დროთა კავშირი - XX საუკუნის ქართული ფანტასტიკური მოთხრობები

by Nugzar Apkhazava, შოთა გაგოშიძე, Elguja Merabishvili

კრებულში, “დროთა კავშირი”, 1967-1984 წლებში გამოცემული ქართული სამეცნიერო ფანტასტიკის გამორჩეული ნიმუშებია თავმოყრილი.

აქ წაიკითხავთ ამბებს ხელოვნურ ტვინზე, რომლის გამოთვლებზეც მთლიანი კაცობრიობის ბედია დამოკიდებული; კოსმოსური მისიის სახიფათო თავგადასავალზე, რომელიც თავგანწირვის ისტორიას გვიყვება; უცხო ცივილიზაციის წარმომადგენელ ბოროტმოქმედებზე, რომელთა საქმიანობამ დედამიწელთა კულტურაზე წარუშლელი კვალი დატოვა; ქართველ გმირზე, რომელიც უტოპიურ სამყაროში ამოყოფს თავს; წარსულში მოგზაურობის ამბავზე, რომელიც სამეცნიერო გამოგონების არასწორ ხელებში ჩავარდნის საშიშროებას ამხელს; პოსტაპოკალიფსურ რეალობაზე, რომელიც ატომური იარაღის დამანგრეველი ძალის საზარელ შედეგს გვაჩვენებს; და ქართველ ექიმზე, რომელიც კოსმოსში მოგზაურობიდან დაბრუნებული, პოსტპანდემიურ დედამიწაზე ამოყოფს თავს.

სამეცნიერო ფანტასტიკური ამბები მრავალფეროვან, ჩამთრევ ისტორიებს გვიყვებიან მოგზაურობაზე — იქნება ის დროში, კოსმოსში თუ ადამიანის შინაგან სამყაროში. თავად მათი კითხვაც ერთგვარი მოგზაურობაა გასული საუკუნის 60-80-იანი წლების საქართველოში. ეს უნიკალური კულტურული არტეფაქტები გვანდობენ იმას, თუ რაზე დარდობდნენ ან რაზე დარდი ევალებოდათ საბჭოთა რეჟიმის დაქვემდებარებაში მყოფი ქვეყნის შვილებს. სწორედ გულწრფელი განცდებისა და პარტიის მიერ ნაკარნახევი დირექტივების ეს უცნაური ნაზავი აქცევს კრებულს აუცილებელ საკითხავად ყველასთვის, ვინც საქართველოს უახლოესი წარსულით ინტერესდება.

Genres: Georgian, Science Fiction

210 pages, Paperback

Published January 1, 2022

About the author

ნუგზარ აფხაზავა (1935-2003) ერთ-ერთი ყველაზე ნაყოფიერი ქართველი მწერალია სამეცნიერო ფანტასტიკის ჟანრში. პროფესიით ინჟინერ-გეოლოგი, ხოლო მოგვიანებით ფილოლოგი და ჟურნალისტი, მრავალი სამეცნიერო ფანტასტიკური კრებულის ავტორია.

Reviews

[Tamta Matitaishvili · Rating 4 out of 5]

სასიამოვნო და უჩვეულო წასაკითხია ქართული ფანტასტიკა

[Michael · Rating 4 out of 5]

სასჯელი მცდელობისთვის, ამ მოთხრობის სიუჟეტი სუპერ. :))
საერთო ჯამში საინტერესოა, თუნდაც მხოლოდ იმიტომ რომ ქართული სამეცნიერო ფანტასტიკა წითელ წიგნში შესატანი ცხოველივითაა, იშვიათი, გადაშენების პირას მყოფი. პლუს ის ფაქტიც რომ მხოლიდ თანამედროვე მოთხრობები არ იბეჭდება და წარსულში დაწერილი ეს იშვიათი ჟანრის მოთხრობები არ გვავიწყდება.

[Anuki Bedinashvili · Rating 5 out of 5]

კარგი მოლოდინი მქონდა, მაგრამ უკეთესი აღმოჩნდა ))
ძალიან სასიამოვნოა ქართული სახელების ნახვა შორეულ კოსმოსში.

პ.ს. სასჯელი მცდელობისთვის ბოლოსთვის მოიტოვეთ ))

[Ketevan Kanchashvili · Rating 5 out of 5]

ედიშერ ყიფიანის "დროთა კავშირი" და შოთა გაგოშიძის "სასჯელი მცდელობისთვის" მომეწონა განსაკუთრებით. სხვა მოთხრობების ბევრი მოტივი ჩამოჰგავს სამეცნიერო ფანტასტიკის თანამედროვე ფილმებს (ინტერსტელარი, გრავიტაცია, უკან მომავალში და ა.შ.). თურმე რამდენად უსწრებდნენ დროს ქართველი მწერლები <3
გადასარევი პროექტია!

