الأعوان

نادر فودة #7

by أحمد يونس

هذا الكتاب هو حاله منفصله بشكل كبير عن كل ما تعرفوه من قبل عني فقد تجدوا احداث مغايره لما سمعتموه مني قبل ذلك! ولكني اضمن لكم ان هذا العمل مليء باحداث وتفاصيل مثيره وجديده ربما منعت من سردها قبل ذلك؟

Genres: Horror

240 pages, Unknown Binding

First published January 1, 2022

About the author

أحمد يونس هو مذيع راديو و تلفزيون مصري، من مواليد 30 يناير 1981 (34 سنة)، متزوج و لديه ابن ، حاصل على ليسانس اداب قسم لغة إنجليزية , بدأ عمله في مجال الإعلام كمعد للبرامج. كان من أوائل المذيعين الذين انطلقوا مع بداية الإذاعة المصرية الشهيرة نجوم إف إم عام 2003 , كانت فقرة "نص ساعة مع احمد يونس " هى اول ما أذاع على نجوم إف إم،و مؤخرا يقدم برنامج عالقهوة من الساعة ال12 منتصف الليل و حتى ال3 فجرا ايام الاثنين و الاربعاء و الخميس و الجمعة،و كان أيضا يقدم برنامج "حياتنا" مع دكتور سعد الدين الهلالى على نجوم إف إم، و لكنه توقف عن تقديمه في أواخر عام 2014 لأسباب غير معروفة،و اصبح دكتور سعد الدين الهلالي يقدمه منفردا.

Reviews

[Ahmed Charisma · Rating 3 out of 5]

الجزء ده تقييمه صعب جدا .. ميزته إني حسيت إني بقرا حاجة مختلفة شوية عن الأجزاء إللي فاتت .. بس المشكلة إن تحس إنه عبارة عن تجميع لشوية قصص وأفكار صغيرة محطوطين مع بعض عشان يعملو رواية .. أخر ٢٥ صفحة ملهمش لزمة

[Youssef · Rating 2 out of 5]

أسوأ عدد من سلسلة (نادر فودة).
لكن قبل أن اكتب مراجعتي للرواية، سأكتب ترتيب روايات نادر فودة من الأفضل للأسوأ (في اعتقادي).
1. (كساب)
2. (الوقاد)
3. (العذراء والجحيم)
4. (العين الثالثة)
5. (النقش الملعون)
6. (عمارة الفزع - عاصفة الموت)
7. (الأعوان ...)
...
جزء سيء جداً، مجموعة قصص بدون نهاية، وكأنها سلسلة (احمد يونس) الفاشلة [خبايا] لكنها بأسلوب روائي أفضل نوعاً ما.
(حرق - حرق - حرق)
كان في اخر الرواية قصة قصيرة جداً تتكلم عن المستقبل و الماسونية .. عند قرأتي لها كنت أقول اني سأكتب في المراجعة اني أتمناها أن تكون رواية كاملة وتكون تكملة لقصة (العين الثالثة) .. حتى وصلت عن جزء الفضائيين ...
ثم عاد حماسي عند جزء (كريم)، وقلت اننا سننتهي اخيراً من (نادر فودة) .. ونتعرف على (كريم).

[Jana · Rating 2 out of 5]

كفاية عصير برتقان

[تقي علي · Rating 5 out of 5]

رائع جدا 💜💜💜

[The blue sticky note🌧️ · Rating 5 out of 5]

يونس بقي جزء اساسي من رحلتي للمعرض ،حقيقي حزينة جدا عن اعتذاره عن كتابة اجزاء جديد لمدة سنتين ولكن المره دي هتكلم عن شئ تاني مش غير ريفيو الرواية.
يونس قدر يعمل شي مستمر شي كلنا نستناه وعالم وشخصيات كلنا كبرنا وعيشنا معاهم واعتقد ده مش شي اي حد يعمله جزء كبير من ايامي كنت ببقي مستنية فيه الاصدارات الجديده او حلقة نادر فوده في احتفالات راس السنة. يونس عملنا عالم يونسنا ورواية تبقي جزء من حياتنا واعتقد سر اللي عمله ده انه يونس كان دايما موجود واستمر فالاجزاء فالكتابة واجتهد في خلق العالم اللي علي الورق ده لينا ..يعني مهما كان الاسبوع سخيف يوم الخميس موجود واينما وجد الخميس وجد كلام معلمين ..شكرا انك خليت في شي في حياتي ثابت شي اطمن اني لما اتخنق هرجعله وهلاقيه مستنيني مهما كان .وكالعاده الكتاب خلصته في قعده من كتر حلاوته

