Getnaður

by Heiða Vigdís Sigfúsdóttir

Við erum farin að eyða sífellt fleiri stundum í að þræða stafrófið endilangt. Eftir að hafa farið í gegnum A-ið og mátað nafnið „Arndís“ er sem eitthvað standi í henni. Hún stynur: „Bl… Bl… Bla…“ Ég er snöggur að grípa boltann á lofti og kalla: „Blær!“ í þann mund sem ég held aftur af mér í eitt sekúndubrot til að kippa honum út. En þá læsir hún fótunum um mig og hrópar: „Ekki!“ Getnaður sigraði í handritasamkeppni Forlagsins, Nýjar raddir, árið 2022. Hér eru á ferðinni hispurslausar og bráðfyndnar ástarsögur um þrítugt fólk í Reykjavík sem fléttast saman á óvæntan hátt. Djammið dunar en fullorðinspressan fer sívaxandi: Íbúð, barn og bíll vofa yfir – en er tímabært að búa til barnabarn handa mömmu þegar ekki er einu sinni hægt að vera sammála um sjónvarpsdagskrána? Og hver ber ábyrgð á öllu sæðinu sem streymir linnulaust fram í miðborginni um helgar? Getnaður er fyrsta skáldsaga Heiðu Vigdísar Sigfúsdóttur.

130 pages, Kindle Edition

First published January 1, 2022

About the author

Heiða Vigdís nemur ritlist við Háskóla Íslands og er meðlimur í spunahópnum Eldklárar og eftirsóttar.

Fyrsta skáldsaga hennar Getnaður sigraði í handritakeppni Forlagsins, Nýjar raddir, árið 2022.

Reviews

[Guðrún Brjánsdóttir · Rating 5 out of 5]

Vá, ég skemmti mér svo vel allan tímann við að lesa þessa, varð smá leið þegar hún kláraðist. Þvílík snilldarflétta, frásagnargleði og næmni fyrir mannlegum samskiptum. Algjör snilld. Get ekki beðið eftir að lesa næstu bók eftir Heiðu Vigdísi!!

[Arndís María · Rating 4 out of 5]

Fáránlega góð! Byrjaði í nótt/morgun og gat ekki hætt þangað til núna! Fullkomlega hversdagsleg en líka ógeðslega spennandi!

[Einar Jóhann · Rating 4 out of 5]

Getnaður er mjög fín frumraun Heiðu Vigdísar með skemmtilega raunsæjum atburðum. Einstaka staðir og aðstæður voru óþægilega kunnuglegar. Átti síst von á að mis dannaðar vísindaferðir háskólanema, sem eitt sinn voru stundaðar af kappi, myndu rata inn í bókmenntirnar en hér erum við.

[Sigríður Halldóra Gunnarsdóttir]

Flottar sögur og flæði gott, skemmtileg lesning, mæli með.

[Díana Sjöfn · Rating 5 out of 5]

Virkilega góð samtöl. Flæða svo dásamlega. Húmor upp á tíu í bland við raunsæjann alvarleikann.

[Erla Diljá]

æjj hvað er huggulegt að lesa um samtíma sinn eða sko hún endurspeglar svo mikið lífið fyrir 2 árum ❤️ knús og reykjavík, vinkonur og vibeið þið skiljið

[Gunnlaugur Bjarnason · Rating 3 out of 5]

Firnaskemmtileg bók sem er auðvelt að spæna í sig. Nokkrir lausir endar sem hefði samt verið gaman að fá lausn á.

[Silvía · Rating 4 out of 5]

Gott slúður, skemmtileg flétta

[Asta Gudrun · Rating 5 out of 5]

Grípandi skáldsaga sem tvinnar listilega saman sögur nokkurra einstaklinga á þrítugs(soon to be fertugs)aldri. Höfundi tekst vel að nota hversdagslegt mál í bland við fagurt ritmál og fær mann oft til að staldra við skemmtilegan orðaleik og pælingar. Bókin heldur manni frá fyrstu blaðsíðu til þeirrar síðustu og vekur upp raunverulegar tilfinningar svo sem hlátur og grátur. Fimm stjörnur!

[Saeunn93 · Rating 5 out of 5]

Þetta er rosa flott bók til að endurspegla tíðarandann og hugmyndir og líf þrítugra í Reykjavík.

Mér fannst líka eitthvað svo áhugavert að allir séu að eltast við/hafa áhuga á Soffíu en vita ekkert í raun um hana.

Soffía er á vissan hátt methaphor fyrir það að okkar kynslóð er alltaf að leita að einhverju betra, ekkert það sátt í bara einhverju starfi, íbúð, bíl og sambandi þó að Siggi og Gerður séu alltaf að reyna að sannfæra sig um það!

[Ragnhildur Vigfúsdóttir · Rating 4 out of 5]

Mjög gott byrjanda verk

[Karen Sigurlaugsdóttir · Rating 4 out of 5]

Skemmtileg

[Svava Ólafsdóttir · Rating 4 out of 5]

Loksins almennilegar kynlífslýsingar!

[Guðrún Úlfarsdóttir]

Þessi var bara ágætlega skemmtileg! Vona að það komi meira út eftir ungfrú Heiðu.

[Hera · Rating 4 out of 5]

Góð bók með góðan twist.