب لى الملل لانى أذكر كل الاحداث والسرد كان طويلا للتعليق فيما بعد على هذه التفاصيل، أمر آخر لم يرق لي فى الكتاب وهو أن أي حالة يناقشها الكتاب يسرد تشخيصها وأعراضها انما العلاج لا يذكره الا قليلا.. وبنهاية معظم الفصول يقول ما معناه غير تفكيرك أو انظر لحالك واستنتج كذا.. أو ابحث عن كذا.. ليس هذا هو الحل لمشكلة عويصة مذكورة فى الكتاب.. انما يحتاج الشخص لحل عملي مبدأي لحين زيارته لطبيب نفسي.
بينما الكتاب ككل جميل وممتع.
May 1, 2022
و انا كمان المرة دي حا اكتب من غير ما أحاول انو ازبط اللغة بس حا اكتفي بما أجيد فعله في الغالب هو الثرثرة عن الكتب .
على عكس الكثيرين لم أمل ابداً من الجزء الأول من الكتاب رغم أنني قرأته من قبل ، بل حظيت بفرصة ان استرجع المعلومات من جديد ، أن اراها بتمعن ، و لم أمر من سرد الكاتب للعديد من الافكار بشكل متكرر و ببساطة لا بأس بالأمر لقد راق لي تكراره كلماته في جمل كتير علقت في ذهني من الكتاب دا .
زي :
• أحياناً نترك الشخص مغمض العنين ، فربما لن يتحمل شدة النور ، أو ما نتصور من جانبنا أنه النور .
• و كمان هو أختياراتك بتقول لك إيه ؟ عاوز تعرف نفسك شوف نفسك أخترته إيه ، كملت في إيه ، و ما اخترتش إيه ؟
•اخرجوا عن النص و لكن لا تخرجوا عن الحياة !
•صفحات الكتب ، لا تمسح دموع المتألمين
• لا يوجد ما يسمى ثقة بالنفس بل شعور بالإستحقاق .
•هنالك لحظات تكون ممتدة بطول الزمن .. و مكثفة بحجم الثقوب السوداء .. و لها نفس الطول الموجي للنور ..
كل لحظة منهن بها مشاعر مختلفة و غير معتادة .. و أحاسيس تتعدى حدود ما كانت تعرفه حواسي الخمس ،، يحدث أقتراب روحي شديد كما لم يحدث من قبل ..
رؤية جديدة لكل معتاد ..
ملامح غريبة لكل مألوف ..
و تساؤلات حادة لكل معروف ..
((حسيت و لأول مرة في حياتي أني مرتبطة بيها بالجد ))
في النهاية هذه المحادثة اللطيفة التي جرت بيني و بين الكاتب و انا أقرأ تستحق الخمس نجوم
على عكس الكثيرين لم أمل ابداً من الجزء الأول من الكتاب رغم أنني قرأته من قبل ، بل حظيت بفرصة ان استرجع المعلومات من جديد ، أن اراها بتمعن ، و لم أمر من سرد الكاتب للعديد من الافكار بشكل متكرر و ببساطة لا بأس بالأمر لقد راق لي تكراره كلماته في جمل كتير علقت في ذهني من الكتاب دا .
زي :
• أحياناً نترك الشخص مغمض العنين ، فربما لن يتحمل شدة النور ، أو ما نتصور من جانبنا أنه النور .
• و كمان هو أختياراتك بتقول لك إيه ؟ عاوز تعرف نفسك شوف نفسك أخترته إيه ، كملت في إيه ، و ما اخترتش إيه ؟
•اخرجوا عن النص و لكن لا تخرجوا عن الحياة !
•صفحات الكتب ، لا تمسح دموع المتألمين
• لا يوجد ما يسمى ثقة بالنفس بل شعور بالإستحقاق .
•هنالك لحظات تكون ممتدة بطول الزمن .. و مكثفة بحجم الثقوب السوداء .. و لها نفس الطول الموجي للنور ..
كل لحظة منهن بها مشاعر مختلفة و غير معتادة .. و أحاسيس تتعدى حدود ما كانت تعرفه حواسي الخمس ،، يحدث أقتراب روحي شديد كما لم يحدث من قبل ..
رؤية جديدة لكل معتاد ..
ملامح غريبة لكل مألوف ..
و تساؤلات حادة لكل معروف ..
((حسيت و لأول مرة في حياتي أني مرتبطة بيها بالجد ))
في النهاية هذه المحادثة اللطيفة التي جرت بيني و بين الكاتب و انا أقرأ تستحق الخمس نجوم
March 13, 2022
"know oneself", that's what all Dr Mohammed Taha's books are about, not a manual to improve your relationships or work-life but a guide to know yourself better and therefore can be at peace with your choices and who you are know which is why his works are my reminders of the responsibility I have to myself before answering to the responsibilities of the world's around me.
February 7, 2022
it's a good book however, for me it doesn't offer anything new; half the book is already the 1st book. the other half has been briefly posted on Facebook before;
So, "for me" i didn't feel like i gained any new info.
So, "for me" i didn't feel like i gained any new info.
July 25, 2023
الكتاب طبعََا حلو من ناحية سهولة توصيل المعلومة لأنة بالعامية المصرية ودا المميز والي بيخليني اهتم بكتب دكتور محمد طة بعدها عن التعقيد وهدفها الإفادة فقط ولكن بالنسبة ليا عشان قرأت كل كتب دكتور محمد طة باستثناء كتاب واحد ف حاسه ان معظم معلومات الكتاب عرفاها لم يضيف لي إلا القليل.
Displaying 1 - 30 of 198 reviews