على ضفاف الأبدية

by خالد المؤذن

شاب يعقد صفقة مع جنية للكشف عن هوية شخص يسعى لقتل صديقة صباه، إلا أن الجنية بدلت هيئته إلى قط ضئيل الحجم وبذلت كل السبل كي يفشل في مهمته بهدف التحرر من سجنها وحبسه بدلاً منها إلى الأبد.

Genres: Fantasy, Fiction

448 pages, Paperback

Published January 26, 2022

Reviews

[Salwa Marwan · Rating 5 out of 5]

تاني قراءه للعمل ده وما اختلفش انبهاري بيه… القدره على البناء الدرامي ورسم خطوط درامية ساهمت فيها شخصيات استثنائية حاجة نادرا ما بنشوفها في الفانتازيا بصفه عامه ولوهله تتصور نفسك قدام كاتب محترف لولا بعض الأخطاء الي هيتم سردها في قسم العيوب.
وكمان القدره على دمج مجموعه من عناصر الأدب في روايه وحده وكل عنصر بيكمل التاني بصوره متناغمه لينتهي الحال بروايه فريده من نوعها مختلفه تماما عن كل ما قريت… حتى الجانب الرومانسي رغم ندرته في العمل إلا إنه استثنائي يعني تخيل إنه جميع المواقف إلي جمعت البطلين مفهياش كلمه حب واحده ولا غزل او حتى تلميح لكننا نقدر نستشف مشاعر الطرفين من خلال المواقف إلي بتحصل بينهم.
والروايه فيها لعب بالمشاعر هتضحكك وتعيطك وتعلقك بشخصياتها وكمان بتلعب بالعقل إلى حد الجنون.

المزايا
1- دمج مجموعه من عناصر الادب بصوره متناغمه.
2- كوميديا سوداء تعيد الذكريات لكوميديا الدكتور أحمد خالد توفيق (الله يرحمه)
3- اقتباسات ينفع تتبروز
4- لغه قويه وسلسه بالفصحى سردا وحوارا
5- نهايه مذهله وغير متوقعه.
6- مقدمه هايله.
7- page-turner

العيوب:
1- الوصف… أحيانا أحس إني هعيط من قله وصف الأماكن والشخصيات.
2- بدايه ضعيفه… العشر الأول من العمل يحسسك كإنها روايه موجهه لليافعين.

في الختام: العمل مميز ومناسب أوي لمحبي أدب الفانتازيا وأدب الجريمه ومناسب كمان للي عايز يدخل تجربه جديده في عالم الأدب مع روايه أشوفها واحده من أقوى الروايات الي صدرت سنه 2022

[Bassant Ismail · Rating 4 out of 5]

فكرة مذهلة وجديدة
مضمونها عن شاب بيعمل صفقة مع جنية لحماية صديقته من شخص عايز يقتلها لكن الموضوع مش شبيك لبيك ولا تلت أمنيات والكلام المكرر ده
إنما هو مع كل مرة بيستعين فيها بالجنية بيدفع التمن جزء من روحه
ولو فشل في تحقيق شروطها خلال مدة محددة يتحبس هو بدالها للأبد
رواية مشوقة أوي وشدتني في معظم أحداثها
لكن عندي ملاحظة تتعلق بالجانب الفكاهي في العمل
في بعض الأحيان بتموتني ضحك لكن من ناحية تانية بعضها بيبقى تقيل شوية.

[أمير محمود · Rating 4 out of 5]

عمل فاق تصوراتي وكل توقعاتي
أكتر عامل جذبني في الرواية هو العامل النفسي بما إن تخصصي هو علم النفس وقدرة الكاتب في التغلغل داخل أعماق الشخصية الرئيسية المنبوذة اجتماعياً
فمع بداية ظهوره في الفصل الأول واحنا بنلاحظ مشاعر الخوف والعدائية من الناس ضده (طبعاً هنكتشف السبب بعدين)
ومع إنه بيبادلهم نفس مشاعر الكراهية إلا انه في نفس الوقت عايز يحقق وصية والدته بإنه يبقى ليه دور إيجابي في المجتمع
إضافة إلى شعوره الدائم بالذنب بسبب أخطاء الماضي الي اتسببت في كوارث ومصائب للناس المهمين في حياته

