Dravidakkallu | ദ്രാവിഡക്കല്ല്

by Anurag Gopinath

ദ്രാവിഡക്കല്ല് തേടി ഇറങ്ങുന്ന സുഹൃത്തുക്കളുടെ കഥ. മാന്ത്രിക നോവല്‍. ജനിമൃതികള്‍ക്കിടയില്‍ മോക്ഷമാര്‍ഗ്ഗം പോലെ നീണ്ടു പരന്നു കിടക്കുന്ന കഥാഗതി വേദകാലത്തെ മഞ്ഞു പുതച്ച കൈലാസ ശൃംഗങ്ങളില്‍ നിന്നും തുടങ്ങുന്ന ദ്രാവിഡയാത്ര. വര്‍ത്തമാന കാലത്തിന്റെ പൊള്ളുന്ന യാഥാര്‍ത്ഥ്യങ്ങളിലേക്കു വരെ അനുവാചകരെ കൊണ്ടുചെന്നെത്തിക്കുന്നു.

Genres: Fiction

186 pages, Paperback

Published December 26, 2021

Reviews

[Sanuj Najoom]

യുക്തിക്കതീതമായി ഫിക്‌ഷനും മിത്തും ചരിത്രവും എല്ലാം ചേർന്നുള്ള ഒരു മാന്ത്രിക നോവലാണ് ദ്രാവിഡക്കല്ല്. മന്ത്രവും തന്ത്രവും അമാനുഷികമായ സന്ദർഭങ്ങളാലും നിറഞ്ഞുനിൽക്കുന്ന മികച്ച ഒരു വായനാനുഭവമാണിത് നൽകിയത്.

ദ്രാവിഡകല്ല് എന്ന അമൂല്യമായ കല്ലിനെപ്പറ്റി തന്റെ സഞ്ചാരത്തിനിടയിൽ അറിവ് നേടിയ ജയകാന്തൻ, സുഹൃത്തുക്കളായ ഭരതിനോടും മൈത്രേയിയോടും അതിന്റെ മൂല്യത്തെപ്പറ്റി വിശദമാക്കുന്നു. തുടർന്ന് മൂവരും ചേർന്നു ആ കല്ല് എങ്ങനെ നേടിയെടുക്കാമെന്നു അന്വേഷിച്ചറിയാനുള്ള യാത്രകളും മറ്റുമായി നീങ്ങുകയും ചെയ്യുന്നു. കല്ലിനെക്കുറിച്ച് അനുദിനം അറിവ് നേടി അതിലേക്കടുക്കുമ്പോൾ അവരുടെ ജീവിതത്തിലും പല സംഭവവികാസങ്ങളും അരങ്ങേറുന്നു.

പല ചരിത്രങ്ങളിലും ഇതിഹാസങ്ങളിലും വിശുദ്ധഗ്രന്ഥങ്ങളിലും വായിച്ചതും. കേട്ട് പഴകിയ കേട്ടുകഥകൾ വഴി അറിഞ്ഞതുമായ പലതും ഇതിൽ പ്രതിപാദിക്കുകയും, ചിലതിനൊക്കെ പുതിയ മാനങ്ങളും മറ്റു വീക്ഷങ്ങൾ നൽകുകയും ചെയ്യുന്നു.

ഡിസി ബുക്ക്സിന്റെ Upmarket Fiction എന്ന വിഭാഗത്തിൽ ഇറക്കിയ നോവലുകളിൽ ഒന്നാണിത്. ആ വിഭാഗത്തോടെ നീതിപുലത്തും തരത്തിൽ വളരെ വേഗത്തിൽ വായന നീങ്ങുന്ന ഒട്ടും മുഷിപ്പിക്കാത്ത രീതിയിലാണ് അനുരാഗ് ഇത് എഴുതിയിരിക്കുന്നത്.

