حبة هوا...

CMES Emerging Voices from the Middle East

by وليد طاهر

يقول الكاتب بلال فضل عن هذا الكتاب الممتع: وليد طاهر واحد من أبرز رسامي الكاريكاتير في مصر.. يبدع ويتألق دون أن يستعير أصابع أحد.. فهاهو يهندس لنا في هذا الكتاب البديع فنا معماريا خاصا ومسجَّلا باسمه يمزج فيه بين الفن التشكيلي والشعر والمعمار.. الفن ستراه والشعر ستقرأه .. أما المعمار فستلمس تأثيره على تعمير دماغك بعد أن تنتهي من القراءة وتعاودها مجددا

Genres: Poetry, Comics, Art, Nonfiction, Ebooks, Literature, Graphic Novels

80 pages, Paperback

First published January 1, 2008

About the author

من الفنانين الشبان المهتمين اهتماماً خاصاً بكتب الأطفال، تخرج من كلية الفنون الجميلة قسم ديكور عام 1992، يعمل رسام صحفي، مصمم ومؤلف كتب أطفال، مصمم عرائس، مصمم مواد دعاية، وكذلك فنان تشكيلي.

عمل في جريدة الدستور الأسبوعية، جريدة نهضة مصر اليومية، دار الشروق للنشر، منظمة اليونسيف، منظمة الصحة العالمية، مركز التنمية والنشاطات السكانية CEDPA هيئة المعونة الأمريكية، وزارة التربية و التعليم، الركز القومي لثقافة الطفل وشركة كرمة للإنتاج الإعلامي.


الجوائز:
- الجائزة الأولى (المركز الأول) في مسابقة المجلس المصري لكتب الأطفال للمحترفين عن رسم كتاب البطيخة عام 1999.
- الجائزة الثانية (المركز الثاني) في مسابقة المجلس المصري لكتب الأطفال للمحترفين عن رسم كتاب وتأليق كتاب صاحبي الجديد 2001.
- جائزة شرفية من معرض بولونيا الدولي لكتب الأطفال عن تصميم ورسم كتاب لصوص وحرامية عام 2002.
- الجائزة الأولى (المركز الأول) في فرع الكاريكاتير في مسابقة نقابة الصحفيين عام 2004.

Reviews

[هدى يحيى · Rating 5 out of 5]

عارف إحساس الطبطبة ع الروح
والوجع اللي ينخز ف قلبك كده بشويش بس ميخليش عنيك تدمع
عارف لحظة النَفَس دي
اللي بتيجي وانت ولا عبالك انك تاخده

وليد طاهر ملّس ع شعري بشويش كده
وقاللي متزعليش
ومشي

[Nayra.Hassan · Rating 3 out of 5]

جريت استخبي من قدري لقيت المخبأ هو قدري
احيانا حبة ورق بيكونوا احلى من حبة هوا

كتاب ذكي منعش كنسمات ليالي المصيف..ينسيك بواخة البني ادمين و سأم المحسورين و ثقل السنين

[Anas Alaa · Rating 5 out of 5]

قرأته و أنا واقف في دار الشروق
:D

[Yasmine Mohamed · Rating 2 out of 5]

"حمار حب عصفورة...
قالت له... بس إنت حمار
قال لها... بس رقيق
وبأكتب أشعار.... وبأغني ليل ونهار
لو وافقتي..... يا حبيبتي
هأتعلم الطيران.... وهأركب منقار
وهأكون.... حمار عصفور
مش زي ما أنا....
حمار..... حمار"

باتمنى متصدقهوش ومتطلعش عصفورة بذيل 😂😂😂

[فايز غازي Fayez Ghazi · Rating 1 out of 5]

" ما تبقاش حمار
وتحوش الأفكار
وخليّك قنبلة دايماً
ما تبطلش انفجار"...

"العيون بيوت..
والبيوت اسرار"...

