حبيبي سكر مر

by آية محمود يحيى

أغلقتُ الرسالة لأجد هذا اليوم يمر سريعًا أمام عينيّ، أتذكر خجلي منه حينها، خوفي من أن يرى في عينيّ كل هذا، هروبي المستمر منه، ولجوئي دائمًا لأي مكانٍ قد لا يراني فيه أو أراه، وكلما هربت منه أجده أمامي، لدرجةٍ جعلتني أظن أنني كنت أزعم الهرب منه لأجده.
ربما جسدي يهرب وروحي تبحث وتأخذني أينما ذهب!في هذا اليوم قررتُ التخلص من عبء ما زاد وفاض بداخلي،
قررتُ أن أتحدث مع أسرار، ولكن سرعان ما تراجعت؛ لم أرغب في أن أجعل من مشاعري قصة أتسامر بها أنا وصديقتي، مشاعري التي أتجاهلها إلى الآن، لم أرغب في أن أصدقها وتصدقها هي أيضًا. ربما شعوري هذا ما هو إلا شيء عابر سينتهي خلال أيام ويصبح غريبًا كما كان.
ومن هنا أتت من داخلي فكرة الرسائل التي أظنها لن تُرسل أبدًا.
كما قلت سابقًا من هنا بدأ كل شيء.

140 pages, Paperback

Published January 1, 2022

Reviews

[إسراء هزاع · Rating 3 out of 5]

فكرة جديدة لكن الرواية ضعيفة جدا مفيهاش غير تعبير كويس عن المشاعر من الكاتبة، صغيرة تخلص في قاعدة واحدة 👌

[Yomna · Rating 4 out of 5]

يا حكاية أما ابتديتها نزل فصل الختام.
‫سلام.
❞ الدنيا مش دايمًا بتدي لك فرصتين إنك تعيشها، فيه حاجات بتيجي في العمر مرة وانت وذكاءك بقى. ❝
روايات الفاينال (؛

‏



‏

[Sohaila Ahmed]

لطيف لذيذ يخلص في قعدة

[MARIAM · Rating 3 out of 5]

رفقة ليلية خفيفة و حلوه.. بس ناقصها كتير

[Malak Khalid · Rating 5 out of 5]

"ما فيش حد مضطر يرضى إنه يعيش نص الحدوتة مهما كان بيحب اللي قدامه"

اسم الرواية: حبيبي سكر مُر
اسم الكاتبة: آية محمود يحيي
عدد الصفحات: ١٣٩

نُبذة عن الرواية:
بتتكلم الرواية عن "رحيل" هتحب "حسن" شخص مش صريح في مشاعره و هيفضل يحيرها كتير شوية يديها إشارات انه بيحبها و شوية ينكر ده و هي هتفضل محتارة و مش فاهمه حاجة و بتفكر فيه بردو،
بتحكي"رحيل" قصتها مع حسن و بتحكيلنا عن قرارها لما قررت تكتب مشاعرها له في رسايل.."رسايل لن  ترسل ابدًا"


رأيي الشخصي:
_السرد بالفصحي و الحوار بالعاميه، السرد سلس و بسيط و الحوار جميل اوي و هادي.
_الوصف للمشاعر كان جميل و واقعي بشكل مش طبيعي، وصف كل مشاعر "رحيل"، و بالذات مشاعر الحيرة الي كانت بتجيلها و اظن دي اسوء و اصعب حاجة ممكن تحصل لاي بنت..الحيرة و الكاتبة عرفت توصل الشعور ده كويس جدًا،
و الوصف عمومًا لكل مشاعر البنات صحاب "رحيل" الي كانوا في الرواية و بيحكوا تجاربهم مع الحب
تجارب واقعيه بتحصل كتير وصفتها بطريقة معبرة اوي،
_ كل المشاعر وصلتلي و حسيت بيها و اتأثرت بكل قصص البنات و تجاربهم و حبيتهم اوي و واثقه و متأكده اي بنت هتقرأ الرواية هتلاقي نفسها فيها أو تحس بيها حتي لو مامرتش بكل ده.
_رسايل "رحيل" رسايل كلها حب و شغف و صدق و الم و حيرة و توهان بردو و كلها اغاني حب حلوة، اغاني كانت بتوصل مشاعرها عن طريقها و تعبر عن الي جواها لحسن، استمتعت جدًا بالاغاني و اتأثرت بالرسايل.
_علاقات الصداقه الي في الرواية جميلة اوي، علاقات كانت دافيه و صادقة.
_مبهورة أن الكاتبة عرفت توصل مشاعر و معاني و افكار كتير في عدد صفحات قليله.
_النهاية كانت غير متوقعه تمامًا بالنسبالي بس كانت جميلة و عجبتني جدًا و في عبرة في النهاية هسيبكم تكتشفوها لوحدكم 🌚😂❤️