[Thushara (inactive for now)]

narrated by: Rajesh K Puthumana
5h 4m

ഞാൻ വായിച്ച ആദ്യത്തെ മാന്ത്രിക നോവൽ അത്യാവശ്യം നല്ല വായനാനുഭവം എനിക്ക് തന്നു. ഹിന്ദു ക്രൈസ്തവ ഐതീഹ്യങ്ങളെ അടിസ്ഥാനമാക്കിയ തരക്കേടില്ലാത്ത ഒരു mythological സസ്പെൻസ് നോവൽ. കേരള ചരിത്രവും ഹിന്ദു, ക്രൈസ്തവ കഥകളും നോവലിൽ ഉടനീളം info dumps ആയി വരുന്നുണ്ടെങ്കിലും മടുപ്പിച്ചില്ല. കഥയുടെ മൂന്നാം quarter ഭയപ്പെടുത്തി. ചോമിയുടെ ഭാഗം വിഷമിപ്പിച്ചു. അവസാന ഭാഗം തിടുക്കത്തിൽ നിർത്തി. കുറച്ച് കൂടി action ആകാമായിരുന്നു. ഇത്രേം ശക്തിയേറിയ വില്ലൻ കഥാപാത്രങ്ങളെ എത്രെ എളുപ്പത്തിൽ നായകൻ കീഴടക്കി, അതും കുറച്ച് പേജിൽ. Climax ഇൽ കുറച്ച് plot holes ശ്രദ്ധിച്ചു.

അവസാനത്തെ betrayal പെട്ടന്ന് തന്നെ പറഞ്ഞു ഒതുക്കി. തന്നെ കൊല്ലാൻ തക്കം എളുപ്പത്തിൽ താമര ഭരത്തിനു മുന്നിൽ നിന്ന പോലെ. കയ്യിൽ നിന്ന് വീണ കത്തി എടുത്തു കൊടുക്കാൻ ശ്രമിച്ച ചോമിയെ എന്ത് കൊണ്ട് താമര അവളുടെ മാന്ത്രിക ശക്തി കൊണ്ട് തടയാൻ ശ്രെമിച്ചില്ല?

Audiobook narrator രാജേഷ് കെ പുതുമനയുടെ ശബ്ദം ചോമി, ഗുരുനാഥന്മാർ എന്നിവർക്ക് ജീവനേക്കി. സ്ത്രീ കഥാപാത്രങ്ങളുടെ ശബ്ദം കുറച്ച് കൂടി നന്നായി ചെയ്യാമായിരുന്നു എന്ന് തോന്നി.

3.5 🌟

Listened through Storytel

[Robin Mathew]

അത്ര മോശമല്ലാത്ത ഒരു വായന അനുഭവം ആണ് എന്റെ വക്തിപരമായ അഭിപ്രായം.

[Dr. Charu Panicker]

മാന്ത്രിക നോവലാണ് ഇത്. ദ്രാവിഡക്കല്ല് തേടി ഇറങ്ങുന്ന സുഹൃത്തുക്കളുടെ കഥ പറയുന്നു. ചരിത്രവും മിത്തും അയ്യപ്പനും മഹഷിയുo ഒക്കെ ഇതിലുണ്ട്. വളരെ രസകരമായി വായിച്ചു തീർക്കാം.

[Dhani]

ചരിത്രവും മിത്തും ഭാവനയും ഇഴ പിരിച്ചെഴുതിയ നോവൽ! ചരിത്രവും മിത്തും സമകാലിക കൃതികളിൽ ആവർത്തിച്ച് പരാമർശിച്ചവയെങ്കിലും നന്നായി എഴുതി ഫലിപ്പിച്ചപ്പോൾ ഭാവനയും സാഹിത്യവും നിലവാരം നഷ്ടപ്പെട്ടു വായനയെ മുഷിപ്പിക്കുന്നു.

[DrJeevan KY]

വായന📖 - 22/2022
പുസ്തകം📖 - ദ്രാവിഡക്കല്ല്
രചയിതാവ്✍🏻 - അനുരാഗ് ഗോപിനാഥ്
പ്രസാധകർ📚 - ഡീ.സീ അപ്മാർക്കറ്റ് ഫിക്ഷൻ(An imprint of DC Books)
തരം📖 - മിത്തോളജിക്കൽ അഡ്വഞ്ചർ ഫിക്ഷൻ
പതിപ്പ്📚 - 2
പ്രസിദ്ധീകരിച്ചത്📅📚 - ഡിസംബർ 2021
ആദ്യപതിപ്പ് പ്രസിദ്ധീകരിച്ചത്📅📚 - നവംബർ 2021
താളുകൾ📄 - 183
വില - ₹199/-

