‫قصص القرآن بالعامية : Quran stories‬

by هبه عبد الله أحمد

محتويات الكتاب
- الكتاب عبارة عن 24 قصة، هي جميع القصص المذكورة في القرآن ، باستثناء قصص الأنبياء طبعا لأن ليها كتاب منفصل
- القصص مذكورة بترتيب ورودها في القرآن ، عشان وانتم بتقرأوها في ليالي رمضان الجميلة تكون متزامنة مع الجزء القرآني الي بيتم قراءته في التراويح بقدر الامكان
- الأعمار اللي ممكن تقرأ الكتاب زي ما اتعودنا من 3 سنين إلى ما شاء الله أطفال وشباب وأجداد، كل الأعمار وجميع الجنسيات هتلاقي الأسلوب - بإذن الله - سهل وممتع بالنسبالها.
- أهم نقطة بقى، القصص المذكورة قي الكتاب بالترتيب هي:
1. بقرة بني إسرائيل
2. هاروت وماروت
3. وَهُمْ أُلُوفٌ حَذَرَ الْمَوْتِ
4. طالوت وجالوت
5. الَّذِي حَاجَّ إِبْرَاهِيمَ فِي رَبِّهِ (النمرود)
6. كَالَّذِي مَرَّ عَلَىٰ قَرْيَةٍ وَهِيَ

304 pages, Kindle Edition

Published March 14, 2022

Reviews

[Israa · Rating 5 out of 5]

كل الشكر و الامتنان لصاحبتي و اختي الجميلة صاحبة الصوت الدافي ايسو اللي أكرمتنا بتسجيل الكتاب بصوتها الجميل و كانت القصص خير رفيق في ايام الشهر الفضيل
القصص مكتوبة و متفسرة بصورة اكثر من رائع اضافت لمعلوماتي الكثير و ساعدتني افهم ايات كثيرة كانت مبهمة بالنسبة لي .. ربنا يكتب أجرك حبيبتي ايسو و يجعل عملك ده في ميزان حسناتك و حسنات والديك😘🥰

[Esraa L deeb · Rating 4 out of 5]

كتاب جيد ..
العامية فيه مقبولة مش مبالغ فيها
القصص ربما تكون عارفها ولكن فى توضيح لما بين السطور وعرض جيد لكذا تفسير

[Maha Eshraa · Rating 5 out of 5]

بداية احب التنوية ان الكتاب ليس بالعامية المطلقة و لكن به لغة عربية فصحى أثناء الحديث و لذلك هو مكتوب بخليط من الطريقتين. فى بداية الأمر استصعبت طريقة التنقل بين العامية و الفصحة و لكن لم يستمر ذلك كثيرا لاندماجى فى قصص القرآن. الفكرة من البداية هى استخدام اللغة العامية للسرد فلم توهمنى الكاتبة بشئ اخر.
أحببت القصص و طريقة سردها و وجدت ما لم أكن اعرفه من تفاصيل يتم سردها بأبسط الطرق القريبة إلى القلب. و استخدمت الكاتبة تفسيرات عن عظمة الله فى اخيار ألفاظ القرآن و معانيها عند سرد حكايات قديمة للعبرة و العظة. و الأهم من ذلك استخدام مصادر عدة موثوق فيها و كتابة المصادر أثناء السرد مما يفتح للقارئ كتب أخرى للإطلاع اكثر على قصص القرآن.
الكتاب يصلح أيضا لمن فوق سن التسعة بمعنى هو مصدر جيد لحكايات ما قبل النوم بين الوالدين و أطفالهم. أحببته و استمتعت به.