وبجانب الصراعات الداخلية الي بيعاني منها توجد صراعات خارجية
وهي ظهور شخص غامض عايز يقتل صديقته لسبب مجهول ثم تعرضه للقتل وابرامه صفقة مع جنية للبحث عن القاتل المجهول

لكن هل هتغدر بيه الجنية؟

وبعدها نعود للصراعات الداخلية بعد ما يكتشف ادلة تؤكد على إنه من المحتمل يكون بيحتضر وكل الخوارقيات الي مر بيها من صنع عقله عشان ما يمتش وهو حاسس بالذنب بعد ما فشل مرة تانية في حماية شخص عزيز عليه

ومن أكتر ما عجبني هو التطور في شخصية غروب، مش تطور مبتذل زي كان ولا حاجة وبقى كل حاجة والكلام الحمضان ده
وإنما هو كان ولا حاجة وهيبقى ولا حاجة 😅 لكن إلى هيتطور فيه هو بعض قناعاته واسلوبه وطريقه تفكيره

شخصية رغم كل عيوبها مش بس بتتعاطف معاها وإنما تتعلق بيها وآخر شخص اتعلقت بيه رغم كل عيوبه كان العجوز رفعت اسماعيل

وبعدها بندخل على النهاية وتكون عامل تصورك لكم نهاية في بالك يجي المؤلف رازعك بنهاية من برة المنهج مع إنها منطقية جداً
نهاية ما تعرفش تحدد إذا هي سعيدة أو حزينة لكنها من أجمل النهايات إلى مرت عليا ومناسبة أوي للعمل المجنون ده

من أكتر ما أزعجني في العمل هو على الرغم من الاهتمام الكبير بشخصية البطل إلا إن المؤلف أهمل باقي الشخصيات ومش ظاهرة بالعمق إلى شفته في غروب

العمل كان استثنائي جداً وفكرة محبوكة بصورة مامترش عليا ولا حتى في الروايات الأجنبية
بس لو اتعمق أكبر في باقي الشخصيات كنت قلت عليه عمل مثالي

[لبنى بسيوني · Rating 4 out of 5]

عمل في غاية الروعة والجمال
الفكرة الجديدة هي العنصر الأقوى من عناصر الرواية وإن دلت على شيء فإنما تدل على خيال خصب...
إضافة قوية لمكتبة الفانتازيا العربية

[Sara · Rating 4 out of 5]

تحكي عن شخص اسمه غروب بيحاول ينقذ صديقته برلنت من محاولات القتل، مقابل بيفقد جزء من روحه لجنيه.

"ما هي الصداقة؟ أهي عقد خفي بين طرفين يلتزم كل طرفٍ منهما بأن يغدو سندًا للآخر؟ أم أنها تتمحور حول شخصين يتشاركان ذات الاهتمامات؟ أم هي الخلاص من كابوس الوحدة؟ أما ماذا؟ متى يشتعل فتيل الصداقة؟ ومتى ينطفئ؟".‏

"إن السعي لتغيير المحال خير من المضي نادمًا على عدم المحاولة".‏
‏
#على_ضفاف_الأبدية

[Mohammed Magdy · Rating 5 out of 5]

مكنتش متصور إني ممكن أقرأ عمل فانتزي عربي بالجودة دي
الفكرة جديدة ومبهرة
الكاتب اعتمد على عنصر الإثارة والتشويق معظم أحداث الرواية
فالبطل يتعرض للقتل وبعدها تحدث له أحداث خارقة للعادة ومن ناحية تانية يكلمه شخص عبر عقله ويأكد له إنه بيحتضر وكل الي بيمر به مجرد وهم من نسيج خياله ويدعم كلامه بأدلة مقنعة فمبتبقاش عارف تفرق بين الحقيقة من الوهم
مش عايز أكمل لإني ممكن أحرق أحداث الرواية
الرتم تصاعدي وسريع مع إني ما حبتش العودة بالذاكرة إلى الماضي في الفصول الأخيرة حسيت إنه عمل نشاز في رتم الأحداث
الرواية فيها كمية ضحك مش معقول
الشخصيات أكثر من رائعة والكاتب قدر يخليني أتعاطف مع القاتل نفسه وأتفهم دوافعه
مقدمة رائعة وخاتمة أروع وغير تقليدية

