Тишината на зборот

by Велко Неделковски

„Тишината на зборот“ е првата поетска збирка за возрасни на писателот Велко Неделковски, но впечатокот по нејзиното исчитување воопшто не коинцидира со вообичаениот впечаток кога се соочуваме со дебитантски ракопис. Напротив, во неа е собрано севкупното творечко и животно искуство на авторот и буди чувство на познат, некогаш претходно посетен книжевен предел, каде секој збор има право на своја тишина и на починка.
Помеѓу овие корици, зборот тихува со молчаливоста на мудрецот и ја реализира својата суштина во слободното течение на стиховите, кои понекогаш звучат како гатанки, а понекогаш – како народни умотворби.
Затоа што само оној кому му е даден патоказот до музите, само тој може да ја слушне тишината на зборот и да рече:
„Посвој го Зборот, прегрни го
запиши го како реликвија
и кажи го како свеченост“.

103 pages, Paperback

Published January 1, 2020