[Osama Yosre · Rating 2 out of 5]

بيقابل نادر مسعف وبيقوله ان عاوز يقعد معاه عشان يحكى له عن حاجات قابلها فى شغله غريبه والمسعف يودية لعامل ثلاجة اموات عشان برضه نفس الشى وبعده دكتور وودكتور فى غرفة رعاية وحانوتى ومغسل يعنى بيقابل كل اللى لهم علاقة بالموت والاموات عشان يعرف اغرب حاجة قابلتهم
الفكرة ممكن تبقى كويسة ولكن التناول سى لانه جعل الموضوع اقرب الى مجموعة قصص قصيرة ...الغلاف سى ليس له علاق بالموضوع واقل اجزاء السلسلة ... القصة الاخيرة الخاصة باننة ليس لها لازمة وممكن سكون بيفتح بيها باب لسلسلة جديدة

[Mariam Ahdy · Rating 2 out of 5]

مش عارفة اقول ايه ..
تقريبا دا اكتر جزء سطحي و مفيهوش قصة من وسط كل الاجزاء اللي فاتت .. شوية تجميع لقصص متفرقة .. حتى قصة كساب اتكروتت بشكل فظيع و النهاية بشعة .. دا غير طبعا الجزء ال bonus حاجه كدا يعني ملهاش علاقة حتى بالخيال العلمي .-.
انا بدي نجمة عشان بحب احمد يونس كامذيع و النجمة التانية عشان اتأثرت نوعا ما بقصص الاموات بس غير كدا مفيش حبكة و لا قصة و لا اي حاجه 😅😅

[Malak Lotfy · Rating 2 out of 5]

في الأول افتكرت الجزء هيبقي حلو القصه كانت حلوه و مليانه تفاصيل و حاول يدخل كساب كمان في الموضوع مع ان لغايت اخر سطر مفهمتش ها هيعمل ايه؟ النهايه مكانتش مظبوطه خالص او يعتبر كده مفيش نهاية اصلا..
ده غير بقي جزء ال bonus الي كان لا يمت للقصه/الروايه بصله غير اخر سطر تقريبا و حسيته خيال علمي اوي مش نافع يبقي جزء من الرواية اصلا

[Alanoud Talal · Rating 3 out of 5]

عدد صفحات الرواية ٢٣٩ صفحة
نوع الرواية رعب، ماورائيات، مغامرات

تدور احداث الرواية عن مغامرة جديدة للصحفي نادر ليقابل ناس لايعلم هم اموات ام احياء ليخبروه قصص صادفتهم في مجال عملهم مع الاموات وماذا يريد منه كساب الذي وعد بالانتقام


صراحة الجزء دا خيب ظني…

[Nada Hagras · Rating 3 out of 5]

بالنسبة القصه فهي رائعة ولكنة يكتب بالعاميه لذلك لم يجذب انتباهي

[Ahmed Gaber · Rating 1 out of 5]

احمد يونس في كل رواية مستواه بيتغير للأسوء.

[هدير الشيخ · Rating 2 out of 5]

امم محبتوش مش بقوة اول اعمال السلسلة لكن قرأته كنوع من النوستالجيا

[O.G · Rating 4 out of 5]

عجبنى جدا و مكنتش قادره اسيبة غير لما خلصته
عجبتنى جدا الحكاية بتاعت الجزء ده خصوصًا النهاية و زعلت قوى ان دة اخر جزء
سلسلة نادر فوده بالنسبالي كانت سهلة و سلسة لانها بالعاميه و انا بحب الكتابات اللى من النوع ده و تحس انك ممكن تخلص الكتاب فى قاعدة
عجبنى قوى الجزء بتاع المشرحة و نباش القبور
انصح اللى زيي لسه مبتدأ فى القرائة و بيحب اللغه العاميه و الرعب و الاحداث الكتير اللى تحسسك انك قاعد مع صاحبك بيحكيلك يومة كان عامل ازاى و حصل فيه ايه ، انه يبدأ بسلسلة نادر فوده من الكتب السهله

[Tasneem Gamal · Rating 5 out of 5]

الرواية حلوة اوي من حيث الاحداث و السرد بس كان لازم يكون في تدقيق لغوي اكتر من كدا قبل الطباعة و النشر و الصراحة كان الموضوع مفقوس من تالت شخصية قابلها ان كلهم موتى لان فصل كساب جيه في الاول بس الصراحة عمل جميل جدا و ترابط الاحداث خلى فيه اثارة و حماس ان الواحد يقرأ صفحة ورا صفحة من غير ملل .. شكرا للابداع