[yaraareads · Rating 5 out of 5]

"لأقايضن بكل دمعة ذرفتها بسببي آلاف الضحكات، و لأفرشن لكِ الأرض قوارير من العقيق، لأجعلن من الخلود سُلّمًا تصعدين به إلى جنتك الأزلية، في سبيل سعادتك تهون المصاعب، و لأجلك أهدهد الكوارث على مهد من حرير"

"حلق بجناحين من نور لتكشف ظلمة المصاعب ، و كل ما هو عسير ، جسدك السفينة قلبك شراعها عزيمتك هي الرياح و الأعاصير "

رواية جميلة و لذيذة جداً حبيتها جداً لدرجة إني عايزة أروح أحكيها لكل أصدقائي و أخليهم يقرأوها معايا😂❤..أحداثها و أسماء الشخصيات يدخلوك عالم تاني بجد و فكرة جديدة و غير معتادة أبهرتني حقيقي..خلصتها في قعدة واحدة و قضيت رحلة لطيفة معاها من التشويق و المغامرة و الفانتازيا و زعلت جداً إني خلصتها بسرعة و مفيش شك إني ممكن أعيد قرأتها مرة كمان❤
تمت
"21 June 2022"✨

و ده تخيلي لغروب و هو قط كل ما يشوف كمبيوتر قدامه مع اختلاف لون القط😂😅

[محمد نبيل · Rating 5 out of 5]

مستعد تدفع كم من روحك لاستدعاء الجن لانقاذ حبيبتك؟
الواضح إن سنة 2022 فألها خير عليا فمن ضمن 3 كتب قريتهم اتنين منهم أزهلوني وهوضح ليكو أسباب انبهاري بدي الروايه

أولا الروايه دمجت اكتر من تصنيف وأنا بموت في الروايات متعدده التصنيفات فهي دمجت ما بين الخيال العلمي والروايه البوليسيه وبعض الكوميديا

ثانيا تدور احداث الروايه حول بطلها واللي اتعرض لعمليه طعن بمطوه بعد نجاحه في انقاذ صديقته من العصابه وبدل ما يموت يلاقي نفسه داخل مكان محبوسه فيها سيده من الجن وتوضح له ان فيه حد بيحاول يقتل صاحبته وانها مستعده تعمل معه عقد بحيث يستعين بعبيدها خلال شهر لكن ب3 شروط لو فشل فيهم هيتحبس بدالها للأبد... لكن مكنش عارف انها غدرت بيه وحولته لقطه وكل مره يستعين فيها بعبيدها بيدفع جزء من روحه
وده ما يعتبرش حرق للروايه لأن الأحداث دي كلها في الفصول ال3 الأولى

ثالثا أكتر ما عجبني في الروايه هو عنصر التشويق بسبب تسارع الأحداث فمبتكنش قادر تسيب الروايه من ايدك.. مش فاكر اني حسيت بالملل لحظة
اللغة قويه وهي بالفصحى سردا وحوارا
شخصيات فريده
نهايه خيالية وغير متوقعه

لكن يعيب الرواية هو الافتقار للوصف.. العديد من الأماكن والشخصيات تم اهمال وصفها أو وصفها بصوره موجزة

التقييم 5/5

وأنصح بيها بشده

[عبد العزيز الوسمي · Rating 5 out of 5]

حبيت هالرواية وماكنت أبيها تخلص من كتر ما شدتني أحداثها.