[Aml Aly · Rating 4 out of 5]

عجبني اوي الروح الرائعة اللي في الرسومات والكلمات

[Mohamed · Rating 3 out of 5]

كتب خفيف و ظريف و يخلص في نص ساعة

بعض العيارات و الرسوم تحفة تستاهل 5 من 5 و بعضها مش قوي
أول لقاء لي مع وليد طاهر و بالتأكيد لن يكون الأخير إن شاء الله

[Rinda Elwakil · Rating 4 out of 5]

من أكثر ما قرأت لطفاً منذ بداية سبتمبر..
لطيف رقيق متميز..
أحببت الكلام المقرون بالرسومات و ذكرتني بديوان مرسوم لرباعيات جاهين تصفحته مرة..

جميل جميل..له أثر مشروب بارد منعش في يوم عصيب ك يومي هذا..

أنا بحاجه للحنان اليوم، هذا شئ مؤكد..
لا أعلم هل هذا سر شعوري بأن بعض الرسومات تواسيني، أم هذه أنا فقط..

أياً يكن..

(يومياً..)





(يا فراشة..)








أنصح به بشدة ك (تغيير جو) لطيف.. :)

[Reader · Rating 4 out of 5]

فنّه قريبٌ من القلب!

أقيّمه بالأربع لتحفظي على بعض الأشياء، لولا وجودها لقيمته خمساً! :)

اقتباسات:
"في ناس
دايماً واحشاني
معرفش مين هُمّه..!"

"جوّايا حد زعلان
من إني..

زعلان من حدّ جوايا!"

-مع الاعتذار-
"ما تُبقاش حمار
وتحوّش الأفكار
وخليك قنبلة دايماً
ما تبطّلش انفجار..!"

[Aya · Rating 4 out of 5]

الكتاب دة خلانى اكتشف انى ممكن ارسم رسمة حتى لو مكنتش حلوة بس تعبر عن اللى حساة هيبقى كفاية
اكتر جملة اللى عجبتنى

فى ناس دايما واحشنى معرفش هما مين
الليل هو الشاى والنهار هو اللبن حط دة على دة وانت تذوق طعم الزمن
--------------------------------------------------------------------------------
لو سمحت الساعة كام
الساعة دلوقتى تمام
شكرا سلام عليكو
عليكم السلام
-----------------------------------------------
الشجر محطوط كدة وكدة فى جنينة كدة وكدة قاعدين فيها بنت وولد بيقولوا لبعض كلام كدة وكدة :)
----------------------------------------------------------------------
والنبى يا شتا وحياة ولادك
البرد والشبورة والضباب بلاش المرة دى لما تيجى
تيجى وتجيبلى اكتئاب
------------------------------------------------
بالحبر الاسود ازاى اقدر ارسم وردة روز
--------------------------------------------------
مات من الضحك وفارق الحياة مع انها كانت نكتة مش عاجباة :(
----------------------------------------------------------------------
امبارح كنت بتكلم مع نفسى ولما صحيت لقيت نفسى لسة مسكتش
------------------------------------------------------------------------------

[Natheir Malkawi]

أول مرة أقرأ مثل هذا الصنف من الأعمال.. هذا كتاب يقرأ ومن ثم تعاد قراءته. على صغره وبساطته إلا أنه جميل جدا.

في بعض اللحظات أحسست أن ما يكتب هو مجرد كلام ساذج ناهيك عن الصور التي تبدو طفولية للوهلة الأولى لكن، للبساطة هنا معنى عميق. وددت لو أقتبس كل الكلام، فقررت بدلا من ذلك أن أعيد قراءة الكتاب.

من أجمل المقاطع:
" إيه قيمة أبقى حصان جميل..
بس مربوط...
أو نسر عظيم محنّط.. محطوط
لا يا عم.. خلّيني زيّ ما أنا
قرد مجهول....
بس مبسوط !"

