D'Séissel vun der Guillotine

by Cosimo Suglia

D’Séissel vun der Guillotine
Spekulativ Fiktioun aus Lëtzebuerg

Den Ugo iwwerfält eng Bank. D’Jet hëlleft him. Et ass eng Realitéit, déi eis bekannt ass an awer och net. Dem Ugo seng Welt ännert sech schnell, nodeems hie mierkt, dass säin Iwwerfall eng Fal war. An esou, mam Drang no Äntwerten an Adrenalin, mécht den Ugo wat hien hätt misse scho längs maachen…

An dëser méi laanger Heist-Kuerzgeschicht, dominéiert vu giganteschen Himmelsdieren, wou Individuen, Magie a Kreaturen aus verschidde Welten duerchfalen, versicht den Ugo seng Wuerzelen erëmzefannen.

D’Séissel vun der Guillotine ass spekulativ Fiktioun an erfënnt e verfriemte Lëtzebuerg, wat d’Problemer vun eiser Realitéit spigelt, dat awer, op enger anerer Aart a Weis…


En Abléck an d’Buch

"Se houngen an der Loft.

Roueg.

Gigantesch.

Wéi wann se d'Séissel vun der Guillotine wären, déi
nëmmen dorops waart, fale gelooss ze ginn. Et sinn d’metallen
Himmelsdieren, déi iwwert de Käpp vum Alldag existéieren.
D’Portaler an aner Welten. Heiansdo ginn se op a späizen eppes
eraus. Individuen, déi sech ënnert d'Leit mëschen, wéi wann se
schonn ëmmer en Deel vun der Gesellschaft gewiescht wären.
An, méi oft wéi net, bréngen se Saache mat sech –
Technologien, déi mer nach net verstinn. Magie, déi eis ze
komplex ass. Mee si och si just Opfer vun hirem Schicksal,
verdaamt dozou, fort vun hirer Realitéit ze liewen.

Exiléiert."

33 pages, Kindle Edition

Published May 2, 2022