💎കാന്തമലചരിതം പോലെ തന്നെ ചരിത്രവും വർത്തമാനകാലവും സാഹസികതയും എല്ലാം നിറഞ്ഞ ഒരു അഡ്വഞ്ചർ ഫിക്ഷൻ തന്നെയാണ് ഈ നോവലും. എന്നാൽ എന്തുകൊണ്ടോ ഈ പുസ്തകം അധികം വായിക്കപ്പെട്ട് കണ്ടിട്ടില്ല. ചരിത്രം എൻ്റെ ഇഷ്ടവിഷയമായതുകൊണ്ട് തന്നെ ഈ നോവൽ ചിലയിടങ്ങളിൽ ഒരു നോൺ ഫിക്ഷനെ പോലെ തോന്നിപ്പിക്കുന്നുണ്ട്. ആ ഭാഗങ്ങൾ മാത്രം ഫോട്ടോ എടുത്ത് ക്രോപ് ചെയ്ത് നോക്കിയാൽ ഏതെങ്കിലും നോൺ ഫിക്ഷനായിരിക്കും എന്നായിരിക്കും കരുതുക. അവയെല്ലാം തന്നെ വളരെ രസകരമായിട്ടാണ് ഞാൻ വായിച്ചത്.

💎ദ്രാവിഡചരിത്രത്തെക്കുറിച്ചും ദ്രാവിഡഭാഷയെക്കുറിച്ചും എല്ലാം ഈ പുസ്തകത്തിൽ പറഞ്ഞുപോകുന്നുണ്ട്. ചരിത്രത്തോടൊപ്പം തന്നെ മിത്തും ഉള്ളതുകൊണ്ട് വായന രസകരമായിരുന്നു. ഐതിഹ്യങ്ങളിൽ പറയുന്ന വിശിഷ്ടസവിശേഷതകളുള്ള ദ്രാവിഡക്കല്ലിനെക്കുറിച്ചറിയുന്ന സഞ്ചാരിയും ചരിത്രാന്വേഷിയുമായ ജയകാന്തൻ തൻ്റെ സുഹൃത്തുക്കളായ ഭരതിനും മൈത്രേയിക്കും ഒപ്പം ഈ കല്ല് അന്വേഷിച്ച് പോകുന്നതും തുടർന്ന് അവർ നേരിടേണ്ടി വരുന്ന വെല്ലുവിളികളും മറ്റുമാണ് കഥയുടെ ഇതിവൃത്തം. കഥാഗതിയിൽ പലയിടത്തും വഴിത്തിരിവുകൾ ഉണ്ടായിരുന്നത് വായനയെ കൂടുതൽ രസകരമാക്കുന്നുണ്ട്. ഉദ്വേഗജനകമായി തന്നെ വായിച്ചുപോകാവുന്ന നല്ലൊരു ത്രില്ലർ നോവൽ കൂടിയാണ് ദ്രാവിഡക്കല്ല്.

💎ഈ ഴോണറിൽ തന്നെ ഈയടുത്തായി പല നോവലുകളും ഇറങ്ങിയിട്ടുള്ളത് കൊണ്ടും അതിൽ പലതും വായിച്ചിട്ടുള്ളത് കൊണ്ടും എനിക്ക് വ്യക്തിപരമായി അത്ര പുതുമ തോന്നിയില്ല. ആദ്യമായി ഇത്തരം നോവലുകൾ വായിക്കുന്നവരെ സംബന്ധിച്ച് ഒരുപക്ഷേ പുതിയ വായനാനുഭവമായിരിക്കും ഈ പുസ്തകം സമ്മാനിക്കുക. എങ്കിലും നല്ലൊരു വായനാനുഭവം തന്നെ പുസ്തകം നമുക്ക് പ്രദാനം ചെയ്യുന്നുണ്ട്.
©Dr.Jeevan KY

[Baby Paul]

I always like Mankrika Kadhakal. Hence, after reading the synopsis, I gave it a try. And it turned out to be good. If you are a fan of Kottayam Pushpanath, then you can enjoy the story. The way story is narrated is good. However, the story has a passing resemblance to Kalika. Three friends are in search of a precious stone with mythical origins and that path leads them to a colliding course with supernatural forces, is the crux of the story.

[Ajay Varma]

Mythological fiction, just an average one.

[Anoop Sivan.S]

Don't try, even by mistake

[Bimal Kumar]

One time read.

[Krishnakumar Muraleedharan]

ആദ്യത്തെ അധ്യായങ്ങളിലെ ചില infodumps ഒഴിവാക്കിയാൽ an ok read. പതിയെ സംഭവം ഒന്നു ട്രാക്കിലായി എന്നു തോന്നിയെങ്കിലും അവസാനമായപ്പോഴേക്കും ധൃതിപ്പെട്ട് അവസാനിപ്പിച്ചപോലെയായി