تقييمي:٤/٥
⭐⭐⭐⭐

[Radwa Attia · Rating 3 out of 5]

"مفيش حد مضطر أنه يعيش نص الحدودته مهما كان بيحب القدامه.."!
حبيبي سكر مر
لـ آية محمود يحيي
عدد الصفحات : ١٣٩
نبذة عن الرواية : "رحيل " تحب حسن ولكن هو شخصية مترددة وجبانه أصابها منه الحيرة والخذلان تارة وشعوره ناحيتها بعنيه تاره آخري .. جعل شعور الحيره يسيطر عليها.. والتفكير بين العقل والقلب ..!!
_اظن أنه اصعب شعور علي المرأه تجاه من تحب ..!!
ولكن من هي غفران وما هو مصير رحيل ؟!
تدور الرواية في إطار رومانسي فانتازيا ..
_أحببت الرسائل وارتباط المزيكا بيها .. ❤️
" المزيكا بتقدر تقول اللي جوانا من غير ما نقوله "
_قصص الحب واقعية والفكره والنهايه غير متوقعه ❤️
_كلعادة اسلوب الكاتبة بيأثرني وبيدخل جوه قلبي .❤️
_عندي تحفظ علي الحوار بالعامية المصرية بزياده
_رواية صغيره وأحداثها سريعة تنتهي بجلسة واحده ❤️

[Hajer · Rating 2 out of 5]

⭐️⭐️/5

لو جمعت عدد الساعات الي قرأتها فيها فـهي خلصت في يوم بكتيرها.

تمت بحمدالله الرواية تخلص في يوم بس أنا انشغلت ونسيت اعمل update إن أنا خلصتها.

شوفوا أنا يمكن فهمت الكاتبة عايزة توصل ايه ، بس هي معرفتش تنفذ.

فكرتها جميل الصراحة ولطيفة لكن مفيهاش اي تعبيرات كتير ولا حبكات .
الرواية خفيفة وتخلص علطول للي حابب يقرأها الصراحة مش هقول أنها وحشة ومحدش يقرأها بالعكس لذيذة نوعًا ما .

كان في اخطاء املائية كتير ودي يمكن اكتر حاجة أزعجتني.

+الي أنا مفهمتوش هو ان حضرتك عايزة تخلي حسن يحب رحيل بسرعة رغم أنها ممكن تكون مشاعر إعجاب او مشاعر لا تصنف من ضمن الحب، لكن مش حب علي عكس رحيل ، +انتقاد رحيل لـحسن في حبها علطول!

[Farah Saleh · Rating 4 out of 5]

قرأت لحد دلوقتي روايتين فقط للكاتبة و كانت الرواية ديه واحدة منهم
لاحظت ان في الاتنين كان البطل دائماً جبان و خايف يعترف بمشاعره و البطلة بتتعلق بسهولة و مشاعرها معقدة و تميل انها تهرب مش انها تعترف مش عارفة هل ده اسلوب الكاتبة ام انها مرت بهذه المشاعر و تحاول ايصالها لنا
و لاحظت ان في الرواية الاولى (على شط النيل) كانت النهاية رومانسية مما اسعدني
و لكن في هذه الرواية كانت النهاية حزينة لكن لسبب ما انا متضايقتش بالعكس حاسة اني عايزة اقرأ رواية تانية لكن من منظور حسن
على العموم احب اقول اني استمتعت بالروايتين❤️

[Nouran Gamal · Rating 4 out of 5]

Fun quick read.. but the writer is probably in her 20s and it shows... that time when "love" was consuming and you probably didn't have many relationships or experiences in life..
Not a bad thing but a little bit "hopeless romantic" and naiive for my taste now..
كمان الاغاني واضح منها ان الكاتبه سنها صغير .. ملحوظه للكاتبه: يا غالي مش اغنية نوران ابو طالب، اغنية فرقة جيتارا :)
Nice talent though.. with practice will be better with a promising future.. Good luck

[Yumna Murrar · Rating 3 out of 5]

جاءت هذه الرواية لتبرهن أن ليس كل قصة حب تفضي حتمًا إلى الزواج أو الارتباط، إذ ثمّة نهايات أخرى تجسد واقعًا ملموسًا رغم ما شاب السرد من نزعة خيالية. أكثر ما يميزها هو قدرتها على استجلاء أعماق المشاعر الأنثوية تجاه من تحب، ورصد آلية تفكيرها حين تكون الطرف الأكثر تعلقًا في العلاقة. اتسمت الرواية بخفة الأسلوب وعذوبته، ولم تكن مطولة، بحيث يسهل استكمالها في جلسة واحدة. أما لحظة انكشاف الحقيقة أمام رحيل، فقد جاءت صادمة، مضفية على السرد بعدًا دراميًا مكثفًا عزز من أثره العاطفي.