[Book of Sand · Rating 5 out of 5]

არ ვიცი ამდენი ხნით რატომ გადავდე ამ წიგნის კითხვა, მაგრამ თაროზე თუ გიდევთ და ვერ გადაწყვიტეთ წაიკითხოთ თუ არა - აუცილებლად წაიკითხეთ!!

ერთმანეთზე უკეთესი მოთხრობები და საოცარი ქართული ფანტასტიკა

[Loreley · Rating 4 out of 5]

'სასჯელი მცდელობისათვის' არის აქ ჩემი ფავორიტი :დ მიუხედავად ალდე საგიტასთან ჩემი ღრმა კავშირისა :D

[Tiko Kachlishvili · Rating 4 out of 5]

ძალიან კარგი ნაკრებია, უბრალოდ კარგი იქნებოდა ავტორებზე სულ პატარა ინფოც რომ იყოს მოცემული, ან თვითონ მოთხრობებზე, რომელ წელს დაიწერა მაგ ინფოს მოძებნაც კი არ არის ინტერნეტში მარტივი.

[Mikheil Samkharadze · Rating 5 out of 5]

ძალიან კარგი წიგნია. განსაკუთრებით ბოლო მოთხრობა, მოკლემეტრაჟიანი ფილმი გამოვიდოდა სასწაული. დამსახურებული 5

[Oto Bakradze · Rating 4 out of 5]

საკაიფო კრებულია. გამოვყოფდი ედიშერ ყიფიანის “დროთა კავშირს” და ზაალ ტაბაღუას “მუტანტებს”.

[Pante · Rating 5 out of 5]

მიუხედავად იმისა, რომ ყველა მოთხრობა არ მომეწონა, 5 ვარსკვლავს ვუწერ კრებულს.
დროთა კავშირი არის დროის კაფსულა, რომელიც საბჭოთა საქართველოს ლიტერატურულ ესკეიპიზმში ჩაგახედებს.
შეიძლება ითქვას, რომ კრებულში შესულია პირვანდელი ვარიანტები სცენარებისა:
შავი უსასრულეთი - Gravity
სასჯელი მცდელობისთვის - The Eternals
განაჩენი - Moon
დროთა კავშირი - Interstellar

[Nutsa Khamkhadze]

მომეწონა, კარგად შერჩეული მოთხრობებია. მეორე კრებულიც საინტერესო იქნებოდა, უკვე თანამედროვე ქართველ ავტორთა ნაწარმოებებით - დროთა კავშირი XXI საუკუნე - როგორც პირველის გაგრძელება.

[Tamuna Margievi · Rating 5 out of 5]

სხვა რევიუებს გადავხედე და ყველგან სასჯელი მცდელობისთვის ყოფილა ფავორიტი :დ +1

[Nina Lobjanidze · Rating 5 out of 5]

2024 წლის პირველი წიგნი ამაზე ნაკლები არ უნდა იყოს, ძალიან ვისიამოვნე ☺

უმეტესად რაც იკვეთება, ქართული გვარ-სახელიანი პერსონაჟების ნაკლებობაა. თითქოს ავტორები უცხო სამყაროს სიუჟეტს ვერ უხდენენ ანდა შეიძლება განცალკევებით, განყენებულად აღიქვამენ და მაგიტომ, მაშინაც კი, როცა მოვლენები ჯერ დედამიწაზე ვითარდება.

თითოეულ მოთხრობას რაც შეეხება
(📢📢📢 აქვე გაფრთხილებთ შესაძლოა შეიცავდეს spoiler-ს ‼️‼️):

1. განაჩენი (ნუგზარ აფხაზავა) - თითქოს ადრე სადღაც წამიკითხავს ეს მოთხობა - ხელოვნური ინტელექტი, რომელიც საკუთარ თავს ინადგურებს.

2. შავი უსასრულეთი (ნუგზარ აფხაზავა) - ამ კრებულში 2-დან ერთ-ერთ გამორჩეულად ამ მოთხრობას მივიჩნევ - ემოციური სიუჟეტი ჰქონდა. არ აქვს მნიშვნელობა სად ხარ, არის რაღაცები, რის გამოც თავგანწირვა ადამიანებს უღირთ, რადგან სხვაგვარად არ შეუძლიათ.

