الدحيحة 2: يورجن كلوب

الدحيحة - الموسم الثاني #2

by Taher El Moataz Bellah, أحمد الغندور (Narrator)

لماذا يحبك الناس؟ - لأنك تحبهم.

كان حلمه من صغره إنه يبقى لاعب ومدير كرة قدم كبير وناجح. بدأت حكايته مع الكورة بسبب أبوه اللي كان بيعشق كرة القدم وكان قدامه فرصة للعب في نادي كبير في ألمانيا في الخمسينيات، لكن أبوه رفض فمعرفش يحقق حلمه، وكان كل هدفه لما كبر إنه يخلف ولد عشان يحقق اللي هو ماعرفش يحققه.

درَّب كلوب الأب ابنه من سن صغير جدًا، لإنه كان مقتنع إن الجهد أهم من الموهبة، فكان بيمرنه تدريبات كروية خاصة، ويحاول ينمي قدراته الجسدية والعقلية. ورغم معاناة يورجن من تحكم الأب وتربيته الصارمة، إلا إنه بيعترف فيما بعد إن كل اللي وصل له من نجاحات كان بسبب اللي عمله معاه والده.

بدأ حلم كلوب يتحقق في عُمر ستاشر سنة، لما انضم لنادي الهواة «إيرجينزينغين»، وبعدها انتقل لنادي «ماينز» اللي قضى فيه أغلب مسيرته كلاعب بيحلم يصعد لدوري الدرجة الأولى، ولظروف النادي اضطر يتولى تدريب الفريق وهو لسه لاعب جواه! ومن وقتها وهو قرر يصب كل تركيزه في التدريب، ودا كان تغيير مهم في مسار حياته. إزاي بقى «يورجن كلوب» من أفضل المدربين في العالم؟ وإيه السر في إنه بيراهن وبيصمم يدرب فرق مستواها متراجع؟ وإيه الدروس اللي نتعلمها من تجربته؟

يورجن كلوب كتاب بالعامية المصرية من سلسلة «الدحيحة»، بصوت «الدحيح» أحمد الغندور، ومن تأليف طاهر المعتز بالله مؤلف كتاب الدحيح وأحد كتّاب أهم وأشهر حلقات البرنامج.

من إنتاجات ستوريتل الأصلية

استمع الآن.

Genres: Audiobook, Biography, Nonfiction

Audiobook

First published June 29, 2022

Reviews

[Mai Ibrahim]

مليش ف الكورة وأول مرة اسمع عن المدرب ده
بس الحلقة كانت ممتعة كالعادة 😍👌

[Ayman Elgazzar]

من افضل حلقات السلسلة حتى الان حتى بموسميها الاول و الثانى
فعلا حلقة ملهمة و يستفاد من حياة يورجن كلوب دروس كتير جدا
اهمها ان الشخصية والعمل عليها جزء اساسى من النجاح لا تقل عن الموهبة
شكرا احمد الغندور و شكرا طاهر المعتز بالله

[Islam Ahmed]

واحدة من القصص الملهمة اللي بتخرج منها بكم هائل من الدروس المستفادة ، يورجن كلوب مش بس مدرب ناجح لكنه إنسان ذكي يملك مفتاح للتعامل مع كل شخصية بتقابله.

[Halah Thanoon]

مؤخراً .. توجهت ميولي للسير الذاتية .. بالذات البعيدين عن مجالي الدراري و العملي

نص طاهر المعز بالله و القاء الدحيح (أحمد الغندور) من اكثر الثنائيات اللي ممكن اسمع منها اي محتوى مهما كان دسم بدون ما احس بملل

[Sabreen NourAldin]

my favorites moments in life are when I fall in love with something I never cared about; this is one of them

[Ahmed Gohary]

قصة كفاح يورجن كلوب وكيف نجح بالانضباط والتفكير بإيجابية من التحول من لاعيب عادي جدا الي افضل مدرب في العالم

[Ehab Fathy]

10علي 5
أعظم حلقات السلسلة
درس خصوصي فى إدارة النفس البشرية
جاء لي بغير ترتيب فى لحظة تكليفى بتسيير أعمال الشئون الإدارية في العمل
ياااه والله كنت محتاج شحنة الطاقة الإيجابية دى
و انصح بتلك الحلقة لكل إدارى نال ترقية أو منصب قيادى وتحت إدارته بشر مختلفين

