الغربان

by عبد الرحمن دياب

البدايةُ مع واقعةِ قتلٍ، بعدها ارتفع الحاجزُ، ثم استعد الغربانُ، ووضع الشيطانُ خطتَه.
الكلُ يرتب أوراقه للسيطرة، والبشر لا يعلمون لكنهم يشعرون بقربِ النهاية!

274 pages, Paperback

First published January 26, 2022

Reviews

[Maha Mahmoud · Rating 5 out of 5]

حقيقي حلوة جدا واحداثها مثيره وتشد جداااا 👌👌

[Karim Kassim · Rating 5 out of 5]

الرواية : الغربان
الكاتب : المبدع عبدالرحمن دياب
التقييم : ⭐⭐⭐⭐⭐
الغربان :
البداية مع واقعة قتل ، بعدها ارتفع الحاجز ، ثم استعد الغربان ، ووضع الشيطان خطته.
الكل يرتب أوراقه للسيطرة ، والبشر لا يعلمون لكنهم يشعرون بقرب النهاية!!
ملخص الرواية :
بداية الرواية مشهد رهيب بياخدك لأفق غريب ورهيب جدا وبتحس انك نش فاهم حاجه بس حاسس ان في كارثه رهيبة هتحصل.
وبعد كده بترجع ٣ شهور وتبدأ الرواية بيونس وزوجته سالى بيصحي من النوم واليوم ده بيكون رايح يعمل مقابلة في عمل جديد ، وبيشوف حاجه غريبة علي مراية غرفة النوم وبيسأل زوجته انها ممكن تكون ادوات مكياج خاصه بيها ولكن بتقوله لا ، وبعد كده بيحس بحاجات غريبة بتحصله ومبيعرفش يفسرها ولكن بيرجح انها بدأت بعد حادث حصله من فترة قريبة ، وبيدور علي الانترنت وبيلاقي شيخ اسمه مختار وبيروحله فبيقول ليونس انه ملعون فيا ترى ايه اللي هيحصل بعد كده .
المناقشة :
طيب مبدأيا هي رواية جميلة جدا وملحمية في نفس الوقت تحس انك بتقرأ ملحمة
الشخصيات مش كتير ومش قليلين في الرواية وقدمهم عبدالرحمن بشكل مباشر
السرد والتعليق والحوار بالعربية الفصحى المبسطة والسهلة للقارئ بحيث ميخرجش من جو الرواية
احداث الرواية سريعة بتبدأ الاحداث بسرعه وبتدخل ف الاحداث علطول من غير ملل ولا مط ف الاحداث
النهاية كانت بس سريعه اوى بالنسبة لرتم الرواية لدرجه انك نفسك بيتقطع من الاحداث الشيقة اللي في الاخر بس ده ميمنعش انها رائعه
وطبعا النهاية فيها تويستاية جميلة اوى عجبتني جدا ومش هقدر اتكلم اكتر من كده في النهاية عشان محرقش وبصراحه انا هموت واحرق 😂😂
اجمالا رواية حلوة جدا وشيقة وعبدالرحمن بيتطور كل رواية عن اللي قبلها وقلمه بيتطور جامد جدا وان شاء الله كل اللي جاي احلي واحلي من المبدع والرائع دائما عبدالرحمن دياب

[Khaled Fouda · Rating 5 out of 5]

اسم الرواية: الغربان.
للكاتب: عبد الرحمن دياب.
في البداية عاوز أقول إن دي أول مرة أقرأ فيها رواية للكاتب، ونبدأ في بعض التفاصيل:
•السرد: الكاتب سرد الأحداث بالراوي العليم الكوني، وكان اختيار مناسب منه.
•الحوار: كان بالفصحى الموفقة جدًا.
•الأحداث: الأحداث كانت كتيرة، وايقاعها سريع، وكانت أقرب ما تكون لملحمة، بان فيها براعة الكاتب في اختيار المشاهد وتنسيقها، حتى أسماء الفصول كانت جميلة جدًا.
•الفكرة: عجبتني جدًا، وبيدخل فيها الكاتب لمنطقة بيحاول كتير يدخلوها، لكن قليل جدًا اللي بينجح في رسمها، وهو نجح في ده فعلًا، ويستحق الاشادة عليها.
•عجبني في الرواية المشاهد الخارجية، اللي تبان للقارئ انها بعيدة عن الأحداث الرئيسية، وكانت موفقة جدًا بصراحة، لانها كانت بتخدم على الخطوط الرئيسية بشكل حلو جدًا.
•استخدام حدث شائك هز أخبار مصر من فترة قريبة في الرواية؛ كان ذكي اوي، وخصوصًا لما يكون متفصل على الأحداث بالشكل الكبير ده، لدرجة إن ممكن واحد يشك إن الأحداث اللي بيقرأها في الرواية دي مش خيال كاتب، وإن الكارثة اللي حصلت في الرواية حقيقية؟!!