[طارق سيد · Rating 4 out of 5]

رواية متأثرة بالانمي!
دمخ عنصر الرواية البوليسية مع الخوارقيات في جو غريب غير معتاد علي القارئ العربي.
الاحداث بطيئة قليلاً في البداية.
لكن في تسارع جيد بعد ذلك
للمزيد من التفاصيل مراجعة مرئية للعمل بدون حرق للاحداث
مراجعة رواية #على_ضفاف_الأبدية للكاتب #خالد_المؤذن أصدار دار #إبهار_للنشر_والتوزيع
#كوكب_الكتب
#العراف

https://youtu.be/7-JB8pz-26Y

[Basma · Rating 5 out of 5]

رواية تحفة بمعنى الكلمة عجبتني فكرتها المبتكرة وشخصياتها وأسلوب السرد القوي والعميق

[Asmaa · Rating 5 out of 5]

الفكرة جميله جداً

[Ayten Fawzi · Rating 5 out of 5]

من اجمل الروايات الخياليه العربيه اللي قريتها

حكاية مختلفه أوي ومشوقه في الوقت نفسه

حسيت كإني بشوف فيلم مش بقرا روايه

الحبكه وترابط الأحداث وعنصر التشويق ملازمين القارء معظم الاحداث

ومش هنكر إني عيطت في نهايتها

[Marwa Helmy · Rating 4 out of 5]

فكرة مجنونة وجديدة
تطور مستمر في الأحداث
يعيب الرواية المط والإطالة الغير مهمة في بعض الأحين

[معتز عبدالغني · Rating 5 out of 5]

رواية تنتمي لأدب الفانتازي والواقعية السحرية لكن الفكرة جديدة ومختلفة خالص
موضوع استدعاء الجن لتحقيق أهدافك اتهرس كتير في روايات وأفلام ومسلسلات قبل كده
إنما في الرواية دي ظهر بصورة مغايرة تماماً عن المعهود
البداية بطيئة مع شوية غموض لكن مع تطور الأحداث بيظهر الوجه الحقيقي للعمل
حابب أشيد باللغة وبالشخصيات خاصة غروب وبرلنت كانو عاملين ثنائي ظريف
في النهاية التجربة كانت جديدة ومختلفة تماماً ولا تخلو من المتعة

[فاطمة رمضان · Rating 5 out of 5]

كمحبة للأدب الفانتزي نادراً ما بلاقي روايات عربية من النوع دا وحتى لما بلاقيها بتكون بلغة ركيكه وأحداث بتحاكي سلسلة "الجليد والنار" أو سلسلة "هاري بوتر"
لكن مع العمل دا الوضع كان مختلف
من حيث اللغة القوية والفكرة المجنونة الي ما تخطرش على بال
الشخصيات متميزة وزادها تميز هو أسمائها

استمتعت بكل صفحة فيه ومحستش بالوقت بسبب تسارع الأحداث وانتهى العمل معايا في جلستين قراءة فقط

[شيماء صلاح · Rating 4 out of 5]

رواية غير نمطية أحداثها يصعب توقعها
لغة قوية وحوارات لا بأس بها
تجربة جديدة وتستحق القراءة

[Rania · Rating 4 out of 5]

رواية جميلة جدا
شعرت أثناء الفراءة كأنني أتفرج على مسلسل أنمي
أحداثها سريعة نوعا ما ولكن شعرت فيها ببعض من التكرار للأحداث .. لكنها عموما جميلة وأحداثها مشوقة

[Nermeen · Rating 5 out of 5]

حبيتها
تجربة مختلفة
الفكرة لوحدها تستاهل خمس نجوم
خيال رائع ومن نوع جديد
تشويق وإثارة
ممتعة جداً
إلا إني مش متفقة مع النهاية

[مروة سالم · Rating 5 out of 5]

للمرة الأولى أقرأ عمل عربي من ده النوع
مهما كتبت من مراجعة ماظنش هقدر أوفيه حقه
فالرواية عبارة عن فكرة جديدة وعبقرية مغلفة بأحداث مثيرة وشيقة
خيالية أوي وممتعة لأبعد الحدود
السرد والحوار بلغة عربية فصحة راقية وجميلة بعيدة عن التعقيد واستعراض العضلات اللغوية
شخصيات جذابة بأسماء فريدة
مش أفضل عمل قرأته لكنه واحد من أفضل اعمال 2022 إلى قراتها

[Mona Saad · Rating 4 out of 5]

للذِّكرىٰ 🔖
هـٰذه الرواية كانت السبب الأساسي لِاضطراري لتحميل
تطبيـق ( أبجَد ) والاشتراك الشهري فيـهِ ،
وبصدق ، كانت تجربةً في غايةِ الجمالِ ..
ولم أندَمْ قطّ على دخولي هذا العالمِ !