كنت خائفا من كون الكتاب باللهجة المصرية العامية، وكوني أردني فربما لن أفهم بعض أجزاء الكتاب أو لن يصلني المعني كما لو كنت مصريا. لكني اكتشفت أن الكلمات أبسط من أن لا تفهم، وجمالها ينبع من مصريتها، وهذا شيء يحسب لكاتبها، فشكرا لوليد طاهر الذي منحني لحظات جميلة، افتقدتها طويلا :)

[Rola · Rating 5 out of 5]

بجمال رباعيات جاهين و بساطتها
موهبة فى اقتران الكلمات بالرسوم
تستحق القراءة أكثر من مرة ليأسرك أكثر من معنى تحمله نفس الكلمات
تستحق الأربعة نجوم عن جدارة
و لكنى أعطيتها الخمسة نجوم نكاية فى هذا الشخص على جود ريدز الذى لا أذكر اسمه ووصفها ب"الهبل"
فإلى هؤلاء الذين ��سفهون آراء الآخرين و لا يملكون قدرا كافيا من الاحترام لمجهود الآخرين الفكرى مهما كان رأيهم بشأنه
أهدى تقييمى هذا

[Mohamed Shady · Rating 4 out of 5]

فــن .. ابداع .. رووعة....

كم اعشق هذا النـوع من الكتـب !

رسومات فنية ومعمارية رائعة يجاورها كلمات رقيقة ظريفة تعبر عنها :)

[Ahmed Elsayed · Rating 1 out of 5]

لست أدرى ماذا أكتب خاصة بعدما رأيت التقييم الذى يزيد عن أربعة نجوم وقرأت بعض التعليقات التى أبدت الاعجاب الشديد بالكتاب...لكن دعونى أصف شعورى الأن ببعض الكلمات العامية:
حاسس احساس عادل امام فى فيلم عريس من جهة أمنية فى مشهده مع حلا شيحا لما خدته أتيليه للرسم....وقف قدام لوحة مش فاهم منها أى حاجة راح قالبها بحيث فوقها بقى تحتها...جه واحد فاهم قالك دى لوحة هايلة تعبر عن الانسان المعاصر....راح عادل امام رازغه غلى قفاه وقاله "دى صورة للانسان المعاصر بعد ما انضرب غلى قفاه" !!!!

[أحمد سعيد البراجه · Rating 3 out of 5]

المجد لمن يُحب ركوب الدراجات
.....................

[Abdul-rahman Salem · Rating 5 out of 5]

من ناحية الوقت المستغرق في قرايته فأنا كان ممكن أقراه في خمس دقايق .. قريته في نص ساعة وشكلي كده هقراه مرة كل يوم :)

الكتاب خفيف ولذيذ وفي بعض الأجزاء عجباني جدا ..
زي مثلا :

مش احنا من امبارح
بنقول نفسنا نبقى بكرة
ادينا بقينا بكره
وبعد بكره
ولسه احنا برضه .. امبارح!

......


يا بختك يا ابن الايه ..
جبت الهبل ده كله منين ؟!

......

ملك
سلطان
رئيس
ناظر
مش فارقة كتير
أهي كلها أسامي
وكلهم مناظر!

......

لو حد مقراش الكتاب هيقول إيه التخاريف دي ؟!
لكن المتعة بجد في الكتاب ان الشعر ممزوج مع الرسومات بشكل خيالي .. يخليك تفكر كان حيحصل إيه لو الكتاب ده كان مكتوب عليه من بره" أشعار بالعامية المصرية "!

باختصار ..
مبهر ببساطة !

[AhmEd ElsayEd · Rating 3 out of 5]

“لا مش أنا اللي أبكي
ولا أنا اللي أحكي
ولا أنا اللي أشكي
ولا حتى اللي أتفلق
أنا اللي بضحك لغاية
ما بتخنق !!”

[Mohamed El-Attar · Rating 4 out of 5]

.

بجري
واجري واجرى
لقيت حيطة فى وشى
دخلت فيها
وفضلت اجرى
واجرى
واجرى

===========

لو لم أكن كده
لوددت أن أكون
مش كده .. !!