شعرت كتير أثناء الاستماع أن قصة مسلسل تيدلاسو هي نفسها قصة يورجن كلوب بالمللي

الله عليك يا طاهر يا هندسة و علي حلاوة أداءك يا ابو الغنادييير

JA

الاب



الابن








لاعبا


مدربا مع زيدان


مع الليفا العظيم


مع ابننا


مسلسل تيدلاسو


و اول حاجة عملها لما دخل مكتبه

[Rasha Zayed]

الحمد لله مش قصة كفاح عبد الغفور البرعى وكويس أنه طلع عكس توقعى .حكاية إدارة و قيادة فكرة انك هتدخل فى مشروع، عمل جديد، أو حتى علاقة كل اللى مطلوب منك أن تعرف اوتتقبل فكرة الرفض أو الخسارة أو الفشل وتعرف إن فى مشاعر طبيعية مصاحبة للافكار ديه زى الإحباط، انك تعرف اللى معاك انك مش هتعمله من البحر طحينة ولا هتجيب النجوم من السما فى المحفظة بتاعته عشان انت مش هارى بوتر ولاانت دامبلدور عصرك واوانك بس فى نفس الوقت انت بتاخد خطوة عشان تعرف حلم وتحمله مش لوحدك لكن مع اللى معاك . وزي ما بيقولوا كله بالحب عشان تقدر تعمل إنجاز معاهم وليهم وبيهم

كتاب نفسي اسمعه للمدير

[David Mamdouh]

متعة القصة والكتابة والهدف من طاهر
و متعة الحكي من الغندور

[Taher Bellah]

Jurgen Klopp is a case study in management and overall leadership.

[Fadia Tarek]

This is a very inspiring book, Starting from the very bottom to a place where no one in the world doesn't know your name.

[Natalie]

حلقة ملهمة جدا وممتعة فوق الوصف.. شكرا على جرعة الطاقة الإيجابية.

[علي أبو زين]

من المؤكّد عند كلّ المهتمّين بعالم كرة القدم أنّ الألماني المحبوب يورجن كلوب والمدرّب الحالي لنادي ليفربول الإنكليزي العريق يعدّ واحدا من أهم مدرّبي المستديرة عبر تاريخها، ولا أبتعد عن الصواب لو قلت إنّه أحد العلماء أو المهندسين في هذا المجال وقد أضاف له ما أضاف، فهذه الساحرة في أيامنا غدت علما وصناعة واقتصادا وسياسة وأكثر إن شئت..
وأن تخصّص له مادةٌ مسموعة عن حياته وسيرته في الجزء الثاني من خماسيّة الدحيحة على تطبيق ستوري تيل لهو أمرٌ جدير بالشكر، كما قد كان خُصّص كتابٌ صوتي في الجزء الأول للخماسيّة لمحمد صلاح أسطورة مصر الكرويّة..
وعليه رغم بساطة معظم المعلومات لا سيما في النصف الثاني من الكتاب الصوتي إلا أنني استمتعت به، في أوّله خاصة، مع نشأة كلوب وأسرته وتجاربه الأولى ومحاولة احترافه ووصوله إلى علم التدريب.. فضلا عن أداء أحمد الغندور الجميل باللهجة المصرية..
وتكمن أهمية العمل بالنسبة لي في أنّه يختصر البحث فلا أتصوّر نفسي أقرأ سيرة كلوب يوما لولا سماعي إيّاها عبر هذه السلسلة.
التقييم: ٧/١٠

[Mohab Hariry]

هو انا مبسوط جدا من الكتاب الصوتي ده .. الحديث عن مشوار حياة يورجن كلوب الملئ بالصعود و الهبوط ملهم جدا سواء ليك في الكورة او ما لكش
لأنه شخصية معجونة تكتيك علي هندسة اجتماعية .. و حماسته معدية (بضم الميم مع سكون العين و أيضا بسكون الميم مع فتح العين)
هي الشخصية التانية في سلسلة الكتب تلك المحسوبة علي واقعنا الحديث لا يخفي عليكم ان الشخصية الاولي هو محمد صلاح نفسه

[Ahmed Amer]

شخصيه تستحق الاعجاب الصراحه

[Eman Abdelnasser]

مشوار كلوب وشخصيته ملهمين
رغم جهلي بكرة القدم وعدم اهتمامي بأي حاجة تخصها بس اتبسطت

[Sherif Ismail]

بصراحه اجمل ختام لقراءات السنه.. قصه يورجن كلوب في منتهى الجمال و محفزة جدا و ممتعه.. عجبني جدا طريقة التفكير و اسلوب التعامل مع المحيطين كشركاء في النجاح.. بصرلحه سلسله متميزه جدا..

[Eslam Farouk]

قصة يورجن كلوب محفزة جدا و طريقة الطرح ممتازة