Վերջին անգամ ենք ապրում

by Աշոտ Աղաբաբյան

Աշոտ Աղաբաբյանի «Վերջին անգամ ենք ապրում» վեպը լեգենդար հայորդի, ժամանակին աշխարհի ամենաուժեղ մարդը համարվող ծանրամարտիկ Սերգո Համբարձումյանի բուռն ու դրամատիկ ոդիսականի մասին է: Առաջին անգամ հայ ընթերցողը կտեղեկանա մեր պատմության էջերի նոր բացահայտումներին, Սերգո Համբարձումյան անհատի անհավանական թվացող փոթորկալից կյանքին, որն ուղեկցվել է Աղասի Խանջյանի, Իոսիֆ Ստալինի, Անաստաս Միկոյանի, Լավրենտի Բերիայի, Հայաստանի ՆԳԺԿ պետ Խաչիկ Մուղդուսու հետ կապված բազմաթիվ իրադարձություններով: «Վերջին անգամ ենք ապրում» վեպը հեղինակի վեցերորդ գիրքն է:

588 pages, Hardcover

Published January 1, 2021

Reviews

[Vahik Arzumanyan · Rating 5 out of 5]

Սա ձանձրալի կենսագրական չէր, այլ մինչև վերջին էջն իր հետ տանող, հուզիչ, կյանքի և ճակատագրի վայրիվերումների միջով անցնող մի սովորական մարդու, սովետի և դրա փտած կարիերիստների, դրանց կործանման մասին պատմություն։

📎Պետք է հոգեպես պատրաստ լինեն իրենց մեծ թռիչքին, որպեսզի գլխապտույտ չունենան, և հետո առավել պատրաստ լինեն, քանի որ գագաթին հասնելուց հետո սկսվում է վայրէջքը, երբեմն գահավիժումը՝ անխուսափելին, այդ դեպքում էլ պետք է չկորցնել գլուխը։ Այն, ինչ անխուսափելի է, չպետք է վախենալ, որովհետև միևնույն է՝ կատարվելու է։ Ուղղակի պետք է չկորցնես ինքնատիրապետումդ և քիչ կորուստներով նահանջես։

📎Գրողը տանի, ինչ եմ անընդհատ հիշում անցյալը։ Դա խանգարում է ինձ։ Մի կառչիր անցյալից, դու այնտեղ էլ երբեք չես լինելու․․․

📎Դու հավ ես, քեզ արծվի տեղ չդնես։ Չչափվես ինձ հետ։ Արծիվը կարող է անհաջողությամբ իջնել մինչև հավաբուն, բայց դա չի նշանակում, որ քեզ նման հավը արծվի պես երկինք կարող է բարձրանալ։

[Arsen · Rating 5 out of 5]

Այն հազվադեպ գրքերից, որ ավարտելուց հետո ցանկանում ես շատ բան ասել, բայց բառեր չկան, չես կարողանում բառերի մեջ տեղավորել այն բոլոր խառը զգացմունքները թե ընթերցելուց, թե ավարտելուց հետո։ Նաև չես ցանկանում ուրիշ գիրք կարդալ որոշ ժամանակ։ Մի գուցե ճիշտը լռել և մտածելն է, կրկին անգամ՝ ո՞վ է հայը, ի՞նչ է տվել աշխարհին ու մարդկությանը։ Այդ հզոր ցանկի մեջ Սարգիս Հմաբարձումյան։
Իսկ Աշոտ Աղաբաբյանին խորին շնորհակալություն այս գիրքին կյանք տալու համար։