Máltaka á stríðstímum

by Natasha S.

Máltaka á stríðstímum er frásögn manneskju sem fylgist með stríði í heimalandi sínu úr fjarlægð. Hennar eigin þjóð, Rússar, hervæðist og ræðst inn í Úkraínu. Andstaða höfundar við stríðsreksturinn vekur margslungnar tilfinningar og spurningar sem glímt er við í bókinni. Bókin hlaut Bókmenntaverðlaun Tómasar Guðmundssonar.

Natasha S. er rithöfundur og þýðandi íslenskra bókmennta yfir á rússnesku. Árið 2021 ritstýrði hún bókinni Pólífónía af erlendum uppruna, ljóðasafni innflytjenda á Íslandi. Hún hefur jafnframt vakið athygli fyrir pistla og hugvekjur. Máltaka á stríðstímum er fyrsta bók hennar og fyrir hana hlaut hún Bókmenntaverðlaun Tómasar Guðmundssonar 2022.

„Máltaka á stríðstímum er áhrifamikið verk, brýnt og einstakt í sinni röð. Það er frásögn manneskju sem fylgist með stríði í heimalandi sínu úr fjarlægð. Hennar eigin þjóð – Rússar – hervæðist og ræðst inn í Úkraínu. Andstaða höfundar við stríðsreksturinn vekur margslungnar tilfinningar og spurningar sem glímt er við í bókinni. Þrátt fyrir átakanleg efnistök einkennist framsetning af lipurð og djúphygli. Skírskotanir í íslenskan raunveruleika færa atburði stríðs í nýtt samhengi og draga fram sláandi andstæður. Mannskilningur höfundar nær þvert yfir þjóðerni, búsetu, reynslu og bakgrunn. Þá er verkið djúppersónulegt þrátt fyrir að inntak þess séu umfangsmiklar hörmungar á alþjóðavísu enda er ástarsögu, minningum og endurliti fléttað saman við af listfengi.“

Úr umsögn dómnefndar Bókmenntaverðlauna Tómasar Guðmundssonar

Genres: Poetry

59 pages, Paperback

First published January 1, 2022

Reviews

[Magnús Jochum Pálsson · Rating 4 out of 5]

Kaflinn „Að skilja” talaði mest til mín. En þetta er vel uppbyggt, þræðirnir eru ofnir vel saman og halda þessu fjölbreyttu.

[Gunnlaugur Bjarnason · Rating 3 out of 5]

Orkaði sterkt á mig. Haganlega gerð og vel meitluð.

[Heidrun Hauksdottir · Rating 5 out of 5]

Mæli með lestri!

[Hrafnhildur · Rating 5 out of 5]

Mögnuð

[amanda · Rating 5 out of 5]

ótrúlega tilfinningaþrungin og mikilvæg bók, mæli mikið með