[كيرلس عاطف · Rating 1 out of 5]

مع الأسف يعتبر العدد ده أسوء جزء في السلسلة
مفيش أي نوع من القصة الكاملة او الرواية المترابطة
اعتقد ان الكاتب احمد يونس كان في دماغه وهو بيكتب الكتاب ده انه يبقا قصة صوتية على حلقات
لكن لسبب ما استخسرها في اليوتيوب وقرر ينزلها كرواية
الرواية عبارة عن قصص عشوائية، بترمي على بعض، لكن تقريبا مفيش بينهم اي حاجة مشتركة
كانت الرواية دي ممكن تبقا اقوى من كدة بكتير
لكن مع الأسف الكاتب تسرع في نشرها

[Heba Hegazy · Rating 5 out of 5]

الرواية انا جايباها من ساعت م نزلت ف معرض الكتاب ٢٠٢٢ ومكنتش عاوزة أقراها لأن عارفة اني هخلصها ف قعدة ♥️ من جمال واسلوب يونس وحكايات نادر فودة.. بس كان نفسي كساب يبقى ظهوره أقوى من كدا بس دا مايمعنش ان الرواية حلوة جدا ♥️♥️ ومستنية نادر فودة ومغامراته تاني 🥰❤️♥️

[Mohamed Elshafea · Rating 4 out of 5]

القصه جميله وممتعه وفي نفس الوقت في عظه ان الانسان يعمل لاخرته ويتعظ

[Nour Elhoda · Rating 4 out of 5]

مشوقه كالعاده فى انتظار القادم

[ALLA BASIM · Rating 4 out of 5]

عدد جميل.. و تطور كبير للكاتب كالعادة... لم أعرف ما مغزى قصة كريم في نهاية الرواية...
التسلية حاضرة في هذا العدد

[حسين · Rating 2 out of 5]

من أسوء ما قرأت
لغة عاميه
قصه مليانه ثغرات كأنها قصة اطفال
منصحش حد يشتريها ابداً ويضيع وقته

[مبارك العريفان · Rating 2 out of 5]

نصيحة محب
حان الان موعد انهاء السلسلة 🙏🏻🙏🏻

[Osama Elnagdey · Rating 3 out of 5]

نحاس و الأمانه
حمدي حارس تلاجة الموتي وحكاياته عن الجثث
وحكايات من اطباء ومغسلين وترابيه عن أشياء غريبه تحدث
عودة كساب للانتقام من نادر ولعنة الاموات

[Abdelmalek Drine · Rating 3 out of 5]

هذا الجزء من سلسلة نادر فوده هو الأقل من ناحية الحبكة والجودة الفنية.

[Sama Shehab · Rating 3 out of 5]

كانت حلوه لحد ما بالنسبه لي اول مره اقرا لاحمد يونس
عجبتني تجميع القصص والتشويق الي في الروايه بس كانت نهايتها متوقعه لحد ما
ومكنتش مرعبه اوي بالنسبالي يعني محستش اني بقرا روايه رعب

[Ryham Ali · Rating 5 out of 5]

مش محتاجة ريتينج اصلا لاني بعشق السلسلة دي ومتحمسة اوووي للجزء اللي بعده

[Mayada · Rating 5 out of 5]

الجزء ده منفصل بشكل كبير عن بقية الأجزاء بس إنساني اكتر منه رعب بس استمتعت بيه جدا

[Basant Mohamed · Rating 4 out of 5]

حصيلة كبيرة من القصص و الحكايات الممتعة المشوقة حقيقي مفيش لحظة ملل اسلوب الكاتب ديما واحد و كل الأجزاء بالعامية بس حقيقي الجو العام في رواياته متميز و ممتع و بسيط

[‏❀ •┈••✦ ᗰ ᗩ G D I * ᗩ D ᗩ ᗰ ✦••┈• ❀ · Rating 3 out of 5]

الجزء ده ماكانش زي اللي فاتوا خالص
وتستكمل الاحداث مع
نادر فوده ٨ الآثم

[Rowaim Maged · Rating 5 out of 5]

Tohfaaa

[Marwa Khaled · Rating 5 out of 5]

من اجمل الأجزاء اللي قراتها محستش بالملل خالص و خلصتها في ساعتين او ساعتين و نص تقريبا حسيت كأن يونس اللي بيحكيها و موسيقي نادر فودة شغالة