رحلات... وأسرار: صفحات في تأثير الحضارة المصرية على العالم

by Zahi Hawass, زاهي حواس

من الجميل أن تكون لك حضارة ولكن الأجمل أن تكون لك أعظم حضارة عرفها التاريخ. فقد صاغ المصرى القديم حضارة عجز المؤرخون والباحثون عن وصفها بما تميزت به من: إبداع فى الفكر... هندسة فى المعمار... جمال فى الفن... تقدم فى العلم والمعرفة على مدار آلاف السنين جعلت العالم بالرغم مما حققه من تقدم هائل في كل المجالات يقف أمام هذه الحضارة عاجزا عن كشف أسرارها وفك طلاسمها. تلك الحضارة التي تتمتع بعظمة تاريخية لا تزال تخلب عقول العامة في كل مكان فهي أصل كل الحضارات لما قدمته للعالم القديم من أروع نشاط بشري حضاري نشأ علي ضفاف النيل وانتشر تأثيره في جميع أرجاء العالم القديم. وباعتراف جميع المهتمين بالدراسات الإنسانية فإن فضل مصر علي العالم يتعاظم ويتضح أكثر مع تقدم الدراسات والأبحاث الخاصة بأصول ونشأة الحضارات منذ أكثر من خمسة آلاف عام. وعلي ضفاف النيل عاش المصري القديم داخل كيان سياسي وهو كيان الدولة التي يحكمها ملك واحد بالعلم والمعرفة وليس بقوة السلاح تحت تقسيم إداري محكم، وقد ساعده في ذلك اختراعه للكتابة في شكل رموز فنية رائعة عبر من خلالها عن أحداث تاريخه. العالم الأثري الشهير الدكتور زاهي حواس ــ والذي اختارته مجلة التايم الأمريكية أحد أهم 100 شخصية في العالم ــ يطوف بنا جميع أنحاء العالم كاشفا لنا مدي تأثير سحر الحضارة المصرية علي العالم كله.

260 pages, Paperback

Published January 1, 2006

Reviews

[Jasmine · Rating 5 out of 5]

لما اشتريت الكتاب في الأول اشتريته عشان بيتكلم عن الحضارة الفرعونية لاني مغرمة بيها زي حال كتير من المصريين ... بس ... والسبب الوحيد اللي كان مخليني مش عايزة اشتريه انه تأليف زاهي حواس لاني سمعت عنه انه هو اللي سهل خروج اثار كتير من بلدنا برة البلد .... بس بعد ما قريت الكتاب وبعيداً عن زاهي حواس الوزير الكتاب كان اكتر من رائع ممتع بسيط جذاب لاقصى درجة ... صحيح بيتكلم عن رحلات د/ زاهي حواس بالخارج لكن بيقدم معلومات مهمة تانية عن الحضارة المصرية القديمة وتأثيرها على باقي حضارات العالم دلوقتي مش وقت ما كانت الحضارة المصرية موجودة .... قد ايه حسيت بالألم والوجع لما قريت احنا كنا متقدمين ... ومش قصدي على قدماء المصريين .... قصدي قبل الثورة ... كنا دولة ... صحيح انا سعيدة ان مبارك اتشال لكن لما قريت الكتاب وشوفت قد ايه الدول التانية كانت بتبصلنا اننا حاجة كبيرة اوي صعب عليا حال البلد ... لدرجة اني دمعت في احد فقرات الكتاب .... الدول كانت تتهافت عشان تيجي تتصور جنب الهرم وتعرف تفاصيل وادي الملوك ووادي الممياوات واحنا بنبيع اثارنا .... ومجموعة من متخلفين هذا القرن بتقول نهدها ونكسرها والعالم بيتهافت عشان ياخد جزء منها ..... جزء تاني المني وهو الجزء الخاص بالثروات المصرية اللي اتهربت على مدار اكتر من 3000 سنة من قبل الميلاد بحوالي 1000 سنة من قبل العائلات التي كانت متواجدة قبل كدة والاحتلال وما ادراك ما فعل الاحتلال .... الكتاب راااااااااااااااائع بكل المقاييس اعاد ليا الفة كنت فقدتها بيني وبين المؤلف لما سمعت عنه موضوع ترهيب الاثار ... لما قريت الكتاب حسيت ان صعب ولن اقول مستحيل انه حد يكون عنده الشغف ده كله الللي عند زاهي حواس بالاثار ويساعد في تهريبها ... الكتاب كان ممتع جدا جدا جدا واسلوبه بسيط ومعلوماته في منتهى الأهمية واتمنى اكيد اني الاقي كتب تانية للدكتور زاهي حواس لاني فعلاً عجبني اسولبه وطريقته في نقل تفاصيل الحياة الفرعونية ... انصح بقرائته مليون في المية