•سلبيات:
-بعض الجمل كانت طويلة، ولم تتوزع فيها الفصلات بشكل جيد.
-كان فيه تكرار بسيط لبعض الكلمات في فقرات صغيرة.
-كان فيه في أكتر من موضع في الرواية، الراوي والبطل بيقولوا ( كما اتفقا عليه سابقًا) أو (كما أخبرهم سابقًا) ودي كانت كويسة، لكن كترها مكانش كويس في رأيي، وخصوصًا في قرب التوست، وحجز الملعونة، وفي رأيي لو كان الكاتب لمح ليها بس في مشهد سابق؛ كانت هتبقى حاجة جامدة بصراحة.
وفي النهاية حابب أشكر الكاتب على الرحلة الممتعة دي، وإن شاء الله متكونش آخر قراءة لأعماله القادمة، وأرشحها جدًا.

[Nour Sayed · Rating 5 out of 5]

الشر الكامن لابد من هزيمته يوماً بالإيمان بالله ثم الإيمان بالنفس وحقيقي المقولة ديه اتحققت في الروايه ديه روايه من امتع الروايات اللي قرأتها في احداثها اللي بتبدأ من أول الروايه متسببلكش ملل كل صفحه من اول الروايه بأحداث جديده وغير متوقعه انا كان عندي بلوك من القراءة بقاله ٤ شهور هي كانت السبب فان يرجع شغفي تاني للقراءة أينعم خلصتها علي فتره زمنيه بس ده لاني كان عندي بلوك من القراءة وبقرأ بالعافيه بس فيه يوم تحديت نفسي وخلصت بقيتها نصه مثلا كله في يوم واحد وحقيقي اول مره اقرأ للكاتب بس مش هتبقي أخر مره لان عجبني أسلوب سرده للرواية جداً♥️

[أيمن طه الشاعر · Rating 5 out of 5]

قرائتى الرابعة للكاتب عبد الرحمن دياب وبرغم تحفظى على الكاتب الذى ينشر سنويا من أجل اللحاق والتواجد بمعرض الكتاب دون الإهتمام بالفكرة او المحتوى إلا أن رواية الغربان حقا من الأعمال القوية كفكرة ومحتوى وحبكة لا تصدق ان بينها وبين الرواية السابقة الحراس عام واحد فقط وإن دل ذلك فعلى موهبة الكاتب فى بلورة الفكرة وحياكتها لتخرج فى أبهى ما يكون..
الرواية ملحمية وتستحق القراءة فعلا..

[Mena Boshra · Rating 5 out of 5]

الرواية تحفة حرفياً واحداثها مشوقة من بدايتها لنهايتها 👌👌 فيها لمحة فانتازيا جميلة دة غير الرعب 👌👌 وتقديم الشخصيات كان ممتاز واللغة جميلة وبسيطة وسهلة جداً 👌👌 الرواية جميلة جداً وممتعة إلى ابعد الحدود

[Michael Youssef · Rating 3 out of 5]

كتاب في مجمله جيد و ان كانت الحبكة غير مقنعه - انا حاسس ان الكاتب نفسه مش مقتنع بموضوع الحاجز ده
و كل حاجه بقت بيطوعها لصالح اللي هوا عاوز يوصله
تسلسل الاحداث يشوبه بعض الملل
نظرا ان الاحداث متركزه علي شخص واحد فقط و هو يونس

ف بالمجمل القصه معقولة

[Doaa Abd El Aziz · Rating 5 out of 5]

أعجبتني ولم يخفق الكاتب لحظة أن يجعلني في ترقب حتي انتهيت منها في نفس اليوم ..عمل مميز👏👏👏

[Ahmed Sameh · Rating 4 out of 5]

السرد فيها حلو و بجد الأحداث جديده و بجد عجبتني