[hajer · Rating 2 out of 5]

⭐️⭐️/5

تمت بحمدالله الرواية تخلص في يوم بس أنا انشغلت ونسيت اعمل update إن أنا خلصتها.

شوفوا أنا يمكن فهمت الكاتبة عايزة توصل ايه ، بس هي معرفتش تنفذ.

فكرتها جميل الصراحة ولطيفة لكن مفيهاش اي تعبيرات كتير ولا حبكات .
الرواية خفيفة وتخلص علطول للي حابب يقرأها الصراحة مش هقول أنها وحشة ومحدش يقرأها بالعكس لذيذة نوعًا ما .

كان في اخطاء املائية كتير ودي يمكن اكتر حاجة أزعجتني.

+الي أنا مفهمتوش هو ان حضرتك عايزة تخلي حسن يحب رحيل بسرعة رغم أنها ممكن تكون مشاعر إعجاب او مشاعر لا تصنف من ضمن الحب، لكن مش حب علي عكس رحيل ، +انتقاد رحيل لـحسن في حبها علطول!

[Sh Mo · Rating 4 out of 5]

أنا لسة مخلصتهاش، هي لذيذة بس فيها عيب بشع مش قادرة اتخطاه، ليه الكتابة في الحوار بتكتب أسامي الناس، بتطلعني من الموود و من سلاسة الحوار نفسه.
يا ريت لو الكاتبة ناوية تكتب روايات تانية تبطل الطريقة دي.

[Nashwa Abdelkhalek · Rating 1 out of 5]

ياريت يكون في قسم منفصل للكتاب الأول أو الرواية عشان التقييم يكون منصف ... كمان مراجعة لغوية في حال الكتاب صدر بالعامية المصرية
***
حسن مش شخص هيفهم ويقدر في يوم من الأيام النعمة اللي ربنا بعتها له وهو اللي رماها بإيده.
فنظرتُ لها نظرة سرعان ما أدركت معناها.

[Aya Ihab · Rating 2 out of 5]

رواية قصيرة أسلوبها سهل لدرجة تمكنك من قرائتها في جلسة واحدة
خيالية وأحداثها بسيطة تصلح لتسلية عابرة ذو خلفية رومانسية قد يراها البعض تافهة إلا إن فكرتها الأساسية مهمة ..الاعتراف بالمشاعر والوضوح قبل فوات الأوان..
لطيفة فكرة الرسائل وربطها بالاغاني

[Mii Tarek · Rating 3 out of 5]

حبيت جدا النهاية

[Obaida Mahmoud · Rating 4 out of 5]

روايه خفيفه وفكرتها حلوه وغير معتاده

[REEMA El-LAKANY · Rating 4 out of 5]

روايه خفيفة ولطيفه .. قصتها حلوه
مشدتنيش فالاول بس لما القصة اتقلبت اتشديت اخلصها ..🍃

[Esraa L deeb]

لم احبها مطلقا و لا حتى على سبيل التسلية ..
مفيش اى حبكة مفيش اى حاجة ..
كأنها مسودة تم نشرها قبل الانتهاء منها ..

[Samaa Eltantawy · Rating 3 out of 5]

احداثها حلوة وخفيفة، لكن النهاية وحشة جدًا

[Randa · Rating 5 out of 5]

رواية جميلة وخفيفة وفكرتها حلوة. 10/10

[Mariam Tamer · Rating 2 out of 5]

حبيبك مرار طافح

[Aya Nouh · Rating 5 out of 5]

لمستني بشكل شخصي .. رحيل هي أنا وأنا هي رحيل

[Maryam Awad · Rating 3 out of 5]

رواية خفيفة القصة حلوه بس ناقصها كتير
حاجة خفيفة كده تفصل بيها

[Aseel · Rating 1 out of 5]

ما قدرت اكملها .. مافي تناسق بالاحداث والحوار ضعيف جدا عارفة اللي يتقال قبل ما اكمل

[Nour · Rating 3 out of 5]

رواية لطيفة و خفيفة و فكرتها كويسة

[Mahmoud Farid · Rating 1 out of 5]

سوبر ضعيفه