Venjulegar konur - Vændi á Íslandi

by Brynhildur Björnsdóttir

Vændi viðgengst á Íslandi. Það er hvorki ný staðreynd né óvænt. Hér ræðir Brynhildur Björnsdóttir við sex íslenskar konur sem hafa verið í vændi, konur sem bera sára reynslu sína ekki utan á sér og lýsa aðstæðum sem aldrei ættu að viðgangast. Jafnframt kannar hún fyrirbærið vændi frá ýmsum hliðum, ræðir við fagfólk sem vinnur með þolendum og varpar kastljósinu á kaupendur sem bera mestu ábyrgðina með því að viðhalda eftirspurninni. Bókin er rituð að frumkvæði Evu Dísar Þórðardóttur, brotaþola vændis og baráttukonu.

294 pages, Unknown Binding

Published January 1, 2022

Reviews

[Ingibjörg Iða Auðunardóttir · Rating 4 out of 5]

Gífurlega vel skrifuð bók

[Thordur · Rating 4 out of 5]

Það er gott að svona upplýsandi bækur séu skrifaðar. Sjálfur er ég feginn því að hafa komist í gegnum þetta lesefni. Það tók mig smátíma að byrja á þessari bók. Var búinn að horfa á hana nokkuð oft og blaðað í henni eitthvað en svo þegar ég fór í alvörunni að lesa hana þá gekk það nokkuð hratt. Textinn er vel læsilegur og rennur vel en innhaldið segi ég að sé ekki alltaf fyrir viðkvæma. Það er tæpt á ýmsum erfiðum málum þarna, en engu að síður, það þarf að tala um þetta og ræða þessa hluti. Hið versta er þegar enginn segir neitt og þetta fær bara að grassera eins og ekkert sé.

[Gunnar Berg Smári · Rating 4 out of 5]

Alveg mögnuð bók og ótrúlega fræðandi. Staðreyndir sem ég hef aldrei pælt út í sjálfur og áhugavert að lesa um tölfræði og prósentur um konur sem lenda í vændi og gerenduna.

Hvernig er vændi ennþá blómstrandi og hvernig hef ég aldrei verið meðvitaður um það?!

Það vantar meira um vændi á Íslandi í umræðuna!!!!!

4.5

[Inga Maria · Rating 5 out of 5]

Átakanleg bók, sérstaklega frásagnir kvennanna sem hafa selt vændi og karlsins sem keypti vændi. Það eru svo margir sem þyrftu að lesa þessa bók en því miður grunar mig að þeir muni ekki gera það.

[Jonella Sigurjónsdóttir · Rating 4 out of 5]

Ég held að það sé okkur öllum hollt að lesa í gegnum þessa bók og heyra frá fyrstu hendi hvaða áhrif vændi hefur á fólk. Vændi er hluti af samfélaginu okkar, hvort sem okkur líkar betur eða verr. Stór hluti bókarinnar fer í almenna umfjöllun um vændi og viðhorf almennings til þess. Síðan koma nokkrar reynslusögur kvenna sem hafa lent í vændi og ein reynslusaga vændiskaupanda. Þetta er einfaldlega bók sem ég mæli með þó að umfjöllunarefnið sé erfitt. Bók sem hefur áhrif á lesandann - allavega mig.

[Johannes Bjarki Urbancic Tómasson · Rating 4 out of 5]

Þessi bók var mjög áhrifarík og opnar víðari sýn inn í íslenskt samfélag en ég hafði áður. Bókin hefur strax haft áhrif á mín viðhorf og dýpktað skilninginn minn á því flækjustigi og vandamál sem fylgja vændi og hafa gert mig meðvitaðari um vandamálin sem valda því og sem fylgja því. Ég mæli með að lesa, sérstaklega fyrir þá sem vita lítið um vændi.

[Dóra Birgis · Rating 5 out of 5]

Vel skrifuð og góð, það ættu allir að lesa þessa bók.

[Hera Aradóttir · Rating 4 out of 5]

Mjög vel skrifuð bók. Hún var virkilega átakanleg á köflum en þessi umræða er þörf. Mjög fræðandi og lætur mann hugsa.

[Sesselía Róbertsdóttir · Rating 5 out of 5]

Skyldulesning. Ótrúlega vel skrifuð bók.