===========

حمار حب عصفورة
قالت له : بس انت حمار
قالها : بس رقيق
وباكتب اشعار
وبغنى ليل ونهار
لو وافقتى يا حبيبتى
هاتعلم الطيران .. وهاركب منقار
وهاكون حمار .. عصفور
مش زي ما انا
حمار .. حمار

:)

===========

وأدينى أهو
أدي قلبى
وروحى وايدي ومناخيرى
وعينى
يالا بقى .. يالا
حبينى


===========

مات م الضحك
وفارق الحياه
مع انها كانت نكتة
مش عجباه

===========

والنبى يا شتا
وحياة ولادك
البرد والشبورة والضباب
بلاش المرة دي لما تيجي
تيجي وتجيب لي
اكتئاب

===========

وليد طاهر
طفل عبقرى
عامللى دماغ بنت لذينة
واحاسيس بنت كلب
جميلة .. وحزينة

.

[Ahmed Ibrahim · Rating 3 out of 5]

الكتاب ده حالة على بعضه، مش مميز في جانب لوحده بل هو حالة كلية بتدخل وبتخرج منها سعيد.
كتاب لطيف جدا.

[Doaa El demerdash · Rating 5 out of 5]

هذا الكتاب يذكرني من شدة بساطته وعمقه بمقوله لغسان كنفاني :

ليس بالضرورة أن تكون الاشياءالعميقة معقدة ،وليس بالضرورة ان تكون الاشياء البسيطة ساذجة
إن الانحياز الفني الحقيقي هو كيف يستطيع الانسان ان يقول الشيء العميق ببساطة

وهذا ما رأيته في هذا الكتاب هو فعلا حقق هذه القاعدة قال الشيء العميق ببساطة شديدة

[Bluetiful Hadeel · Rating 4 out of 5]

الكتاب فلسفي جمييل

طاهر دخل بيوت الناس كلهم و تكلم عن الذي يدور في قلوبهم و عقولهم.

كان الكتاب المرافق للرحلة من البحرين إلى الكويت. و طبعا الرحلة استغرقت ٤٥ دقيقة فقط :/ كان المفروض أن يكون عندي كتاب ثاني.


المهم

الكتاب خفيف 

بالنسبة لي، سيكون الكتاب ملازم لي 😍

[Ola Hassan · Rating 5 out of 5]

مُبدع ✨.

[Mawada · Rating 2 out of 5]

وليد طاهر راسم الكاريكاتير المِصري الذي جمع في كتابه الصغير بين فنِّ الرسم والشعر العامِي
أحاول أنْ أجعل جُل قراءتي هذه الفترة تحديداً قصيرة لأنني لا أملك الوقت لقراءتِ كتاب كبير وهكذا
كان كتابه بسيطاً و ممتعاً برسوماته ،قرأته في السيارة أثناء عودتي لا يأخذ أكثر من ربع ساعة،
"مات مِن الضحك ،وفارق الحياة،
مع إنها كانت نُكتة مش عاجباه"
💛🌻

[Hiba · Rating 3 out of 5]

امتزاجٌ جميلٌ بين الأدب والكاريكاتير، وروحٌ ساخرةٌ ساحرةٌ تحلق بك في آفاق واسعة من التأمل

العيب الوحيد الذي وجدته فيه "والذي لربما ليس بعيب!" هو كونه بالعامية، أحياناً قليلة وجدت صعوبة في فهم الكلمات، لكنه ورغم كل شيء جميلٌ ويستحق القراءة وربما ليس لمرة واحدة وإنما لمرات عديدة أيضاً!

