موت بائع السعادة

by Nashwa Moustafa

حاول الشرطي عبثًا أن يقنع ابن بائع السعادة الراحل
باستئناف نشاط أبيه دون جدوى. كان قراره حاساً ونهائيًّا
بتصفية تجارة السعادة والتحول إلى تجارة الحناء، ساءت علاقة
القصاب بالجميع وليس فقط بمعارفه، وتكررت مؤخرًا حوادث
سرقة الخباز للخبز بما يتجاوز مهارته. تفاقم عرج حارة
الحوزي وعجزها ولم تعد تغنيه عن سؤال اللئيم، كا فقد
النجار القدرة عى إص اح أي شيء بما في ذلك أبوب بيته، عاد
الإسكافي لعادته القديمة في التهرب من العمل بحجة تشميع
الخيط. تأكد للح اق تشوه جميع رؤوس اليتامى ولم يعد أي
منها صالحة لمساعدة ابنه في تعلم الحجامة.

First published January 26, 2021

Reviews

[Eng. Mohamed ali · Rating 5 out of 5]

رغم خوفى دايما من الاصدرات الاولى للمؤلفين لانها فى الاغلب بتكون أضعفها وخصوصا المؤلفين الشباب لكن الاصدار الاول للكاتبة نشوة مصطفى مبشر جدا , قلم نسائى جاد ومحترم وعلى مستوى راقى جدا.
بشوف دايما بأن الادب اللى يستحق القرائة هو اللى بيحمل فكر او رسالة ,انه يكون أدب نابع من واقع الناس أو يكون موجه ليهم ,أدب يكون بيحمل شئ حقيقى رسالة وفكرة.
استطاعت المؤلفة انها تعمل ده بتوليفة بمجموعة قصص مابين اجتماعى وسياسى ورومانسى وساخر مع الاحتفاظ بلغة عربية رصينة حتى عند استخدامها لبعض العامية فى بعض الحوارات ولكنها لم تفرط فيها بقدر احتياج النص واستطاعت الربط بين الفصحى والعامية بطريقة سلسة ميقدرش عليها الا مؤلفين متمرسين فى الكتابة وذو موهبة حقيقية.
أفكار القصص خارج الصندوق بجد,موش بتقلد ولا بتكررولا بتحاول تستسهل.
فى البداية اسم المجموعة مميز (موت بائع السعادة)وده اسم القصة الاولى بتقول(بالامس مات بائع السعادة فى حارتنا وأصبح على كل منا أن يبحث عن سعادته فى مكان اخر....)
فى قصة بعنوان حلقاتك وبتحكى عن لحظة سبوع الطفل بتقول سخرية من واقعنا(لم يع الناس حتى وقت قريب خطورة استهتارهم وتلاعبهم بذرع افكار وقناعات كان من المفترض ان تكون مهمة وحاسمة كأن يقولوا له اسمع كلام النظام ورجال الامن والسادة المسئولين ماتسمعش كلام العملاء والخونة والمأجورين والمندسين,لم يعوا أن استخفافهم سيشكل مستقبلا بائسا وتحدد المصائر بشكل عشوائى فعشنا عصور ظلام طويلة انتشر فيها الفوضويون والمتمردون والثوار)
فى قصة حتى تأتى العاهرة بتقول(وقبل أن يدرك هول الصدمة تركته وغادرت فى اول محطة مع صاحب الصوت الهامس,كانت تستخدمه فقط كواجهة لممارسة نشاطها.لم تكن تضحك له كما كان يظن ولا حتى تضحك عليه لم يكن فى أى مكان فى دائرة اهتمامها)
فى قصة الدمية المسكونة بتخرجنا من مود الاكتئاب بنوع من قصص الفانتازيا بحس كوميدى ولسان حالها بتقول للقارى انا موهوبة فى الكوميدى موش كله حزن.
قصة بائع الاحلام المستخدمة بتشكل مع قصة موت بائع السعادة تيمة خاصة لخيال جامح حالم ولابداع مختلف فى الكتابة بتقول فيها(احاول أن اقرب الصورة بأن اقول مثل بائع الملابس أو الكتب المستخدمة,الاحلام كاى شئ اخر كل منا لديه احلامه القديمة التى لم يعد فى حاجة اليها,بينما يتطلع للحصول على أجلام جديدة فامكانية الاستبدال او حتى البيع متاحة,وتعود الى بيتك بجيب ممتلى وبال خال وبلا احلام)
وقصة نادى القلوب المحطمة بتقول(اذا مانويت ان تفارق احدهم حاول الا تخرج معه فى كل مكان ...لاتجرب معه كل المشروبات ولا تتمسك بمشروبك المفضل...حاول الا تتباسط معه فى الحديث فتنطبع فى ذهنك دعابات الغزل المازحة الخاصة به والمفضله لديك,حاول الا تخلق معه المزيد من الذكريات حتى لا يتحول نسيانه فى النهاية الى درب من المستحيل,حاول ان تحتفظ لقلبك بأماكن بعيدة صالحة للهروب)
باقى قصص المجموعة كمان كانت ممتازة منها مثلا مغسل وضامن جنه,شر البقر طباخ السم
حقيقى مجموعة رائعة استمتعت بيها وقريتها على مرة واحدة من رشاقة الاسلوب .وفى انتظار العمل القادم للمؤلفة

[Mohamed Ibrahim · Rating 5 out of 5]

موت بائع السعادة

الكتاب من الحجم الصغير و ده يشجع انك تبدأ قراءته، القصص مشوقة بعناوينها و هتحتاج تفكر في كل واحدة فيهم شوية بعد ما تقراها.

اجمل قصة عجبتني فيهم "بائع الاحلام المستخدمة”.

أعتقد انه محتاج يُقرأ مرتين علي الاقل مش مرة واحدة.

بالتوفيق للكاتبة و اتمني اشوف كتب تانية ليها قريباً.

[دينا ممدوح · Rating 4 out of 5]

قرأت قصص سابقة لنشوى مصطفى فأنا عارفة إنها كاتبة متميزة فعلًا
كاتبة متمكنة من ادواتها وقلم رائع وأفكار جديدة وبتقدر توظفها بشكل مختلف حتى وأن كانت مستخدمة قبل كدة
عندها لغة قوية كمان بتقدر توصلك كل الأفكار بشكل سلس وغير مبتذل
كنت أتمنى المجموعة تكون أكبر من كدة
بس أنا منتظرة المجموعة الجاية وكمان رواية منها اللي أتوقع إنها هتكون مميزة
المجموعة دي من المجموعات اللي أحب اقرأها أكثر من مرة
بتمنالك التوفيق دايمَا