[Mohammed Arabey · Rating 5 out of 5]

قراءات فترة النقاهة
زي ما قلت في مراجعة قصص الأنبياء بالعامية اني كنت متخوف ان ابتذال وتفاهة العامية ستقلل من شأن أهم وأعظم قصص البشرية أو تفقدها توقيرها المستحق

لكن فعلا الكتاب غيّر تماما وجهة نظري.. الفكرة أكثر من ممتازة

"الكتاب عبارة عن 24 قصة، هي جميع القصص المذكورة في القرآن ، باستثناء قصص الأنبياء لأن ليها كتاب منفصل
القصص مذكورة بترتيب ورودها في القرآن ، عشان وانتم بتقرأوها في ليالي رمضان الجميلة تكون متزامنة مع الجزء القرآني الي بيتم قراءته في التراويح بقدر الامكان
- الأعمار اللي ممكن تقرأ الكتاب زي ما اتعودنا من 3 سنين إلى ما شاء الله أطفال وشباب وأجداد، كل الأعمار وجميع الجنسيات هتلاقي الأسلوب - بإذن الله سهل وممتع بالنسبالها"

ولم تكذب الدعاية .. فعلا قراءة ممتعة ومش بس في ليالي رمضان اكيد لكن طول السنة


قدمت المؤلفة هنا القصص المذكورة في القرأن بشكل سلس وممتع ، بلغة راقية مبسطة لا هي لغة عامية سوقية والتي يستسهل البعض كتابتها في حوارات الروايات، ولا قدمت لغة عربية فصحي معقدة أو مرادفات عميقة

لغة يمكنك بكل بساطة أن تمسك الكتاب بيدك وتحكي قصص الانبياء مباشرة منه لأي شخص أمامك دون ان تجد نفسك مضطر للوقوف بعد كل جملة أو فقرة لتشرحها للمستمع حتي وإن كان طفلا لسهولة السرد وسلاسته

من قصة هاروت وماروت في بابل وقصة أصحاب الجنتين أو قصة عزير.. قصة أهل الكهف ويأجوج ومأجوج وغيرها كتير من قصص القرأن بتتعرف عليها هنا بشكل يمكن مكنتش تعرف تفاصيله قبل كدة بالطريقة دي

مثلا لم اكن اعرف ان يأجوج ومأجوج قبيلة من البشر وليسوا وحوش -فعليا- كما تصورتها

معلومات كتير بتقدمها الكاتبة بشكل جميل جدا وبتقديم الأيات القرأنية لكل قصة لكن من غير كثرة الأسنادات اللي بتميز كتب تفاسير مختلفة أكثر تخصصا
بتقدم بس الخلافات ممكن في بعض القصص في التفاسير لكن بشكل لا يربك القارئ

مرة أخري تحياتي للمؤلفة هبة عبد الله للمجهود الرائع لتحرير الكتاب ده بارك الله لها ونفعنا جميعا به ان شاء الله

محمد العربي
قراءات فترة النقاهة #3
مايو ٢٠٢٤

[Rwan Mohamed · Rating 5 out of 5]

لم أحب أبدًا قراءة القصص القرآني أو قصص الأنبياء بالعامية خوفًا من أن تكون اللغة ركيكه بشكل منفر، ولا أعرف ما الذي دفعني لشراء هذا الكتاب وبتردد بدأت قرائته حتى وجدت استفادة هائلة ولغة مناسبة لا هي عامية ركيكة ولا فصحى يستصعب فهمها، وأفضل شيء هو وجود المراجع والأدلة فذلك دفعني إلى الثقة في كل قصة.
معرفة تلك القصص غيرت مشاعري بينما أتلو الآيات، في العادي لست أمتلك ذاكرة قوية للغاية حتى أتذكر كل كلمة أقرأها فقط اتذكر الإفادة الشاملة والجانب التطبيقي العملي لما قرأت ولكن مع هذا الكتاب –ولدهشتي- وجدتني في كل مرة امسك مصحفي وأمر على آية من الآيات أتذكر ما عرفت عنها من خلال قرائتي لهذا الكتاب.
كتاب ممتع جدًا ومميز، لابد إنه أحتاج من كاتبته مجهود هائل لتجميع تلك المصادر في مكان واحد واستخدام لغة مناسبة لكل الأعمار..ربنا يبارك في مجهود كاتبته.

