အညာသူအညာသား ကျွန်မဆွေမျိုးများ

by ခင်ခင်ထူး

377 pages, Paperback

Published August 1, 2020

About the author

၁၉၆၅ ဒီဇင်ဘာ(၁၇)ရက်နေ့တွင် မြင်းခြံမြို့၌ အဖ-ဦးညို၊ အမိ-ဒေါ်မြတင်တို့က မွေးဖွားသည်။ မွေးချင်း(၆)ယောက်တွင် တတိယမြောက် တစ်ဦးတည်းသော သမီးဖြစ်သည်။ အမည်ရင်းမှာ ဒေါ်ထူးထူး ပင်ဖြစ်သည်။ ငယ်စဉ်က မြင်းခြံမြို့တွင် ပညာသင်ကြားခဲ့သည်။

၁၉၈၅၌ မန္တလေးတက္ကသိုလ်မှ ဓာတုဗေဒဘာသာရပ်ဖြင့် ဘွဲ့ရရှိခဲ့ကာ ၁၉၈၉တွင် မူလတန်းပြဆရာမအဖြစ် တာဝန်ထမ်းဆောင်ခဲ့သည်။ ၁၉၉ဝပြည့်နှစ်တွင် အလယ်တန်းပြဆရာမဖြစ်လာကာ ၁၉၉၂၌ မန္တလေးသို့ ပြောင်းရွှေ့ခဲ့သည်။ ဧပြီလထုတ် ရွှေဝတ်မှုန် မဂ္ဂဇင်းတွင် ပါရှိသော ပန်းပန်ပါရစေ ဝတ္ထုတိုဖြင့် စာပေနယ်သို့ စတင်ဝင်ရောက်ခဲ့ သည်။

၁၉၉၃မှစ၍ မဂ္ဂဇင်းများတွင် ဝတ္ထုတို၊ ဝတ္ထုရှည်များရေးသားကာ အားကစားဂျာနယ်များတွင်လည်း ဘောလုံးဆောင်းပါးများ ရေးသားခဲ့၏ ။ အချို့ဝတ္ထုတိုများကို ဂျပန်ဘာသာ၊ ဂျာမန်ဘာသာသို့ ပြန်ဆိုခဲ့ကြသည်။ ၁၉၉၉တွင် မဂ္ဂဇင်းပါဝတ္ထုတိုများကို စုစည်းလျှက် သနပ်ခါး ဝတ္ထုတိုများထွက်ရှိခဲ့ကာ သူမ၏ ပထမဆုံး လုံးချင်းစာအုပ်ဖြစ်သည်။

၂၀၀၁ ရောက်သောအခါ အလယ်တန်းပြဆရာမအဖြစ်မှ နုတ်ထွက်၍ နောင်တစ်နှစ်တွင် 'ကျမချစ်သော ဘောလုံးသူရဲကောင်းများ' (စတားပလေယာကောက်ကြောင်း) စာအုပ်ထွက်ခဲ့သည်။ စာရေးဆရာ နေဝင်းမြင့် နှင့် အိမ်ထောင်ပြုခဲ့သည်။ ၂၀၀၃၌ ဖက်စိမ်းကွမ်းတောင်ရွှေဝတ္ထုတိုများ ဖြင့် အမျိုးသားစာပေ ဝတ္ထုတိုပေါင်းချုပ်ဆုရရှိခဲ့သည်။

စာနယ်ဇင်းများတွင် ဝတ္ထုတို၊ ဝတ္ထုရှည်၊ ဆောင်းပါးများ အပုဒ်(၁၀၀)ကျော်ရေးသားခဲ့ပြီး ဖြစ်လေသည်။

Reviews

[Htet Aung · Rating 5 out of 5]

စာအုပ်အမည် : အညာသူအညာသားကျွန်မဆွေမျိုးများ (ခင်ခင်ထူး)

အဖေက အညာသားမို့ ကိုယ်က အညာသွေးတဝက်ပါတယ် 😉 သို့ပေတည့် ဘယ်သူနဲ့မှ စိတ်မချလွန်းလို့ ဘယ်အညာမှ သွားမလည်ရတဲ့ အိမ်တွင်းပုန်းမိမိ🤧😪
ဒီစာအုပ်လေး ဖတ်လိုက်ရတော့ ကိုယ့်အမျိုးတွေဆီ အရောက်သွားလည်လိုက်ရသလိုကို စိတ်ထဲပျော်ရွှင်ကျေနပ် ပီတိဖစ်လိုက်ရတာ ဆိုတာလေ ဆရာမကြီးရဲ့ ရင်ဘက်ကြီးနဲ့ ခံစားပီး ရေးသားထားတဲ့ ရေမူရေဟန်ရဲ့ ဆွဲဆောင်မှူကလည်း စာအုပ်ဖတ်နေရတာ မဟုတ်ဘဲ ကိုယ်ကိုတိုင် အမျိုးတွေကို ပတ်တွေ့နေရသလိုပါဘဲ 🤍🤍🤍

#booksbooksbooks
#reading
#HtetHtetAung
#အညာသူအညာသားကျွန်မဆွေမျိုးများး