[إسماعيل ثابت · Rating 4 out of 5]

قراءة هذه الرواية كانت تجربة ماتعة وتستحق
لقلما أمضيت هذه المتعة في قراءة كتاب خلال السنوات الماضية
إلا أنه يعيبها بعض الألفاظ الركيكة على غرار "هذا جيد" ولفظ آخر لا أذكر موضعه حالياً

[Faton · Rating 5 out of 5]

استمتعت اوي بقراءتها وشوقتني احداثها

[وحيد صبحي · Rating 5 out of 5]

جميلة جداً جداً وأسلوب سردي سلس وشيق

[بهاء عامر · Rating 5 out of 5]

مكنتش متخيلها هتكون بدي الروعه

[غادة سعيد · Rating 4 out of 5]

فكرة مبهرة وأحداث شيقة وغير متوقعة
اللغة قوية بالعربية الفصحى من ناحية السرد والحوار
الفلاشباك كتير أوي في الرواية وبعضه باحس كإنه تكرار
لكن في العموم العمل ظريف والتجربة لذيذة وتستحق القراءة

[سميرة · Rating 4 out of 5]

خفيفة رغم كبر حجمها

[Amr Adel · Rating 5 out of 5]

فكره العمل جديدة ومختلفه

المؤلف دمج ما بين عدة عناصر زي الفانتازيا وأدب الجريمه

والرواية بتتكلم عن غروب المصاب بفوبيا من القطط الي بيلاحظ إن في حد عايز يقتل صديقة طفولته لحد ما وقع في إيد عصابة مكلفة من شخص غامض لقتلها ولما حاول الفرار يتعرض للقتل وبعدها ينتقل إلى أوضة معزولة عن الزمان والمكان تسكنها جنية تعقد معاه صفقة تسمح له بالاستعانة بعبيدها خلال شهر لو فشل فيه في الكشف عن هوية الي عايز يقتل صديقته يتحبس هو بدالها في الأوضة إلى الأبد.... إلا إن الجنية تغدر بيه وتحوله لقط اسود وتعمل المستحيل عشان يفشل حتى تتحرر من سجنها ويتحبس هو بدالها للأبد.

ومن هنا تبدأ الأحداث الحقيقية.

روايه ممتعة جدا اسلوب ممتع وشيق واحداث خيالية مش متوقعة

وتعتبر من أفضل روايات الفانتازيا العربية الي قرأتها لحد دلوقتي.

[لانستر العظيم · Rating 3 out of 5]

رواية مختلفة تماماً عن كل ما قرأت
تعد وجبة دسمة من الخيال
يعيبها بطء بدايتها... إضافة إلى أن التحقيقات في الفصول الأخيرة لم تكن عميقة بل بدت سطحية
لكن لا أنكر أنها كانت تجربة مثيرة ومن أكثر القراءات ��لتي استمتعت بها هذا العام

[منى حمدي · Rating 4 out of 5]

أنا مبحبش المقدمات في الروايات.... لانها في الغالب إما حشو على الفاضي أو حرق لأحداث الروايه فعشان كده بأتخطاها وأدخل في الموضوع لكن في الرواية دي وانا باخد فكرة عنها جات عيني على مقدمتها وأنبهرت بقوة اللغة ومدى اختلافها عن باقي المقدمات... إلا وألاقي نفسي وصلت لنصف الرواية بدون ما الاحظ بسبب الحبكة وقوة السرد
كاتب قادر يشدك بالأحداث بكل بساطة وسلاسة