[Marwa · Rating 5 out of 5]

أعرف هبة من بوستات الفيس بوك عن قصص الأنبياء والقرآن...كلامها كان سهل وبسيط ويشد ويوصل المعلومة بسهولة..وفى نفس الوقت بمصادر ومن كتب تفسير معتبرة

اتبسط لما عرفت انها عملت كتب واشتريت المجموعة كلها..وابتديت قصص القرآن رمضان اللى فات...لكن من كتر دسامة المعلومات وجمال الحكايات اللى تخليك عايز تقعد تركز وتتأمل فى التفاصيل وتستوعب الشرح ف مكملتش..السنة دى ابتديته من الاول تانى وكملته للاخر فى ٣ ايام

حلو اوى ربطها للآيات اللى بتشرحها بالسياق والآيات اللى قبلها وبعدها..ومش بس كده لأ والآيات اللى اتكلمت عن القصة فى سور مختلفة كمان..بتكمل الصورة فعلا وتأكد المعنى والشرح

الكلام مش بالعامية اوى بالعكس فيه لغة عربية بس سهلة والمزج بينهم سلس ومسهل اوى الفهم

مبسوطة جدا بالفكرة والتجربة..ونفسى تعمل أجزاء تانى عن باقى قصص القرآن والآيات الصعبة والمتشابهة...ربنا يباركلها يا رب

[Abeer Abdelhamid · Rating 5 out of 5]

الكتاب عبارة عن 24 قصة من القصص المذكورة في القرآن الكريم بأسلوب سلس جدا
شكر مضاعف ل اسراء
اولا لترشيحها الكتاب ، ثانيا لتكرمها بتسجيل الكتاب بصوتها الرائع .. ربنا يبارك فيها ويجازيها كل خير

شكرا اسراء

[༺Lost Dreamer༻ · Rating 5 out of 5]

كتاب قيم وجميل واللغة يسيرة لتناسب جميع الأعمار..تناولت قصص من القرآن الكريم بطريقة بسيطة ممتعة تزيد فهم الآيات وانشراح الصدر بقرآتها..
جعله الله في ميزان حسنات أ/هبة وجميع العاملين عليه.

[Naif Alenezi · Rating 3 out of 5]

الكتابة باللهجة المصريه متعبه صراحه

[Esraa · Rating 5 out of 5]

رائع وعظيم

[Eman Mohamed · Rating 5 out of 5]

كتاب جميل لغته سهله
شرح مبسط و مفصل لكل قصص القران الكريم بشكل جميل

[منه عيسي · Rating 5 out of 5]

من احلي ماقرات كتاب مناسب لكل الاعمار وسهل وممتع جدااا كل معلوماته مفيده بيفهمنا قصص القران بسلوب بسيط يسهل عليك فهم الايات ومعاني القران وكل قصه فيها حكمه وعبره جميلة جدا ومفيده لينا في حياتنا♥️♥️

[Nermeen Muhamed · Rating 5 out of 5]

كعادة الكاتبة الجميلة بتبهرنا بأسلوبها السهل الممتنع.

فضل هبه -ككاتبة- عليا كبير جداً، عرفت بسببها تفاصيل كتير في قصص الأنبياء، وقصص القرآن وكمان السيرة.. ومنتظرة بفارغ الصبر السيرة في الفترة المدنية. ❤️

القرآن الكريم أغلبه قصص أنبياء وقصص تانية وردت فيه.. معرفتنا بالقصص دي وتفاصيلها بيخلينا لما نقرأ القرآن فاهمين كل جزئية ومعناها وإيه مناسبتها ونربطها بأحداث كتير، هبه بتشرح كل القصص دي بأسهل وأمتع طريقة ممكنة، طريقة مناسبة لكل الفئات العمرية، حتي الأطفال هيفهموا لغتها ويحبوها.
الكتاب بالعامية بس عامية راقية جداً تكاد تكون أقرب للفصحى، مناسبة جداً في الزمن الحالي بلغة قريبة من لساننا تخلينا نفهمها ونحفظها وننقلها لغيرنا بأقل مجهود.
مناسب للناس اللي بيصعب عليها الفصحى.
وعايزه تعرف أكتر عن قصص القرآن أو الأنبياء أو السيرة.
لأنه يعتبر ملخص لأهم كتب السيرة وتفسير القرآن الكريم، بتنقلنا الآراء الواردة في كل جزئية وبتعرفنا المصادر.

بتمنى في يوم من الأيام أقابل الكاتبة الجميلة "هبه"، واشكرها على كل حرف اتعلمته بسببها.. ربنا يجازيها كل خير. 💖