[Amira Mahmoud · Rating 5 out of 5]

يـــاه فعلاً الواحد كان محتاج "حبة هوا" زى دول :)
هوا مرح , خفيف مش زى الهوا اللى حوالينا ع طول كله غازات سامة وعوادم ;)
أيوه أيوه متستغربش , أصل حبة الهوا دول ليهم مفعول السحر اى والله ^_^
كتاب يخرجك من المود الكئيب والزعل والهم
فضلت أتأمل الكلمات والرسومات :)
فيها اللى فهمته وفيها اللى مفمتهوش :\
بس بردو أستمتعت بالاتنين , لأن كل جملة وكل رسمة فيها معنى عميق أوى ولذيذ أوى أوى ^_^
أول ما تحس أنك مخنوق , أجرى ع حبة الهوا دول ;)

[Mona abdelmohsen · Rating 5 out of 5]

بتبُصى لى كده ليه ؟! o.O

العيون بيوت والبيوت اسرار ...!

لو لم اكن كده لوددت ان اكون مش كده! :\

حبه هوا ..
طيروا الورق كله
يلا مش مهم
هو ايه اللى كان فالورق
أحلى من الهوا ؟!
——————
البساطه والعبقريه والحاجات الحلوه الكتير اللى مش عارفه اتكلم عنها . :))

[Youssef Elzeny · Rating 4 out of 5]

.وليد طاهر من أبرز فناني مصر في هذا المجال من الرسوم الكاريكاتيرية اللطيفة والمُعبِّرة مع مزجها بالكلمات المصرية العاميّة

كُتيب خفيف يُنهى في عشر دقائق مرَّ عليّ مرور نسمة هواء عابرة.

[Suad Alhalwachi · Rating 5 out of 5]

كتاب صغير ولكن فلسفي جدا اعتقد ينطبق على اي بلد قرأته وكأني اقرأ الشعر. أما الكاريكاتير فهو حبي الأول والأخير.
وجدته مشابه الى كتاب الدكتور عبدالله المغلوث والاثنان في نفس المستوى تقريبا

اوجاع الوطن والمواطن كثيرة لخصها الكاتب في بضعة اسطر.

[Zakia Alsayed · Rating 3 out of 5]

احب الكوميديا السوداء خاصة اذا اجتمعت بتعبير صوري،قراءة الكتاب ممتعة وسهلة وتدخل القلب مباشرة ولاتتحاوز ربع ساعة،تستطيع ان تقرأه في أي مكان وبأي وقت،،
اكثر تعبيرا عجبني(ايه ابقى حصان جميل بس مربوط،،أونسر عظيم محنّط،محطوط لاياعم،خليني زي ماأنا قرد مجهول بس مبسوط)

[Fatema Hassan , bahrain · Rating 3 out of 5]

المبدع لا يحتاج الكثير ليبرهن عن ذلك

ببساطة الأبداع كنسمة عليلة أو ( حبة هوا ) تسرقها من الحياة

المزاوجة بين الصورة والكلمة العامية ( جارة القلب ) ليست مهمة يسيرة ، وقد يحتار القارئ لدى مشاهدة عمل كاريكاتوري فصيح الفكرة و إن لك يكن فصيح اللغة. .. أيهما يأتي من وحي الآخر ، هل الصورة تحرض وحي التأليف أم هو البوح المثقل بوجع الروح و وجع الناس و وجع الوطن و وجع الواقع ما يجعل يد الرسام تتمرد على كل الألوان لترسم الغصّة والسودواية و الأمل الذي يُكفّره من لا يتعاطاه كما نتعاطاه ( بلسمًا حارقًا ) حقيقة أصفق وبحرارة لمن يريد أن يقنع القارئ بوفرة الأمل رغم ندرته و يسخر حين يجمل واقع يتهم الآخرين بتشويهه


كرة صوف قاتمة تدحرجت بخيوطها على كتاب لم تترك صفحة إلا و رسمت بها حقيقة .. حالما انتهيت من القراءة أغلقت الكتاب و سحبت الخيط و أعدت تشكيل كرة الصوف خاصتي وتركت الكتاب أبيض عارٍ كما كان .. ما دامت كرة الصوف معي فالحقيقة معي ..
هكذا كانت تجربتي مع هذا الكتاب الخفيف جدًا

كل التوفيق للمؤلف وليد طاهر