3. სასჯელი მცდელობისთვის (შოთა გაგოშოძე) - ნამდვილად საინტერესო სიუჟეტი ჰქონდა. გალაქტიკაში მოხეტიალე მეკობრეები, რომლებიც დედამიწის განვითარებაშიც ერევიან, თუმცა, საბოლოო ეტაპზე, ყველა ჯერზე ხელი ეშლებათ. რომ დაფიქრდე, არაფერია გამორიცხული, რეალურად, მართლაც უცხოების ხელი ერიოს დედამიწაზე ისტორიის ამგვარ განვითარებაში.

4. აიას მძივი (ელგუჯა მერაბიშვილი) - მიუხედავად საინტერესო სამყაროს შემოთავაზებისა, მოთხრობის მთავარი ხაზი მაინც ერთი ნახვით სიყვარულის ისტორიაა.

5. უკანასკნელი საქმე (ბორის მიშველაძე) - ეს მოთხობა არ ეხება უცხო ცივილიზაციას, არამედ დროში მოგზაურობას. ზოგადად, ამ თემაზე ბევრი დაწერილა, თუმცა, ვერ ვიტყვი, რომ ამ ნაწარმოებს ამის გამო რამე დააკლდა. საინტერესო ხაზი განვითარდა - ექსპერიმენტის მონაწილე, რომელიც სხვათა სიხარბის მსხვერპლი გახდა.

6. მუტანტები (ზაალ ტაბაღუა) - ავტორი ალბათ ატომური იარაღის შექმნის ისტორიით იყო შთაგონებული და სურდა ეჩვენებინა მისი გამოყენების შედეგები - სადამდე შეიძლება მივიდეს მაღალგანვითარებული სამყარო?!

7. დროთა კავშირი (ედიშერ ყიფიანი) - კრებულში ჩემთვის მეორე განსაკუთრებით გამორჩეული მოთხრობა ესაა. დედამიწის დროის ���ეფარდება სინათლის სიჩქარესთან და ადამიანის ეგოიზმის უსაზღვრობა. გაივსება ჭიქა ღვინით თუ ისევ ცარიელი დარჩება?!

[Vazhaa · Rating 4 out of 5]

საკმაოდ საინტერესო მოთხრობების კრებული, თითქოს დედამიწისაგან შორს, კოსმოსში მიმდინარე მოვლენები, ყველაზე მეტად დედამიწას უკავშირდება. ყველა მოთხრობა თავისებურად გამორჩეული და უნიკალურია. ჩემი ფავორიტი მოთხრობებია: „სასჯელი მცდელობისთვის“ , „მუტანტები“ , „დროთა კავშირი“.

[Mariam Tsiklauri · Rating 5 out of 5]

4.5 ⭐️
ძალიან დიდი ხანია ქართველი მწერლების ნაშრომებით ასე არ მისიამოვნია, წყალივით წასაკითხი წიგნია.
ამ ჟანრში ქართველ მწერლებს პირველად გავეცანი, თან მე-20 საუკუნის მწერლებს ❤️
წერის სტილი, სიუჟეტთა განვითარება თუ სხვ. ყველაფერი კარგი იყო ❤️
მოკლედ, რეკომენდაცია ჩემგან ❤️

[Ana Dvali · Rating 5 out of 5]

ძალიან კარგი კრებულია. აუცილებლად წაიკითხეთ.

[Mariam Metreveli · Rating 4 out of 5]

საინტერესო იყო თითოეული მოთხრობა, თუმცა, გამოვარჩევ ,,სასჯელი მცდელობისათვის” და ძააალიან კარგი იქნებოდა გაგრძელება რომ ჰქონდეს.

[Lazare · Rating 4 out of 5]

ძალიან კარგი მოთხრობების კრებული მათთვის, ვისაც სამეცნიერო ფანტასტიკური ამბები უყვარს.

[Kupreishvili Kethrin · Rating 5 out of 5]

როი მეკეგი, დაუვიწყარი

[ანტონ · Rating 5 out of 5]

ეკრანიზაციას რომ იმსახურებს ისეთი მოთხრობებია, ერთიმეორეზე უკეთესები.

[Liko · Rating 4 out of 5]

SF დიდად არ მიყვარს, მაგრააამ ეს ძალიან კარგი იყო

[Maia Koberidze · Rating 5 out of 5]

ძალიან მომეწონა კრებული, გთხოვთ, კიდევ გამოსცეთ მსგავსი!

რეი ბრედბერის მოთხრობები მომაგონა და ასევე ნეტფლიქსის მოკლემეტრაჟიანი მულტფილმები Love Death + Robots.