Хэлхээгүй сувд

by Дашдоржийн Нацагдорж

Unknown Binding

Published January 1, 2021

About the author

Дашдоржийн Нацагдорж нь1906 онд хуучин Түшээт хан аймгийн Дархан чин вангийн хошуу, эдүгээгийн Төв аймгийн Баяндэлгэр сумын нутаг Гүн Галуутай гэдэг газар ядуу тайжийн гэр бүлд төржээ.
1921 онд Ардын хувьсгал ялсны дараа нийгэм улс төрийн ажилд идэвхтэй оролцож, хувьсгалт шинэ соёл урлагийн ажилд чармайн зүтгэж байв.
Нацагдорж ЗХУ болон Германд хэдэн жил суралцаж, өрнөдийн соёлын шилдэг өв сантай гүнзгий танилцжээ.
Монголын зохиолчдын байгууллагын анхны нарийн бичгийн дарга нарын нэг Нацагдорж "Ушаандар", "Сандо амбаны харгис явдал" жүжиг, "Учиртай гурван толгой" дуурь, "Миний нутаг", "Од", "Октябрь" зэрэг олон арван шүлэг, "Хуучин хүү", "Цагаан сар ба хар нулимс", "Харанхуй хад" зэрэг өгүүллэгүүдээрээ алдаршжээ.
Нацагдорж оросын болоод дэлхийн сонгомол зохиолуудтай монгол уншигчдыг анх танилцуулж А.С.Пушкиний "Гилбэрийн хатан", "Буудалцсан нь", Эдгар Погийн "Алтан цох" зэрэг зохиолуудыг орос, герман хэлнээс орчуулжээ.
Нацагдоржийн зохиол гадаадын олон хэлнээ орчуулагдсаны гадна түүвэр зохиол нь ЗХУ, Энэтхэг, Герман зэрэг олон оронд хэвлэгджээ.

Reviews

[Baaska Baaska · Rating 5 out of 5]

Агуу хүн ч угаасаа өөр байдаг юм биш үү. Яг ингээд номоор нь уншсан чинь бусад номоос шал өөр гэдэг нь шууд л мэдэгдэж байна. Өмнө нь богино өгүүлэгүүдийг нь хаа нэг уншиж байсан болохоор анзаараагүй юм болов уу. Бичиглэлийн хэлбэр тэр үг энэ тэр гоё юм аа.

[Odonchimeg Idersaikhan]

Хуучны зохиол уран яруу, зохиол бичлэгийн хувьд хичнээн сайхан ч бодит байдлын тухай нь бодоод үзэхээр үнэн хэцүү яа. 14 настай охиныг хадамд гаргахгаад бэлдэх, охидыг зөвхөн сайн хадамд гаргах гэж өргөж авах, тэр хүүхнийг хүсэн тачаадаад хамт унтаад өгөв гээд хүчин хийсэн нь байнгын үзэгдэл болох, а яа яа яа. Хуучин цагаа бид шүүж болдоггүй ч гэлээ одоо цагт юу нь уламжлал, юу нь зүгээр тогтсон буруу үйлдлүүд гэдгийг бодож тунгааж, ялгаж салгахгүй бол ч. Уран зохиол, үг хэллэг, найруулга зэрэг дээр бол ярих зүйлгүй яруу тансаг юм өө уул нь.

Ялангуяа энэ ном уншиж байхдаа Солонгосын феминистийн ном давхар уншсан нь их нөлөөлөөд 2 талыг эргэцүүлэн бодоход хүргэлээ.

Бас нэг бодож суусан зүйл нь Д.Нацагдоржийн дуусгаагүй "Хэлхээс үгүй сувд" өгүүллэгийг өөрийхөөрөө дуусгаарай гэдэг тэмцээн зохиож одоогийн зохиолчдын шандасыг сорьвол ч айн.

[Ganchimeg · Rating 5 out of 5]

Wow ингэж бичдэг агуу хүн байжээ. Арван жилд уран зохиол дээр Ламбугайн нулимс, Цагаан сар ба хар нулимс 2-г үздэг байсан да. Зарим хэсгийг нь хасдаг байсан юм уу, би жоохон ойлгодоггүй байсан юм уу анх удаа л уншиж байгаам шиг уншлаа хэхэ.

[Khulan · Rating 5 out of 5]

Нэрийг нь сонсож байсан өгүүллэгүүдээ бүтнээр нь уншсандаа талархаж байна. “Хэлхээгүй сувд” тууж нь ч их гоё юм, үргэлжилсэн ч болоосой.