Хотел меѓу две војни

by Александар Русјаков

Хотел меѓу две војни“ е смел и богат псевдоисториски роман за љубовта на Мустафа Кемал Ататурк и Елени Каринте. Забранета империја во процепот меѓу фактите и фикцијата, меѓу војните и мирот, меѓу срцата и умот во нас, но и надвор од нас. Опсада на Троја соѕидана во душата на Мустафа наспроти јуришот на тагата и болката на Елени испишани во два романа: во долгиот постмодернистички „Хотел меѓу две војни“ на Русјаков и во истоимениот кус, сентиментален роман на Елени, вгнезден во него како резервно женско срце.

256 pages, Paperback

Published January 1, 2022

About the author

Александар Русјаков е роден 1977 година во Велес. Досега ги објавил збирката раскази „Ме сакаш ли под дождот“ (ИЛИ-ИЛИ, 2010), романите „Тринаесеттиот месец“ (ИЛИ-ИЛИ, 2012) и „Атена со пенис“ (ИЛИ-ИЛИ, 2014).

Reviews

[Stefani · Rating 3 out of 5]

Идеја солидна, но нема хронолошки тек на настаните и на моменти е тешко да се следи приказната.

[Jasmina Bocheska · Rating 5 out of 5]

Хотел меѓу две војни - Александар Русјаков

Сакате ли да прошетате?
Кратко да избегате од секојдневната реалност и да се навратите на едно старо време, времето на Отоманската империја и времето на модерна Турција, времето на турското ропство во Македонија и нејзиното распарчување, времето на македонските револуционери.
Тогаш вистинскиот избор за Вас е ,, Хотел меѓу две војни ".

Сега и сигурно веќе и се запрашувате зошто баш оваа 😁

Затоа што пред се е од наш македонски автор и дејството во книгата е во нашата татковина Македонија ❤️.
За кога ќе ја завршите да почувствувате потреба да ја посетите преубавата Битола и најпознатиот дел од неа, Широкиот сокак.
А дејството и нејзината тајна се крие во Сокакот, еден балкон кој е дел од него и скокотливите дошепнувања од тие кои биле сведоци на оваа љубов.

Забранетата љубов помеѓу Мустафа Кемал Ататурк и битолчанката Елени Каринте. Можеби и Вие сте дел од тие кој потслушнале дошепнувања за оваа несреќна љубов.

Книга која е исполнета со историски факти од животот на првиот претседател на Турција, а дел како реалност или пак една легенда за која останува да се зборува и понатака низ идните генерации. Не дека немало такви заљубувања помеѓу христијанка и муслиман, но битно биле да бидат тивки во ноќта, за да не бидат слушнати од Широкиот сокак и од тие љубопитните во него.
Но, како се рекло ,, Каде што има чад, има и оган "!

Една средба била доволна за балканските Ромео и Јулија и целиот свет околу нив да биде заборавен.

Нема да Ви откривам повеќе, само ќе Ви дадам искрена препорака 😍

А потоа правец на кај Битола, на едно убаво кафенце на Широк сокак.
Можеби баш Вие ќе бидете сведок на едно ново дошепнување 🤫🫣🤭😁

[Панче Коцев · Rating 4 out of 5]

Одличен псевдоисториски роман. Вешто искористена трач приказната за наводната љубов на големиот Кемал Мустафа Ататурк и Елени Каринте за да се создаде еден вид на биографија на "Таткото на модерна Турција". Извонредно дело со само две маани(според мене): 1) на моменти темпото е пребавно; 2) повторување на еден ист настан неколкупати.

[Марија Андреева · Rating 4 out of 5]

Првиот дел од книгата е неверојатен. Одлична премиса. Ататурк умира и оди во „Хотелот меѓу две војни“. Одеднаш тој почнува да се движи меѓу сеќавањата и ова некое место измеѓу животот и смртта, ни тој не е сигурен. Во меѓувреме го гледаме и неговиот живот и неговата најголема љубов. Малку опаѓа нарацијата во вториот дел, често има повторувања на некои работи и голем дел од нарацијата делува како да е роботски раскажана, се губи чувството на обземеност што го имав во првиот дел. Но, во секој случај, одлично дело!

[Simona · Rating 4 out of 5]

4.5